SuperNormal (淘大商場2期)

營業中

休息中

平時甚少去九龍灣食野，今日放假正好周圍行下。Search 到呢間0負評西餐廳，梗係即刻要入去試下有咩咁巴閉啦！本身想叫個2人餐，有湯、有蒜蓉包、有前菜、有扒、有飯、有野飲，幾抵食！但實在太想試吓佢出名嘅豬手，所以唯有散叫。豬手皮勁脆，肉質又唔柴，我好鍾意食佢嗰個酸菜，可惜唔係太多。個芥末醬都好好味，唔夠仲可以問他們拎，佢哋勁nice。不過豬手味道稍清淡，我呢d 重口味人士，就覺得可以再濃味少少就正🤏🏻但Cp 值黎講講簡直完勝好多其他店另外，佢嗰個牛肝菌鵝肝意大利飯真係好好味。我不嬲都唔係好鍾意食意大利飯，不過我想講佢個意大利飯我諗我下次去都係會叫佢！！！牛肝菌實在太香🤩🤩🤩味道啱啱好，一入口勁surprising！由於佢啲份量都係大大份，所以食到最後我哋都勁飽咁樣，兩個人先$398。抵到不得了

之前經過淘大見到supernormal有豬手食已經好想試，所以就趁佢外賣85折試下😛食得太多普通外賣，有時夜晚真係要叫個別緻啲嘅外賣🌟柚子豬手：面頭有金箔，賣相特別之餘非常高質素，新鮮製作，皮好脆而且不會好鹹（個人好怕鹹鹹的豬手），肉質亦都好嫩，而且食落去會有淡淡柚子香味，餐廳配埋末醬好好食。🌟香煎鵝肝露筍牛肝菌意大利飯：平民價錢，食到高質素鵝肝😋鵝肝除左煎得好香之餘，仲非常香。個義大利飯就好creamy好多菇，仲有洋蔥，好足料～🌟雞軟骨：串燒好好食，粒粒軟骨得來不會有好多肥肉。（早知道的話就點多幾個串燒食）餐廳頗有心思做好食物的質素和外觀，而且還有「抗疫價」，下次去要試埋其他西式食物！

星期日同女朋友喺九龍灣行完街，就決定喺度買埋外賣先返屋企食，因為屋企附近已重覆係咁食，同埋得茶記多。見淘大呢間Supernormal咁多人排隊，估計應該幾唔錯，有信心保證。店員幾好人，叫我哋慢慢揀，不過可能要等耐少少，因為比較多訂單。等嘅時間我哋就去咗買糖水。我哋唔同類別嘅食物都嗌咗樣，估唔到Packing有成六大盒！！！柚子豬手($168)，哇估唔到係骨肉分離咁放盒，超方便！豬手皮脆脆的，好好食，而且肉厚！點埋黃芥末食無得輸😋。老實講，食肉都飽，因為份量超多。條骨我女朋友拎返屋企比呀媽煲湯。白酒忌廉煮法國藍青口($108)，唔好睇個外賣盒正常呎吋，其實都裝到幾多嘢，我估計有接近廿隻青口，青口個殻唔係特別細，但青口肉就迷你啲。不過精華所在係個白酒忌廉汁，好Creamy好惹味！另外仲贈送咗兩件焗蒜蓉包添，不過唔多汁兩塊點夠喉呀？我哋額外再烘咗麵包。經典煙肉卡邦尼扁意粉($86)，大路口味嘅意粉居然煮到幾出色，平日最驚卡邦尼會好膩、好漏，呢碟啱啱好，而且扁意粉口感仲好彈牙添，每條獨立分明。再者，份量都多，我咁大食，自己食呢盒應該都飽。燒墨魚咀(2串)($32)，墨魚咀好彈牙，燒無炸咁熱氣。