影片
開飯介紹
燒肉質素高，套餐更無限提供前菜。並提供爐邊蛋、大醬湯等韓食。除了燒肉，午市還提供熟食套餐，例如人蔘雞湯配飯、和燉牛肋骨配飯等等。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
有關獎賞計劃
相關文章
好耐無食韓燒，除了食靚豬肉靚牛肉之外，最掛住那個可無限添加的爐邊蛋。今次這間位於北角匯的韓燒餐廳，坐近窗邊座位的話仲可以望到海旁夜景，加分。我們點了一級五花肉套餐$688，店員先送上前菜小食，有泡菜、芽菜、菠菜、海帶及番薯蓉等好多種類，食完仲可以添加，而放滿芝士粟米及泡菜的爐邊蛋亦是可無限refill。套餐主角一級五花肉的油花勁靚，肥瘦相間，輕輕一燒已逼出油脂，肉香味十足，燒到邊位有少少脆口就最正，加上泡菜和生菜包裹一齊食，每口都好滿足。除有高質的五花肉外，還包括三款不同部位的牛肉，有入口嫩滑很快就溶化的和牛牛五花；有肉味較濃亦多肉汁的安格斯牛外群肉；有色澤紅潤口感有嚼勁的牛小排。套餐食材真係勁豐富，不但有豬有牛，仲有雞及魚。蘋果梨汁雞肉非常嫩滑，醃得好入味，食落甜甜地帶有清新果香；因為無鱈魚肉所有改我最鍾意的新鮮鰻魚，肉質厚實，燒至微焦後魚香味更濃，蘸上鰻魚汁食更好味。還有薯仔排骨湯有好多薯仔及好大件的排骨，湯頭帶點韓式的辛辣味，都幾好飲。最後飲埋好大杯的濟州特飲$32及柑橘梳打$32，兩杯都甜甜微酸的，口感清爽。
繼續閱讀
同朋友去食韓式燒肉店🔥，佢話呢間又經濟又好食! 店舖近於戲院旁，很方便就搵到!! 內裏空間寬敞開揚光亮，坐得舒服，裝潢充滿韓國風情，格調極高! 餐牌種類多：炸雞，鍋物、韓式料理，醬油蟹，醬油蝦都有供應! 今次點了一級五花肉套餐，裏面豬、牛，雞及魚都有，都真係幾抵食!一坐底，店員就主動添上爐邊燒既泡菜蛋及芝士粟米，仲話可無限加配!! 我鐘意後者，芝士味🧀濃配上超甜粟米粒🌽，仲可以拉絲添!! 前菜己經有五款，我地再叫盤生菜黎配肉，每款食幾啖，都夠食飽半個肚皮....🌟套餐有以下幾款：💥五花肉(豬)五花肉肥瘦相間，油脂豐膄，肉嫩甘香之餘不油膩，煎至微微焦脆更香口。附一個唔刺鼻的芥末醬，有助提味同解油膩💥和牛牛五花油花相對偏紮實，脂肪含量比以上低，牛肉味比較濃，適合慢烤，烤至微焦，別有一番風味💥安格斯牛外裙肉油花勁靚，紋理細緻，肉質較結實，帶少許嚼勁💥牛小排色澤紅潤，大理石油脂花紋分布綿密，沒有筋膜，肉質細嫩多汁，牛脂味濃!💥一口燒鰻魚雪魚無貨，改上鰻魚取代! 魚身非常厚肉，一放入燒中燒，魚肉即時收縮! 外層燒得香脆，散發出令人垂涎欲滴的香氣! 燒後肉質保持軟滑彈牙，鮮嫩多汁，每一口鰻魚都融化在口中，令人回味無窮💥蘋果梨汁雞肉用蘋果和梨汁醃製，令雞肉帶甜，燒出黎好嫩滑，比我想像中更加Juicy💥韓式薯仔排骨湯湯底味道濃郁，後勁辛辣! 排骨肉質不只軟淋，味道亦非常入味! 薯仔鬆鬆軟軟，入口帶有微辣，好鐘意這個湯既味道!💥荔枝梳打及青檸梳打🌟前者：感覺帶有淡淡嘅黑加倫子果香味，加上大大粒荔枝果肉，飲落清新涼快🌟後者：新鮮既青檸加上梳打，好Fresh，燒住肉飲一流，帶走埋熱氣又能解油膩!套餐每款肉都有4-5片，份量不算多，但食完都好飽。服務員招呼殷勤，態度親切，贊!🥰
繼續閱讀
今日過開嚟北角開會，又想食下韓燒，諗起有間濟州燒肉食堂都幾好食，就同同事再次encore。 店員先送上前菜，有酸蘿蔔、泡菜、芽菜、菠菜。 最欣賞可以無限量添加泡菜蛋同埋芝士🧀。 而且呢度個抽風系統都好好，唔會食完成身一陣味。 我哋揀咗個一級五花肉套餐。 一級五花肉：五花肉肉質柔軟，肉味香濃，五花肉肥瘦適中，燒一燒油香更加突出！ 和牛牛五花：和牛牛五花肉質都好稔，油脂均勻，牛味濃郁。 牛胸肉：牛胸肉較少脂肪，肉味濃郁。 安格斯牛外裙肉：外裙肉多脂肪，肉質軟嫩多汁，並且呈現出美妙的口感和風味。肉質非常嫩滑，睇見啲油花已經知一定好好味，油脂入口有溶化嘅感覺，真係好正🤤🤤，唔需要加任何調味料已經好好味。 牛小排：脂肪比例恰到好處，肉質鮮嫩可口。 鰻魚：原本係鱈魚，不過鱈魚無貨就改為鰻魚，仲啱我口味。鰻魚香味濃郁，而鰻魚肉質亦好嫩滑，而微微嘅焦香味加晒分，加埋啲鰻魚汁，味道啱啱好，好滿足呀。 蘋果梨汁雞肉：雞肉有淡淡嘅蘋果梨汁果香味，雞肉吸收晒啲果香味，而且雞肉亦非常嫩滑。 黑米冷麵：冷麵夠晒冰凍，簡簡單單配青瓜絲、蘿蔔絲同雞蛋已經好好味，食完燒肉比較重口味，食個冷麵感覺更加清新。 薯仔排骨湯：薯仔排骨湯同我哋港式嘅薯仔排骨湯好唔同，薯仔整到好稔，做到融化嘅感覺，吸收晒湯汁，帶點韓式嘅辛辣味，非常滋味。豬骨好入味，如果加多碗飯送埋就一流！🤤 荔枝梳打＆濟州特飲：梳打好大杯，啱晒一邊食韓燒一邊解渴。濟州特飲係芒果紅茶，味道唔會好甜，芒果味同紅茶嘅比例恰到好處。
繼續閱讀
飽覽海景既韓式燒肉店🇰🇷座位坐得舒服店員服務亦好好而燒肉套餐同特色韓國菜式既質素都不錯🌟雅韻濟州饗宴豬肉類有肉質甘甜 油脂均勻肉香且嫩滑既濟州黑毛豬梅花肉同肥而不膩既一级五花肉🐖牛肉有分布著網狀既細緻油脂既和牛牛五花帶肉既鮮味同脂肪既美味同牛味濃郁食落滑嫩既牛小排🐮仲有清新既蘋果梨汁雞肉 用上雞腿肉夠哂嫩滑,仲有鮮甜爽脆既大八爪魚🐙同湯頭鮮甜濃郁既大醬湯👍🏻🌟石頭鍋飯石鍋飯夠哂熱辣辣將色彩繽紛既配料,蛋同韓式甜辣醬撈勻食係非常開胃🙌🏻🌟泡菜煎餅煎得好香口 外脆內嫩味道酸酸辣辣 夠哂惹味👍🏻
繼續閱讀
北角匯環境清幽高檔韓燒餐廳👍🏻😋 座位寬敞舒適😝職員服務態度親切友善，仲會細心介紹菜式同埋燒烤技巧😍仲有得任添泡菜蛋同埋芝士粟米😋😍今次揀左新推出嘅雅韻釜山饗宴（$688）豬、牛、雞、海鮮同湯品都有齊！套餐包濟州黑毛豬梅花肉、一級五花肉、和牛牛五花，牛小排🥩大八爪魚🐙蘋果梨汁雞肉🐔十分豐富🥰五花肉配燒肉醬包生菜食好fresh唔油膩😙 黑毛豬梅花肉肉質鮮嫩多汁👍🏻和牛牛五花油脂豐富，入口即溶😝牛小排肉質鮮嫩有嚼勁～肉味濃厚！雞肉嫩滑真係有果汁的甜味，用蘋果同梨汁去𩸆十分新鮮嘅配搭😋套餐仲包埋大醬湯🥘熱辣辣份量都好足料🙌🏻石頭鍋飯🥘店員將拌飯醬慢慢加入攪拌均勻👍🏻米飯軟糯焦脆，每啖都有滿滿牛肉冋埋配料😝泡菜煎餅🫓每件都有泡菜餡而且一啲都唔辣👍🏻泡菜嘅酸甜味好開胃😙外層煎到好香脆中間又有煙靭嘅口感🥰配搭特製醬汁亦非常惹味！套餐仲包埋大醬湯🥘熱辣辣份量都好足料🙌🏻
繼續閱讀