博多·爐端燒

朋友生日，所以我哋專登搵有乜餐廳好食。大家都鍾意食日本嘢🇯🇵，但我最近要盡量戒唔好食咁多魚生，所以爐端燒會係一個唔錯嘅選擇！最終，我哋揀選咗位於佐敦同尖沙咀交界嘅「博多·爐端燒」。一入座，我哋已經覺得餐廳環境氣氛非常唔錯，令人有置身喺日本嘅感覺😍。呢度座位唔多，大致上分為門口嘅吧枱區，以及內裡有三張枱。個人認為如果滿場的話，吧枱位就可能會有少少迫，但就可以睇住師傅喺你面前燒。餐廳閒日有做午市套餐，不過嚟慶祝生日我哋就預咗食好啲😋。店員就提議我哋食冬季限定嘅兩位用博多推介套餐($926)。如果齋睇餐牌，會覺得好似唔係好多嘢食，但其實只係因為佢無逐樣食品列哂出嚟！套餐包四款御番菜，即係指日式時令家常小菜，細細碟作為前菜小食，看似簡單，但食起上嚟味道唔馬虎🤪。博多築前煮，佢係幾款小食中唯一熱的。築前煮用上多種配料，例如牛蒡、冬菇、芋頭同蓮藕等，當中亦加入咗少少肉。食落似汁煮嘅菜式，味道唔錯。茄子揚煮，茄子冰凍，食落幾爽口，唔係炆完好淋身嗰種，面頭仲落咗啲木魚碎。春菊御浸，望落有啲似涼拌菠菜，但呢度所用嘅菜係「春菊」，好似即係茼萵，菜苗幼嫩無渣。博多風味海帶蒟蒻條，店員提醒撈匀掛汁先食，因為蒟蒻條本身無味。開初我以為係原條海帶，但原來係用海帶整成蒟蒻條，幾有心思。唐泊燒恵比須蠔，🦪福岡蠔大小適中，蠔應該經輕燒過，蠔殼微暖。蠔身肥美，而且帶海水味。志賀島砂拔蠑螺，🐚汁煮蠑螺熱辣辣，好大隻，用竹籤拮嚟食，肉質唔韌，但其實肉嘅部份唔多。博多風雞頸肉拌蛋黃柚子醋，🐔雞頸肉份量幾多，賣相同普通雞柳肉無異，但食落肉質比較爽，有啲似雞腎，邊皮微脆。另外，蛋黃柚子醋亦係呢道菜嘅重點，因為酸味嘅柚子醋能刺激味蕾，但又不失清新嘅感覺。博多鰯魚明太子，🐟鰯魚即係沙甸魚，幼幼嘅魚身入面竟然釀咗大量明太子，明太子偏辣，令到燒沙甸魚變得不平凡。沙甸魚燒得夠脆，所以連骨都可以食埋。野菜方面，餐廳選用上盛食材，第一款係白露筍，白露筍比較難種，所以價錢一般都較高。白露筍味道清淡，所以配以明太子醬食好夾。日本甜蕃薯以及白粟米，兩款本身都好甜。🌽粟米燒完都仲能鎖住水份。🍠甜蕃薯果然甜，點少少鹽食又唔錯啵。博多飛魚湯燒飯團茶漬🍙，上面食咗唔少嘢，但點都要食啲澱粉質先會有飽肚感。佢其實係茶漬飯，不過特別在飯底係燒飯團。飯團微微燒香，再配合埋紫菜絲、蔥、紫蘇葉、生明太子同芥辣等，味道好豐富，倒埋熱湯食就更加暖胃。天神布甸，🍮布甸個樣同最經典嗰種無異。黃色嘅雞蛋布甸上淋上焦糖汁，但留意番個汁係焦香多過甜，吱少少檸檬汁食，味道更特別。星野川布甸，布甸口感又滑又綿，🍵星野川綠茶味道清香唔苦澀。布甸本身唔太甜，反而紅荳蓉就甜，所以係幾好嘅配搭。飲品方面，我哋分別要咗凍焙茶同凍綠茶，茶可揀凍熱，就算要凍，味道都唔會變淡。總括嚟講，小店用心經營，佢絕對係一間重視食物質素嘅爐端燒餐廳👨🏻‍🍳👍。日本師傳全程親力親為，對出品要求非常嚴格；而經理服務亦好好，呢餐生日飯我哋都好滿意！餐廳現時無得做晚市確係可惜，因為佢好適合放工小酎一杯，食串串燒放鬆下。呢度定價唔平，不過套餐多嘢食，亦可以單點。遲啲我一定會再嚟幫襯🤤！…查看更多

新開嘅日本餐廳，服務態度好好，員工都好有禮貌而且細心。今次坐我最愛嘅吧枱，可以一路食一路欣賞師傅整爐端燒，燒完即刻遞俾我哋，熱辣辣好好食，而且食材亦非常新鮮！由前菜，主菜以至甜品都由日藉師傅精心製作，每日有當天精選新鮮食材推介， servers 都好用心推薦俾客人。坐附近嘅一對日本客人都嗌 oishii！…查看更多

今次嚟到依間由日本師傅主理嘅爐端燒，一嘗博多風味嘅日本料理😋豐盛嘅一餐由前菜開始－前菜都係師傅嘅家鄉小菜，又叫萬菜，食爐端燒時都會點幾碟邊食邊等師傅燒，所以多數都係冷盤嚟。印象深刻嘅有口感味道都好似cream cheese嘅芝士豆腐，又滑又開胃嘅蒟蒻，仲有第一次食嘅鬼爪螺！蒲燒鰻魚係令我地最驚艷嘅燒物－鰻魚皮脆肉嫩，外層脆卜卜但同時亦能夠鎖住鰻魚本身嘅油香同鮮味，點啲鰻魚汁味道更濃厚。燒蠔非常鮮甜，燒嘅時間掌握得好好，蠔肉唔乾身，食落依然鮮嫩多汁。手羽先一夜干用到福崗嘅雞翼，特別大隻，風乾醃一晚所以好入味，雞皮燒至好靚嘅金黃色，唧少少檸檬汁味道更提升。日本白粟米好清甜，燒過後特別香，好想食晒成條呢！燒飯團有唔同口味揀，辛味噌夠惹味，芝士好香但較膩；飯團外面燒得焦香，好似有層香脆嘅外殼咁，入面嘅飯就軟綿黏口，配埋紫菜食口感豐富。最後當然唔少得日式甜品－天神布甸係焦糖布甸嚟，淋上焦糖醬食到滿滿嘅幸福感，可以試試點海鹽變成海鹽焦糖依個微妙嘅組合；星野村布甸就係焙茶布甸，同紅豆蓉好夾，怕甜嘅都啱食。…查看更多

與好姊妹慶生一定要最好的，今次選擇了去一間高質的「博多·爐端燒」， 居酒屋位於尖沙咀金巴利道82A-84A金閣大廈地鋪。究竟爐端燒是什麼，其實是江戶時代日本漁民在海灘上漁獲後就地煮調，食物在火爐上燒烤，一邊燒一邊與客人飲酒聊天，這是爐端燒的起源。居酒店有一位來自福崗的大師傅，所有食材大部分都由日本空運到港，爐端燒由福崗大師傅負責，烹調手法保留著福崗風味。菜單上有一頁是「本日之萬菜」，有十款或以上萬菜選擇，每星期就會更新菜式，每次幫襯都帶給客人新驚喜。好姊妹生日一定食得盡興，點了前菜、海鮮、肉類、蔬菜、飯糰及甜品。首先前菜共六款，我個人喜歡「牛蒡蓮藕」「沙律醬西蘭花」，最特別「鬼爪螺」，在日本或韓國會常見，但在香港就比較罕見， 鬼爪螺內裡很有海水，肉腍味清甜，海水味也很濃。「志賀島砂拔螺」螺肉厚實，煙韌有嚼勁。「福岡惠比須燒蠔」微微輕燒後，蠔味更鮮甜，海水味濃郁。「塩燒銀帶鯡魚干」略偏帶鹹，惹味香口，佐酒一流。「燒白蘆筍」脆爽清甜，果然是優質靚荀。「甜白粟米」燒後灑上少許海鹽 ，甜中帶微鹹，二種味道層次。「燒冬菇」菇味香濃，鮮味多汁。「博多風地雞雞頸肉」本人第一次食，絕對是很有驚喜，肉質爽口，有雞肉香，沾上生雞蛋的醬汁後更增滋味， 千祈不要錯過。「招牌博多雞翼」肥美超大隻，雞皮香脆，雞肉嫩滑，招牌菜冇得輸。「燒五花腩」肉質爽脆，五花腩一層肥一層瘦，層次分明，雖然入口已油脂滿滿，但一點都不覺油膩。「辛味噌燒飯糰」飯有微微焦香，這飯糰有二種口味，先是吃到香濃的味噌醬，之後帶刺激的辛辣感。「茶漬燒飯糰」飯糰燒香後放在碗上，加上熱湯味更香甜， 茶漬控必吃選。「天神布甸」布甸滑溜，焦糖甜香，蘸點少許鹽後， 鹹甜交集，很不錯。「星野村屋綠茶布甸」綠茶味清新，一點都不甜，紅豆蓉很夾綠茶布甸，值得一試。…查看更多

琴晚去左尖沙咀接女朋友放工 之後就去左金巴利道覓食 見到呢間爐端燒 係出面睇左個menu 覺得價錢都幾親民就入左去食一入到去就見到師傳係燒爐燒緊各式各樣既食物 香味亦都撲鼻而黎 搞到我地都急不及待想快d有得食 而佢既裝修係走簡約既日本風 有種令人置身於日本的居酒屋的感覺由於我地兩個都好肚餓 所以琴晚嗌左都幾多野食 首先我地試左佢個前菜 總共有六小碟 全都係日本傳統前菜 味道都好好 特別係鬼爪螺 我之前都未試過係其他日式餐廳見過呢樣食物 佢既味道我覺得比起一般的螺肉更加清甜 呢個未必日日有的 因為海鮮係時令 如果有供應 大家記住要試下鬼爪螺而餐廳的主打燒物水準真係極高 每一樣的燒物火候都控制得非常好 經理仲同我地講師傅係專程由博多請過黎的 所以好多食物的處理都係日本的傳統做法 有幾樣燒物我推薦大家必試❤️燒極上和牛牛舌: 牛舌好嫩滑多汁 夾起時都見到肉仲透住粉紅色 配埋佢個特製醬汁 無得頂❤️博多雞翼: 外皮燒得焦脆 而內裡亦能保持肉汁 做到外脆內軟的感覺❤️燒惠比須蠔: 我其實好怕食生蠔 但呢隻惠比須蠔食落口 真係完全唔覺有腥味 而且仲好鮮甜🤩❤️博多風雞頸肉: 好有特色 估唔到雞頸肉燒過後係會咁爽口 配埋生蛋汁 真係一絕而主食方面我地嗌左兩個不同既飯糰❤️辛味噌飯糰: 香辣的麵豉醬配上焦脆的飯糰 真係好好味 ❤️茶漬燒飯糰: 淡香的雞湯加入飯糰當中 不但不油膩 仲令到飯糰多左一層風味最後我地以兩個甜品作為我地晚餐的結尾 甜品都係師傅當天即製的❤️天神布甸: 它配了海鹽和檸檬 食前落少少 可以更加提升到天神布甸的甜味❤️星野村布甸: 特別用了日本奧八女抹茶去製作 抹茶味很重 而且唔會太甜 女朋友好鐘意…查看更多