吞POT 雞煲火鍋.住家菜 (已結業)

招牌螺片濃雞湯飲左個湯底勁鮮甜 頂級安格斯牛小排 我地另外叫埋手切封門柳牛小排好濃牛味 同入口即溶 封門柳就比較有咬口象拔蚌 好新鮮 淥幾秒食得十全大寶丸每一粒都有餡 十分之驚艷芝士牛肉丸同埋黑松露丸係我覺得最好食但係食嘅時候記得小心焫親嘴🤣超級多芝士呀除咗打邊爐嘅嘢之外，佢嘅炸物都非常之好食炸魚肉春卷好香口熱辣辣芝士響鈴本身會驚佢好漏，但係原來呢個組合係Perfect 喺特價時段所有配料仲要係半價咋，所以性價比真係超高所有食材都好新鮮 上菜又快環境非常之好望住個靚景打住邊爐超級正嘢飲大大杯一杯就夠飲啦叫到成枱都係嘢食又有海鮮又有新鮮牛都唔使$1000超抵食❤️…查看更多

😋味道：8.6/10📸打卡：7/10🗣服務：7.8/10🏡環境：8/10💵人均：$200-350💰性價比：7/10👍🏻推薦度：8.5/10🏃🏻‍♀️回頭率：40%.🏡呢間喺726號嘅上面位置方便 空間闊落 坐落幾舒服.🥘重慶麻辣雞煲(bb辣) $178/半隻 (8.5/10)麻辣湯汁好香好濃 我唔食（極憎）芫荽但都唔會好影響個汁個味😋而且雞肉嫩滑 仲要半隻都好多肉 唔會得骨🤣啲雞仲好入味 好香😙.🍡十全大寶丸 $138/10 (8.5/10)呢個真係值得一試🤩有驚喜！除左個涵之外 粒粒都好好彈牙尤其墨丸真係彈牙又香 真材實料！😍唯獨海膽有啲腥 可能唔係咁啱咁樣食🤣.🧀爆芝響鈴$45/3 (10/10)✨必試之選‼️🤩原本好擔心佢唔抵 冇乜芝士 或者會奇怪結果佢勁大條 仲要芝士份量恰到好處佢唔係爆涵嗰隻 食到中間啲芝士會漫漫滲出嚟好match!! 唔點豉油都好好食！😋.🥗冬瓜片 $38 (7/10)講到打邊爐冬瓜就係我嘅最愛🥰佢切得好似花咁🌸清清地得嚟又索到麻辣汁 正！😍.🍜紅薯粉 $35 (6.5/10)意料之外嘅係紅薯粉比較一般般原本期待會好咬口 煙韌但咬落比較似係粉絲 一咬就斷冇乜口感😣不過落呢個湯底到好索汁好似更辣了🤣.🐼呢度嘅雞煲唔錯 湯汁香濃 雞肉嫩滑🥰估唔到佢嘅火鍋配料更出色！🤩真係必試！一開始覺得有啲唔抵 但食落又覺得超值😙.…查看更多

今日好想食雞煲，所以同個fd黎左呢到食呢到有落地玻璃，景觀好開揚，坐得好舒服職員會拎個醬料盤黎，唔洗自己出去拎之前食過個花膠雞煲覺得好好食，今次決定再叫結果都係冇令我失望，雞湯好濃味，雞超級嫩滑，仲要有花膠同螺片，好補身十全大寶丸分別有生拆蟹粉墨魚丸、黑松露墨魚丸、黃金海膽墨魚丸、香煎鵝肝蝦丸、芝心牛丸。呢5款入面我最鍾意係個蟹粉墨魚丸，一咬開好濃郁既蟹味最鍾意食既呢個爆芝響鈴，得呢到先食到響鈴入面有芝士，好特別生菜好新鮮，睇得出唔係cheap野呢個豬梅肉都好好食呀，唔會話太肥，但又唔係好瘦，岩岩好仲叫左杯大檸茶，真係好大杯，2個人飲都夠打邊爐食到膩飲返杯茶真係好解膩係到打邊爐好舒服，環境又靚，坐得又舒服，門口仲有個大魚缸養魚…查看更多

之前搭巴士經過彌敦道有一棟全部都係餐廳既大廈，想試好耐。咁啱今日約咗朋友食飯就約咗佢去呢幢大廈搵食！係個lobby睇到樓高二十幾層既餐廳簡介，有好多餐廳真係揀到眼花撩亂。最後我哋揀咗呢間打邊爐，事關天氣開始轉涼，係打邊爐嘅好季節。一出lift餐廳門口有個好大嘅魚缸入邊有好多唔同嘅觀賞魚。餐廳面積雖然唔大，但目測都有十幾張枱，可以坐20-30人。坐低左之後職員會介紹湯底，湯底選擇都好多除咗有平常嗰啲湯底之外，仲有雞煲、辣煮海螺雞湯、花膠雞湯等等。我地先揀湯底之後再慢慢揀餸。因為我同朋友都keep fit中，所以揀咗個好清嘅豆腐清湯鍋。等左一陣湯底就到la，估唔到咁清嘅湯都有架都唔同嘅配料，好似大蔥、蕃茄、秀珍菇。個湯雖然好清但飲落好清甜，啱晒女士或者有小朋友嘅朋友。睇咗個Menu都好多款嘢食可以揀，有丸類、餃類、肉類、海鮮類、菜類等等。我同朋友得兩個人，食得唔多，更係揀啲特別啲嘅嘢食啦。我哋叫咗個廚師推介嘅爆芝響鈴，響鈴係即炸，嚟到嘅時候係熱辣辣，中間見到有芝士溶。水滾燙大約一兩秒就食得，口感好脆，入邊d芝士味有啲似車打芝士，好好食同響鈴好夾。打邊爐我最鍾意就係食啲手打嘅丸。佢呢度好多選擇，我哋就梗係叫一個乜都有嫁啦，一次過試哂吾同味。最好食係芝心牛丸，牛丸好爽口，一咬入邊有好多芝士爆出嚟。最特別嘅係黃金海膽黑墨丸同埋蟹粉墨魚丸，入邊真係包左啲海膽同埋蟹肉，估唔到海膽用來做熟食都幾好食。我同朋友本來都唔係好食牛，肥牛打邊爐就見得多啦，牛柳粒打邊爐真係第一次，我哋叫咗一份嚟試吓。因為牛柳粒比較厚，打邊爐有啲難掌握幾時食得，我哋試過幾次，大約煮6分鐘就剛剛好唔會太熟又唔會太生。食落比起一般肥牛牛味更重，中意食牛既朋友值得一試。我同朋友兩個食咗大約五樣嘢，埋單五百幾蚊，價錢都唔算平，但質素唔錯。…查看更多

星期三放工緊係要歎下，想坐得舒服又食得過癮，首選吞POT，雖然有少少貴，但係勝在物有所值，又唔驚俾人趕走~上次食過豬肚雞，今次就食麻辣重慶雞煲($178)，可以話係非常惹味，用咗洋蔥同辣椒一齊炒，配料唔多但係已經夠哂入味，辣味愈煲愈入味。雖然唔識分新鮮雞定急凍雞。但係雞肉都非常鮮甜。食得七七八八就可以加水打邊爐。自製爆芝響鈴($75/6件)，層層響鈴包住厚厚嘅流心芝士，非常邪惡，因戚係即炸，所以要快啲食，唔係嘅話就會冇哂口感。十全大寶丸($158)，粒粒都係手打，爽滑彈牙，入面嘅餡料都非常高檔又豐富，而且創意襯搭滿分，物有所值啦。…查看更多

做野做得太辛苦，今日係時候慰勞下自己，就同朋友黎左之前都食過一次既吞pot打邊爐。晚市7點入座，已經非常熱鬧，所以一定要訂位。環境舒適，通風好，唔會有一大陣味，靠窗位置仲可以欣賞街景添。叫左麻辣重慶雞煲($178/半隻)，十全大寶丸($158)。非常推介麻辣重慶雞煲，可以自選辣度，叫左個BB辣試下。雞件炒得非常香，辣辣地令人流哂口水，每件都非常有肉，而且係足半隻份量，冇偷工減料。十全大寶丸有5款自家手打丸物，包括手打生拆蟹粉墨魚丸、手打黑松露墨魚丸、手打黃金海膽黑墨丸、手打香煎鵝肝蝦丸、手打芝心牛丸，每款有2粒，擺碟吸睛，每粒都好有份量同滑嫩，特別鍾意蟹粉同鵝肝丸，味道濃郁，而且食材好新鮮。而芝心牛丸入面既芝士多到爆哂出黎添。入座後，侍應會放上九宮格調味盒，按個人口味，選擇鍾意既味道。幾創新，而且鍾意點撈都得。整體，舒舒服服嘆火鍋，同鄰座座位唔近，唔駛趕住食。而且侍應服務唔錯。…查看更多

突然想食胡椒豬肚雞煲，見到依度有，中午仲要半價，於是一試。果然唔錯一點去到，週末人不多，只有兩三台打邊爐，亦有人叫lunch set，環境幾好，有大玻璃望到太子果邊既樓，都好開揚。我地叫左半隻胡椒豬肚雞，入面已經包括左一啲蘿白、腐皮，胡椒味香，豬肚乾淨，幾好。原來煲底同飲品冇半價，不過唔緊要啦，所有配菜都有半價，可能由於特價嘅關係，我哋兩個人叫咗好多嘢食，每碟份量都幾大，對得住價錢。佢地啲丸幾有特式，叫咗個十全大寶丸，每一粒入邊都有饀，大大粒，食得出係手打仲有個炸魚皮好好食！係即叫即炸，上台仲係熱辣辣， 又夠脆夠香，我哋都忍唔住係咁食。…查看更多

好耐都冇同老竇食嘢，老竇最鍾意就係打邊爐，又唔鍾意去遠嘅地方，於是就近近地搵左旺角嘅呢間吞pot。去到23樓一開lift就見到佢嗰一缸龍吐珠風水魚，d魚靚之餘缸水又好乾淨，睇黎老細好有心機養魚。坐低嗰陣時都係6點幾左右，見到佢七點半前埋單有半價，於是就問吓個侍應，跟手就即刻幫我地mark低咗可享半價。於是乎我哋就快快手落好單。見到隔離有枱叫咗個牛肉，中間好似有朵花咁，望落又唔會太肥，於是就問下侍應，原來嗰個就係特級美國肥牛。上到枱碟牛又真係唔係好肥，啱晒我哋鍾意食瘦嘅人。而且肉味濃郁，焯佢8至10秒食就最嫩滑可口。美國桶蠔一碟有五隻，全部都大大隻，掌握好時間滾至啱啱熟，咬落去鮮甜得來又多汁，仲一啲都唔腥，連平時唔鍾意食生蠔嘅女朋友都食到唔停到口。佢個爆芝響鈴都幾特別，淥2秒左右拎返上嚟，既脆又軟，中間嘅芝士流心般流出嚟，估唔到嘅係芝士同響鈴都好夾，一d都唔會太溜，我自己一個就食晒三件。蜂巢豆腐索吸左啲湯汁都好好味，再加上皇帝菜好新鮮，三個人食咗兩碟好快就清晒。結果我哋三扒兩撥好快就7點3左右已經食晒，有半價咁抵，下次可以約埋成屋人一齊再食過。…查看更多

近排天氣開始涼涼地，邊爐鬼又係時候出動啦趁住娘親去咗旅行，就同男朋友約埋老竇一齊去大快朵頤。我哋一早訂咗位，六點鐘嚟到嘅時候發現全場已經八成滿，一問之下原來七點半離座，火鍋配料同小食都有半價優惠，頓時即刻心心眼呢度唔止有得打邊爐，原來仲有雞煲供應架！但今晚想食海鮮同牛為主，所以就決定打邊爐慢慢嘆🤫湯底都好有特色，加咗幾轉湯味道依然都keep住，真材實料，要俾個like佢👍🏻見到隔離枱啲牛好靚，一問之下原來只係最平嗰種美國特級肥牛，肥瘦分明，咬落仲好有牛味添，而且份量亦都比我想像大份，抵食👍🏻十全大寶丸係呢度嘅招牌菜之一，當中佢嘅香煎鵝肝蝦丸同埋黃金海膽黑墨丸係我至愛。一人一粒絕對唔夠喉想encore🙊蜂巢豆腐亦係我嘅至愛，可能因為佢索曬嘅湯底香濃嘅雞加螺頭味，所以食落好入味，而且夠曬厚切，兩者配合埋無得輸爆芝響鈴成功投得我家主子歡心我就怕肥所以唔敢試，但見佢新鮮炸起又冇油益味，內裏嘅流心芝士都好juicy，係側邊勁我流晒口水另外仲叫咗羊肉片，相信配麻辣鍋應該會更Lam lam脷呢度嘅皇帝菜好新鮮，唔會有渣，所以我叫咗兩碟，食咁多肉清下腸胃呀嘛Seafood lover襯住半價就梗係要叫美國桶蠔豪一豪佢啦！一碟五大隻，隻隻都好似手掌咁大，而且一啲都唔腥，好新鮮㗎至於爸爸欽點嘅白鱔片，冇骨之餘仲好新鮮，爸爸呢個愛魚之人都話比一百分佢🤟🏻見佢半價咁抵，而且整體材料都好新鮮，所以我哋臨尾都再order左碟象拔蚌仔。爽口彈牙，忍唔住一舊接一舊自私食三個人呢個價錢食到咁新鮮嘅火鍋配料，真係絕對值得推薦比朋友，嚟緊冬天應該呢度將會成為我哋嘅新飯堂題外話，坐窗邊原來可以望到繁華嘅旺角，配以日落餘霞，呢個view真係好特別，發現自己都未試過係呢個角度感受旺角。今餐真係正到痺呀…查看更多

友人食完呢間鋪頭推介我地一定要試～ 因為材料新鮮，7:30前埋單火鍋配料同小食都有半價～見佢咁抵，友人又大力推薦，咁就即管試下一入到黎個環境都非常唔錯，因為想7:30前埋單咁就有半價，所以我地5:45已經到左～入到黎都見到有幾枱人食緊～應該都係想用呢個優惠另外一入門口仲見到個大魚缸添！ d魚超活躍咁游水～一d吞pok既感覺都冇我地被編排坐窗邊，對住個落地大玻璃.... 呢個時間仲睇到日落... 真係好正.. 岩哂吞pok一族一路發呆一路望住個天餐牌度都見到有唔同種類既食物，當中手工丸類都有好多款～ 我地想試哂所有丸就叫左個十全大寶丸！入面隻隻都有餡，好特別～另外因為想食牛想左好耐，叫左個安格斯牛小排，黎到之後見到肉同油花分明，仲好重牛味～順帶一提,叫左個雞煲同d配料之後,店員店員就放低左醬料俾我地溝～叫完個雞煲之後，店員就放低左醬料俾我地溝～登登登登！雞煲出場！呢個重慶麻辣雞煲好惹味，我地有d後悔叫左小辣，因為怕個煲太辣，但黎到之後覺得應該都食到中辣十全大寶丸入面有唔同既餡, 共有5款,各有2粒~食落非常之彈牙~ 我最中意係黑松露肉丸~ 黑松露味出之餘, 又唔會搶左d肉味~另外叫左大大杯凍檸茶同凍檸樂~ 檸茶唔記得叫走甜, 不過好彩呢度都唔會沖到好甜~ 甜度接受到, 茶底都有甘味~頂級安格斯牛小排通常用番雞煲既汁加湯底打邊爐,個湯底都會比較濃~今次個湯底都濃味, 不過都冇掩蓋左安格斯牛既肉味~牛既肉質都十分彈牙~脆肉脘腩~ 腩片好爽脆! 芝士響鈴~入面充滿住芝士, 好邪惡脆卜卜好好食~娃娃菜~ 半價完好抵, 大大盆同好新鮮!半價完一人300蚊~ 食到勁飽同埋食到咁新鮮既材料,仲有個吞POK影確係唔錯…查看更多

（有時有d食評都要好有前因後果地解釋點解當晚食果間餐廳 本人唔想咁啊）（本人只係咁岩想食雞煲okay？）（入正題啦好嘛？）（2130後有半價真係好抵好抵）窗邊有一"鬥"雞仔 一陣本人就要食佢老母 都咪話唔慘見佢地咁慘 個雞煲都特別好食｛辣酒花螺雞煲｝叫咗少辣 男友比較食得辣 佢就覺得唔係好夠辣本人就係食辣新手 所以食到後段就開始要飲水啦叫咗半隻雞都唔少 花螺都有好多隻 都幾好味係食到一隻花螺有沙 都食得我地好滋味｛牛小排｝根據以前既經驗呢 我地係經常食唔晒野既 所以今次都係就住就住黎叫但係 都係出事 呢到既野食 好 大 份 啊牛小排都唔錯 牛味濃郁本人分咗心睇不知所謂版衛斯理碌耐咗都唔會un｛芝心響鈴｝即叫即整的 店員叫我襯熱食襯熱食既時候真係流心 本人係芝士鬼 幾喜歡我地叫咗六舊真係太多 因為個響鈴好大條係好食但都幾膩 一人食一兩件就好夠了 少食多滋味｛薯粉｝｛豬腩片｝張相影得咁普通就知呢兩樣係普通既個豬麻麻地 下次可以唔洗叫｛蔬菜籃｝正常新鮮的菜好 好 好 好 大 籃 兩個人食唔晒｛餃餃陣｝好大粒 唔會係細細粒呃人都唔錯｛十全大寶丸｝好食既 同埋都係好足料以為每人每樣一粒好少 點知都係食到好飽｛野飲｝野飲無半價既 我地叫咗大檸樂同大檸茶真係好大杯 好似出面飲啤酒d大啤酒杯咁大就算無半價 都係好抵飲總括而言呢間野食物質素係中上既  而且真係好 大 份 好 抵 食如果夜食飯既話本人好推介 好正啊題外話 d店員好有禮貌 好好啊 讚！ …查看更多

友人帶路黎搵食，原來呢棟野上面有咁多餐廳，果然識食，今晚就先食個雞煲！友人介紹要食花膠雞煲，個煲一到好香花膠湯味，唔咸，可以當湯品嚐，另外雞肉都好滑，有原片花膠，開頭以為會好濃味，但原來係清清地，整體感覺唔錯，個湯底仲有少少菇可以食。打邊爐當然要食牛，揀左頂級安格斯牛小排，呢個部位真係好好食，貴得有道理，薄得黎有一定厚度，好香牛味，點啲豉油更加正！友人仲話必試爆芝響鈴，新鮮炸出黎好驚辣到，入面有濃濃芝士香，幾特別，但食完一個已經飽左一半。重頭戲黎啦，登登，就係十全大寶丸，聽個名就想笑，超大粒，5種味入面最鍾意芝士牛丸，咬落好香，但小心入面嘅芝士爆出。最後就落紅薯粉，要食埋先覺得完滿，本來有人想食白飯，好在無叫，薯粉有處理過，唔會過長，方便夾黎食！…查看更多

一大班人食飯，諗唔到食咩既時候，打邊爐就係最好既解決方法～不過黎到先發現，原來book左位都仲要等成半粒鐘先有得入座，真係差啲餓死。牛三郎 HKD228打邊款又點少得牛呢？呢款牛三郎係由三種部位組成：雪花肥牛、牛肋片、牛柳粒，一次過食到唔同口感嘅牛肉，唔洗獨孤一味咁悶，試得過～！韓國頂級1++ 牛肉眼 HKD288除咗牛肉拼盤之後，佢嘅韓牛亦都好正，花紋均勻，牛味濃郁，果然係最高級既1++韓牛～酥炸魚皮 HKD52酥炸魚皮勁脆口，好似啱啱炸起咁，加埋椒鹽調味，唔洗淥，就咁食都已經好入味，正～十全大寶丸 HKD138生拆蟹粉墨魚丸、黑松露墨魚丸、黃金海膽黑墨丸、香煎鵝肝蝦丸、芝心牛丸。蟹子墨魚滑 HKD72我嘅最愛，夠哂爽滑彈牙～泰式生蝦刺身 HKD62除咗有得打邊爐，竟然仲有生蝦食，不過質素就普普通通，而且啲蝦都幾細隻下。豬頸肉片 HKD70最後再叫埋豬頸肉食，岩岩好夠飽～…查看更多

今日同媽咪出太子行街😙 順便想搵地方食飯 見到Openrice呢間火鍋店勁多人like 我就帶佢上嚟試吓啦！！一上到黎見到有個勁大嘅魚缸😂😂餐廳嘅裝修走黑白風格 簡單得黎啲位又好似幾好坐 係長方形嘅枱唔係舊式嘅圓形💁‍♀️ 感覺新式啲💁‍♀️我哋叫咗個沙嗲湯底 另外仲叫咗個雪花肥牛 十全大寶丸 鮮冬菇 油麥菜🙆‍♀️十全大寶丸有五款 每款兩粒！我最like個香煎鵝肝蝦丸！！有蝦味但仲真係食到鵝肝味喎！好funny😂😂😂😂😂 個蟹粉墨魚丸都唔錯💁‍♀️💁‍♀️個雪花肥牛比我想像中大碟💁‍♀️ 媽咪讚到加零一 入口即溶咁話喎！🙆‍♀️🙆‍♀️🙆‍♀️仲話下次要帶朋友嚟食！😂個油麥菜勁嫩 打完火鍋食返多D菜就唔怕成日話淨係食肉啦🤓…查看更多

平時返工真係好攰，唯有放工食餐好既作補償啦。一打開𨋢門見到大魚缸🐟，有好多大魚游來游去，立即醒神哂～🏙餐廳位於高層23樓，有大塊既落地玻璃可以望到旺角夜景，令我暫時帶走工作既煩躁感。🐔辣酒花螺雞煲 (半隻)🥘 $158叫左BB辣🌶，對我呢D唔太食得辣既人黎講，辣度剛好。雞煲見到好多唔同香料，雞肉夠入味，螺肉份量多，好彈牙，惹味之選。雞煲內既雞食哂後，就可以加湯。平時火鍋必點肥牛，極少食丸，但呢度丸甘有特色，又怕太飽，所以最終選擇棄牛吃丸。🍡🍢十全大寶丸 $132一共有五款，每款兩粒。🦀手打生拆蟹粉墨魚丸：蟹粉生拆，真材實料。🐾手打黑松露墨魚丸：充滿黑松露特殊的香氣，味道唔錯。👑手打黃金海膽黑墨丸：好多墨魚粒，充滿口感，海膽有鮮味。🦐手打香煎鵝肝蝦丸：表層有蝦味，鵝肝餡肥美，鵝肝味道充斥著口腔。🐂手打芝心牛丸：牛味濃郁，配埋香氣濃芝士餡，最好食係呢個。🍴餃餃陣 $88本身想食海中蝦🦐，最後無貨先改餃餃陣。有4款唔同口味既餃：魚皮餃、鮮蝦雲吞、韮菜餃、蟹粉蟹肉雲吞。無乜驚喜，蟹粉蟹肉雲吞較好食。🧀自創爆芝響鈴 $36響鈴係即叫即炸，表層充滿腐竹香味，內裡芝士如噴泉般湧現，超級極度邪惡！但好味。🥗皇帝菜 $28我最愛既菜其中之一，吸收哂湯底精華，好快清哂，滿足。🍹餐飲好大杯，叫左大檸茶都幾好飲。店員服務幾好，最後食到飽飽滿足離場。…查看更多