影片
更多
2017-08-23
8375 瀏覽
平時返工真係好攰，唯有放工食餐好既作補償啦。一打開𨋢門見到大魚缸🐟，有好多大魚游來游去，立即醒神哂～🏙餐廳位於高層23樓，有大塊既落地玻璃可以望到旺角夜景，令我暫時帶走工作既煩躁感。🐔辣酒花螺雞煲 (半隻)🥘 $158叫左BB辣🌶，對我呢D唔太食得辣既人黎講，辣度剛好。雞煲見到好多唔同香料，雞肉夠入味，螺肉份量多，好彈牙，惹味之選。雞煲內既雞食哂後，就可以加湯。平時火鍋必點肥牛，極少食丸，但呢度丸甘有特色，又怕太飽，所以最終選擇棄牛吃丸。🍡🍢十全大寶丸 $132一共有五款，每款兩粒。🦀手打生拆蟹粉墨魚丸：蟹粉生拆，真材實料。🐾手打黑松露墨魚丸：充滿黑松露特殊的香氣，味道唔錯。👑手打黃金海膽黑墨丸：好多墨魚粒，充滿口感，海膽有鮮味。🦐手打香煎鵝肝蝦丸：表層有蝦味，鵝肝餡肥美，鵝肝味道充斥著口腔。🐂手打芝心牛丸：牛味濃郁，配埋香氣濃芝士餡，最好食係呢個。🍴餃餃陣 $88本身想食海中蝦🦐，最後無貨先改餃餃陣。有4款唔同口味既餃：魚皮餃、鮮蝦雲吞、韮菜餃、蟹粉蟹肉雲吞。無乜驚喜，蟹粉蟹肉雲吞較好食。🧀自創爆芝響鈴 $36響鈴係即叫即炸，表層充滿腐竹香味，內裡芝士如噴泉般湧現，超級極度邪惡！但好
🏙餐廳位於高層23樓，有大塊既落地玻璃可以望到旺角夜景，令我暫時帶走工作既煩躁感。
🐔辣酒花螺雞煲 (半隻)🥘 $158
叫左BB辣🌶，對我呢D唔太食得辣既人黎講，辣度剛好。雞煲見到好多唔同香料，雞肉夠入味，螺肉份量多，好彈牙，惹味之選。
雞煲內既雞食哂後，就可以加湯。平時火鍋必點肥牛，極少食丸，但呢度丸甘有特色，又怕太飽，所以最終選擇棄牛吃丸。
🍡🍢十全大寶丸 $132
一共有五款，每款兩粒。
🦀手打生拆蟹粉墨魚丸：蟹粉生拆，真材實料。
🐾手打黑松露墨魚丸：充滿黑松露特殊的香氣，味道唔錯。
👑手打黃金海膽黑墨丸：好多墨魚粒，充滿口感，海膽有鮮味。
🦐手打香煎鵝肝蝦丸：表層有蝦味，鵝肝餡肥美，鵝肝味道充斥著口腔。
🐂手打芝心牛丸：牛味濃郁，配埋香氣濃芝士餡，最好食係呢個。
🍴餃餃陣 $88
本身想食海中蝦🦐，最後無貨先改餃餃陣。有4款唔同口味既餃：魚皮餃、鮮蝦雲吞、韮菜餃、蟹粉蟹肉雲吞。無乜驚喜，蟹粉蟹肉雲吞較好食。
🧀自創爆芝響鈴 $36
響鈴係即叫即炸，表層充滿腐竹香味，內裡芝士如噴泉般湧現，超級極度邪惡！但好味。
🥗皇帝菜 $28
我最愛既菜其中之一，吸收哂湯底精華，好快清哂，滿足。
🍹餐飲好大杯，叫左大檸茶都幾好飲。店員服務幾好，最後食到飽飽滿足離場。
張貼
