影片
更多
2018-05-27
158 瀏覽
約朋友出黎食飯聚下，諗起沙田新開既呢間泰國餐廳，難得一提議話食呢間個個都話好，話佢係泰國好出名，於是就懷住興奮既心情去試試……正所謂新屎坑都興三日，呢間餐廳晚上六點（仲要係平日)未夠門口都開始人頭湧湧了，好彩用左商場自設既app book位，唔洗點等就入到去了，個app都幾唔錯!首先朋友叫我記得要講下佢份餐具，要讚下餐具相當別緻，紫色既餐具未食已經感受到那份貴氣，顯出餐廳既品味。入座後先黎餐前小食，係兩碟蝦片，由於太餓唔記得影相，蝦片其實麻麻地，唔夠脆口，當知道原來要15蚊一碟更有種想講粗口既感覺，唔知可唔可以唔要架呢……泰式蝦醬炒河粉（98）- 呢個都好食，黎到時未食已經嗅到淡淡既咸蝦味，令人食指大動，加上用粗身河粉炒，雖然配料冇咩，但都足矣祭一祭五臟廟了。黃咖喱軟殼蟹（188）- 呢個有驚喜，驚喜在個咖哩，味道唔係一般香港餐廳可煮出黎既咖哩，淡淡咖喱味得黎唔太辣，充滿泰國特色，配賣新鮮整既印度薄餅（我地都有叫，冇影到，$25一碟）已經能滿足到味蕾了。至於軟殼蟹，就正常味道，只是略厭佢煮得有少少油。Nara特式炒飯（$98）- 對於要有飯落肚既我地當然要叫個飯食下，就一於試下個Nar
正所謂新屎坑都興三日，呢間餐廳晚上六點（仲要係平日)未夠門口都開始人頭湧湧了，好彩用左商場自設既app book位，唔洗點等就入到去了，個app都幾唔錯!
首先朋友叫我記得要講下佢份餐具，要讚下餐具相當別緻，紫色既餐具未食已經感受到那份貴氣，顯出餐廳既品味。
入座後先黎餐前小食，係兩碟蝦片，由於太餓唔記得影相，蝦片其實麻麻地，唔夠脆口，當知道原來要15蚊一碟更有種想講粗口既感覺，唔知可唔可以唔要架呢……
泰式蝦醬炒河粉
$98
23 瀏覽
0 讚好
0 留言
泰式蝦醬炒河粉（98）- 呢個都好食，黎到時未食已經嗅到淡淡既咸蝦味，令人食指大動，加上用粗身河粉炒，雖然配料冇咩，但都足矣祭一祭五臟廟了。
黃咖哩軟殼蟹
$188
44 瀏覽
0 讚好
0 留言
黃咖喱軟殼蟹（188）- 呢個有驚喜，驚喜在個咖哩，味道唔係一般香港餐廳可煮出黎既咖哩，淡淡咖喱味得黎唔太辣，充滿泰國特色，配賣新鮮整既印度薄餅（我地都有叫，冇影到，$25一碟）已經
能滿足到味蕾了。至於軟殼蟹，就正常味道，只是略厭佢煮得有少少油。
Nara特式炒飯
$98
16 瀏覽
0 讚好
0 留言
Nara特式炒飯（$98）- 對於要有飯落肚既我地當然要叫個飯食下，就一於試下個Nara特式炒飯，但食落呢就覺得冇咩特色啦，正常一個炒飯，可以唔叫。
明爐黃梨肉碎蒸爐魚
$248
16 瀏覽
0 讚好
0 留言
明爐黃梨肉碎蒸爐魚（$248）- 呢個係呢餐最貴既一個餸，諗住一班人食貴少少都冇所謂啦，但點知呢個反而係最叫人失望既一個餸，條魚唔大條得黎d肉有d｛鞋｝，又唔入味，完全浪費左個胃既quota，真心唔推介。
泰式金邊粉
$98
28 瀏覽
0 讚好
0 留言
泰式炒金邊粉（$108）- 呢個算係似返d樣，雞蛋，蝦，肉碎炒金邊粉，平實得黎有泰國特色，原來好食既平平凡凡既已經好夠。
燒豬頸肉
$98
8 瀏覽
0 讚好
0 留言
燒豬頸肉（$88）- 燒豬頸肉始終都係穩陣之選，如果呢個都唔食就可以唔去了，呢個豬頸肉大細適中，燒得啱啱好，配上泰式醬汁一流，算合格啦。
總結:新餐廳黎講環境整潔優雅，不失為朋友飯聚之選，唯限時個半鐘要走（都明香港租金貴），想坐耐少少都唔得。食物方面，普遍份量都較少，大胃王可能要叫多幾碟試試，價錢以位處既商場黎講都算合理。味道就覺得可能之前期望太高，食完係有少少失望，都可以再黎，但當然要在門外排隊等好耐就選第二間好過。
張貼
