豐鍋雞煲 (京瑞廣場1期)

今晚突然想食雞煲，到豐鍋雞煲，位於香港沙田石門安群街3號京瑞廣場1期1樓137號舖。餐廳環境舒適，店員服務有禮。📍招牌麻辣雞煲 ~ 點了bb辣，辣度剛好適合我，雞肉鮮嫩，麻香入味。📍十優狀丸 ~ 有黑松露墨魚丸、蝦丸、墨魚丸、黑墨丸和鯪魚丸，五款口味，每款都彈牙新鮮。📍餃餃陣 ~ 鮮蝦雲吞、魚皮餃、韮菜餃和麻辣雲吞，四款口味當中我最喜歡鮮蝦雲吞，皮薄餡靚，鮮味多汁。📍頂級雪花肥牛 ~ 脂肪比例平均，肉質較嫩，厚厚的一塊，牛味香濃。📍出前一丁 ~ 打邊爐最喜歡的就是出前一丁，吸盡湯汁的味道，非常好吃。📍油麥菜 ~ 清甜爽脆的油麥菜，打邊爐之選。📍咸檸七 ~ 微微的咸酸，清涼爽口。📍龍鳳檸樂 ~ 淡淡的檸檬香，清爽解渴。整體價錢合理，雞煲惹味，火鍋配料款式多又新鮮。🏷️溫馨提示～ 整個用餐體驗均屬個人分享意見， 只作參考😊。…查看更多

石門站隔離，有間收埋喺商場角落嘅雞煲店，唔單止有抵食午餐，重頭戲係佢哋超入味嘅雞煲！餐廳人情味濃，服務好親切，晚市堂食仲有優惠，指定時段有8折！.🌟豐鍋招牌麻辣雞煲辣味夠晒勁，麻香爆燈！一上枱就聞到陣陣椒麻香，紅油湯底浸滿花椒乾椒，食落先辣後麻，舌尖即刻跳舞，但唔會嗆喉，反而愈食愈上癮！雞肉大大件，啖啖肉冇碎骨，炆得啱啱好，外皮索盡麻辣汁，入面依然嫩滑多汁，送飯一流！建議由小辣開始試～ .‼️必試火鍋料‼️食完雞煲就可以加湯打邊爐啦！ .🌟手工墨魚丸手打誠意十足，墨魚肉打到起膠，咬落去彈牙到會跳舞！蟹籽多到爆，每啖都「卜卜脆」，墨魚味濃又冇腥味，正！ .🌟牛柳粒牛柳粒切到骰仔咁大細，脂肪紋理好似大理石，一落麻辣湯底就捲邊出油花！牛味濃郁，肉質嫩到冇朋友！ .🌟西班牙頂級黑豚豬腩片豬腩片薄到透光，油花分布均勻，淥3秒就食得，脂肪入口即化，肉質嫩到幾乎冇纖維，但又帶少少彈性，肉香爆棚！ …查看更多

今日同老公去石門揀咗『豐鍋』兩個人都可食雞煲😍😍叫左招牌麻辣雞煲（bb辣）對於唔食得辣又想過下癮嘅我哋bb辣度剛剛好夠晒惹味香濃😍雞肉質感唔鞋口洋蔥、芫茜都超入味好味到連配料都吃光光🤤🤤食完雞煲店員會加入奶白色上湯打邊爐珊瑚蚌超級爽口份量都好多推薦推薦！粉嫩粉嫩嘅牛頸脊肉味超香濃口感勁柔軟老公每食一塊都讚嘆一次😂即炸紫菜響鈴好大卷😂入面卷住塊紫菜但略嫌紫菜味唔夠突出雜菜籃入面有菜心、白菜、生菜同油麥菜啲菜多到係咁跌出嚟😂兩個人食一份蔬菜攝取量非常足夠😉👍🏼沙爆魚肚魚肚有一定厚度建議早啲落、遲啲食俾多啲時間佢索湯索味😍今日整體用餐感覺都唔錯而家晚市堂食仲有8折🤩埋單800左右👍🏼…查看更多

呢幾日好凍得幾度咋🥶入嚟石門食雞煲補一補先🥰我哋揀咗個BB辣雞煲，聽到廚房炒到好有鑊氣好有火喉。雞煲一上到嚟好香椒麻香味，蒜頭洋蔥爆到香味甜味出哂嚟，啲醬汁包住哂雞件，入口係好惹味嘅醬香味，帶啲麻辣感覺。喺雞煲一上記得要落個水魷入去炆一炆先，佢會索哂啲汁就好似出面食咖哩魷魚咁，有口感又香口😍食到雞煲食到咁上下就叫姐姐幫我哋加湯，我哋揀咗安格斯牛小排，係時候要食佢啦😍成碟牛小排好靚顔色脂肪分佈好平均，稍微淥一淥就食得。仲有呢款十優狀丸，有黑松露丸，墨魚丸，蝦丸等等，啲丸食得出好真材實料，墨丸蝦丸入面有哂粒粒墨魚同蝦，唔會係入口好粉無哂口感。…查看更多

好耐冇嚟豐鍋雞煲，平日夜晚都坐滿全場，兩個人嗌咗招牌麻辣雞煲小辣， 雞煲味道依然一如既往咁好食，份量足夠兩人食，一入口雞肉好嫩同埋個味好好食，雞煲醬濃味得黎又唔會好咸，好好味👍🏻雞煲食完就加湯 //極品本地手切牛頸脊//必點，脂肪較平均，有肉味有咬口，好好味//手工四寶丸//蝦丸同墨魚丸都好彈牙 //自創爆芝響鈴 (3件) //好得意，每件響鈴都有塊芝士包住，熱辣辣🍗//台灣麻辣鴨血//麻辣鴨血惹味又有咬口，保持爽滑同時又夠入味。CP值都幾高👍，而且餐廳乾淨，呢間都係唔錯嘅選擇…查看更多

昨天同家人去試了一直收藏了的麻辣雞煲，總括來說雞煲不錯，可以嘗試，但火鍋真的可以不試！性價比唔高，而且牛肉冇牛肉味，手打墨丸只得個彈牙爽口，但完全冇墨魚味，只有魚皮餃同午餐肉係有啲味道。好後悔因為諗住之後要火鍋的關係，叫雞煲只點了半隻份，早知就點一隻，雞煲比火鍋好食好多 🤨。仲有調味料只有蒜茸，䓤，芫茜和豉油，沒有其他了。 所以當食材沒什麼味道時也沒有其他調味料補救！響呢度建議都係專注食佢嘅招牌麻辣雞煲，叫一隻否則半隻唔夠喉😋…查看更多

我叻仔呀今次，帶老婆黎食雞煲佢話好正。叫哂d招牌野梗正啦！😂招牌麻辣雞煲半隻，雞煲大量蔥蒜喬頭芫茜等等，加上阿姐炒工了得，個雞煲超惹味，直頭食到底都咁好食！老婆鍾意食丸，叫左個招牌手工四寶丸（黑墨丸、墨魚丸、蝦丸、鯪魚丸）。彈牙爽口，食落你會睇到粒丸真係有肉，口感有層次而且好有自身嘅味道。頂級安格斯小排，雪花、牛味、口感，無得頂！爆芝響鈴係我嘅最愛，淥幾秒，不得了。吸左少少湯汁嘅脆響鈴，咬落去食到香濃流心芝士添！老婆讚呢度什菜籃唔會比下欄野，全部新鮮翠綠，員工收碟快，唔洗成日叫人清檯。龍鳳檸樂同咸檸七，檸檬同汽水份量都幾多幾大杯。老婆話下次佢請我再黎喎😂。…查看更多

今日同小 b去了石門吃雞煲火鍋，每次我想吃雞煲，小b成日都會話我，可以選1種嗎？ 雞煲 & 火鍋一齊吃，不覺得好邪惡嘅食物咩～我們到餐廳時，大約18:15啦，餐廳只有我們1枱客人，所以可以坐到卡位。職員問我們，喜歡吃辣嗎?我們說，都可以吃辣的，但要小辣便可😝。我們 order 豐鍋招牌麻辣雞煲半隻，菜籃，頂級安格斯牛小排，炸魚皮，爆芝紫菜響鈴。飲品方面，我們 order 了龍鳳檸樂，大話七😄。招牌雞煲，好好味，又野味。😋👍🏽👍🏽 雞肉又嫰又滑，職員還會幫你炒，這樣就不用擔心，會炒得唔夠透。😅半隻雞真的可以夠2個人吃的，唔駛擔心。雞煲之後，當然要加湯，開始邊爐的精髓，雞煲加湯後，又濃郁，又香噴噴。😊😋😋 第一味，當然要吃炸魚皮，又可以生吃，淥一淥又得，又香又脆口。豐鍋整的魚皮，加了椒鹽味去塊超長的魚皮，令到佢味道超香，想快 d 再吃。爆芝紫菜響鈴 (3件)，又香又脆，芝士味又濃郁。不過這個響鈴就要淥耐一點時間！ 但原來加了芝士去響鈴，好得意😎！頂級安格斯牛小排 (小), 牛小排又嫰滑，牛味又香！細碟的份量，都唔算細碟，份量都好足夠！喜歡吃牛的朋友，記得要 order 這個牛小排！菜籃🧺其實是蔬菜🥬，裡面有白菜，菜心，油麥菜，娃娃菜！龍鳳檸樂，是檸檬🍋加鹹檸檬，再加可樂，味道好正！大話七，當然有七喜，有話梅，原來話梅加七喜，味道好鬼配合，好夾！我好 like! 🤩🤩又到評分時間💯💯💯💯💯：味道💯： 9/10價錢💯：9/10環境💯：10/10服務💯：9/10回頭率💯：10/10地址🏣：石門安群街3號京瑞廣場一期1樓137號鋪交通🚇：石門站…查看更多

本身專登黎石門食陳X記，點知點多人排隊！唔緊要，京瑞商場一同二期都有好多其他野食，離遠見到呢間豐鍋係食雞煲，禁岩天氣又涼返，勾起左我想食雞煲既意慾😆所以就決定試一試！ 店鋪位置雖不顯眼，空間不大，大概只有三十個座位左右，但係人氣依然好旺，上到去門口已經有幾個人等緊位，幸好我地都係等左十五分鐘左右就可以入座😄 我地嗌左一個招牌雞煲（半隻） $168因為病緊所以只能走辣😕但係唔辣既雞煲依然好惹味！值得一讚係雞件好多都係雞脾位，舊舊都好多肉，唔會食到好大舊脂肪👍🏻雞肉好入味，但又唔會覺得好咸，肉質尚算嫩滑，食完雞煲之後無口乾，調味控制得好👍🏻，不錯☺️食完雞煲之後就加湯打邊爐。嗌左炸魚皮、頂級安格斯牛（小）、即炸爆芝紫菜響鈴同埋娃娃菜。炸魚皮係自家制，同出面一般嘅火鍋店唔同，係一大片既魚皮，好特別😧烚幾秒食脆卜卜，好似食緊厚身既薯片咁，口感不錯，好味👍🏻安格斯牛油脂分布平均，脂肪相對較少，食落唔會感到肥膩，口感好軟稔嫩滑🤤👍🏻食完好想再encore！呢個響鈴真係勁吸引😍紫菜同芝士都係好滋味既野🥰，配埋落響鈴度真係第一次見，食完後好驚喜，估唔到味道都幾夾😆，不過就可能因爲淋左既紫菜會有少少韌，所以響鈴食落有少少難咬，不過新奇得黎又幾好味，一定要試下👍🏻😄好多火鍋店既配料都好普通，但呢度好多野都係自家制，好有新鮮感👍🏻味道都好好，見到佢手打丸類好似都好正咁，因為太飽所以無嗌🤣，下次要再黎試下😚想讚一讚係店員超有禮貌，好好笑容，食都食得開心啲👍🏻…查看更多