濟州燒肉食堂

營業中

休息中

最近突然好想食韓燒😚 同男朋友去咗呢間喺北角匯嘅濟州燒肉食堂 覺得好高質😎 環境大坐得舒服 泡菜蛋同芝士粟米可以任添超正🤤 啲肉腌得好入味 最特別嘅係可以自己燒鰻魚😳！而且佢嘅濟州特飲好好味❣️ btw原來佢喺九龍灣都有分店xd☾食堂蘋果梨汁雞肉 $88‪份量好多好抵食！雞肉好嫰滑～ 帶有微微蘋果同梨嘅香味🍎🍐‬☆韓國鰻魚（半份）‪ $115每日新鮮鰻魚😆 鰻魚食得多 印象中係第一次自己燒 感覺好特別😎 職員特別提醒我哋先燒皮嗰一面～ 等兩邊燒香之後再塗上鰻魚汁🥰 鰻魚新鮮口感細緻😋☾大八爪魚‪ $108好大條八爪魚🐙！見到隔籬枱叫忍唔住都叫嚟食下😗八爪魚好新鮮肉質彈牙ᰔᩚ (˶ˊᵕˋ˵)‬☆壺漬牛肋骨‪ $238原條特級牛肋骨 油脂分佈好平均肉質柔嫩入口軟香好好味😛 醬汁醃到好入味☾食堂牛小排(鹽燒）$178牛小排比較重牛味🐮 有天然肉香鹽燒可以帶出牛小排原本嘅味道🥳口感軟嫩而且唔會太過油膩 幾好食❣️ ‬☆濟洲豪快黑毛豬五花肉 $168‪濟洲黑毛豬五花肉好大份😗油份充足啖啖肉好邪惡夾埋落生菜一齊食好夾；P‬☆濟州特飲 $32佢嘅濟州特飲類似芒果紅茶甜度適中，我同男朋友都覺得幾好味！☾荔

情人節當然吃好野，之前一早預約咗韓燒，而且特意訂了海景位，浪漫浪漫🌹濟洲豪快黑毛豬五花肉 吃燒烤次序很重要，先燒脂肪多的五花肉，因為五花肉的油脂可以在燒烤過程中溶解，油脂會覆蓋燒烤網，之後的食物就不會黏燒烤網。濟洲黑毛豬五花肥瘦相間，色澤明亮，中大火燒烤，豬油邊微焦，甘香四溢。包生菜一絕👍🏻蘋果梨汁雞肉接下來就是燒雞肉，先把雞皮向下，待雞皮油脂微焦才翻另一邊，雞肉肉嫩香滑，包生菜吃好正每日新鮮鰻魚(半份) 鰻魚是新鮮的，中溫火燒至肉質水份收乾，鮮味濃縮，口感彈牙，加適量的燒鰻魚汁，好正。大八爪魚整隻大八爪魚，燒至水份收乾，剪開，再燒多一陣，把八爪魚皮燒至微焦，超香，彈牙😋壺漬牛肋骨韓燒點可能不叫牛肋骨，我個人喜歡壺債，比較入味，烤好直接食。先烤大骨位置，烤🉐️金黃焦香，筋骨分離，之後長長的牛肋肉，軟香入口，超讚！牛小排 (鹽燒) 另一半喜歡沒有醃製的牛小排，貪佢能真正吃到牛味，包生菜食，冇得頂。梳打2 杯叫了一杯濟州特飲和柑橘梳打，酸酸甜甜，冰凍開胃。

突然好想食韓燒😋上OpenRice搵吓北角有咩地方可以食 比我搵到濟洲燒肉食堂 一於book定今晚7點去燒佢燒佢😂😂😂準時安排入座👏👏👏一坐底就更係睇吓manual 有咩韓牛燒😋😋😋我地叫咗一客鹽燒黑毛豬五花腩肉 一客壺漬牛肋骨一客梨汁雞頸肉 一客醬油豬腸 一客大八爪魚鬚 一客嚴選牛舌 開始砌佢😋😋😋先講個牛舌 份量唔算多 得兩大片 燒起黎每人可以食到半片 牛味算中上 八爪魚鬚一般 燒起黎口感一般 除非好想食八爪魚鬚 否則可以唔食🙅‍♂️🙅‍♂️🙅‍♂️ 牛肋骨超好食 燒起黎有肉汁 口感一流👍👍👍最估唔到嘅係個五花腩肉係好味到可以同牛肋骨比吓高低 燒起黎入口好有肉味又唔油口 夾埋生菜一齊食可以話冇得頂👍👍👍唔好睇小個醬油豬腸 只要你燒到佢啱啱熟多小小 然後一舊豬腸一啖熱飯 嘩真係可以食到兩碗飯架😋😋😋仲有個雞頸肉 當你諗住好普通嘅雞肉咩 你試過就知有幾好味😋 以上份量夠我4個人食到飽🤤🤤🤤最值得一讚嘅係 當晚係星期一 冇諗過出面好多人等入黎食 而要讚賞嘅係當晚嘅員工真係未停過手 各客人不斷重複唔同嘅要求而當晚得知唔夠員工幫手 而當晚嘅員工走黎走去仲好有禮貌地對每枱客人 真心辛苦晒🙏🙏🙏 總結

又到HAPPY FRIDAY，由於即興同朋友食飯冇BOOK位嘅關係，間餐廳勁多人幫襯，裡面座無虛席，所以今次要稍等一陣先入得座。今次叫左 濟州燒肉套餐($756)，包括有特選黑毛和牛上身肉、食堂黑毛豬五花、豪快和牛燒、大紅蝦、壺漬牛肋骨、墨魚、人蔘雞湯/薯仔排骨湯，仲有叫左荔枝梳打($32)、 梅子青檸梳打($32)。其實個套餐個份量已經好多，不過大食嘅朋友仔，甚至可以+$158追加五花肉部隊鍋😄座位都坐得幾舒服前菜：一共有4款，醃蘿蔔、四季豆、芽菜、泡菜，食完可以無限REFILL，最中意食醃蘿蔔，酸酸地幾醒胃，泡菜都唔錯，醃得夠入味辣辣地😋生菜：可以無限REFILL，拎黎夾埋D燒肉一齊食沙律：D沙律菜幾清新，食落爽脆爐邊嘅泡菜蛋同芝士粟米一樣都係無限REFILL😁平時食親韓燒都好中意食爐邊蛋，香口又夠滑😁芝士粟米仲可以有拉絲效果，香甜滋味😋食物陸續送上，先影張相先🤩薯仔排骨湯：上菜時個湯仲係好滾，出晒煙熱辣辣，要小心盪口😉個排骨勁大件好足料，仲有薯仔、菜等配料，排骨湯味道都好濃郁😋食燒肉點唔同嘅醬汁作唔同口味配搭😉特選黑毛和牛上身肉、食堂黑毛豬五花、豪快和牛燒：上碟擺盤都幾精緻，肉質

朋友帶我到濟洲燒肉食堂，位於北角渣華道123號北角匯2期2樓210號舖。 店內環境舒適，當晚我們坐在窗邊卡位， 一邊欣賞維港靚景一邊食我最喜歡的韓燒， 實在太幸福了。 我們點濟州燒肉套餐$756、柑橘梳打$32和荔枝梳打$32。首先店員會為我們送上韓式前菜🥙🥗、爐邊蛋🥚和芝士粟米🧀， 一望到就令我胃口大開，幾款都可以隨意添加。✨濟州燒肉套餐📝：🔸特選黑毛和牛上貝身肉🔸～ 入口即溶， 口感嫩滑🤤，油花分佈平均。🔸食堂黑毛豬五花🔸～ 燒起來的豬五花特別香，肥美好味🤩，我喜歡沾醬和包生菜一起吃。🔸豪快和牛燒🔸～ 牛味非常濃郁， 口感細膩， 完全不用沾醬，原味也很正✌🏻。🔸壺漬牛肋骨🔸～長條形牛肋骨稍作醃漬後， 肉色更加鮮豔， 食落肉質鬆軟😋又美味。🔸大紅蝦🔸～ 兩大隻紅蝦🦐， 味道爽口新鮮。🔸墨魚🔸～ 彈牙有口感🦑， 鮮味重， 我很喜歡😚。🔸薯仔排骨湯🔸～ 香濃好味🍲， 帶點微辣， 越飲越惹味🥳。🔸柑橘梳打🔸～ 味道香甜💕，飲落有透心涼的感覺。🔸荔枝梳打🔸～ 清香的荔枝梳打， 配燒肉都很夾👍🏻。食一次已經愛上💕濟州燒肉食堂， 燒肉有質素， 店員服務好， 很滿足的一餐。🥰

依期有鋪燒肉癮，所以又去咁搵燒肉食。今次就去咗北角匯嘅濟洲燒肉食堂。估唔到成場爆滿，好在剛剛有食客離座，如果唔係真係有排等喇。我同朋友點咗濟洲燒肉套餐。套餐有特算黑毛和牛上具身肉、黑毛豬五花腩、和牛燒、壺漬牛肋骨、大紅蝦同墨魚。另外仲配有人蔘雞湯或薯仔排骨湯。套餐仲附有前菜同沙律。沙律、芝士同泡菜蛋漿仲係免費無限添加添吖。黑毛豬五花腩同算黑毛和牛上具身肉有用醬料醃好，肉有吸收到醬汁嘅味道，所以燒完都好香好好味。和牛燒就當然唔需要調味啦，咁靚嘅肉，一燒好就已經牛味濃油花香。大紅蝦同墨魚亦好新鮮，燒好後依然爽口彈牙。而一定唔可以錯過嘅就當係壺漬牛肋骨啦。原條嘅牛肋骨，以壺漬嘅方法醃好，不過又真係好長，所以最後都係剪開為兩段嚟燒。燒好嘅牛肋骨肉又香又惹味，無得彈。食完燒肉，再飲返幾碗人蔘雞湯。雖然上枱都一段時間，但食完燒肉，人蔘雞湯依然係暖嘅。人蔘雞湯都相當足料，半隻大大隻嘅雞，仲有粟子等配料。人蔘味好香，再加上濃濃嘅雞味，再食埋依半隻雞，真係飽到郁唔到喇。

好想食咗燒肉好耐！！！終於食到😽✨今次仲要係一間未食過既濟洲燒肉食堂🦐由於係友人book位 佢早2個星期已經問定我時間日子（我仲心諗洗唔洗咗誇張！）7點鐘去到拎位先知原來當日既位已經full 唔接受任何walk-in😨先知道呢間燒肉食堂既威力！！-濟洲燒肉套餐 $756當日我地四人同行當然唔好煩叫左4人套餐唔好煩啦😽見到呢個套餐都幾豐富仲配左個湯就叫左啦✨首先同其他韓式餐廳一樣 一坐底就已經全枱都係配菜：醃青瓜、泡菜、醃蘿蔔、生菜、沙律！然後當然就係爐邊蛋同粟米芝士🍳🧀-套餐入面令NANA最驚喜係壺漬牛肋骨🥩唔好睇佢好細碟 一拎出黎個下真係嚇親 因為佢係「一肉到尾」中間並冇切開 係需要燒到咁上下就剪開個種😎燒完既成果 肉好厚實唔係薄薄 調味濃好入味 脂肪分布十分平均 令到肉的香味更重☺️呢個十分十分推薦！-食堂黑毛豬豬五花表現正常 脂肪比較多所以NANA就一般般 但聽友人講非常惹味呢！和牛燒同牛上貝身肉食落同牛肋骨差不多 都係有調味 肉質淋但相對上冇咁厚 係適合用來包菜的肉片🥬🥩-到大紅蝦同墨魚！呢兩個海鮮燒出黎真係極香！✨好大陣炭燒既味道 非常撲鼻☺️推薦墨魚！燒落唔乾唔韌好爽口 又係食

今日去咗北角匯，商場入面都有好幾間餐廳。見到有韓國燒肉幾多人，今日又好想食，所以就去試下。店名叫【濟州燒肉食堂】，故名思義呢度主打食燒肉。😋我哋order咗黑毛豬燒肉套餐，套餐包括有壺漬牛肋骨、豪快濟州黑毛豬五花肉、食堂黑毛豬五花肉(醬油)、梅花肉上蓋、醬油梅花肉、大八爪魚鬚、薯仔排骨湯。😍壺漬牛肋骨係用一個好靚嘅韓國壺裝住，絕對係影相打卡之選，用傳統韓國醬汁醃過，烤完之後超好味，牛味濃而且油脂分佈好平均。😋豪快濟州黑毛豬五花肉就好肥美，就咁望上去就感覺塊脂肪好厚，但燒過之後原來係有小小煙韌，好有骨膠原同口感，點埋醬汁食非常好味，而且個皮燒完超香脆好正。😋食堂黑毛豬五花肉(醬油)切得比較薄身，有啲似豬柳嘅感覺，食落又係超柔軟肉質好juicy。😋梅花肉上蓋及醬油梅花肉就一個醃過，一個無醃過，燒完之後同樣好好味，韓國嘅豬肉普遍都口感唔錯，醃咗就濃味d，冇醃就淡d，視乎個人口味。😋大八爪魚鬚就係一大條上，烤完表面之後就剪開一片片、烘一烘，極有海鮮嘅味道食到停唔到口。😋薯仔排骨湯味道超濃郁，入面嘅骨頭煲咗好耐，濃濃嘅排骨味出曬嚟。😋提提大家，爐兩邊有烤芝士粟米同泡菜蛋係無限添食，而且生菜唔夠隨

好耐冇食韓燒，朋友喺北角返工，話附近開左間韓燒店見幾多人幫趁，而且佢地有set幾豐富抵食話想試下，反正好耐冇食就黎試下。店面都幾大，直入轉右仲有大把位，全部係四人卡座，坐得舒服亦唔怕隔離枱太近。濟洲燒肉食堂除左散叫亦有套餐，分別係二至三人份嘅黑毛豬五花肉套餐($588)同五至六人份嘅濟州燒肉套餐($726)，由於我地得三個人就叫左前者。黑毛豬五花肉套餐包左五款唔同嘅肉、大八爪魚鬚同排骨湯，都幾豐富，兩三個人食一定夠飽。點菜後先黎四小碟，全部可以免費refill，有泡菜、江魚仔、蒟蒻同車厘茄，其中我最鍾意車厘茄，加左少少糖醃漬過，甜甜地好清新。爐邊蛋同粟米芝士一樣可以免費refill，refill時我地仲叫侍應喺爐邊蛋入面加泡菜，多左爽口感仲好食。沙律同生菜雖然唔係免費refill，但菜量都好足夠，沙律入面加左好多胡麻醬，酸酸地好開胃。每人有一份三式醬料，分別係韓式辣醬、鹽同燒汁，不過套餐入面大部份嘅肉都已經醃左，所以好多時都唔洗再蘸醬。左邊係醬油食堂黑毛豬五花肉，右邊係醬油梅花肉，中間係大八爪魚鬚，兩款肉都因為加左醬油，所以食落甜甜地，加上肥瘦適中，就咁燒已經好好食。八爪魚鬚好粗好大條

上一個月去了北角「濟洲燒肉食堂 」食燒肉Lunch Set，埋單時見到有其他客人食五花肉，詢問店員才知道他們叫左一個晚市套餐(2-3人)又到星期六午餐時間，今次一於再去這個餐廳，試一試下這個晚市套餐「黑毛豬五花肉套餐 $588」：1️⃣ 壺漬牛肋骨2️⃣ 豪快濟州黑毛豬五花肉3️⃣ 食堂黑毛豬五花肉(醬油)4️⃣ 梅花肉上蓋5️⃣ 醬油梅花肉6️⃣ 大八爪魚鬚7️⃣ 薯仔排骨湯邊爐蛋、泡菜、生菜🥬...等前菜都可以追加；不過，今次店內服務員好似比較忙，可能因人手不足，今次要自己落手落腳🙈價格💰：平均每人$323.25 ($588 + $58.8加一服務費)味道😋：OK留意⛔️：午市可叫晚市套餐，但要加一服務費