明記潮館 (砵蘭180+商場)

營業中

休息中

琴晚同幾個朋友飯聚，想食潮州菜🤔朋友介紹喺砵蘭街嘅一個美食廣場，門口光鮮，上到2樓就係呢間潮州菜館，入到去十分熱鬧，walk in 大概等咗15分鐘，但之後坐落無限時，好適合慢慢食慢慢傾🤣環境寬敞，座位都好舒適。我哋叫咗石鍋啫生菜、鹽香雞、龍躉炒蜜糖豆。店員好好，佢會提醒我哋原來消費滿$300可以加$8換購滷水雜錦拼盤或者韭菜豬紅，我哋就揀咗滷水雜錦拼盤☺️雖然只係加$8，但係佢嘅水準都唔錯，正常份量，而且算好足料，有齊豬耳 五花腩 豬大腸 墨魚 紅腸 等等🤓我自己最鍾意就係石鍋啫生菜煲！真係好有鑊氣，勁惹味🤤

為左避免父親節食飯人山人海所以提早同爸爸食爸爸早兩年大病完做完手術好多野唔比佢食不過父親節比佢放縱下la所以今次帶潮汕爸爸泥食潮州菜兩三年前爸爸身體好啲帶佢泥食過幾次，爸爸一直回味，今次趁父親節就帶爸爸再泥食啦當然我呢兩三年一直自己有泥食啦但真係不得不讚，明記真係水準keep到，咁多年鐘意食果幾味，味道依然keep到咁好食 好多食肆都次次唔同味可能佢大廚無換過，所以keep到我好小寫食評，希望可以讚下值得讚既食肆，鼓勵下你地繼續keep住個水準啊

與家姊行經砵蘭180＋商場，有位酒樓姐姐向我們推介食潮州菜；見佢很有禮貌地推介而家姐亦有興趣，隨卽上去試試。食肆位於三樓全層，地方寬落。但因商廈正在進行翻新工程，沿途圍上木板；好在指示清晰。飯前小食要收取$20。有菜莆和咸脆花生，用來送粥合適。滷水鵝(例) $148食潮州菜滷水鵝一定唔少得，我們 order了例牌，肉質嫩滑，滷水味道調教適中不會太鹹。沙嗲牛肉炒介蘭 $118介蘭新鮮翠綠，但稍嫌太硬炒得唔夠淋；牛肉味濃配以沙嗲醬烹調更加惹味。蠔仔肉碎粥 $68原來細既份量都很多可分八小碗，蠔仔漲卜卜很新鮮；配料豐富；所以粥底特別濃郁，一D腥味都冇。滷水拼盤每凡堂食超過$300就送滷水拼盤一分。有鵝腸、豬大腸、紅腸、豬頭肉和墨魚；還有大豆芽墊底，份量十足。

最近去完旅行，返到香港好想食返廣東野，於是就提議食打冷，上網見到明記咁多好評就試下。地方好大有卡位、圓枱，岩曬一大班人黎食，最重要係比一般的打冷店乾淨企理，同酒樓有得比。黎到食打冷一定要叫個滷水拼盤，點知落單個人同我地講只要叫夠$300就會免費送滷水拼盤🤩個拼盤仲要樣樣都有，鵝腸、紅腸、墨魚、豬耳，岩曬選擇困難症既我。韮菜豬紅份量非常大碟，味道濃郁，D汁可以用黎撈白飯😋蠔仔粥（小）已經足夠2-3人食，超足料，每一啖都有蠔仔，而且仲有d魚乾既野，好有咬口最後燒汁脆牛腩係餐牌推介菜，但有點失望，肉質而且炸到有點乾，但配搭個燒汁醬都唔錯

有朋友遠方來，想找間潮州打冷食店來解ㄧ下他們鄉愁。上網查看後，在旺角找來這間樓上舖試試。我們訂了檯不用等，侍應很快便安排了我們入座卡位，座位寬闊，可對座詳談真好。環看店內佈置甚有港式風味，令人好有親切感。在牆壁上還看到有個優惠，只要每檯消費$300，店主會送一個滷水拼盤給食客，我們當然有受惠啦！拼盤內有六款食材，包括有墨魚、豬大腸、紅腸、鵝腸、豬耳、芽菜。各款食材都滷得好入味，份量亦不少，這個優惠真不錯。食物方面都好多選擇，首點當然係鹵水鵝片: 鵝片肥瘦適中又入味，滷汁味香，不會只是咸味。煎蠔胳 : 炸得香脆可口，不油膩。蠔仔粥 : 湯底泡熟蠔仔好鮮甜，ㄧ口接ㄧ口，正!潮州凍馬友 : 平時多數食凍烏頭，今次轉下食馬友，味道鮮味，魚油豐富，好快便全條食晒！燒汁炸牛腩 : 外層用薄薄炸漿包裹牛腩炸脆，再配上燒汁食，又唔錯。石鍋啫啫芥蘭 : 上檯時石鍋熱，令香濃的醬汁，發出啫啫聲，再嚐ㄧ口芥蘭，真係惹味非常。雪𥚃紅鮮竹茄子 : 好惹味，鮮竹和茄子都好嫩滑，配飯ㄧ流。總括來説，座位寬敞， 食物質素都不錯，下次一定會再來。

朋友去完旅行回來，我們相約食飯順便拎手信，朋友話好耐都未食過潮州打冷，所以就搵下啲食打冷食店，留意到呢間潮州食店在旺角，貪佢大家都交通方便，所以就揀佢。呢度環境都好大，侍應安排了卡位給我們，卡位好寛敞，我們坐好後，周圍望，原來呢度做緊啲優惠，食滿$300就可以免費有滷水拼盤送，我地有四個人，可以有個中既滷水拼盤，我地睇完餐牌都好快點好菜。小菜來到，第一碟係滷水鵝片，鹵水味啱啱好，唔鹹，份量都算適中，鵝片唔肥，食多幾件都唔怕肥！滷水拼盤，入面有墨魚，紅腸，鵝腸，滷水豬肉片，豬腸，豬耳，芽菜等，墨魚唔靱，鵝腸好爽脆，滷水豬肉片肥瘦得宜，豬耳爽脆，豬腸都好好食，唔會食到有臭味。滷水一樣唔鹹，味道剛剛好！蠔仔粥，我地有四個人，所以叫左個大的蠔仔粥，蠔仔份量都唔少，粥底冇出面坊間的咁鹹，感覺冇味精，粥底用上方魚做湯底，好鮮味！燒汁脆牛腩，切到一片片，邊位炸得好脆口，入面牛腩好有牛味，份量又夠多，點埋個醬真係好好食，我都不其然咁食左好多件！哈哈！！石鍋啫啫芥蘭，用石鍋盛載令芥蘭不失溫度，芥蘭好爽脆，好青綠，好新鮮，味道好惹味，份量都好多，送飯一流！潮州凍馬友，魚肉都好肥美，凍食我都是第一次，原來馬

位於商場的潮州打冷因此環境舒服 地方也整潔檯已放有辣油醋汁花生菜莆菜莆挺爽口的=孖寶H - 豉汁蒸大白鱔 配 金牌滷水鵝=酷愛食鱔 白鱔蒸得剛剛好 肉質細嫩而且滑豉汁既惹味又不會蓋白鱔本身鮮味滷水鵝肥瘦適中 肉質算嫩滑 滷水味很香濃而且很有口感 配了花生豆腐 沾醋吃更好 =蝦乾蒸茄子= 蝦乾很香 同茄子味道夾得來茄子原汁原味 不會得油膩 感覺很健康 =滷水拼盤=滿$300送的拼盤很一大碟有豬耳墨魚大腸鵝腸紅腸芽菜豬耳墨魚爽囗 絕對是伴酒菜

今日就去左旺角食潮州菜 今日要介紹既係一間我地覺得唔推介既潮州菜館😖佢地既價錢唔貴 優惠亦多 每台食滿$300就會送一碟滷水拼盤 基本上每台都會fulfill到👍🏻 另外佢地亦都有唔同既優惠組合套餐 不過我地覺得d combination 唔係好岩食 所以都係散叫先講下送既個碟滷水拼盤 免費既當然唔可以有太大期望 勝在每樣有d咁 味道就無得同出面既比較啦😆試左黃金鮮魷 呢個就份量好足 鮮魷有咬口 加埋個鹹蛋醬好惹味😋 仲食左個細既羊腩煲 無乜特別 羊腩都算淋 不過竟然係無枝足架😭 而蠔餅呢都幾大塊幾鬆化 不過蠔仔就比較少 最後仲叫左個欖菜肉菘四季豆 大大碟 味道唔錯 不過四季豆本身又老左d🙈

今晚到旺角「明記潮館」吃晚飯，因為看見在「砵蘭180+商場」地面近大門口處，有張大海報顯示惠顧堂食滿$300有滷水拼盤一碟贈送。五位以下送中份，六人以上送大份。我們先從大門口處向女服務員取已訂的座位編號，再從扶手電梯上到商場三樓，潮館佔據三樓全層，除一邊大堂，另一邊分間格似貨櫃箱的卡座位、4-6細圓枱和有私人空間房間，晚飯時間幾乎滿座。我和同行年輕人有機會一嘗馳名潮洲滷水感到蠻開心的，鵝腸、豬大腸和紅腸對年輕人來說，有點點的陌生，今餐有機會畀佢哋認識和品嚐，還有墨魚片和美味的大豆芽菜，免費滷水拼盤份量也十足。我們還點選咗黃金鮮魷$138，沙爹牛肉炒芥蘭$108，芝士海蝦伊麵$168。黃澄澄起沙鹹蛋黃緊緊包裹肉質鮮爽的魷魚，入口咁香，起沙鹹蛋黃和鮮魷是美味的最佳拍檔，也是最邪惡的拍檔！我們開開心心幹掉那邪惡的拍檔！沙爹牛肉炒芥蘭，除了嫩滑牛肉，很有菜味的芥蘭很受我們歡迎，切得細小段的芥蘭，容易咀嚼之外，入口爽脆美味。芝士海蝦伊麵，很欣賞海蝦背部已經界開去腸，焗好的芝士海蝦伊麵賣相靚靚，去蝦殼的同時，飄揚著走油後再焗海蝦的香氣，十分吸引，惟一美中不足是焗芝士之下的伊麵比較乾身，如果有少許上

完左朋友婚禮彩排之後，我地一行10人去左附近搵野食，最後揀左呢間朋友介紹既「明記潮館」食。我地去到九點左右，算係過左最繁忙既食飯時間，但呢間舖真係好旺場，我地都要等10分鐘先有位。大羊腩煲($398)係我印象中羊肉都係一陣酥味，所以對食羊肉無乜好感，但呢個羊腩煲又無呢陣酥味、羊肉幾淋，幾好食。西蘭花炒帶子($188)西蘭花整得爽口唔淋，帶子大大粒，唔錯。沙拉蝦球($158)凡係用沙津醬整既野食都會加分，沙拉骨食得多，呢個沙拉蝦球真係第一次食，一口食曬，唔使整到成口沙津醬，正！明記荔枝骨($108)聽講係用荔枝汁整既，但食唔到荔枝味，似係平時食既咕嚕肉，味道都ok。滷水拼盤(消費滿$300送)因為太肚餓既關係，有幾個菜未影到相已經比人夾曬咁濟，其中有個蠔仔肉碎粥都係好出色，值得推介。但個人覺得呢間打冷都幾貴，百幾蚊一個菜，自己平時食開都好少過百一個菜，唔算抵食。

明記位於旺角一個不太顯眼的商場二樓，一樓商場的舖位大都沒有租出。然而二樓的明記卻門庭若市熱鬧非常，一梯之隔別有洞天，仿如兩個世界一樣。星期一的晩上，一般食店都會比較冷清，但我地由頭食到尾都見到佢好旺場，仲似乎越夜越精彩。食客老中青都有，睇來很多是熟客仔，通常好野先多回頭客。一坐低已經有醃蘿蔔同魚仔，可以咬住諗食乜。佢主要有三份餐牌，第一張係火鍋 tick tick 紙 、第二張係特惠推介、第三份係 a la carte menu 。啱啱先打完邊邊所以冇乜興趣，同埋我地即時已經俾D 特惠孖寶吸引住。嘩！烏頭拼羊腩呀！咦！滷水鵝 mix 龍躉球都唔錯喎！吓！仲可以粉絲蟹配沙薑雞？正呀！上星期食得半隻蟹我 lam lam 脷，但係今時今日想食蟹煲，二、三百元一定走唔甩。呢到蟹煲加半隻沙薑雞都係 $348 咋，唔係唔食呀？小二，來個孖寶E， 另加兩個潮州粥，快上！轉個頭已經有餸上枱，滷水拼盤？冇叫喎！係咪送錯枱？但靚仔話原來食滿三百元送滷水拼盤，WoW ！滷水拼盤都幾足料，大大碟，紅腸、墨魚、豬腸、鵝腸、豬耳、腩肉、芽菜乜都有，滷水入味又爽口彈牙配粥食的確一流。如果可以加兩片豆腐就 perfe

其實都鐘意打冷，但又怕地方污穢又座得唔舒服，朋友推介來這間位於砵蘭街180+商場食打冷。地點好方便，朗豪坊行過去只需兩三分鐘，而且餐廳環境好新，座位又寬敞，我地一行4人 (3女1男) Book 左7點，仲安排有卡位。上菜好快，而且整體都好好味，4人叫左6餸1湯加一支啤酒，盛惠$729，每人$182左右，仲要旺角區，真係算唔錯。洗手間都算乾淨。食到9點幾無摧還檯。服務都幾好。值得Encore。臨走見到已經座滿全場，好野自然客似雲來。

今日同波友到旺角吃晚飯，名叫「明記潮館」。 一聽到個店名就知潮洲菜。餐廳位置十分方便，旺角地鐵站， E1 出囗，步行幾分鐘就到。未到門口， 已見到掛上巨型招牌， 真是大得誇張， 餐廳在旺角砵蘭街180號砵蘭180+商場3樓， 電梯直上就到。每檯已預先放有潮州辣油、魚仔、菜莆及醋汁， 辣油香辣，菜莆爽口， 醋汁用來點鹵味， 特別醒胃。內裏有多個魚缸， 擺放着多種游水海鮮， 氣勢十足。這裡地方很寬敞，裝修整潔，可以容納很多食客，即是晚飯時間亦不用等位。凡堂食惠顧明記潮館滿$200， 每檯敬送滷水拼盤一碟，份量也很足夠。 拼盤有滷水大腸、鵝腸、鵝腎、豬耳、豬頭肉、墨魚、紅腸及芽菜等等。 我就喜歡爽囗墨魚和爽脆豬耳。瑤柱豪仔肉碎粥（$55/碗）蠔仔粥是必食之選。 叫了一細碗的蠔仔粥， 但已經份量十足， 足夠兩人份量，亦相當足料， 蠔仔大大隻， 鮮嫩肥美， 味道鮮甜， 加冬菜， 芫茜等配料。 滷水鵝 ($98)食打冷又點少得滷水鵝呢 ！ 我鐘意有有骨落地， 所以叫一份滷水鵝，滷水鵝肥瘦適中，色澤吸引，肉質嫩滑入味， 點上醋汁更加美味。 韮菜豬紅 ($55)韮菜豬紅也是到潮州館必食之選。豬紅口

我喜愛餐廳的每個角落，好多特色牆，充滿懷舊既氣氛，我同幾個朋友來慶祝生日，老闆很熱情款待，識食就一定要叫烏頭魚，配合潮式豆醬，好食到暈低，因為我哋有人好鍾意食辣所以我哋order左水煮牛，嘩！10分，仲有一定要叫潮州 c um , 佢係用特別嘅醬去烹調,有d 泰國風味老闆新開張期間送我哋滷水雙併，好抵