吉列牛忌廉烏冬專門店 (彌敦道)

營業中

休息中

乘較少人中午時段與友人飯聚，被安排坐卡座，旁有落地玻璃，空間開揚，坐得舒服。點了個套餐，就是店名有的吉列牛及忌廉烏冬，本還擔心味道會否很奇怪，😌卻意外合理。還加了份韓式醬雞翼，吃精光後滿足地離場。😋-#吉列牛定食 $148定食內容豐富，肉、飯、小吃、湯和醬料。吉列衣很薄，明顯有炸蒜粉，上桌時牛肉約1成熟，放在爐上煎時要小心吉列衣飛彈🤪。我煎至8成熟，牛肉🥩絕不乾柴，厚度適中，肉汁飽滿，油脂滲出，不蘸任何醬料依舊香口，而個人喜歡薄蘸少酸甜的蜜糖青芥醬，還是美味🤤。白飯🍚最好熱吃，放一會兒飯面有點乾，但內裏還是軟糯的，飯上飯素自然令吃飯意欲大增，哈哈！如果定食有更多蔬菜更佳啊！-#咖哩忌廉牛肉烏冬 $78名字令人卻步，但吃下驚喜滿滿😳。下面的咖哩牛肉烏冬熱烘烘，鋪在上面的純白忌廉便有點像熔岩🌋的狀態，會點點溶化、往下沉。忌廉質感較稀、不是很甜，與濃香咖哩汁挺配，烏冬煮得剛好、軟彈牙，內裡牛肉也充滿咖哩香，好像在吃咖哩牛腩呢！雖然餐單上寫此味少辣，而我不是能吃辣的人，覺得一點也不辣。-#韓式甜辣醬單骨雞翼 $65今天日、韓式均備！此韓式甜辣醬的甜比辣味強，友人怕辣也吃得風生水起。炸過的雞翼被

突然好想念韓國美食，特別是吉列牛和忌廉烏冬這間來自韓國的過江龍Kobekyu絕對滿足到這種慾望吉列牛定食 - $148牛扒以吉列方式炸得金黃鬆脆，內裡肉質粉嫩大概只有兩三成熟再遂塊將牛肉放到鐵板上燒烤，按喜好控制熟成度外皮依然保持脆身，入口越咀嚼越有牛味本身牛肉的味道已經好濃郁，可再蘸上燒肉醬油或芥末沙律醬，還有少許 Wasabi，可品嚐多種口味定食還包括了胡麻醬豆腐、小蕃茄、飯和麵豉湯，份量絕對足夠咖哩忌廉牛肉烏冬 - $78咖哩烏冬被忌廉泡沫完全覆蓋著，外形與忌廉蛋糕無異忌廉能為食材添加甜味及香滑感，建議拌勻來吃咖哩變得更香更滑，烏冬彈牙之餘又有咬口十多粒牛肉粒肉質鮮嫩富口感裡面還有少許洋蔥和西蘭花Kobekatsu 牛油蜜糖單骨雞翼 - $65清新的蜜糖甜味加上濃郁的牛油香味令人難以抗拒配上雞翼炸得嫩滑多汁單骨雞翼更可沾上更多醬汁，進食又更方便

🔸吉列牛定食 $148🔸咖哩忌廉牛肉烏冬 $78🔸牛油蜜糖單骨雞翼 $65🔹另收加一服務費.好掛住之前去大阪食過嘅吉列牛，就同朋友搵到旺角都有間吉列牛專門店，位於成棟都係餐廳嘅726大廈，而且非常旺場。七點鐘嚟到剛剛好有位，聽到其他食客未人齊係唔可以入座住，而且限時75分鐘，座無虛席啊！想講有大玻璃窗望出去見到日落超靚景啊！當然唔駛講就叫咗份吉列牛定食啦，套餐包一份吉列牛扒、有飯素嘅飯、凍豆腐、車厘茄、味噌湯。牛扒自己燒到喜歡嘅生熟度，外面炸粉唔算厚而且有調味，唔蘸附上嘅蜜糖芥末醬都好好味。另外再叫咗menu上成碗都係白色嘅不明物體，原來係忌廉烏冬，白色嘅忌廉蓋住下面係咖喱烏冬，撈勻就變咗好似平時食卡邦尼意粉咁嘅質地，裡面有牛肉粒，邪惡又滿足。又叫多份雞翼小食，單骨好貼心易入口，蜜糖調味令人諗起韓式炸雞！

旺角726中心呢到好多野食，好多特別的餐廳。今次趁LUNCH來到呢到，食個韓式午餐~好好享受一下先。環境好光猛，而且空間感好大，木色主調是經典的韓風設計。MENU的設計都是簡約風，予人簡潔及明亮的氣氛。主食我點左呢個好特別既咖哩忌廉牛肉烏冬$78，呢個真係好獨特的DISH，在出面真係冇見過呢個食物。好滑的CREAM見到都好想食，厚厚的白濃CREAM下面，仲一碗咖哩味的牛肉烏冬。份量好大而且牛肉都好多，$78真係抵食。另外，點左一個小食---牛油蜜糖單骨雞翼$65蜜糖有少少檸檬味，非常好食，而且單骨雞翼食起來好方便! 一共有5隻雞翼，味道好好，好想再食多D。朋友點左呢個吉列牛定食$148，有湯有飯而且前菜。定食有美味的紫菜湯吉列牛的皮有好多炸蒜，食之前要在小火爐上煎熟佢。呢個食法都係相當特別，好處是可以控制自己食幾熟的喜好。唔好睇個爐細細，其實都好熱而且都有炸炸聲~好香呀。食落口有好香蒜味，牛肉也好林又甜，好好味呀~!!!呢到真係令人好多估佢唔到的驚喜~!!!!下次一定要再來食下其他的食物先。

上星期二晚收工之後，有事要到旺角。因為呢排天氣開始凍，想食啲暖笠笠既野，就唸起咖哩烏冬，隨機一搵，醒起附近有呢間近期好出名既韓國餐廳。餐廳食吉列牛同咖哩忌廉烏冬為主。因為一個人黎食，只可以食一款。吉列牛都多地方可以食列，就叫左咖哩忌廉牛肉烏冬再加炸芝士薯仔年糕做小食。咖哩同烏冬都咖哩都唔係好濃個種，雖然兩種味道聽講好似有點奇怪，但攪埋一齊食原來好夾！！忌廉好滑，加埋咖哩味鹹鹹地，再加上烏冬，味道岩岩好，冬天食好溫暖。牛肉反而就無咩特別，有少少韌，但個汁真係好正，好特別，未食過都可以一試。因為覺得剩食烏冬有少少悶，唔夠滿足，再叫多左個小食。炸芝士年糕，個皮好薄好脆，一咬開啲芝士爆晒出黎，但稍嫌芝士味比較淡，如果芝士味濃返少少就一流。食完咖哩忌廉烏冬加上一舊炸芝士年糕，已經好飽。整體呢講，餐廳價格唔算貴，質素都唔錯，推介冬天食咖哩忌廉烏冬，食完包你暖返晒

之前去日本旅行既時候好後悔冇食到吉列牛，番到黎知道香港有得食就即刻去試下依度最主打既菜式當然係吉列牛啦～ 兩個人既話叫set會抵啲！我同朋友就叫左set 2 share黎食Set 2包2罐汽水，依度有好少見既蘋果味+C！首先上菜既係咖哩忌廉牛肉烏冬烏冬上面個層忌廉有紋路，打卡一流，唔捨得混均佢忌廉下面就係好濃郁既咖哩烏冬，微辣令人一口接一口，配埋忌廉更加香滑吉列牛定食就有好精緻既擺盤～麵豉湯有足料昆布 飯本身就拌左啲飯素，唔怕食淨白飯主角吉列牛本身已經輕輕炸左，但入面仍然係未熟透～ 依度有個爐仔比你自行燒熟個牛去到你想要既程度半熟既吉列牛口感好有趣，表層有脆脆地炸過既感覺，但牛入面仲係好嫩滑！美中不足係個炸皮唔夠脆，有少少淋左，如果再脆啲就更好啦！我地仲另外叫左一客Kobekyu滋味單骨雞翼，好惹味！單骨雞翼食落去好方便，每隻雞翼都好平均咁沾上左啲調味粉調味粉應該係加左啲香料既芝士粉，配落冇咩點醃過既雞翼，唔錯總括黎講成餐都好滿意，價錢又合理，可以再戰

今天為了吉列牛而來甫坐下就二話不說點了吉列牛定食吉列牛賣相相當吸引肉身呈鮮嫩的紅色外層經油炸吉列處理令味道本身已經濃郁的吉列牛加點香口口感方面同樣出色肉質軟嫩吃的時候毫不費力個人認為煎至半生熟就剛剛好配上白飯食用是絕配白飯面上亦鋪上椒鹽味道惹味另點了咖哩忌廉牛肉烏冬咖哩忌廉跟烏冬的配搭新鮮感十足原以為滿滿的忌廉會有油膩的感覺吃後有驚喜卻沒有油膩感每一口都是creamy又煙韌的烏冬牛肉口感豐富有咬口吃完後有意猶未盡的感覺

限食1個頭15分鐘一年之中的最後一日今年嘅最後一餐係去食呢個忌廉烏冬咁一直想試下係咩特別嘢所以先去旺角呢間忌廉烏冬食係呢個726大廈未去過 第一次黎 原來呢到都幾多嘢食直接上十七樓入到門口 見啲位都full full地但唔駛等就入得啦佢同我講入座後一個鐘頭十五分鐘要交枱 入我入未但我朋友其實未到 但我照入嘅menu都其實唔駛點揀但我個menu應該比隔離枱拎咗 得返個餐飲menu都唔明佢地點解要拎隔離枱個menu咁我已經決定好食咩有晒目標啦當然係試個忌廉烏冬見到隔離燒緊個吉列牛所以就點咗餐牌上中間個配搭放得都幾靚嘅一盤吉列牛定食賣相唔錯仲有個凍豆腐味僧湯 都算豐富嘅咖哩忌廉牛肉烏冬講真個賣相其實一般 但食落同想像係唔一樣個咖哩忌廉牛肉烏冬同一般嘅咖哩牛肉烏冬冇咩分別想像中以為有忌廉味其實係冇嘅 跟住我試咗一啖忌廉其實只係泡泡但唔知佢用咩打呢啲泡泡出黎 實質係冇乜味而個烏冬係唔錯嘅忌廉只啅頭嘢咖哩味唔錯同似咖哩汁烏冬冇咩分别甜甜地烏冬軟冧冧 入口容易佢啲咖哩牛肉幾好味咖哩都入味成個牛肉同烏冬都有咖哩味但佢係似撈烏冬 唔係湯烏冬黎到個吉列牛定食豐富嘅個餐有前菜頭盤吊下口癮跟住啲牛仲可以放上石

去麥花臣睇SHOW前食飯..旺角多就多餐廳呀,多到唔知食乜好!?之前上網睇過吉列牛,襯今次試試餐牌上選擇不多,呢個定食基本上是黎到必定會叫..配菜無乜特別,因為主角係吉列牛...我比較鍾意食生D,所以加熱少少就食...可能再加熱關係,食落口無咁脆...牛就比較鬆軟另外加了一個咖哩忌廉牛肉烏冬,咖哩比較辣

之前係社交平台，見到有朋友洗版式 post「吉列牛忌廉烏冬專門店」嘅忌廉咖哩牛肉烏冬，賣相極之吸引，所以一直都好想試。今日放工，終於可以試到。呢度環境唔算大，一眼望得晒，但有落地玻璃窗，透光度好足，令人好舒服。咖哩忌廉牛肉烏冬 $78望到已經好興奮，烏冬賣相好邪惡，面層鋪滿咗厚厚嘅忌廉。先試咗啖忌廉，好幼滑。再將忌廉同咖哩烏冬撈勻，食落口感超正，好 creamy。咖喱好香好濃，辣度適中，牛肉唔靭，果然無令我失望。湯底有3款選 : 清香抹茶湯、蔬菜鰹魚湯、豚骨湯。韓式炒牛肉茶漬飯 $58 定食有兩款前菜，有麻醬豆腐同小蕃茄。今次揀左清香抹茶湯。湯底用茶壺裝住成壺上，客人可按自己口味加幾多湯。抹茶湯味道清淡，飯上面撒有蛋同飯素，加入湯撈埋，味道就出晒黎，估唔到咁好食~ 再配埋炒得好入味既燒汁牛肉，更加好食。可樂 +$5跟餐就只有可樂選擇，如果多幾款會更加好。Passion Punch $38三款特飲顏色都好吸引，呢杯檸檬味，感覺清新。

又同肥雞脾太太去旺角覓食，今次試試韓國野加上最近有同事去完韓國，推介忌廉烏冬好彩早左黎，大把位，但係侍應指定要加住隔離果枱坐，咁多位隔幾行都得掛我哎左一個咖哩忌廉烏冬將忌廉撈埋熱辣辣既烏冬同咖哩，都幾滑幾香都幾特別，食左咁多忌廉有D罪惡感肥雞脾太太哎左個蟹蓋飯團，蟹膏好香幾惹味，夾埋飯團食又不錯食哂飯團仲有D蟹膏剩，肥雞脾太太自私淨食，邪惡怕唔夠食哎多碟炸雞，韓國烤雞幾好，會有D醬汁係面，無咁漏，自己呃自己無咁熱氣甜甜地幾好食又一邪惡美食今餐都唔錯，野食幾好，哩一服務態度一般，可以再黎

吉列牛、忌廉烏冬，韓國必食系列之一。知道旺角彌敦道726號有得食。六點左右完左event，同另一半襯未入夜現長龍，就即刻過去食番轉。一出lift門便是鋪面。正中間多張二人座，整齊舒適，左方仲有梳化位，對住外景，睇住黃昏雲霞，食住韓餐，別有一番味道。每張台均有一個黑色的小立方爐，以供燒吉列牛之用。店員服務親切有禮，很有效率。咖哩忌廉牛肉烏冬($78)：白雪雪嘅忌廉蓋住面層，滑得來有微微的花紋，中間亦撒有蔥花。輕輕伴開忌廉，就見到熱騰騰嘅煙湧上來，隨之夾起咖哩鳥冬，亦傳來香噴噴的咖哩辣味。撈起忌廉，烏冬食落特別滑身，咖哩辣度剛好。還有牛肉小片5、6塊，剛熟、嫩口。吉列牛定食($148)：終於到吉列牛啦！有20塊之多。每塊都有薄薄吉列的炸脆。除左吉列牛主食之外，仲有一客豆腐、車厘茄；一碗味噌湯(內有好厚的海帶)、一碗配有topping碎。每塊牛肉色紅得一致，厚度都係一樣架。放上小立方，前後燒2-3分鐘就入得口。就咁燒完入口，都好夠味道。如果想換換口味，亦有芝麻醬，類壽喜燒的鼓油。三款味道，任君選擇。接近六時半，全場已滿座。幸好做一步到鋪，即刻有位。見每座都有吉列牛同忌廉烏冬，果然是特色必食之

很久沒到旺角搵食！據聞有間韓國來的連鎖店，既有日本的吉列牛，又有韓國的忌廉烏冬，對香港人來說，這2款食物都充滿新鮮感，今次就跟朋友來嘗嘗。按著地址走，才發現餐廳原來坐落於旺角一憧商廈內。而該商廈的商戶大部分都是餐廳，而且很多都未吃過，看來以後覓食又多個新據點了！ 同朋友2個去食，大家一致認為要試招牌菜，另外還點了蟹蓋飯糰和一杯朋友想試的特飲。 吉列牛定食 ($148) 這個吉列牛定食的擺盤還算精緻，除了吉列牛肉和兩款醬汁外，還有小小的Wasabi、胡麻醬豆腐、小蕃茄、飯和麵豉湯。 我不是第一次吃吉列牛，之前在另一家餐廳已經品嚐過。看到這個吉列牛的炸粉的顏色，便覺得有點遜色。炸粉的顏色呈深色，所以似是重用炸油或是炸油不新鮮，令賣相上著實扣了點分。 伴菜沒甚麼特別，就是小小的，挺精巧，然而我還是對那吉列牛最期待。吉列牛雖為一人份量，但一數一下竟然有19片，真的令人意想不到呢。吉列牛的特色就是，上桌時，牛肉以吉列脆面包裹，中間的肉只有1-2成熟。食的時候，我們可以按照個人口味把牛肉放到餐廳提供的燒板上燒，當牛肉燒至自己喜歡的熟度，就可以吃了！ 看著牛肉在熱石燒板上烤著，脂肪加熱時發出

第一次食吉列牛係日本京都,一直想係再食！  返到黎香港一直尋覓, 感覺香港除jor 高級餐廳外, 好少搵到. 而今次係旺角畀我搵倒呢間～ 見佢除jor 吉列牛外仲有忌廉咖哩烏冬！ 而且價格都唔係好貴～ 所以一於去試下。點jor 一個 吉列牛+忌廉烏冬套餐 同埋一個茶漬飯～ 總體黎講 賣相唔錯～  吉列牛 每塊係上面3秒就可以食～ 口感不錯. 而且點埋那個小小wasabi 味既沙拉醬食, 仲好滋味. 第一次食, 一上台就熱lala , 上面一層厚厚忌廉, 賣相相當吸引. 之後開始撈,見到裡面有熱辣辣既咖哩烏冬出黎～ 發覺忌廉同烏冬撈完後, 係特別滑. 而且佢小小辣, 非常過癮. 之後就係呢個茶漬飯～  佢個湯幾香, 而且清清地, 再加埋那個燒雞, balance返. 呢個蟹膏都好好味, 送飯一流. 不過覺得那個飯更加軟d 同熱的話, 會更好. 覺得總得黎講, 不錯. lunch 黎既話, 冇咩人, 坐得比較舒服, 而且坐靠窗邊仲可以睇靚埋個view～ 食得舒服. 

收到公關公司試食邀請,同老公o係今日(15-7-2017 Sat)晏晝o黎試食,上o左openrice睇應該試咩招牌菜,就決定要$148.00o既吉列牛定食,同$78.00o既咖哩忌廉牛肉烏冬,落完單等好耐,成25分鐘,吉列牛定食至到.1分鐘後, 咖哩忌廉牛肉烏冬都到o黎,我o地開餐喇.吉列牛切薄片,應該有3成熟,如果嫌生,客人可以自己再放o係石板上再烤熟啲,我先唔烤,食佢原本o既生熟度,牛肉味道唔濃郁,烤吓佢,味道一樣;而口感,無論再烤唔烤過都係幾難咬開,一定要成件擺入口o趙;而佢o既吉列漿本身都鹹香.味道: 1.5分--->1分麻醬菜絲, 麻醬豆腐同麻醬車厘茄,完全冇問題;但白飯竟然係未熟透,中間仍硬;海帶麵豉湯竟然淡到近乎飲水,老公更要加蘸吉列牛醬油飲.味道: 2.5分--->1.5分而咖哩忌廉牛肉烏冬呢,呢個熱騰騰,咖哩入晒烏冬內,味道充足,口感又彈又滑,而除o左牛肉外,配料都幾多,有冬菇同西蘭花.我o地重用咖哩汁撈飯食.味道: 4.5分--->4分份量係我o地食完兩個鐘後就開始餓了.由於佢o地事前已經知我o地係試食,所以呢篇食評除o左抵食唔扣分外,其他