Ann Mamma Thai kitchen by 張秀玲

朋友在葵興那邊上班，而我許久沒到過荃灣搵食，所以就相約朋友在荃灣晚飯啊。搜尋這一區有什麼泰國菜好吃，就發現了這家Ann Mamma Thai kitchen by 張秀玲，有趣在於餐廳名直接用上人名全名。意想不到這家不在大商場內的餐廳，離地鐵站也有點步行距離，但平日的晚飯時段，店內都是滿座狀態。沙嗲4串，分別是2串雞及2串豬，沒有牛。串燒醃得夠入味，烤至外層微焦，而肉質不會乾身。沙嗲醬味道香濃，蘸醬汁來吃，串燒更為惹味。青咖喱牛腩，亦可選配雞、魚或雜菜，青咖喱好大盤，用料十足。用上許多蔬菜，有豆角、泰國茄子、椰菜花、紅蘿蔔，所有食材盡吸青咖喱香氣。牛腩的份量也不少，炆煮得夠軟稔。咖喱微辣，而味道又不會過於濃烈。烤薄餅細細塊，份量不算多，微暖酥脆，好適合蘸咖喱汁來吃。椰汁芒果糯米飯，糯米飯口感軟糯，充滿椰漿香氣，糯米飯又加入了斑蘭，令香氣層次遞增。可惜芒果不是當造，味道不夠香甜。椰子開心果沙冰，賣相吸睛，滿滿的一大杯沙冰，灑上許多開心果仁。淡淡的椰子香中夾雜開心果香氣，喝完整杯沙冰也不會覺得膩滯，適合配搭濃味食物。由小食、主食、甜品，以至飲品，味道都令我和朋友感滿意，難怪地理位置不算最方便也有那麼多的捧場客。而且這一餐飯也好抵食，兩個女生吃到飽飽，人均才$200。…查看更多

見到OpenRice 這麼多好評特地來嘗一嘗朋友預先打電話來已經Full Booking 幸好Walk in還有位泰式生蝦雖然醬汁調得不錯但是感覺不太新鮮進口時溫度是室溫如果可以放在冰上保存溫度感覺會好一點畢竟是生冷食物衛生安全很重要所以感覺價錢和質素不成比例大蝦炒金邊粉這個炒得很香！很好吃（雖然不是大蝦🍤😆）味道不錯泰式燒豬頸肉燒得挺香的配搭醬汁很惹味芒果糯米飯這個甜品也有點遜色芒果不太多而且有渣糯米雖然很軟熟但是太甜🥲椰子開心果沙冰有驚喜滿滿的開心果味而且不會太甜很好飲建議要盡快飲用不然冰融掉就不好飲回家後很口渴可能是食物有很多味精…查看更多

作為荃灣友，相信對張秀玲並不陌生，長期高踞人氣榜，之前幾次嚟都係食午餐，那時候都要特登選擇剛開店的時間去，如果1:00 有機會要排隊。今次終於一試佢哋嘅晚餐，因為食過嘅，都知道佢哋嘅份量足夠，用料豐富，不嬲對佢哋好有信心。不出所料，以下幾款無論係飲品，主菜，同埋甜品都好滿意，另外兩杯特飲各具特色，十分消暑。✨椰子開心果沙冰: 味道好濃，解渴，大大杯，包你飲得滿足✨Grapefruit special: 啱晒女士，清新又fresh ，又可以幫助消化，飲完都冇罪疚感 ✨冬陰公: 份量好足，四個人飲都足夠，一共有四隻大蝦🍤，味道濃郁足料✨泰式蟹肉炒飯 : 真係食到淡淡蟹肉，而且配搭魚露，青檸檬，見到廚師對細節都好有心思✨椰汁芒果糯米飯: 芒果好新鮮，清甜唔會有一點兒酸味，糯米飯應該加咗班蘭味，配搭椰汁，值得推介✨👦🏻如果同小朋友黎，都有唔辣的主菜選擇，而芝士薯條，椰子街頭雪糕佢地都好鍾意🍽️Ann Mamma Thai kitchen by 張秀玲 📍荃灣曹公坊11號地舖📞2806 0881#foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #AnnMammaThaikitchenby張秀玲 #荃灣 #荃灣美食 #泰國菜 #椰子開心果沙冰 #Grapefruit special #冬陰公 #泰式蟹肉炒飯 #椰汁芒果糯米飯 …查看更多

荃灣不嬲出名多好嘢食今次就試吓呢間人氣泰菜睇完Menu先叫咗兩樣嘢食同兩杯特飲先🍡沙嗲（雞肉/豬肉各2串)串燒燒得啱啱好，雞肉同豬肉都好嫩滑滿滿炭烤味，沙嗲醬好香花生味唔會太稀或者太杰，推薦👍🏻👍🏻👍🏻👍🏻🦐大蝦柚子沙律大蝦好爽口，又真係夠大隻柚子都比得好豪爽，全部大大舊唔會好似有啲餐廳比啲碎濕濕嘅你沙律嘅汁酸酸哋，仲有啲紫洋蔥喺入面吸收晒啲酸汁，我哋連啲洋蔥都食晒🤭食完小食同沙律，就到我哋嘅主食啦🐟青咖哩魚配烤餅呢度嘅青咖哩可以揀：雞/牛腩/魚/雜菜今次揀咗魚，諗住無咁heavy🤪食咖哩當然要配返塊烤餅一齊食啦🫓要讚讚個咖哩好多椰菜花呀矮瓜仔等等嘅蔬菜咖哩好易會食到覺得好漏多啲蔬菜可以減低油膩感魚係炸魚塊，吸咗啲咖哩同塊烤餅一齊食Prefect match🥘除咗食嘢，嘢飲都係不可或缺嘅🥥椰子開心果沙冰(左) 🥤Pink Guava Special  (右)椰子開心果沙冰嘅椰子味好突出頂頭仲有幾粒原粒開心果，脆卜卜大大杯，夠晒成餐飯飲Pink Guava special特飲可以揀有酒精version呢杯就無酒精嘅，有淡淡嘅石榴香氣仲有好fresh嘅青檸做garnish成杯特飲都好清新，最啱配搭濃味嘅泰國菜兩個飲品都比我哋預期中高質推薦👍🏻👍🏻👍🏻👍🏻👍🏻👍🏻嚟到尾聲當然都要食返個甜品🥭芒果糯米飯食泰菜幾乎必叫嘅甜品芒果有半個，好甜呀，最驚食到酸芒果呢度用咗斑斕嘅糯米飯，增添色彩飯面好多椰汁，make sure到每啖飯都椰汁包住總結💭💭全部食物都好滿意兩杯飲品更加比預期中出色今次未試佢嘅冬陰功，下次再嚟一定試埋佢…查看更多

男朋友仔話帶我去食好野，佢仲Book左位，超期待！！嚟到見到門口好似好正咁入到去會問你有無Book到位，原來都幾Full，有人Walkin都無位入，建議夜晚繁忙時間大家最好Book左位先！入到去因為要睇車，所以要求調門口位，店員好好仲提示我地門口位會較凍，好細心！菠蘿炒飯$96好快就嚟到啦！擺盤好靚，有種滿載而歸嘅感覺，仲有我至愛嘅腰果！超多！腰果好香好脆口！成位飯炒得好香，飯粒分明，軟硬度剛好！正！大推！椰子開心果沙冰$48椰子味好香濃！外觀吸引！熱泰式奶茶$28同平時飲開奶茶有啲唔同，奶嘅比例較少，茶味較濃。泰式烤魚（原條）$173烤魚要點醬先夠香，個醬有少少辣，如果你都好似我咁食唔到辣，可以食條魚唔點醬（不過就無咩味，有啲乾），如點醬點少少慢慢試！椰汁芒果糯米飯$55飯後嚟個甜點，應該係我食過最好味嘅芒果糯米飯！雖然價錢少貴，但椰汁好夠！芒果（半個）香甜，飯好香，成件事好夾，推薦！吃飽飽圖🤭🤭整體嚟講，環境舒服，店員落單快手，細心（全男班），野食擺盤有心機，無論食物或飲品味道亦出色，出餐快，整體安排流暢，價錢以咁嘅質素嚟講絕對值，好少可我會全讚嘅餐廳！溫馨提示💕繁忙時間最好Book左位先！有加一服務費回頭再食指數：⭐️⭐️⭐️⭐️⭐️/5星滿分…查看更多

去開荃灣想食泰國菜 見到佢店面幾靚就同朋友去咗呢間Ann Mamma Thai Kitchen覺得好好味好滿足～性價比好高！特飲同埋芒果糯米飯都好出色ᕱ◍•ᴗ•◍ᕱ☾˚‧º· ☾˚‧º· ☾˚‧º· ☾˚‧º·*.❁椰汁芒果糯米飯 $55每次食泰國菜必叫嘅甜品😆佢嘅糯米飯好特別係綠色嘅口感煙靭仲好香斑蘭味💚 佢嘅椰汁少少鹹鹹地有啲似平時芝士奶蓋嘅感覺但加埋糯米飯同埋芒果一齊食意想唔到嘅夾算係我最近食過最好食嘅芒果糯米飯🥭🍚*.❁椰子開心果沙冰 $48呢個沙冰我同朋友都非常之鍾意飲！椰子同埋開心果嘅比例做得好好 一入口好香椰子味🥥之後再散發出牛油果獨有嘅味道🥑⁽(◍˃̵͈̑ᴗ˂̵͈̑)⁽*.❁芒果百香果沙冰 $48好香好香芒果味～～沙冰口感好smooth💛🧡個人覺得上面嗰個特別啲😆 但真心同樣地都好飲！而且好大杯*.❁ 泰式燒豬頸肉 $80 燒豬頸肉啖啖肉肥瘦適中 燒得好香 佢個醬微微辣辣地 點埋一齊食好惹味😋正*.❁大蝦炒金邊粉 $118個人好鍾意食大蝦炒金邊粉基本上每次食泰國菜都會叫嚟食😛佢嘅金邊粉份量好多 炒得好香甜甜地咁濕度啱啱好～ 我同朋友都覺得好好味呢度嘅甜品同特飲都令我想回訪 其實正餐都好正( ᵒ̴̶̷̤ꈊ˂̶̤̀ )✧又抵食…查看更多

呢間收藏好耐好耐好耐既泰國菜🇹🇭原來份量是真心大大份 無花無假呢日終於捉左兩個朋友黎試.疫情期間呢個午市不提供單點服務 只能在套餐牌上選擇了┈┈┈┈┈┈┈┈┈┈┈┈┈┈┈┈泰式燒豬頸肉飯 $78都幾大塊既豬頸肉滿心歡喜非常之咁有o趙頭質感偏Dry 所以要沾汁先可以食….黃咖喱牛腩配白飯 $78未知正宗黃咖喱係咪唔辣再加上偏甜佢呢度就係牛腩肉質都偏軔 蝦餅 跟餐加配 $28啖啖蝦滑 這個算係不錯 串燒 +$28一個字 超級Dry 同軔 同樣要沾汁先食到同朋友分享有難度🤣柚子沙律 +$28呢個價錢加呢個份量 問心無得挑剔柚子肉大大舊 酸酸甜甜的我都幾鐘意斑蘭芒果糯米飯 +$28對我黎講食泰國菜既必食佢呢度用上斑蘭 為本身白雪雪既糯米飯添色彩同樣係加入煉奶 甜甜der芒果不酸 再加甜甜地既飯 如果唔係胃口唔夠大 其實都會Ko 埋⚪️人齊先可以入座⚪️無加一服務費…查看更多

前日(23-7-2022 Sat)晏晝,同老公送完膠,諗住去Real Burger(https://www.openrice.com/zh/hongkong/r-%E7%9C%9F%E5%A0%A1-%E8%8D%83%E7%81%A3-%E8%A5%BF%E5%BC%8F-%E6%BC%A2%E5%A0%A1%E5%8C%85-r725539)食晏,點知佢哋冇堂食,咁去邊喥食晏呢?天氣咁熱,唔想行咁遠喇,諗起我哋食過嘅呢間唔錯(上次食評係2021年4月24日刊登嘅呢篇: https://www.openrice.com/zh/hongkong/review/%E4%BF%82%E6%84%9B%E5%91%80-e3998983),於是再嚟食,我哋嚟到剩返門口嗰張枱坐,我唔記得佢有上層,我哋照坐先,原本覺得對住冷氣出風口都OK,但道門不斷又開又閂,我覺得比較熱,而之後嘅客人嚟就被安排上上層坐,我至記起係上層係開嘅,於是問個女仔可唔可以轉位,然後有個男嚟問我叫咗嘢食未?我答未.佢就唔多客氣咁講:”今次俾你啦.”上到去都有幾多位,個男仔指定要我坐邊個位,喧我哋坐啦,張枱唔係幾穩陣,會搖嘅,個位有風扇吹到,都OK.然後我哋落單,要咗:1. $68.00嘅烤雞青木瓜沙律配白飯個白飯係另上,同份量好少,由於menu上有隻辣椒,估計係辣,我食青木瓜沙律先,係辣嘅,青木瓜絲都新鮮爽口嘅.而烤雞呢?甜甜地嘅?唔通落咗蜜糖?而雞皮唔係脆,但雞肉就唔嚡,仍然滑同有汁,可蘸啲甜酸醬食.白飯就有少少偏乾.味道:3.33分2. 加$28.00嘅泰國雞棗見佢似係用腐皮包住嚟炸,食落,熱騰騰嘅,外面少少脆,內裡嘅雞肉唔嚡,睇落又似撈咗啲魚肉咁,同樣蘸甜酸醬食唔差嘅.味道:4分3. 加$25.00嘅椰汁芒果糯米飯糯米飯係綠色嘅,都係加咗班蘭汁吧,先食芒果,點解會食到龍眼嘅味道?奇.而糯米飯夠軟糯,正常冇問題.老公就話芒果肉酸.味道:2.25分4. $48.00嘅西瓜沙冰估唔到沙冰要咁耐至嚟,呢個啲冰都係用西瓜汁雪成,所以味道唔會變淡,而keep好耐都唔溶晒.味道:3分5. $48.00嘅椰子開心果沙冰驟眼睇,以為上面有個雪糕,其實唔係,係沙冰,呢個味道唔錯,不過唔會好解渴,同樣係夠凍同襟飲.味道:4分服務:除咗上面講換位嘅事後,之後個男仔帶一組兩人嘅客上嚟,就俾佢哋揀位坐,又話呢張涼啲,呢張唔涼….之後有枱客落單要沙冰,我就聽到個男仔提醒沙冰要等耐啲.呢啲仍哋完全冇俾同同我哋講,換個位就得到咁嘅待遇?老實講,嗰個門口位真係冇人想坐囉.價錢:兌現menu上叫午餐減咗$5.00嘅承諾.2.6分…查看更多

掛住泰國嘅味道，一於搵間荃灣隱世泰國餐廳，舒緩下思念嘅心情。呢間餐廳雖然唔近地鐵站或大街， 但好多人都會黎揾食，平時成日大排長龍。今次獲安排樓上雅座，坐得舒適，空調好夠！椰子開心果沙冰-開心果同椰子味都好香，食落有不少椰絲同開心果碎-唔係太甜，唔似人造椰子糖味，真材實料泰式蝦餅-形狀好似心型，好可愛-外面炸得香脆，蝦肉非常非常非常彈牙！點上泰式甜酸醬味道一流泰式燒豬頸肉-燒得啱啱好，唔會太乾或者太韌-每一塊都切得夠厚, 每一啖都好厚肉-上面嘅炸蒜， 又香又脆，加埋一齊食好正香芒軟殼蟹沙律-軟殼蟹好大隻，炸得香脆可口，完全唔會油淋淋-沙律絲酸甜爽口，加上少少辣味，姐不吃辣都覺得惹味開胃！泰式蟹肉炒飯-每粒飯粒乾身且分明, 重點唔會好油！-蟹肉非常足料，每一啖都食到滿滿的蟹肉，下次一定會encore !每個菜都份量十足，2個人都食到百二分飽，真係大滿足呀!…查看更多

Ann Mamma係一間位於荃灣嘅泰國餐廳🇹🇭 佢哋嘅裝修好靚，唔睇menu嘅話真係唔知係一間泰國餐廳，比較似一間以植物同熱帶風情為主題嘅Cafe🌿🪴 佢哋嘅食物價錢算係中價位，不過大部分食物啲份量都幾大碟㗎🤣 味道嚟講就好似同平時嘅泰菜有啲啲唔同，感覺好似有少少港式，唔夠正宗🤭•🥢 大蝦炒金邊粉 $108呢個炒金邊粉同平時食開嘅有啲唔同，平時食嘅泰式炒金邊粉都係偏橙色，但呢個就偏啡色 ，食落唔太酸，豉油味比較出，朋友直頭形容佢似港式嘅「乾炒牛河」🙈 不過佢面頭有好多花生碎同炸乾蔥碎，炒得好乾身，好香口，又有返啲泰式嘅感覺•🥢 冬蔭公 $108未上枱都已經聞到超香，然後就望到有3隻好大嘅大頭蝦，好誇張🤣 啲大頭蝦有蝦膏，食落好香 ，而且肉質彈牙，係好新鮮嘅😋 冬蔭公湯入面仲有好多菇，飲落味道偏酸、唔辣，而且椰香味同番茄味都幾濃🤤•🥢 生菜肉碎包(豬肉) $98呢個生菜肉碎包真係食過嘅泰菜入面最大份🤩 肉碎份量好多，生菜嘅份量都足夠～ 肉碎嘅味道微辣，酸味比較出，但又唔算好酸，食落幾易入口同開胃～但稍嫌炒得唔夠香，同埋肉碎無乜口感，比較淋～ •🥢 椰汁芒果糯米飯 $48呢個係全晚最細份嘅食物🤣 綠色嘅芒果糯米飯熱辣辣，淋上大量椰汁，食落有斑斕香，但糯米飯嘅質感比較軟爛，無乜「飯」嘅質感，但口感又比較煙韌😬 芒果睇落好乾，食落都還好嘅，好香芒果味，但唔太甜，仲有少少酸🤏🏼😟 •🥢 椰子開心果沙冰 $48開心果控一見到呢杯沙冰有開心果就即刻叫咗😍沙冰嘅最頂擺咗一粒開心果做裝飾，飲落椰子味比較濃，帶少少開心果嘅香味，仲飲到有好多開心果粒粒～ 整體唔太甜，好大杯亦都好消暑👍🏼•🥢 西瓜沙冰 $48飲落好消暑解渴，唔算好甜，但應該係本身個西瓜🍉唔太甜吧🙈 成杯沙冰真係好「冰」，有啲似係成個西瓜/成杯西瓜汁拎去雪成冰，再打碎做沙冰🍧 因為一路飲嘅時候都飲到唔少果肉同西瓜核🤣…查看更多

色香味指食物賣相為先, 今日來到一間非常 打卡able的泰菜餐廳餐廳的裝潢充滿特色及打卡的裝飾品, 開放式水吧令餐廳更有一種chill的感覺同時有熱鬧的氛圍椰子開心果沙冰沙冰堆得高高再加1粒開心果裝飾, 令人未飲已經覺得好興奮一入口, 開心果和椰子份量十足, 不停轟炸口腔, 不會過甜. 椰子甜的與開心果剛好平衡, 令整杯特飲成為焦點泰式青檸茶整杯茶都充滿青檸香, 茶味夠, 酸甜亦達至平衡. 與沙冰一樣, 特飲的份量比一般餐廳多, 性價比更高.青咖喱(牛腩)及薄餅調味獨特, 預設少少辣更惹味, 配上大量蔬菜及牛腩更美味, 用薄餅浸配一絕, 薄餅吸收青咖喱仍然外層微脆小食拼盤炸蝦餅非常足料, 口感彈牙,蝦肉鮮甜. 春卷及雞棗亦不錯大蝦柚子沙律清新的柚子及大蝦配上適當的調味已經足夠開胃總結: 餐廳中的chill氣氛與觸目的特色飲品令人好像放了一餐飯時間的假期般…查看更多

由於疫情嘅關係好耐冇出街食飯，比呢間餐廳外觀吸引入去，餐廳內環境清新又文青。 未到7點半入座率去到九成滿。黃咖喱烤薄餅，如果唔係可以食得好辣既話，推薦揀既系黃咖喱，大大兜薄餐內有雞肉，薯仔，洋蔥等，咖喱汁甜甜地而濃烈。重點係有好多雞肉添。細細件薄餅烤到脹卜卜，外層香脆之餘又口感酥脆。菠蘿炒飯，有肉鬆同埋腰果，菠蘿粒爽口多汁，飯粒亦都炒得甘香可口。芒果百香果沙冰，將芒果切成蓉，搭配刨冰，較清甜而少纖維渣滓，打造了滿分的視覺效果。最後，提提大家，記得要預先留位。Walk in隨時失望而回。…查看更多

之前行經見到門面幾靚 已經好想試 今次去食 發現餐廳樓高兩層 地下既裝修似cafe多過似平時既泰國菜餐廳 而樓上既裝修就較為簡約 走工業風太即慶無book位 星期五6點半黎到 7半就要還枱 本身仲以為未必夠時間食 但係上菜速度又幾快▪️黃咖喱 $88黃咖喱有牛腩同雞肉 兩款肉類供選擇泰式咖喱偏水狀 食落濃椰香 帶小小辣味 惹味得黎又幾容易接受 幾適合淨係食到小小辣既人雞肉嫩滑 份量還可接受 食落無睇落咁少咖喱當中加左超多蔬菜！有西蘭花 椰菜花 南瓜 茄子 爽口豆角 份量多到完全掩蓋左啲雞肉 有一刻以為我地嗌錯左雜菜咖喱 蔬菜真係超索汁 食落仲惹味過舊雞肉 不過略嫌南瓜煮得唔夠軟冧▪️烤薄餅 $48烤薄餅薄薄一塊 單食微脆 口感有啲似粉糰 個人就唔太鍾意 不過吸咖喱汁確實一流▪️椰子開心果沙冰 $48沙冰不得了 打卡真心正飲落好重冰感 淡淡椰香 有粒粒開心果碎 開心果味偏低調 不過就增加左唔少口感 當椰子沙冰黎飲都幾唔錯▪️生菜肉碎包 $98有豬肉鴨肉 兩款肉類供選擇豬肉完全唔柴唔韌 口感一流調味同平時既有啲唔同 好鍾意佢既肉碎帶酸味 配埋新鮮爽口生菜 幾清新開胃⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀整體而言 環境舒適 味道唔錯 但係食完好口渴 成晚喉嚨都唔太舒服…查看更多

食泰國菜通常好多人就會諗起去九龍城，其實荃灣都有一間泰國菜味道非常「泰」餐廳風格似芭堤雅嘅餐廳，大部份都選用竹藤座椅，有種暫時離開煩囂的香港的錯覺😁呢個炒飯做得非常出色，炒飯炒得好乾身，當中還有淡淡的香蔥等配料嘅味道，加上彈牙鮮味嘅大粒蟹肉，令口感更上一層樓必試咖喱味香濃，配料蔬菜新鮮爽口，另外最值得稱讚嘅就係牛腩炆得非常「林」👍呢個烤餅又係好嘢，唔係一舊麵粉咁簡單，佢係烤到脆皮一層層，好鬆脆，仲有淡淡的奶味呢個墨魚餅不得了，外皮炸得香脆，內裏嘅墨魚肉好鮮味😍最勁就係食嘅時候仲保留到少少肉汁👏唔使講咁多，必試😍椰子特飲，椰奶味香濃，而且入口清新，相信用了係新鮮嘅椰子汁👍從味道、價錢、份量各方面考慮，呢一間係值得再回頭嘅泰菜餐廳👍…查看更多

有一段時間沒有吃泰國菜，鄉愁又起，想起朋友介紹的這家位於荃灣曹公坊的Ann Mamma Thai kitchen by 張秀玲，今晚就試試水準。餐廳裝潢十分醒目，以清新自然作為主題，很有文青feel，座位亦寬敞舒適，今晚因有訂位安排到閣樓二人座位，十分幸運。一開始看到這種文青風格，有點擔心餐廳是否正宗，但發現餐具是用了泰國地道的鐵匙，，就知道餐廳有一定水準。餐廳泰菜選擇頗多，小食、沙律、主菜、咖哩、粉麵飯類、甜品各種各樣都有，全是像樣傳統經典的泰式食品，沒有整色整水的假泰菜，更有多種特色飲品。冬蔭公一上枱看見湯頭顏色就知道水準高，因為用的是真正的泰國大頭蝦，而非街外泰國餐廳只用無味虎蝦敷衍了事，先呷一口湯底，吸收了大頭蝦蝦頭的油香精華，味道酸辣刺激但不嗆喉，檸檬葉、香茅、青檸、紅辣椒味道層次分明，只是比泰國地道的少了一分辣度。而泰國大頭蝦亦厚肉彈牙，蝦頭滿滿全是蝦膏，甘腴可口。泰式無骨滷水豬手豬手炆至稔滑，再預先去骨處理，配以濃郁底蘊的滷水醬汁，一吃就知道是有落足料的泰式藥材滷水，而豬手皮滑、脂爽、肉軟，配上口味地道的泰式辣汁，肥瘦相間，每一口都是滋味。香葉肉碎豬肉飯香葉肉碎鑊氣十足，上枱時仍冒煙，做法正宗，用上豆角、九層塔等，配料味道突出，香濃惹味，辣度十足，粗糙細膩並存，令人一口接一口，如果有一隻煎蛋就真的十全十美。椰子開心果沙冰一匙入口，頓然遍體生涼，暑氣全消，椰子味道清甜可喜，而加入開心果能增添口感，同時腴而不膩，是夏日佳饌。…查看更多