吞POT 雞煲火鍋.住家菜

營業中

休息中

好耐都冇食過雞煲喇 朋友帶咗我試下旺角呢間好有人氣嘅吞pot 果然冇介紹錯餐廳位於23樓 景色好開揚望住下面繁忙嘅旺角打邊爐都幾好feel輕工業裝潢 兩個人都可以坐四人枱好夠闊落 夠晒位放嘢食店員主動有禮重慶麻辣雞煲 (半隻) $208一打開個蓋已經聞到好香嘅麻辣雞煲味 嗌咗bb辣所以辣到啱啱好惹味得嚟唔會太濃半隻雞份量都唔少 雞肉好嫩滑食到咁上下就可以加湯轉打邊爐手打香煎鵝肝蝦丸 $118手打蝦丸好有驚喜 咬落去爽口彈牙唔會太散 口感好滑中間仲包住咗香煎鵝肝 鵝肝口感細嫩 煎得好香口 令到成粒蝦丸味道更突出自創爆芝響鈴 (3件) $52響鈴大大嚿好香脆 入面包住車打芝士 原來芝士同響鈴都幾夾 響鈴酥酥脆脆再加埋半溶嘅芝士 口感層次好豐富娃娃菜 $44打邊爐我都幾鍾意食娃娃菜 貪佢可以索晒啲湯汁 娃娃菜份量都幾多仲好新鮮咸檸七 $36竹蔗茅根 $20咸檸七好大杯 加埋竹蔗茅根好清新解膩

啲雞好少，好細，喺其他地方食半隻大好多😖唔抵食🥲本身仲諗住打邊爐，叫咗半隻雞，食完唔夠三個字即刻走咗🥲當初見到食評好高先嚟，點知真係幾失望😵‍💫除非大家鍾意同錢鬥氣，唔係嘅話都真係不了～

想過一個開心嘅weekend ，又想食高質雞煲，一定唔可以錯過呢間！朋友勁推介一定要必食佢哋既雞煲，我哋揀咗個重慶麻辣雞煲（Bb辣）（半隻），雖然係半隻咋，但係雞件嘅份量真係好好多，仲有我最愛嘅雞髀位😍😍😍 最重要係佢哋個靈魂醬汁真係不得了！超級入味，我哋成班人都唔係好食到辣，所以叫咗BB辣，少少辣更加惹味！即時嗌左幾碗白飯送飯，超正！ 👍👍👍食完半隻雞其實都好飽㗎啦，但係我哋都再打邊爐，揀咗少少丸同埋海鮮，最印象深刻既係珊瑚蚌，超大份！超鮮甜！ 安格斯牛又係必點架，打邊爐點可以無牛，佢地既牛紋理勁靚，好大碟，超有牛味！另外個Wasabi牛柳粒都係特別要推介比各位！呢個超特別，小小辣，牛味好香好腍！好欣賞呢間餐廳😍 佢哋雖然係散嗌，但係食物真係好高質，除咗雞煲之外，又有雞煲翅，打邊爐，肉類海鮮蔬菜都選擇好豐富，仲要有勁多小食㨂！正😋

幾個月前朋友帶我嚟過食火鍋，嗰陣印象都唔錯，咁啱屋企人就嚟生日，想帶佢地過嚟試吓呢度最出名嘅雞煲翅。近排個天氣好奇怪，時熱時凍咁，食雞煲翅就最啱👍🏻夠晒養生又暖胃。呢個湯用嚟打邊爐真係有啲嘥🤣因為濃到好似滴雞精咁🤩裏面嘅雞同翅都好多，一上枱真係要飲返碗先，好鮮味。跟住我哋就開始打邊爐，呢度嘅手切牛都唔錯，牛味濃郁，油花都均勻。其他配料例如鯇魚腩等等亦都滿意呀。另外叫咗個辣酒煮花螺嘅小食，好有鑊氣，一啲都唔韌，好彈牙。大家都食不停口。今晚真係大滿足。屋企人第一次食都狂讚好😆😆😆

最近嘅天氣真係變幻莫測，時凍時熱，凍凍地，想打邊爐嗰個動力又出嚟啦😆😆😆翻兜咗好多次呢間吞POT，每次嚟都係咁正！今次我哋就揀咗Mama ，芫荽同蕃茄豆腐湯底，清清地，又可以令到食物嘅鮮味更加突出。 單點好多嘢食，自己最鍾意食嘅雖然係佢哋嘅秘製芝士，真係熱辣辣脆卜卜，最重要係個芝士流曬心，呢個真係獨家！堅正👍佢哋嗰必食手打丸都係好正，算係我哋食晒一半先至記得影相😂 個手切鷓鴣牛都係必食之選！好煙韌，牛味好香！呢個質素真係唔錯！ 我哋嗰日咁啱係早咗去，佢哋7:30前埋單係有半價㗎！好抵！所以天都未黑就已經成日都人山人海架喇🤣🤣🤣

冬天去同班朋友打邊爐一定少不了，朋友話上次試過依一間想再試，咁就二話不說book 左。去到張枱已經ready 好比我地，而周圍都開始fill 滿。我地都叫左佢地好signature 既食物，例如：丸，蝦滑同牛肉等等。佢地上菜都好快，等左10-15分鐘已經上齊我地點既所有嘢。我地湯底叫左佢既signature 湯底，花膠雞湯，滿滿既骨膠原，一黎到當然唔好加其他嘢，試左個湯底先，嘩，個湯真係好正，個雞味好濃，個雞亦唔會因為佢煲得耐左而唔好食。而啲食物方面，佢都有好多自創食物，我最欣賞就係佢個芝士響鈴，應該你新鮮即炸，必點！

近排成日出街食飯，餐餐唔係雞煲就係炸雞🤣好熱氣，所以今餐決定食得清淡點，叫咗芫荽皮蛋拼招牌魚湯湯底😝食落都有啲驚喜，清清地又夠鮮味，而且鍋底嘅湯料好足。前菜梗係食碟生蝦刺身先啦，新鮮👍🏻👍🏻有十幾隻，平時去泰國菜館最多都係得六七隻，所以呢度真係好抵食，而且靈魂醬汁調得好好，好加分。另外帶子都好鮮甜又大隻蜂巢豆腐加落魚湯湯底真係好正，引收晒啲湯嘅精華，非常入味。最後都要讚吓啲皮蛋，每一隻都係唐心😍 呢個真係坊間少見呀 ！今晚叫咗好多嘢食，但係我哋四個人均$300都唔使，好過去食放題😀👍🏻

喺OpenRice搵打邊爐就見到吞pot，見到咁多好評所以試吓👍🏻呢度係單點餐牌，不同時段都有各種優惠，今次我哋9:30之後入座就有五折！即係有半價呀！！！！！梗係要食盡佢啦🤩叫左個沙嗲湯底，好惹味，好香濃，打邊爐最鍾意就係沙嗲湯底，尤其吞POT 呢間夠曬足料，唔係坊間咁淡茂茂！當中最深刻就係十全大寶丸顏色色彩繽紛好有食慾🤣全部手工製造，我就最鍾意香煎鵝肝蝦丸，夠彈牙又真材實料🥳另外黑松露墨魚丸都唔錯。當然打邊爐食靚嘅牛肉都唔少得，叫咗是日精選嘅　騸牯牛，師傅刀工了得，厚薄啱啱好。肥美肉嫩。再配埋成個蔬菜籃，有肉有菜一啲都唔肥膩！整體嚟講，環境不錯，食物亦在水準之上。會再回訪的。

見openrice呢間有800幾好評諗住冇死錯人就book , 點知又係中伏先唔講價錢， 雞煲個味係我食過最唔好食既，冇乜味，雞煲唔惹味點食， d醬料亦冇乜特別，個鼓油係最普通既鼓油，點完唔會覺得好味d去到打邊爐，叫左手切牛， 鞋口冇牛味， 再叫封門柳，有d牛味但都係水準之下。 十粒丸冇乜特別，珊瑚蚌唔多新鮮。唯一叫okay 係芝士響鈴同桶蠔，但價錢就偏貴同埋成間野太嘈，基本上聽唔到朋友講乜，d野食又麻麻，同佢地叫多左3個烏冬塞飽自己算數全部朋友一致覺得唔掂，真係忍唔住要寫食評，唔知800幾個好評點黎😐

//自從開咗關之後，真係多咗去深圳食嘢，但係講到食雞煲，真係只有吞POT最得我心😝今次試吓叫埋有花螺嗰款雞煲，食落原來更加香更加惹味😃啲花螺就算滾幾耐都唔會韌，keep住咁爽彈。令人不自然地食完一粒又一粒，呢個真係我心目中既number 1！！！見到餐牌新推出騸牯牛，我哋都叫咗一份試吓，比起其他種類嘅牛肉罕有，肉味更濃郁，打邊爐最可以食到騸牯牛嘅原汁原味。另外嗰碟餃餃陣都好好食，粒粒都大大粒，等於平時食嗰啲餃子🥟兩隻🤣我就最鍾意鮮蝦雲吞，完全做到皮薄餡靚，鮮蝦仲好彈牙😎仲好Juicy添。總結，以後諗起要食雞煲都淨係會嚟吞POT。😆😆😆

因為不想吃得過分飽，所以選擇了一家並非任食的雞煲餐廳。我跟朋友兩個人，總共叫了一隻雞、一碟牛、一碟牛柏葉，金菇以及娃娃菜。我們點的菜式已經是非常平民的菜式，結帳竟然$10xx。重點是，價錢雖然偏貴，但是食物質素卻是任食雞煲的質素，甚至乎不如任食雞煲。個人甚至乎認為這家餐廳的雞煲是我吃過這麼多家以來味道最一般的。我十分驚訝評論區為什麼這麼多好評…餐廳環境也不太舒服，首先凳子是硬的，坐久了肯定會酸痛。而且枱與枱之間非常緊密，剛好旁邊桌子的人說話又大聲，導致我跟朋友兩個聊天經常聽不到對方說話。總括而言，這是至今吃過性價比最低的雞煲。（餐廳與我無怨無仇，我只是實話實說）

食火鍋之前我哋叫咗個辣酒煮花螺，好惹味😉肉質鮮甜爽脆，真係令人食完一粒接一粒😍我見到仲有幾款小食都好吸引，留返下次quota再食😇今次我哋叫咗雞煲翅，啲雞依然keep住嫩滑，亦都唔會切到碎濕濕，幾有口感。個湯一定要先飲一碗，滿滿嘅骨膠原🥰女士養生之選。跟住我哋食到咁上下就叫咗啲配料，有響鈴，茶樹菇，手切騸牯牛等等😎響鈴即叫即炸，夠脆卜卜，茶樹菇亦都同湯底出奇地夾😌騸牯牛非常新鮮，肉味亦都好出，新鮮手切就係唔同。食物高質，價錢亦都好合理。所以你話有咩理由唔愛吞pot🥰

之前已經嚟吞pot打過幾次邊爐，每一次都食咗好盡興。近排有朋自遠方來，都想帶佢食吓正宗嘅港式火鍋。所以即刻book枱食😁一坐底當然唔少得每次必點小食泰式生蝦刺身😍大隻又爽口，真係可以一人一碟😝跟住就可以自助整調味料等個湯底上枱，今次叫咗沙嗲拼番茄鴛鴦鍋，沙嗲嗰邊有驚喜，帶有花生和香辛料嘅香味，配埋炸魚皮一齊食真係啱晒。我呢個牛魔王梗係要食埋封門柳先圓滿🫶🏻叫過幾次每次水準都keep到。我哋幾個食完一致好評，高質又衛生嘅火鍋店真係好難搵，以後都會經常來吞Pot😄 呢個真係唔錯，推介比大家！！！

今個週末去旺角睇完屋企裝修啲嘢之後，就留咗喺旺角搵食🥳見到吞pot好高分，即刻打去訂枱，好彩都有得食🫶🏻前菜我哋叫咗個生蝦刺身，排得好整齊又大隻，食落好新鮮爽口🤤跟住就到主角麻辣雞煲，啲雞件都切得幾大件，煮耐咗都唔會覺得太老會柴皮，仲幾滑🤩調味亦都唔錯，唔會死咸。配菜方面，最中意都係十全大寶丸，分別係五款手打丸類各兩粒，五款都非常特別，尤其是黃金海膽黑墨丸🤣第一次食已經愛上😍鍾意食丸嘅朋友，一定唔可以錯過❗️整體所有嘢都好高質，食物質素真係好高，服務又好， 一定會帶朋友再嚟。

冇諗過呢度嘅餐前小食都有咁多選擇，搞到我都想同大家分享吓今日試咗嘅兩款小菜😝除咗今日嗌既呢兩款，其實佢仲有生蝦可以嗌🦐✔️辣酒煮花螺$82✔️Wasabi 牛柳粒$82因為我哋之後仲要打邊爐，兩個人又食唔到咁多，所以我哋今次淨係嗌左兩款試一試味道🤣 Wasabi 牛柳粒好特別，都係我第一次食🐮又估唔到幾match，而辣酒煮花螺都好入味打邊爐方面我就推薦呢款牛，牛味好重，好鮮，份量又大，佢雖然薄薄地一塊但係都好重牛味🥩， 又加埋醬油及蛋，真係好好味，我地忍唔住叫左幾碟呀！哈哈第一次食呢間既打邊爐，好有驚喜，配料高質不在話下，小食同埋好高質呀！同埋佢地原來７:30前離座或９:30後入座所有火鍋配料及小食都有半價呀，好抵！😍😍😍