Nara Thai Cuisine (新城市廣場一期)

營業中

休息中

名大於實泰國過江龍，味道中上但價錢進取😬・・・・・・・・・・・・・・・・・・・・🍜 泰式牛肉船麵 HK$138＞牛肉片、滷水牛腱、泰國手打牛肉丸、炸豬皮・味道：牛骨味湯底濃郁🐮，加上唔同泰式香料，幾有層次感。半生熟牛肉片味道正常，滷水牛腱入味有膠質，手打牛肉丸牛味香濃但唔羶。另上炸豬皮唔會浸到淋晒呢點幾細心👍🏻，幼船麵都幾入味掛湯。整體中上，係高價位泰國嘢嚟講預期食到嘅質素。・口感：牛肉片軟腍，滷水牛腱厚肉唔柴，泰國手打牛肉丸彈口，仲咬到少少爆汁，不錯！🍛 泰式肉碎煎蛋飯 HK$98・味道：甜甜鹹鹹嘅香茅肉碎配煎蛋🍳，調味適中，係想像到嘅好食XD・口感：肉碎唔會變成肉末咁散修修，半豬肉半肥肉，🉑！🐠 泰式魚餅6塊 HK$98・味道：魚味香濃🐠，配上好多香料，魚餅應該有加青檸汁🍋，點埋泰式酸辣醬，中和炸嘢油膩感，開胃！・口感：厚肉彈牙，係動L級數彈牙😂！🥭 鮮芒果沙冰 HK$55・味道：新鮮芒果飲落冇添加嘅，唔算好甜但唔酸，沙冰已隔走芒果肉嘅纖維👍🏻・口感：會飲到細冰粒，打得smooth啲更好～・・・・・・・・・・・・・・・・・・・・🤰性價比：中～🤰9衝度：可試～🤰結論：味道不過不失，冇

屋企前兩日冇飯食，唯有買外賣，經過Nara見外賣有9折👏🏻👏🏻即刻覺得好抵，諗都冇諗就決定買佢啦🤣！今次都係第一次試，平時星期六日經過次次都好多人排隊🤦🏻‍♀️。店內裝修帶有泰式feel，感覺舒服！店員仲好有禮貌呢！大蝦柚子沙律（HK$108) 😍😍食泰國野都會必選這款，Nara依款柚子沙律好好食，又fresh又甜，大蝦好爽好彈牙👍🏻👍🏻黃咖喱軟殼蟹（HK$198) 比其他款式嘅咖喱貴，但我覺得值得一試，佢地外賣好細心地將咖喱同軟殼蟹分開，唔會浸到d 軟殼蟹淋哂😌！黃咖喱唔會話勁辣，甜味同辣味岩岩好，有椰汁香味，同埋軟殼蟹都幾多，食落仲脆脆地，好正！泰式金邊粉（HK$128)外賣黎講，仲keep住個賣相真係加哂分🫶🏻金邊粉唔會炒到好油，睇落好似好少，但兩個人食都好夠，加入青檸汁酸酸的好開胃，大蝦同沙律一樣又爽又彈牙！泰式魚餅 （HK$58/3件）微辣，偏咸咗少少，但魚餅彈牙，唔錯！

NARA 係著名嘅泰式, 以前已經在泰國經常幫襯當然泰國食一定係親民價錢, 黎到香港開, 一定會貴, 完全理解但如果價錢同食物質料唔係成比例, 咁就有點兒失望咸蛋黃青木瓜沙律, 可能為左迎合香港人口味,辣度有所調整的, 唔會好辣旁邊係一籃蝦片, 入座時職員攞黎, 一共放低左兩籃仔睇返張單, 原來係要收錢, 15蚊, 收費小食唔係問題但唔脆, 似係炸起左一段時間如果大家唔想食,可以問下職員唔要得唔得我就係睇返張單先知要收錢, 無辨法點左一份泰式炒通菜, 呢個就比較辣少少但係就唔太夠獲氣呢一份生蝦係最失望的之前去其他鋪頭食嘅生蝦都會大隻D同埋係會深色D但今次呢款就係淺色同埋無乜蝦味係失望的呢個炒金邊粉就好好多喇即刻有返泰國感覺擺盤好靚, 細心分開返辣椒片同花生等你可以自己加自己喜歡個量味道係最好的泰式魚餅真材實料, 入面有好多香葉, 食得到有檸檬葉、香茅加上佢岩岩炸好, 熱辣辣食加埋佢個醬, 真係食唔停最後黎兩份甜品芒果糯米飯, 最值得讚賞係糯米飯暖暖地因為糯米飯一凍左就會硬!佢暖暖地先食到糯米飯嘅軟糯甜品拼盤有驚喜左邊係透明嘅係椰子味糕點有點似大菜糕, 應該係用椰青水做滿口椰子味, 仲有

黎到沙田行街,突然想食泰國嘢先發現原來附近嘅泰式餐廳唔多選擇見呢間餐廳環境唔錯就試試吧！本身被安排坐中間梳化位,望落去都夠chill點知一坐低,個人好似陷左落去,同餐枱唔平衡感覺坐得耐同食嘢時都會好唔舒服所以換返旁邊嘅坐枱女服務員有禮落單快又醒目😊我地叫咗3個餐加小食飲品先上泰式奶茶普遍偏甜,茶味香濃加埋啲冰中和返唔會過甜亦好香滑,幾好飲！青檸梳打都唔錯椰汁沙冰好正！飲到滿滿濃郁椰汁🥥味推介👍🏻泰式肉碎蛋飯賣相好靚,可惜......啲飯煮得太濕,一舊舊黐埋晒,而主角肉碎有少少變左肉醬,重點係鹹到飛天一半都食唔到🥴炒通菜不過不失串燒唔錯👍🏻另一失望之作!!金邊粉又係黐埋一住,味道一般旁邊嘅白砂糖同辣椒碎好唔Match,唔知想點😩呢碟又係食兩啖就想放棄泰式魚餅上枱熱辣辣❤️加分加分！香茅味甚濃馬莎文咖哩味道獨特牛腱炆得好淋🤩出色專登叫咗薄餅點咖哩食, 不過口味好視乎個人喜好我覺得咖哩味道都OK, 但男朋友就唔鐘意總括嚟講, 撞啱下午茶/午餐價錢算抵食, 環境舒服, 飲品同小食都好味,但主菜反而頗失色。

來自泰國既nara , 餐廳環境舒適，而且有sofa 坐，價錢又唔算好貴，下午茶去最正，人小小，兩三個friends 食下野吹下水係個唔錯既選擇依碗牛肉船唔簡單，裝住牛丸，肥牛，牛展同牛肉，有多種牛牛既口感，餸仲多個麵，不過我食過好幾次，牛肉有時會好林，但有時又會好靭，睇下你去好唔好采勒，不過湯底都好正既，一兩次失手都算拉金邊粉既旁邊有D配料俾你調味，糖…我唸就唔多需要，因為原本個金邊粉都已經帶有少許甜味雖然係沙冰，但仍然保持超濃郁既椰汁，讚

泰國的著名得獎泰菜餐廳Nara Thai Cuisine進駐了香港，在沙田新城市廣場一期開設了海外分店。餐廳位於5/F運動用品店林立那樓層、Haagen Dazs附近，很容易找。據知香港店menu保留了不少泰國總店的招牌菜式，餐牌上的選擇包括沙律、前菜、餐湯($68起)，咖喱類($98-$188)、海鮮類($178起)，麵食與飯類等($78起)以及甜品（$48起）。大家先來一輪前菜，包括泰式生蝦($118)、泰式三文魚刺身($108)與青芒果札肉沙律($88)、燒豬頸肉($98)以及泰式魚餅($88/6件；$52/3件)等。各款前菜中，我最推介喜歡就是生菜包東北豬肉丸($88/6件；$52/3件)。以豬肉碎混入了香辣香料的炸豬肉丸，外脆內juicy。辣度相比在泰國的東北菜來說調得相對柔和，亦同樣惹味。幾乎每個泰國家庭、每家泰菜菜館都有屬於自己口味的冬蔭公。而Nara style的冬蔭公($108)香茅香突出，酸中帶點微辣，醒胃又清新。香港越來越多吃泰式船河的地方，原來在Nara這裡也吃得到。這夜大家一口氣點來泰式牛肉船河($98)以及彩虹湯魚片米粉($78)和清湯冬蔭公豬肉粉絲($78

最近有朋友口中才得知沙田沙田市廣場新開了一間泰式餐廳 <Nara Thai Cuisine>！ 這間 <Nara Thai Cuisine>是泰國曼谷自2007年起，連續10年榮獲泰國品味生活雜誌 Thailand Tatler 讀者票選為「最佳泰國食府店」的名店！這間餐廳位於5樓，Haagen dazs 附近，方便易找！當晚跟三五知己好友一齊到這裡嚐泰菜！ 這裏供應不少傳統泰式菜式，價錢屬中價！ <Nara Thai Cuisine> 以船麵打響名堂！然,而，香港店供應精選六十多道菜色，好讓香港人大飽口福！舒適自然優雅的泰式裝潢，地方寛敞，空間感充裕！食客可以在如此舒適的環境下，享用泰式美食！這裏供應不少傳統泰式菜式，價錢屬中價！蝶豆花青檸特飲 $38近年人氣的飲品蝶豆花，店方也有供應， 特別之處加入青檸汁之後，會由藍色會變成紫色， 入口冰涼清新開胃！泰式魚餅 $88 (全份六件)以價錢來說尚算合理，每件魚餅大件厚身，入口柔軟彈牙，調味很合大家胃口！生菜包東北豬肉丸  $88 (全份六件)略嫌豬肉丸表面太乾， 內裏的豬肉則太鹹，就算與生

※本文以用餐當日的環境、服務和食物質素為準，口味亦因人而異，文章只作參考之用。-連續十年被譽為泰國最佳食府既Nara Thai Cuisine，最近係沙田新城市廣場插旗啦（可惜未有得訂位）。好鍾意佢地用上高貴既紫色餐具，價錢亦無想像中咁貴，食左幾款食物質素都唔錯，佢地既牛肉船麵令小妹很回味。餐廳環境很闊落，有別於平時的泰國餐廳，裝潢得較有時尚感，而且座位都頗多。餐牌上款式眾多，價錢比想像中經濟。蝶豆花 $38蝶豆花的顏色很美，向來給人夢幻的感覺，只有其色而無味。飲品中附有一枝檸檬汁，這時按個人口味加上適量，遇酸變色，頓時變了更耀眼奪目的紫色，飲落就係一杯檸檬汁。泰式生蝦 這裡的生蝦一碟約有12隻，係出面未曾食過有10隻以上的，份量足！隻隻晶瑩剔透的生蝦刺身，咬落爽口，搭配蒜片和帶點酸辣的生蝦醬汁，新鮮好食！生菜包東北豬肉丸肉碎生菜包的變奏版，炸豬肉丸炸得很香，咬落啖啖肉，不過相對黎講比較鹹，所以記得一定要搭配生菜食可以減低油膩感。泰式魚餅 $88呢度既魚餅又係非常足料，每一件都好厚身，食落充滿香茅味，很有飽足感，味道唔會太鹹或淡，亦可蘸點帶點花生醬香的醬汁，更加惹味。冬蔭公 $108 

喜歡去泰國的朋友，相信對這間餐廳一定不會陌生，連續多年被「Thailand Tatler」 讀者票選為泰國最好的餐廳之一，食物質素當然有番咁上下，聽說用餐時間經常一桌難求！她最近「落戶」香港，而且更位於交通異常方便的新城市廣場內，當然要先賭/吃為快了。沙田火車站一出已是三樓，經過一條直上五樓的扶手電梯，步至507號舖也不用數分鐘。裝修用上大量木材，中間一排窗及吊扇的設計，令人有置身露臺的錯覺；帶點點泰式風情，空間闊落舒適。為求令店子的風格與泰國接軌，特意請來泰國的Nara 大廚親自監督，以這份嚴謹及細心，一定可以令一衆食客大飽口福。大暑天，先叫杯冰飲解解渴，這個鮮椰子沙冰，椰子味香卻不過甜，好喝。朋友們就揀了凍碟豆花茶及泰式凍奶茶，加入了檸檸汁的碟豆花茶，產生的化學反應很是有趣，兼且微酸開胃，健康有益，也是不錯的選擇。採用獨有沖調方法的泰式凍奶茶，奶味濃厚，茶味清爽，甜度比較高。一輪擾攘後點選了以下的食物前菜：生菜包東北豬肉丸（$88）～是生菜肉碎包的變奏版，圓潤的豬肉丸肉味香濃，以生菜把肉丸、豆角、青瓜及薄荷葉裹著同吃，清甜爽脆的生菜降低了油膩感，豆角、青瓜及薄荷葉增

我最鍾意食前菜，款式越多越開心，今晚我最欣賞生菜包東北豬肉丸及泰式魚餅。 生菜包東北豬肉丸  泰國菜的特色就是層次豐富、味道複雜，獨有的集酸甜辣香於一身，這一道東北豬肉丸，炸得香口惹味，而且辣得很有泰味。 內裏餡料軟綿綿，材料極之多元化，豬肉球混合了各款香草及剁碎蔬菜果仁粒，辛香複雜但又融洽，就是喜歡味道有點霸氣。 泰式魚餅  炸至金黃酥脆，外表皺皮，口感軟順，飽滿有彈性，調味出色。 配上泰式酸甜汁，倍增層次，實在泰美味！藍色的誘惑，何其吸睛！真佩服廚師的唸頭。 香草脆魚炒碟豆花飯  鹹蛋、瓜、果仁、脆魚、炸香茅碎、檸檬葉等等濟濟一堂，豐富香口，惹味飽肚。碟豆花茶 奇妙的碟豆花茶，本來藍色的碟豆花，遇上青檸汁變成浪漫的紫，清新的味道。椰子雪糕伴8色配料 一球椰子雪糕可以有8色配料，怎可以不人見人愛。椰果、紅豆、清心丸、大樹菠蘿、涼粉、粟米、馬蹄、珍多條任你 DIY 配，真開心！