錦麗 (又一城)

營業中

休息中

選擇的食物：火車頭飯 椰青食物的賣相： 賣相非常吸引，好多好多肉 感覺到食完之後一定好飽 好適合年青力壯男子 Bodybuilder香氣 味道：一般炸物嘅香氣 味道都可以 肉質偏硬 好有咬口 但係唔係咁適合女仔食食後感：好豐富 好飽 食咗好多蛋白質感覺 加個椰青 絕配 我最喜歡就係食埋 椰子肉 超正 超軟滑 將炸物留响口的油膩感覺 一掃而清餐廳環境：一般茶餐廳的環境 又一城即係又一城 環境比普通茶餐廳 好好多侍應服務：一般茶餐廳的服務 唔可以要求高總括嚟講 感覺良好 食物質素唔錯 會再返嚟

又一城舊麥記個位而家開左我平時都會幫襯食Pho嘅越南餐廳，諗住食越南粉嘅時候，睇到佢有火鍋推介，好岩今日呢個凍凍地嘅天氣食呢～帽子火鍋用嘅湯底同平時牛肉粉比較，少咗d香料味，但牛味依然重。餸料係肉眼、牛筋、熟牛肉、牛丸、魚丸、札肉、生菜同金邊粉，設計上係好似個環咁加上火鍋上面黎放餸料，形成頂帽咁。食嘅時候我推哂d餸落鍋到，一時唔為意湯嘅高度高過帽嘅部分，濺左d湯出黎，原來係唔可以太心急，要分次落料架～肉眼同生熟牛肉當然係最好味，話哂都係佢招牌菜喎，加埋其他餸料真係好豐富，而價錢又同食碗粉差不多，冬天絕對值得encore 呀～老公話要食飯先飽，叫左個火車頭飯，有香茅炸豬扒、蔥油雞翼、札肉、魚餅、煎蛋、香蔥。個飯可以加錢要咖哩汁，但老公話蔥同豉油都夠，食哂成碟飯，仲有勁多餸，香茅豬扒同雞翼都好香口惹味，而我就最鍾意呢度嘅魚餅。仲有特飲係好味的，羅望酸梅冰，真係有羅望子同酸梅，酸酸甜甜咁；越式清保涼，有龍眼、海帶、蓮子、薏米、加左少少蜜糖，清甜潤喉，唔錯嘅冬天晚飯～

身邊朋友除咗牛魔王，仲有食肉獸 ，本人身為飯腳茄哩啡有時都疲於奔命！咁越南牛肉河同香茅豬扒我都鍾意食嘅，今次就嚟呢間喺九龍塘嘅分店食個越南下午茶先Locomotive Pho with Angus Beef, Beef Tendon, Well Done Beef, Beef Omasum and Beef Ball安格斯火車頭>份量唔細，有安格斯牛小排、牛筋、熟牛肉、黑栢葉、牛丸等。當中我至愛牛丸，雖非好大粒但爆汁肉味濃、唔錯！牛筋都正，骨膠原重口感軟腍沒騷味！安格斯牛小排也夠腍身；黑栢葉爽口。湯底較清淡味道偏甜，河粉係幼身嘅，面頭灑上大量蔥，佐以生芽菜、香葉、辣椒及青檬，神還原越南街頭美食 Locomotive Rice with Lemongrass Pork Chop, Vietnamese Sausage, Fish Cake, Scallion Oil Chicken Wing and Sunny Side Up火車頭飯>大大件豬扒！以為會乾柴但原來好易咬開，口感算係焦香鬆化！扎肉魚餅正常發揮，食呢個飯精髓係要落豉油同撈勻蛋漿嚟食！Vietnamese He