祥仔辣辣 (海運大廈) (已結業)

已經是第二次到訪這兒，特喜歡可以一邊欣賞維港兩岸的五光十色，一邊口水鼻涕流地吃著一頓色香味俱全且性價比高的祥仔辣辣。我不喜歡排隊，因為會浪費很多時間，而且放工後，雙腳已經疲倦不堪，所以我會在openrice預先訂位置確保有餐桌預留給我，今次因為記得寫上“盡量安排窗口位置“而獲得在窗邊的二人角落。酸菜魚很新鮮而且品嘗得很安心，一根魚骨也沒有。其他小菜也十分出色呢, 別推介土豆絲, 香香辣辣拌飯一流！只要下載 food story程式，就可以享用優惠價享受這個二人套餐。要在尖沙咀LCX吃得抱著肚子走但又價錢實惠的，這個是我非常推薦的呢。去試試看吧。

逛完書展，筋疲力盡，到海港城已經快八點，由於預約早早已滿只能walk in，還好排了十分鐘左右就陸續入坐。二人的都照安排四人桌，挺舒適。二人餐 $498 （Foodie會員$398）*因為用了海港城coupon, 所以每人才$180左右⚜️ 辣辣脆鱔帶點硬的脆鱔，像較濃味的原味炸魚皮，沒有想像中的鱔魚油香，也沒吃到辣，咬著咬著還是香口的，還好。⚜️ 香烏筍蔥油拌紅海蜇花跟酒樓圍餐的海蜇沒兩樣，不過不失。❤️ 雞絲粉皮有點漿口很濃的麻醬👍好味的醬汁基本上已經等於好吃🤣❤️ 招牌祥仔酸菜魚先喝湯，香氣濃郁，調味豐富🎉魚肉雖多，但有些帶小骨也帶鱗，也不夠滑，有點失望。還好有超入味的蓮藕萵筍等配料，偶爾吃到迷迭香，竟覺得份外和諧。⚜️ 乾燒大虎蝦賣相很好，很大方的份量👍一口咬掉蝦頭，甜味搶先，鮮味隨蝦膏後來，肉質彈牙，但開邊的蝦肉有點乾。。⚜️ 巴蜀辣子雞和傳統不一樣是去骨的雞肉，裹了粉走油，剛上桌的時還算不乾，但放久了還是乾柴🤔⚜️ 酸辣燴炒土豆絲入口軟軟，是燴炒所以不爽口吧。。味道有點"水"(詞彙貧乏未想到更合適的詞)淡淡的，期待的酸爽開胃都不足。。⚜️ 果香仙草凍挺甜的仙草凍，配著的竟然是甜的椰汁，加上

近排係海港城做嘢，可以試下唔同既餐廳，今日lunch就去左食祥仔辣辣。叫左一個二人餐同一份麻婆豆腐，二人餐既份量比想像中大份。～二人餐～～前菜>酸辣萵筍紅海蜇花海蜇冇乜味道，但爽口。>香辣山木耳木耳入味，好香既辣味同蒜頭味，非常開胃。>辣辣脆鱔甜甜地，帶少少既辣味，鱔炸到非常脆，帶有焦香。~招牌菜>招牌祥仔酸菜魚夠酸，魚肉都係爽脆，夾起身唔會斷。入面仲有萵筍、芽菜同酸菜。>絕味辣子雞雞肉炸都香脆可口。>乾燒大虎蝦蝦有少少梅，但整體都爽口，醬汁甜辣，非常入味。>酸辣燴炒土豆絲土豆絲唔夠幼細，但夠酸。~甜品-仙草凍~加點~~麻婆豆腐豆腐嫩滑，加埋肉醬，非常香口，拌飯一流。總體黎講，CP值幾高，唔想淨係食酸菜魚，食下其他野，酸菜魚既份量唔太大，可以叫下其他野食。坐既位置都幾舒服。

週末同屋企人行完街，就諗住喺 LCX附近揀間餐廳，坐得舒服嘅早早哋食個晚，見呢間酸菜魚門面唔錯就嚟咗食。環境方面｜位置多，布置以中式為主，好彩嘅話有海景睇，不過我就唔係坐海景位，幾多卡位坐，Setting唔太迫，啲餐具好似幾精緻幾靚咁食物方面，同屋企人二人叫咗個辣辣招牌晚餐，我哋都係兩個人食。有兩款前菜、四款招牌菜同一款甜品，如果可以包埋飲品就感覺再抵啲前菜有口水雞同酸辣紅哲花，我就特別鍾意酸辣紅哲花，超級爽口同開胃，如果俾多碟都可以清得晒，口水雞都唔錯，雞肉嫩滑入味食完前菜，隔咗陣就嚟咗酸菜魚，都幾大盆，酸菜魚份量都唔少，而且特別多酸菜同芽菜配，仲好似有我最愛嘅萵荀，算幾豐富聽店員講呢度酸菜魚比較特別嘅係加咗迷迭香，我又真係搵到﹗之後就有3款酸菜，特別惹味嘅川辣小菜我會話係干鍋福建椰菜花，好想拎嚟送飯另外自家酸菜炒肉末薄餅都幾特別。最後係酒釀桂花湯圓，酒釀桂花嘅糖水底比較稠，唔同平時食嘅上海傳統嘅桂花釀，湯圓味道不錯

再訪祥仔辣辣~ 尖沙咀分店裝潢典雅，環境寛敞舒適，幾適合同朋友聚聚，仲可以望到維港景色添！▪️辣辣招牌二人套餐 $488/2位Food story會員專享 $398/2位菜式可以揀走辣、微辣、中辣、大辣。今次就揀左微辣，對於平時唔太食得辣既我啱啱好，會有刺激 越食越麻嘅感覺，流汗真係基本。前菜1️⃣酸辣紅海蜇花海蜇爽脆，配上清新爽口唔老嘅萵筍，微酸微辣很開胃呢~2️⃣招牌口水雞雞肉嫩滑，沾滿口水汁，多種辛香料交織，麻辣惹味，好重麻油香。雖然好多紅油，又唔會覺得好油膩。面頭更舖滿脆脆花生，略嫌雞皮唔夠爽彈。招牌菜1️⃣招牌祥仔酸菜魚招牌菜份量十足！除左薄切嘅魚片、酸菜，仲有芽菜、蓮藕、香菇等配料。魚肉質嫩滑，唔會太多細骨。蓮藕同芽菜都好爽口，非常入味，越嚼酸菜味越岀，越食越麻，越食越過癮，刺激又唔嗆喉。2️⃣宮保蝦仁有驚喜嘅一道！蝦仁非常爽口彈牙！每隻都裹滿晶瑩剔透嘅醬汁，酸酸甜甜，甜中帶少少辣。3️⃣自家酸菜炒肉末配薄餅炒肉末帶咸香，毫不油膩，配上爽口酸菜，口感味道豐富。餅皮薄身，帶些微煙韌嘅口感。如果炒肉末可以重口味啲好啦，配埋薄餅一齊食味道偏清淡。4️⃣干鍋福建椰菜花 椰菜花口感好爽脆，入味之餘，食落又唔會

假日相約朋友尖沙咀海港城行街 行街前要餵飽個肚仔先 🤭經過 LCX 祥仔辣辣  見裝修都幾吸引 見唔算太多人等位 就決定入去試試 麻辣藕片$48 麻辣十分惹味, 蓮藕爽口, 吸哂麻辣汁精華, 出乎意料地好味 🤤(但一碟只有十小塊左右, 偏貴😖😖)雞軟骨 $78即叫即炸, 粒粒都熱辣辣, 香脆惹味螞蟻上樹 $68店員極力推薦, 我地就決定試下上菜一刻, 香味撲鼻 雖然賣相平平無奇, 但細軟粉絲 味道鹹辣, 令人停唔到口  🥢乾煸四季豆 $78四季豆焦香爽脆 惹味蒜香既肉碎 超開胃招牌祥仔酸菜魚 🐟 $248我地選擇小辣 辣度剛剛好薄薄去骨鱸魚片好嫩滑甜美, 酸菜酸香可口, 附上大量芽菜蓮藕  👍🏻埋單加一後 $572, 整體來講都好滿意 希望下次可以安排住近窗口位, 咁就可以望住無敵維港海景  

收工喺 LCX行完街，嚟到呢間有酸菜魚食嘅「祥仔辣辣」，平日嘅晚上時間人唔算多，即使 1930都有位坐，對於收工已經好攰唔想等嘅人嚟講係個加分位首先前兩道前菜：「酸辣紅海蜇花」同「招牌口水雞」　第一道有「酸辣紅海蜇花」雖然唔太知咩係海蜇花，但佢呢個唔同一條條嘅海蜇，而係類似「海蜇頭」嗰種趘爽口質地，加埋有我最愛嘅窩荀，個麻麻辣辣幾開胃﹗「招牌口水雞」第二道係「招牌口水雞」，雞肉大部分好似都起晒骨，我食嘅幾舊都唔覺有骨懶人表示開心﹗而醬汁方面都做到唔錯嘅口水汁，值得一讚係啲雞肉幾嫩滑，易咬唔痴牙，我個人嚟講好加分招牌祥仔酸菜魚之後到好多人食嘅「招牌祥仔酸菜魚」，呢度嘅酸菜魚特色係加咗迷迭香，有獨特嘅薄荷香氣，平時出面就少見啲，通常好似西餐煮扒先會用到食落有有少少唔同，佢嘅小辣唔太辣，建議可以挑戰中辣（我平時食 3小辣- 5小三哥）。因為係二人餐嘅份量，所以本身都預咗大盤。除咗酸菜魚之外，仲有好多芽菜同酸菜、窩荀，仲有蓮藕呢啲蔬菜～一撈起勁多餸﹗其中美中不足係食到有少少魚麟，扣少少分宮煲蝦仁之後到小食，味道似咕嚕蝦仁，青椒同蝦同幾入味，又唔會死甜，幾得意～自家酸菜炸肉末配薄餅然後有呢個我覺

趁著平日放假，行了一轉尖沙咀海港城誠品， 揾間坐得舒服嘅餐廳lunch再繼續。 行經LCX 發現了 『祥仔辣辣』， 立刻兩眼發光因為有我哋喜歡嘅酸菜魚😍裝修時尚型格， 配襯着維港靚景， 感覺悠閒。 同時間又可以食辣嘢刺激醒神。招牌祥仔酸菜魚$248湯底好鲜， 一啲都唔油膩， 酸中帶魚香。用上原條海鱸魚起肉， 魚肉嫩滑好入味， 刀工不錯，丁點細骨也沒有。 分量非常有睇頭～ 難得魚肉有十多件，竟然比其他配菜還要多！酸菜比例啱啱好， 其他配菜也很豐富， 芽菜，蓮藕， 萵筍。。 揀了微辣， 其實可以小辣， 因為覺得麻味強烈過川辣味～香菇海鮮泡飯午餐$148泡飯湯底同樣鮮甜， 吃畢也不感到口渴， 相信無添加味精或過份調味。 海鮮有蝦仁，墨魚， 蟹柳， 估唔到外表平平無奇，但成個泡飯都充滿海鮮味道， 湯底取勝！午餐包括指定特飲。蜜糖梳打及青蘋果梳打， 梳打夠汽夠凍，食辣嘢好緊要㗎～麻婆豆腐石鍋飯午餐$108麻婆豆腐醬汁爆炒得又香又惹味， 麻辣川辣恰到好處 。豆腐不是那種普通預製豆腐花， 而是似臭豆腐那種質感， 比較硬淨結實， 所以好入味好掛汁。 石鍋飯還好不是熱到會有飯焦， 蛋炒飯keep住溫度👍

🎏食盡油尖旺 — 祥仔辣辣✨➖➖➖➖➖網上見近排幾多人嚟食呢一間嘅酸菜魚 屎忽痕收工就走去試吓😎 佢嘅新鋪開咗係Harbor City LCX入面 仲要有海景位😱 可惜嘅係嗰日人有啲多 冇得望住個海景食🥲 美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)🌶辣辣招牌二人套餐 $488 🔸前菜: 酸辣紅海蜇花 + 招牌口水雞海蜇花非常爽口 而且唔算太辣清清地 都幾開胃😌 伴碟仲有啲青荀 都比起想像中入味同埋辣啲添!!另外佢嘅招牌口水雞反而比我想像中辣 不過又未至於好”麻”🤭 不過雞肉都算鮮嫩 前菜嚟講算唔錯✨ 招牌菜: 招牌祥仔酸菜魚 冇錯我係廢嘅 雖然我哋叫咗走辣😂 雖然係咁 但都仲有好少好少嘅辣味 不過佢個魚都出乎意料地入味🤫 食落味道都算濃郁 而且都好滑🤤 另外佢配料都好足 有好多芽菜 蓮藕 酸菜等等 撈飯食真係冇得輸🙌🏻🔸 宮保蝦仁(走辣😂)店員驚我哋怕食辣所以幫我哋走咗辣😂 結果變咗普通嘅蝦仁🦐 佢嘅份量都比我想像中多 而且都整得幾滑 不過整體就比較普通🙈🔸

我同朋友都鍾意食川菜同麻辣野，去開尖沙咀有間開左冇耐嘅辣野就好有興趣試，海港城入面好似都比較少中式菜款式都好多，二人餐就比較抵食，有晒前菜，主菜同甜品，所以就揀左呢個，每個菜仲可以揀唔同辣度，由於我地都食得辣就揀左中辣酸辣紅海蜇花：蒿荀同海蜇用紅油撈勻，海蜇仲要係一絲絲，望落去晶瑩通透，配埋紅油同芝麻，幾開胃招牌口水雞：細細碟份量都幾多，啲雞都好滑同新鮮，加埋個麻辣醬汁真係好香，帶少少麻，天氣熱食冷盤最正招牌祥仔酸菜魚：酸菜魚近年真係大熱！之前係大陸食已經覺得好正，成日都想係香港食。一黎到已經聞到好香泡椒味，滿滿一碟，啲魚同配料都有好多，有芽菜、酸菜、藕片等等，兩個人食份量好夠。魚肉好嫩，完全冇骨，啖啖肉，加埋啲配料好惹味宮保蝦仁蝦仁好多粒，味道偏甜，加左青紅椒炒，配白飯都唔錯自家酸菜炒肉末配薄餅自己鍾意包幾多餡就包幾多餡，有少少似泰式生菜包，辣肉碎用薄餅包住，咸咸香香，一啖一件干鍋福建椰菜花：呢隻椰菜花同香港果隻口感有少少唔同，比較爽口同有口感，加埋麻辣汁炒，好有鑊氣腰果露配湯圓：呢個甜品真係大力推介！腰果露本身出面都比較少，腰果味香濃，而且唔會太甜，食落唔會漏，仲有想食多碗嘅衝動，

平時都是朋友陪我吃我喜歡的食物，這次換過來，朋友說好久未吃過酸菜魚，所以我們來到這間可以看到維港夜景的川菜餐廳，有格調的裝潢極具空間感，特別適合幾個朋友一起來～因為我們只有兩人，所以點了二人套餐，不過分量對兩個女生來說算是頗多～～套餐包括兩款前菜、4款招牌菜和甜品，前菜酸辣紅海蜇花和招牌口水雞份量都很足夠，海蜇花口感超強，加上麻油香氣飄逸，辣味中帶鹹香，最好配白飯吃，口水雞的雞肉都很滑很嫩沒有夾著油脂，而且配料花生有種炒香的味道，超上癮！招牌祥仔酸菜魚兩個人來說這份酸菜魚真的很大份，裡面有滿滿的鱸魚片和大量芽菜、蓮藕和萵荀，滿足喜歡吃菜的我們，自家製酸菜滲透出來的酸味不會太突出，一直做烘托的工作，讓嫩滑的魚片辣中間有點中和作用的酸，加上濃厚的高湯，每一口都非常滿足，平常不吃辣的我覺得微辣都已經很足夠🤣宮保蝦仁蝦仁被稠稠的醬汁包圍，爽口的口感下有甜甜的感覺，店員建議不能不辣，所以我選擇了微辣，試過後我建議可以中辣至大辣更好，可以令蝦的鮮味更鮮明～自家酸菜炒肉末配薄餅第一次吃這款菜色，肉末充滿鹹香，混上酸菜令味道更加豐富，整體沒有多餘油份，所以用溫溫的薄餅包著吃很乾爽，可以集中感受肉香，這

今次係第二次去食啦，都係叫咗個二人餐，因為貪佢款式多。招牌祥仔酸菜魚佢魚片份量好多，新鮮魚嚟，絕對唔係普通急凍魚柳😆。入面有大量芽菜、萵筍同埋蓮藕，冇一般酸菜魚嗰種油膩感，健康好多。酸辣紅海蜇花海蜇花超爽口☺️，仲配埋涼拌萵筍，相當開胃。招牌口水雞，醬汁調校得好好😋，份量都OK多，個汁絕對係呢道菜嘅靈魂所在。宮保蝦仁酸酸甜甜😚，蝦仁都幾爽口，佢個青椒都幾好食喎干鍋福建椰菜花椰菜花超惹味😍，炒得好乾身，味道幾唔錯。自家酸菜炒肉末配薄餅薄餅好有咬口😃，我試過唔加嘢就咁食都覺得幾好食，加埋肉末一齊食就好夾。腰果露配湯圓最後仲有個甜品，第一次食腰果露，好香甜好滑，腰果味好濃😆，好想食多碗另外佢環境都幾好，見到佢窗邊位風景唔錯，建議大家都為可以揀返窗邊位。

最近行海港城見到LCX開左間祥仔辣辣 搞到肥Glor都忍唔住走入去試下🙌🏻餐廳裝修好有心思 黑白瓷磚盡顯懷舊風格 配合大紅色嘅凳同窗簾形成強烈對比👍🏻座位闊落 最正就係有好多海景位 等客人可以一邊望住維港景色一邊嘆酸菜魚！·辣辣招牌二人套餐 $488 (會員價 $398）1️⃣*酸辣紅海蜇花海蜇清脆爽口 酸辣度剛剛好 非常開胃 比起坊間唔少偏腍嘅海蜇出色得多！連埋青筍一啖食落去就更脆口多汁👍🏻*招牌口水雞呢碟口水雞嘅層次好豐富 除左辣 仲有唔同嘅辛香料味道 唔會一味得個「麻」字🙌🏻雞肉肉質鮮嫩多汁 連雞皮食都唔會好膩口👍🏻2️⃣*招牌祥仔酸菜魚主角嚟喇！肥Glor近期最愛嘅酸菜魚！今次我地選擇左微辣 魚片索盡湯汁而且肉質嫩滑不油膩 值得一讚嘅係佢嘅新鮮程度係唔需要用油去製造嫩滑感👍🏻而且佢嘅配料亦非常多 大量酸菜、芽菜、蔥花同辣椒等 撈飯食一流啊👍🏻*宮保蝦仁醬汁酸酸甜甜唔會好辣 蝦仁新鮮爽口 好適合送飯或者酒 推！*自家酸菜炒肉末配薄餅肉末炒至粒粒分明 有埋酸菜粒就更加開胃 仲有4塊薄餅俾你包住酸菜肉末一齊食 一啖食哂感覺好治癒👍🏻*干鍋福建椰菜花肥Glor本身唔係好鍾意椰菜花陣草青味 但哩

通常海景都係配咖啡店/西餐～今次竟然係蜀菜！呢間新開嘅餐廳窗邊位有好大個𝚜𝚘𝚏𝚊位比大家打卡影相🤚🏻(假裝在𝑠𝑡𝑎𝑦𝑐𝑎𝑡𝑖𝑜𝑛系列)佢地旺角都有分店喔！招牌祥仔酸菜魚 $𝟸𝟺𝟾(可以揀唔辣喔～）我地當日就叫左少辣！黎到已經聞到超香 佢地用自家醃嘅酸菜🤤食落去完全唔會係死酸嘅感覺～麻辣十分惹味 鱸魚肉好鮮嫩🐟越食越想食 辣得好過癮🤣🤣麻辣肉骨茶 $𝟾𝟾飲落去麻辣甘香～辣味並無蓋過肉骨茶嘅香氣👏🏻又係一飲就停唔倒系列🤣碧玉白涼瓜 $𝟼𝟾涼瓜爽脆 醬汁完美中和左苦味！做前菜一流～迷你合桃包 $𝟹𝟾這個有驚喜！ 包身少少煙韌食落有小小馬拉糕咁嘅味道合桃餡合桃香夠濃郁 而且不會太甜～竹蔗茅根沙冰 $𝟹𝟾好特別！平時飲竹蔗茅根都係水狀～呢度將佢打成沙冰清甜之餘 好解辣🔥檸檬薏米沙冰 $𝟹𝟾我自己好中意呢個配搭～檸檬微酸帶香 感覺好𝚛𝚎𝚏𝚛𝚎𝚜𝚑𝚒𝚗𝚐!都係解辣之選～整體黎講 呢個價位歎倒海景加埋呢個質素嘅蜀菜🤚🏻值回票價了📸🤰🏻