Nara Thai Cuisine (新城市廣場一期)

營業中

休息中

屋企人生日想食泰國菜諗住試吓新嘢上網search呢間餐廳喺曼谷好出名咁就試下啦Book左位 都等左10分鐘左右先可以入座餐廳入邊好多位置，不過唔夠人手做嘢餐廳使用QR code落單落單後野食都好快黎到叫咗以下食物1️⃣泰式鴛鴦豬手 一半係炸一半係類似滷水份量都幾多, 個人覺得滷水個邊好食啲, 淋身啲無咁乾😊😊2️⃣泰式金邊粉 賣相不錯, 啲蝦都好大隻😗3️⃣香脆蝦餅 都幾大舊, 好有蝦味 十分推薦!!4️⃣薑黃沙嗲串(豬) 個沙嗲汁好濃 !!5️⃣芒果軟殼蟹米紙卷 入邊會有塊紫蘇葉, 個人唔鐘意🥲🙏6️⃣黃咖喱軟殼蟹 有啲唔夠熱, 同埋調味鹹咗少少7️⃣泰式炒通菜👍🏻👍🏻👍🏻好入味 好好食!!8️⃣芒果糯米飯 個椰汁,稍為淡咗少少 ,芒果都好甜

呢間過江龍開左咁多年，終於有機會一試啦！尤愛泰國菜的我地，兩個人嗌了三道菜，包括1. 大蝦冬陰功冬陰功好惹味，內有兩隻大蝦開邊，草菇嗦曬d味，最重要係下面有火🔥煮，食到幾時都熱辣辣2. 泰式金邊粉金邊粉一上檯係成個金黃色蛋皮包住，造型得意，一打開大蝦的身影就出現。金邊粉口味酸酸甜甜，都比較乾身，我就中意將所有配料撈埋一起食，辣椒粉+糖+花生碎+芽菜，鹹甜酸辣齊曬，好食3. 燒豬頸肉配青木瓜沙律燒豬頸肉好嫩，充滿油脂，有燒烤香味，隔離伴碟的木瓜沙律酸酸甜甜，啱曬食左幾片肉之後清清味蕾。我仲嘗試左娃娃菜同豬頸肉一齊食，係好match既配搭，更加好食餐廳整體環境好chill，檯與檯之間好寬，服務都好細心，會時刻注意冬陰功食完未，然後幫我地熄🔥我覺得同朋友聚餐想搵間泰國菜食，呢間係唔錯既選擇，而且平日夜晚唔洗book位，可以直接walk in，好唔錯btw 呢份蝦片都好好食

沙田新城市廣場一向少泰國菜， 想食泰式唯有去呢間Nara. 因為當日晚餐是星期五， 有一早book枱。 所以唔洗等位。 但見外面有好多人取票排隊。 我地2個人唔太餓， 所以叫左以下2樣野食： 1） 泰式小食拼盤（$178） 內容有雞串 （ 外面燒得太濃， 黑曬） ， 雞翼尖 （好細隻） ， 葉包雞 （ 還好唔鞋身） ， 春卷 。 性價比低 ， 野食唔多， 味道普通，唔值$178 2） 泰式金邊粉 （$128） 有驚喜， 金邊粉好有咬口， 彈牙。 入面大蝦數量算多 ， 好食！

屋企前兩日冇飯食，唯有買外賣，經過Nara見外賣有9折👏🏻👏🏻即刻覺得好抵，諗都冇諗就決定買佢啦🤣！今次都係第一次試，平時星期六日經過次次都好多人排隊🤦🏻‍♀️。店內裝修帶有泰式feel，感覺舒服！店員仲好有禮貌呢！大蝦柚子沙律（HK$108) 😍😍食泰國野都會必選這款，Nara依款柚子沙律好好食，又fresh又甜，大蝦好爽好彈牙👍🏻👍🏻黃咖喱軟殼蟹（HK$198) 比其他款式嘅咖喱貴，但我覺得值得一試，佢地外賣好細心地將咖喱同軟殼蟹分開，唔會浸到d 軟殼蟹淋哂😌！黃咖喱唔會話勁辣，甜味同辣味岩岩好，有椰汁香味，同埋軟殼蟹都幾多，食落仲脆脆地，好正！泰式金邊粉（HK$128)外賣黎講，仲keep住個賣相真係加哂分🫶🏻金邊粉唔會炒到好油，睇落好似好少，但兩個人食都好夠，加入青檸汁酸酸的好開胃，大蝦同沙律一樣又爽又彈牙！泰式魚餅 （HK$58/3件）微辣，偏咸咗少少，但魚餅彈牙，唔錯！

諗住食餐好嘅泰菜，係泰國食過此餐廳都好好食，見午餐價錢幾抵，於是試吓就失望而回。環境佈置高尚整潔，叫左兩個午餐，主菜真係唔掂，叫左泰式船麵自選三個餸，魚柳和肉丸及通菜每樣得兩件，都知午餐份量唔會多，但魚柳真的太細件，湯只有鹹味及不夠熱，粗河粉淋到一夾就爛. 食完諗住另一個泰式炒金邊粉應該好D，點知仲難食，只有甜味之餘，D金邊粉質地好似橡筋咁，彈到很難咬，食咗半碟已食不下去反而加錢小食炸蝦餅及椰汁雞湯就幾好食，食完喱餐，真係好失落。

想食泰國菜，就同朋友到新城市廣場Nara去食，呢次係我第二次食呢間店，上次的感覺非常良好，但今次的食物質素無上次咁好。一來到，侍應就來到比左碗類似係明暉蝦片的小食，脆卜卜，幾好食。我個fd 就好鍾意食，大部份是佢食哂的。之後來左個椰子冰($48)，我上次好鍾意呢個飲品，覺得椰子味好濃，好好飲，好解渴。但今次真係無上次咁好飲，無椰子味，乜野味都無，感覺只係飲緊一杯無味沙冰。跟住來左個泰式炒金邊粉，呢個炒得唔夠乾身，pad thai應該要有滿滿的香氣，而且蛋香更係pad thai的精髓，但呢碟的pad thai個蛋香就一啲都唔出。如果唔加佢的辣粉、青檸和糖等等，呢碟pad thai可以話「平平無奇」，加左會好好多，但講真個價值唔值$128質素。相比下，呢個菠蘿海鮮炒飯真係出色好好好多，好鍾意佢的飯好乾身，有好多不同種類的海鮮，也有提子乾和菠蘿粒，尤其菠蘿粒好新鮮。個飯上面有2隻蝦，呢2隻蝦明顯炸過，而佢地的好味遠超過pad tail上面的蝦，pad tail只係普通的雪藏蝦而已。另外，呢個飯上來的時候，係好熱辣辣的，呢點令佢更好食。今次呢餐明顯無第一次食的時候咁好味，但我應該會再比多次機會

今天與同事去到Nara呢間過江龍食午餐我自己叫了一個金邊粉午市套餐套餐有主菜泰式金邊粉，入邊有三隻蝦，雖然唔算話好大，但食落爽口彈牙，夠新鮮。而且旁邊仲有糖，辣椒粉同花生比你自行調較味道，而啲金邊粉係有啲咬口既金邊粉，第一次食，幾得意。不過，由於同同事邊食邊傾，金邊粉凍左，有啲黐埋一舊，所以要趁熱食。整體來說金邊粉係唔錯既然後套餐仲有包括湯同沙律，湯可以簡冬陰公湯或者椰子雞湯，而個沙律聽聞係每個星期不同。而我食呢日就係茄子沙律，真係見都未見過食落去口感無咩特別，不過個沙律汁酸酸辣辣，幾開胃惹味。而個椰子雞湯，飲落去幾香，酸酸地，都唔錯。另外，如果加野飲泰式奶茶、泰式咖啡、泰式檸茶同青檸梳打都係加$8姐。我就簡左青檸梳打，味道中規中矩，無太大特別之處，下次試下個奶茶我地仲加左個西蘭花同生蝦西蘭花炒得岩岩好，唔會話太硬太淋，蒜香味都好夠好香另外，個生蝦值得一讚新鮮、爽口彈牙！個汁酸辣惹味，與生蝦絕配值得一試再試整體而言，所有菜都係非常不錯，而且上菜速度快，不夠十分鐘已經齊哂侍應服務態度都好好，會問清楚要冬陰功湯定椰子雞湯，辣定唔辣。另外份量都好足夠，很飽，我身為男仕都食唔哂，適合各位上班族

約朋友出黎食飯聚下，諗起沙田新開既呢間泰國餐廳，難得一提議話食呢間個個都話好，話佢係泰國好出名，於是就懷住興奮既心情去試試……正所謂新屎坑都興三日，呢間餐廳晚上六點（仲要係平日)未夠門口都開始人頭湧湧了，好彩用左商場自設既app book位，唔洗點等就入到去了，個app都幾唔錯!首先朋友叫我記得要講下佢份餐具，要讚下餐具相當別緻，紫色既餐具未食已經感受到那份貴氣，顯出餐廳既品味。入座後先黎餐前小食，係兩碟蝦片，由於太餓唔記得影相，蝦片其實麻麻地，唔夠脆口，當知道原來要15蚊一碟更有種想講粗口既感覺，唔知可唔可以唔要架呢……泰式蝦醬炒河粉（98）- 呢個都好食，黎到時未食已經嗅到淡淡既咸蝦味，令人食指大動，加上用粗身河粉炒，雖然配料冇咩，但都足矣祭一祭五臟廟了。黃咖喱軟殼蟹（188）- 呢個有驚喜，驚喜在個咖哩，味道唔係一般香港餐廳可煮出黎既咖哩，淡淡咖喱味得黎唔太辣，充滿泰國特色，配賣新鮮整既印度薄餅（我地都有叫，冇影到，$25一碟）已經能滿足到味蕾了。至於軟殼蟹，就正常味道，只是略厭佢煮得有少少油。Nara特式炒飯（$98）- 對於要有飯落肚既我地當然要叫個飯食下，就一於試下個Nar