天天海南雞飯 (新城市廣場三期)

營業中

休息中

朋友住大東北，大家約食飯一人行一步去沙田就最適合不過。今晚終於嚟到鼎鼎大名嘅「天天海南雞飯」食飯，過江龍店人氣特別高，堂食客人同外賣訂單一樣咁多👏。呢度嘅餐牌非常精美，好似成本書咁📚，每版都圖文並茂。菜式非常之多，睇到我眼花撩亂，哈哈。餐廳主打新加坡菜，不過我感覺同中菜都幾相似。我哋唔想諗，嗌二人天天海南雞套餐就啱哂，承惠$388。套餐嘅前菜係蟲草花拌，即芥末蟲草花拌合掌瓜。呢款前菜幾新穎特別，因為合掌瓜多數用嚟煲湯🌵，好少就咁食。估唔到合掌瓜絲食落都幾爽口，有少少似萵筍，調味就似麻油多過芥末。蜜瓜螺頭，即蜜瓜瑤柱螺頭燉雞湯，湯品味道唔錯，🍈蜜瓜清甜，用足料煲，而且仲一啲都唔油。飲湯最緊要夠熱，餐廳深明呢一點，所以燉湯底座放有蠟燭熱住。天天海南雞(例牌)，🐓海南雞果然係餐廳招牌菜，因為係每一枱嘅必點菜式。例牌份量唔少，兩個人食夠哂。海南雞係去骨的，食落啖啖肉，正！呢度嘅特色係雞皮薄，雞皮下無咩肥膏，較平日食嘅健康，但肉質就唔算嫩滑。天天石鍋雞油飯，食海南雞點少得油飯呢？圖中嘅係一至二人份量，大約係兩碗酒樓白飯嘅量啦🍚。用石鍋裝住唔係整色整水，因為真係有保溫嘅作用。山楂丸子，即紫薯山楂炸

記得去星加坡旅行的時候，會特登去唐人街附近Maxwell foodcourt 找尋地道美食。其中一間好出名嘅係天天海南雞飯。剛巧沙田有呢間分店，我哋最近又去唔到旅行，就決定嚟到呢度懷念下。間店開放式，地方都幾寬敞，感覺特色。佢哋嘅餐牌都好特別，好似一本雜誌咁樣。我哋叫咗以下嘅食物：雞肉滑，醬汁都好有風味，有濃濃嘅星加坡豉油，另外有點雞嘅辣醬。呢啲醬汁攞嚟送飯都好好味。想不到咁大碗！有雞油香味，就咁食飯都滿足。我哋都好似冇食過西蘭花苗，感覺都幾特別。佢嘅口感有少少似菜心，味道係西蘭花。炒得都幾好味，有蒜蓉及銀魚仔香味。豆腐花同香港嘅好唔同，本身裏面有甜味，有啲似維他奶嘅味道，口感好細滑；加上美祿朱古力粉都幾特別。飲品好大杯！美綠同美祿粉一齊飲好得意，會有美祿粉係脆卜卜嘅感覺。另外下面嘅豆花都令到飲落去有層次。咖啡味道都幾香，唔會太過濃烈，平時好少飲咖啡嘅我哋都接受到。另外，本身入咗時佢哋會有壺茉莉花茶，都幾清新。總括來講，呢間店嘅感覺都唔錯。其實幾適合一家人一齊嚟。

而家無得去旅行，今晚揀左過江龍天天海南雞食晚餐！😋唔洗等位就入得去了，我地2個人食，當然要叫返個例牌天天海南雞食啦！估唔到都幾大份下！個皮好晶凝通透，見唔到毛孔的！個皮幾滑，令到平時唔食雞皮既我今晚都食左好多😂個醬都幾好味，提升得到海南雞既味道！食海南雞當然要配油飯！天天石鍋雞油飯有2種份量揀，我地揀左2-3人份量的。送到上黎有蓋蓋住，要食先打開！油飯要熱辣辣食先好味！果然係”雞好吃 飯更好吃”！油飯唔會好油膩，但又有雞油既甜味，熱辣辣咁食真係一流，我都忍唔住食左2碗飯😂推薦！另外叫左個古法骨茶，好足料！豬骨好大條！啖啖肉！煲到d肉質又夠冧，容易咬。仲有叫左個酸菜石斑，魚肉都幾新鮮，爽口👍🏻總括而言，呢餐食得幾健康，味道都唔錯！

以前在新加坡會特意到唐人街附近的maxwell foodcourt 食天天海南雞飯。今次嚟到香港天天海南雞飯分店，但我地冇食雞，食左龍蝦香港的天天海南雞飯其實係四間星加坡食肆聯盟，天天海南雞飯係其中一間。所以，除咗海南雞飯之外，厚厚嘅餐牌中有不同的菜式每一台客都奉上一壺伯爵茶我哋好好彩叫到最後一客龍蝦，配埋油飯，夠晒飽足。龍蝦配搭3.6牛乳同蛋白，蛋白炒得香滑，份外鮮甜。龍蝦肉已經拆開，食得好方便。飯充滿油香，粒粒飽滿，其實飯就咁加少少豉油同辣醬食都好味。而當油飯配上龍蝦及蛋白，每一啖更滿足及幸福！飲品美祿在星加坡周圍都有，milo dinosaur 係一杯凍美祿上再加美祿粉，在面的美祿粉末加埋凍美祿飲時會脆卜卜好得意。而今次依杯加埋豆花在底，口感更有層次，味道都好配合。佢哋嘅豆花味道好似維他奶的，本身也有甜味。最後，甜品我哋叫咗朱古力粉豆腐花，此配搭新鮮特別，為這頓晚餐劃上完美句號。