Cobber Noodle and Waffle

營業中

休息中

問朋友有咩係觀塘嘅餐廳推薦個陣，佢介紹我試呢間 Cobber Noodle and Waffle，仲千叮萬囑叫我一定要試Cobber嘅窩夫🧇😋所以特登搵晚book咗位嚟試下，我去個晚係星期五，呢間Cobber好嘅位係可以book，如果唔係，撞正晚飯時間就有機會要等位當晚試咗4款菜式，每款都好好食🥹朋友真係無介紹錯，十分滿意，食到飽一飽🫄🏻日式明太子紫菜大蝦意粉 🍝 意粉嘅汁十分夠，好creamy🤤 明太子同蝦都好足料，意粉唔會過淋，同朋友幾啖已經食完成碟🤣自家製千島醬慢煮雞肉香草Pizza 🍕 千島醬的確同出面唔同，配落大大舊雞肉上面好夾馬蘇里芝士焗薯蓉帶子薯蓉好滑，入面嘅帶子亦唔少，由頭食到尾都食到有帶子肉芒果竹炭糯米窩夫配椰子雪糕當晚最期待+最滿意😋窩夫一放入口好脆，但咬咬下就會食到煙煙韌韌嘅糯米口感，襯埋椰子雪糕同芒果，就好似食緊芒果椰汁糯米飯咁🧇餐廳環境舒服，因為接受預約，所以唔使等位，一到就可以入座，不過如果夜晚去食要留意，因為工廈正門會鎖，要兜去停車場先行到入去❗️

即興嚟食呢間cafe！坐低無幾耐就已經爆場 建議大家可以book定位先就唔怕摸門釘～⭐️日式明太子紫菜大蝦意粉意粉好creamy～而且大蝦數量都唔少！同普通明太子意粉唔同嘅係佢有少少好似沙律醬嘅甜味～好好食！😋⭐️自家製千島醬慢煮雞胸肉Pizza雞肉好大嚿而且滑嫩～千島醬味十分濃郁好邪惡！😈不過都因為咁所以味道比較單一🤔如果要食最好帶多幾個朋友一齊share！⭐️芒果竹炭糯米窩夫配椰子雪糕椰子雪糕非常椰～夾埋熱嘅窩夫超級好食！窩夫內有煙韌嘅糯米口感好好🥹再加埋椰漿一流！非常推薦💓

相信吾少人，尤其喺觀塘住或番工嘅朋友都聽過Cobber，好耐之前食過總店，今次黎到興業街分店，味道同樣高質，尤其系甜品❣️✿ 蜜糖芥末雞翼 $68食主菜前整份蜜糖芥末雞翼試吓先，蜜糖芥末醬汁香甜可口，雞翼好大隻同埋啖啖肉，雞肉亦嫩滑🐔✿ 馬蘇里拉芝士焗薯蓉帶子 $78用Mozzarella cheese🧀焗薯蓉🥔芝士味當然十分濃郁，做到邪惡拉絲效果💛薯蓉軟綿，忌廉味度明顯🤍帶子新鮮彈牙，搭配薯蓉系好好嘅組合。✿ 日式明太子紫菜大蝦意粉 $146可以轉蒟蒻意粉，食住減嘅我同減緊肥嘅朋友都表示完全系福音🤭大蝦爽口彈牙🦐真系抗拒吾到明太子菜式😍明太子忌廉醬汁沾滿每條意粉，變得好掛汁🍝✿ 抹茶鮮奶 $49抹茶揀咗燕麥奶，所以質感較稀，同時牛奶口感順滑。抹茶回甘相對就少，羊羊拉花好可愛🐑✿ 焙茶鮮奶 $49朋友亦系揀鮮奶，焙茶就揀咗杏仁奶，覺得餐廳好貼心，提供吾同種類嘅牛奶比客人選擇。焙茶茶味回甘算明顯☕️豺狼拉花又好可愛😆✿ 宇治抹茶蕨餅糯米窩夫 $92喺餐廳食waffle食吾洗$100又吾算好進取，抹茶蕨餅煙煙韌韌，又有大量抹茶粉。糯米窩夫亦有好重抹茶回甘💚裡面有糯米使得口感好chewy👅淋上抹

觀塘工廈人氣窩夫意粉小店，每款菜式都好吸引，而且性價比高，Lunch Time同班姊妹食一流!!👯‍♀️👯‍♀️- 日式明太子紫菜大蝦意粉 HK$138 🦐🍝成碟都充滿大蝦，而且超大隻!!明太子醬忌廉濃郁奶香，配上紫菜碎鮮味十足!!- 意大利黑松露雞肉意粉 HK$116 🐤🍄🍝- Cobber忌廉茄粒醬肉丸意粉 HK$98 🍅🍝- 明太子忌廉大蝦燉飯 HK$148 🦐🍚- 焦糖咖啡碎冰 HK$48 🍹- 原味竹炭燸米窩夫 HK$58 🌚🧇- 伯爵茶燸米窩夫 HK$58 ☕🧇- 宇治抹茶燸米窩夫 HK$58 🍵🧇外層酥脆，內部糯米又煙韌，加上宇治抹茶甘香茶味，好特別!!- Honeycomb Latter HK$52 🍹

聽聞呢間系Cobbler Coffee and Tonys Pastry嘅姊妹店不過Cobber Coffee主打梳乎厘pancake而佢嘅signature就系waffles🤭叫得自己做noodle and waffle當然要試下佢哋嘅pasta同waffle啦🤪👍🏿芒果竹炭糯米窩夫配椰子雪糕 $96呢個必試!!不愧系signature😎雪糕唔一定系椰子味 可以轉雲尼拿 朱古力或者抹茶😚史努比揀咗雲尼拿～賣相好靚 兩塊窩夫配上大大球雪糕😆伴碟嘅仲有芒果同熱情果窩夫超好食😳外面香脆得嚟唔系硬掘掘嗰啲食落仲帶煙韌嘅口感真系做到外脆內軟!😍雪糕就咁食就偏甜 但配搭窩夫甜度啱啱好😚仲有冰火交融嘅感覺 雙重享受🥰隔離嘅芒果亦都好夠甜 加埋熱情果甜中帶懼酸咁幾好食😆味道: 9/10性價比: 8.5/10👍🏿日式明太子紫菜大蝦意粉 $138意粉質地比較杰身 上面鋪咗大量紫菜大蝦圍住意粉咁排 份量一啲都唔嗇色😛用咗幼身嘅意粉 掛汁能力較強🤭食落creamy 帶出淡淡明太子嘅鹹香又唔會太鹹👍🏿煮嘅時間控制得剛好 軟硬度適中 大蝦比得好足 蝦肉爽彈🤪可惜用料唔算好靚 普通急凍蝦冇乜鮮甜淨系呢度扣咗啲分🫣

未到聖誕，未到聖誕，未到聖誕就可以同啲朋友食聖誕餐啦！今日朋友推介去咗一間主打窩芙嘅餐廳，正！全店已有聖誕的佈置，好有氣氛。有兩個用膳區，地方闊落，座位唔少。仲有牆上掛滿食品圖畫，極吸引我。食物有六個系列，包括意大利粉、薄餅、燉飯、小食、雪糕窩芙和窩芙。點了一份香口小食，炸芝士拼盤（$58）共有兩款，長形係拉絲芝士條；三角形係軟心芝士，外脆內軟，滿滿芝士香，芝士迷一定鍾意。我地揀咗一份日式明太子紫菜大蝦意粉（$138），全碟沾滿明太子忌廉醬，鹹鮮美味。多隻大蝦彈牙鮮味，好吃！奶油牛肉印度咖哩風味薄餅 (8"寸)（$118）口味特別！餅底脆脆地，面頭舖滿辣辣地嘅碎牛肉醬，加埋鹹香嘅芝士，好惹味！主打窩芙唔可以唔食啦！揀咗藍莓提子伯爵茶糯米窩夫配朱古力雪糕 （$92），賣相一流！伯爵茶糯米窩口感相當獨特，外微脆內黏糯，好好食！它本身有伯爵茶嘅幽香，再加埋伯爵茶醬，啖啖濃濃嘅茶香，好得！連香甜嘅朱古力雪糕和水果同食，滿足晒！熱焙茶鮮奶($44) 嘅畫花好精美，係好應節嘅聖誕公公，靚！充滿焙茶甘香，味道濃郁，但不苦澀，好飲！

生日想搵間餐廳簡單食個飯。咁啱見到呢間新開，而且已經有好既食評，不妨去試一試。星期六book左晚上8點，由於在工廈內，晚上工廈的正門已拉閘了。要行入停車場轉上去，不用再行樓梯就已到達1樓，餐廳就在電梯大堂後面，晚上去都不難搵。當晚客人也不算多，點餐後都好快就能上菜。我叫了個小食，意粉，Pizza，waffle。整體真心好食的。價錢也不貴，而且因為新開幕的關係還有折扣。 絕對可以再去。值得介紹給朋友。