古今二 (荃灣千色匯I)

營業中

休息中

餐廳出名gimmick 壽司卷物，賣相靚之餘，餡料足。午市餐牌選擇豐富，而且環境座位寬敞，坐得舒服。卷物盛，包括4款卷物，每款有4件。別有用心地將火山卷放中間，其餘3款圍住火山映襯。中間火山卷物，面頭放上爆多蟹柳絲，配搭蛋黃醬，入口啖啖肉，口感豐富。費城卷中間夾住軟芝士塊，配搭吞拿魚，估唔到幾夾，而且芝士味好突出。鰻魚牛油果卷，牛油果滑口，清新，鰻魚厚肉。日式咖哩蛋包飯，咖喱味濃郁，稠密。旋風蛋鋪係白飯上，顏色鮮艷令食慾大增。自家製炸雞大件香脆，肉結實，配咖喱汁食更惹味。龍卷風沙律非常大份，好足料。面頭有大量蟹柳絲，底部沙律菜新鮮，另外仲有中華沙律。一定要好好拌勻，因為配料多，加上有醬汁。單食都已經好有飽足感。宮崎黃金炸豆腐，好有驚喜，豆腐炸完後仍然嫩滑，唔會散開。而且外層炸粉夠薄，淋上大阪燒醬汁，好似食緊大阪燒既感覺，但係係健康版配豆腐。炸後都唔會覺得油膩。整體，非常豐盛既午餐，卷物餡料多，而且其他食物既份量都大，所以飽肚兼美味。多人食就可以揀多d特色款卷物，賣相更靚。

呢間係出名食卷物，佢啲相好吸引，想黎試好耐！今次終於食到。😆😆煙花6件$78* 🎆辣味三文魚，辣味吞拿魚，脆片，蟹籽。每一件卷物上面都有一座小吞拿魚山⛰，飯入面仲加咗黑白芝麻，同埋上面仲撒滿咗脆片，增加口感。吞拿魚蓉入邊撈埋蟹子，每一啖咬落去都好似係口入面放煙花🎆。好味😋火山$128* 🌋帶子，青瓜，牛油果，蟹柳。呢一個真係打卡之選！🤩壽司左右有淋咗酒嘅鹽，再點火卷物就好似真正嘅火山咁🔥。呢幾樣食材冇諗過可以擺埋一齊，但係口感好有違和感。帶子粒撈埋左落啲蟹柳度，鋪喺卷物面，爽口嘅青瓜食落好突出，增添清爽口感。🥒宮崎黃金炸豆腐$68 ⭐️炸過嘅豆腐外脆內滑。脆漿上面仲裏上咗堅魚片，上面再淋上燒汁，好有飽足感👍🏻👍🏻櫻花蝦茄子燒$68 🍆茄子好惹味✨✨上面有滿滿嘅櫻花蝦，嗰啲櫻花蝦仲係大大隻，增加鹹香味，一流！茄子燒到外皮煙靭，熟透嘅茄子肉好淋，好Juicy，食到有少少七味粉嘅香辣。超好味，大推‼️蜘蛛$96 🕷️炸軟殼蟹，青瓜，牛油果，蟹柳。天婦羅軟殼蟹好大隻，天婦羅外皮就算俾啲飯包住仍然都好脆口。飯面都鋪咗蟹籽，食嘅時候好似有好多粒氣球係個口到爆咁。好好味😋😋

中秋節的前夕，我們來到荃灣千色匯吃晚飯。呢間日本餐廳選擇好多，食物種類和賣相都好吸引呢個上菜嘅速度都幾快龍卷風沙律嘅蟹柳絲遍布，真係好龍捲風好吸引😊 蟹柳之外當然有清新爽口的蔬菜，仲有啲堅果脆片，增加口感同埋味道。佢嘅醬汁除了日式沙律汁之外，仲有加少少辣辣地嘅醬汁，都幾有新鮮感幾好味。佢哋嘅卷物名好得意，我地點左一個叫「蜘蛛」、一個叫「富士山」滿滿的蟹柳絲及果仁脆片鞏固起山嘅形狀、賣相好豐盛！卷物內主要餡料包括鰻魚及牛油果，鰻魚味道都幾濃郁，牛油果生熟程度剛好，整體口感十分配合。「蜘蛛」主要餡料有有炸軟殼蟹及牛油果。炸軟殼蟹很香脆，加上牛油果及青瓜等配料減低熱氣嘅感覺，同時增加口感。豆腐好滑，外邊嘅炸衣做得好好，厚薄剛好，加上醬汁，味道不錯！保留住豆腐嘅滑😊日式炒烏冬嘅醬汁配搭得好好，烏冬裏面嘅椰菜炒得勁香，仲有唔同嘅菇類😊😊😊開心滿足嘅一餐！

早排冇晒堂食，嗰陣買外賣都食過呢間唔少次。今次黎堂食晚餐，質素一樣咁穩定～～～～～～～～～～～～～～～～～～🎏柚想蝦你🥗 $98呢個沙律都偏大碗，入面放左甜蝦、中華沙律、牛油果、梨等等嘅材料，咸咸甜甜，清新爽脆🎏火山🌋 $128呢個咁igable嘅去卷物係推薦必點✨✨，整個造型本身就大堆頭，用卷物砌成左一座山，上面鋪滿蟹柳絲，同帶子肉。卷物就包左青瓜、牛油果等。上枱後，店員就點係面前點火，就有如一座火山一樣📸相機即刻食左先。食落惹味，帶微辣，口感多層次🎏紅龍卷🐲 $118炸蝦反卷上面再放左吞拿魚，無油膩感，配吞拿魚幾新穎，一啖一件😳🎏宮崎黃金炸豆腐 $68外皮炸得好脆，熱辣辣脆卜卜🤤入面豆腐好嫩仲彈彈下，加埋木魚絲鋪面，醬汁多少少仲好食！🎏鹿兒島黑豚荔枝卷串燒🐖 $32荔枝如果冇燒得咁耐會好啲，略為乾身左少少，豚肉就燒得好香脆都幫襯左幾次，味道一樣咁好😳性價比幾高

又到咗晚市冇得堂食嘅日子，想食嘢唯有外賣返屋企，今日去開荃灣千色，梗係喺呢度搵嘢食啦，見到呢間古今二，記得上次同太座喺銅鑼灣食過，味道唔錯，一於揀佢！落單唔使十五分鐘，食物就可以拎走，效率唔錯！“柚想蝦你”呢個沙律裡面有蝦、柚子、車厘茄、牛油果、蘋果、蟹子、蔬菜配上柚子汁，醒神健康開胃，特別係牛油果配柚子汁原來好夾！“宮崎黃金炸豆腐”雖然返到屋企先食，仍然食到外脆內軟，小食送啤酒一流！“金龍卷”卷內有芝士、炸蝦，加埋上面嘅三文魚，互相配合又唔會搶咗大家嘅味道，不俗！“搖滾樂”卷入面仍然係包住芝士炸蝦，呢款仲有埋牛油果，卷上面係鰻魚，非常肥美同多汁，喜歡食鰻魚嘅不可錯過！“ 網燒牛舌”牛脷控嘅我見到有得食一定唔會放過，食落好嫩好豐富嘅感覺，我覺得做得非常好，再多幾塊會好D，哈哈！

今晚同朋友揀咗呢間餐廳食晚飯，非常滿意！地方潔淨，環境舒適，服務員態度非常親切，不時會幫忙加茶水。講到古今二嘅食物，點少得呢度嘅特色卷物！今次同大家分享一下有咩好食:龍捲風沙律二人份量！份量十足嘅沙律！裏面食材十分精彩！新鮮爽口生菜丶中華沙律丶蟹籽丶大量蟹柳絲，而且入面仲有粒粒脆片，令到口感好豐富，又香口。沙律伴上祕製醬汁，好開胃，好適合作為前菜。火山呢一款火山，外型獨特，非常有創意。其實上面係一層厚厚嘅蟹柳絲，下面係一層被覆蓋嘅卷物，係以青瓜牛油果做嘅卷物非常豐富，又美味！辣妹呢一款卷物係以辣味呑拿魚丶忌廉芝士丶炸蝦整作而成，其實味道唔太辣，而且好香口，芝士味香濃！建議先細味辣味呑拿魚，因為魚蓉味道十分鮮甜！埼玉網燒牛舌新鮮燒製上枱，非常好味！鹽味牛舌柔軟而有彈力，配上嘅袐製醬汁，有好香嘅麻油味，大家不妨點一點醬汁食！有意外驚喜！宮崎黃金炸豆腐非一般嘅炸豆腐，炸到金黃色，再淋上燒汁，味道好似章魚丸子，但入口係又滑又嫩嘅豆腐西施，好味！今晚真係大飽口福！