北京樓 (星光行)

屋企人指定要到此店吃北京填鴨，果然是老牌食店，菜式都做到了水準，我們點了 :北京填鴨 ($460)  - 北京填鴨不會太肥，鴨皮很香脆，鴨肉肉嫩多汁，雖然配料只有青瓜及大蔥，但因為鴨本身味道已做得很好，所以雖然只有少許配料，但都好好味，值得推薦。蜜汁火腿 ($230)  - 此菜式好像不是很多食店都有，難得此店有，當然不錯過啦！少少鹹味的火腿配上甜甜的蜜糖再加上一片很脆很脆的腐皮，外面再夾上一層軟熟的包，口感及味道都十分之豐富，正！生菜片鴨鬆 ($138) - 鴨鬆醃料味濃配上生菜變得濃淡適中。鹵水鴨舌 ($135)  - 鹵水不會過鹹或太淡，味道正常，可能本人教喜歡麻辣鴨舌，所以對這個菜色就只是一般。小蔥皮蛋拌豆腐 ($68) - 這個豆腐食落感覺比較清新，可中和之前較濃味的菜色。蝦餃 ($40) / 蝦醬蒸魷魚 ($ 40) - 相比起小菜，這兩個點心就較為遜色一點，蝦餃的皮比較厚; 蝦醬蒸魷魚就普普通通。餐牌上都有其他小菜都幾吸引，可惜今天只得四人，有待下一次再到此店才點，但北京填鴨是必點菜色，而點心就不會再叫了。另外一提這裡服務都很好，侍應都很親切。 …查看更多

因媽咪想食北京填鴨，我上網做咗資料收集。好多人都對北京樓既北京填鴨讚好食，我就不妨試一試。今次係我第一次寫食評，點解要寫食評，係有原因：一來服務態度良好、二來皮夠薄、三肉質唔老……我同屋企人都大讚，雖然今次坐底食，但下次會再幫襯…查看更多

The worse Peking garden I ever been! Last week went to Alexandra house Peking garden for lunch was tasty so I decided to picked my birthday dinner at the same name but different location one! But the quality is totally different! Maybe they only for tourist they don’t care what they provided for them! Peking duck 1/2 price but their duck n pan cakes unlike the one we ate before! Quality so bad! Duck no taste dry n the pan cake stick one after the other n thin! Other foods so so but lots of MSG! I have stomach upset n thirsty throat after this dinner! Never ever returnfood keep delaying too…查看更多

20190423 星期二朋友同我慶祝生日講起大家都好想食北京填鴨所以搵咗幾間餐廳做比較最後揀咗北京樓因為係尖沙咀環境都幾靚而且咁岩又有恒生卡優惠可以一試環境: 👍🏻👍🏻👍🏻因為餐廳位於尖沙咀星光行唔係維港嘅餐廳所以望唔到全海景只係望到好少嘅海如果要求有靚景對住咁就做唔到啦但係餐廳都幾大幾舒服唔會太迫而且唔會好嘈感覺都幾好.食物:👍🏻👍🏻👍🏻👍🏻我哋4個大人+1個小朋友叫咗恒生信用卡嘅4人套餐$1280套餐包括🔴兩碟前菜: 醉雞+煙素鵝醉雞唔夠入味但係雞好滑素鵝煎得好香脆正常味道.🔴黑松露蝦球帶子老實說食唔到任何黑松露味道但係蝦球同帶子都好大粒好滑煮得啱啱好配菜都好新鮮好食嘅.🔴花膠海皇羹份量都好足夠但係湯唔夠熱材料都好足唔錯🔴北京填鴨一隻重頭戲一隻北京填鴨一入嚟嘅時候會見到玻璃廚房有員工不停切鴨你可以睇住佢切不過唔係係你面前切既上到枱聞到好香而且感覺外皮超脆另外會有一籠皮包住鴨食嘅份量都幾多一碟滿嘅大概有30片左右味道比想像中的好好多鴨肉好嫩而且外皮好脆油脂分布啱啱好唔會太肥配上醬汁剛剛好令我食完一舊接一舊 停吾停👅🔴北京葱燒海參海參冇咩味應該係街市浸發定嘅嗰一種味道一般🔴灌湯小籠包新鮮熱辣每一粒都好多湯汁好味嘅🔴豆沙鍋餅即刻整起好脆豆沙唔會過甜幾好味.🔴另外再加左個雜錦炒飯因為小朋友需要食飯所以加個炒飯炒得好乾身好香口好足料但係份量比較少.整體來說: 👍🏻👍🏻👍🏻👍🏻四個人埋單$1500 左右因為套餐加一再加炒飯同埋朋友有準備蛋糕需要收取$100切餅費人均$425如果想喺香港食到新鮮熱辣有質素嘅北京填鴨係一個唔錯嘅選擇而環境都好舒適唔會覺得好迫帶小朋友一家人去都好適合…查看更多

由4月1日起，用AE白金信用卡逢一至四晚2-3個人泥食飯，將會得返六折，大家要把握最後機會泥食半價晚飯茶位$18，前菜$25。d豆卜有少少辣，有麻油味，份量岩岩好，成碟清東坡肉d汁好多，份量夠二至三人肉方面略嫌唔夠鬆軟，唔算肥，味道似糖醋排骨豆腐有少許蝦子味，皮幾薄，豆腐超滑，唔太重口味，岩女仔食集團泥講十分唔錯皮脆！雖然d肉有好少鞋，但燒得好油香，半隻份量都足餅皮又煙韌唔乾更值得一提係青瓜好爽口各方面都好滿意查實近門口位置可以一睹師傅片鴨肉既風采，有興趣可以過去望下炒得幾香，料唔算多，呢隻拉麵口感似上海麵，簡單得泥幾好味大概9點鐘，師傅會表演下搓麵粉，拉麵，然後切麵氣氛好熱鬧，好多人湧出泥邊拍邊睇表演完左之後，厚面皮既就可以衝埋去，等師傅俾一注麵你玩下總結：客人實在太多，員工又太少，環境幾嘈，但可以接受，服務方面冇辦法，人手不足。整體泥講，各方面都滿意，食得開心最後送上幾頁午市套餐俾各位參考。另外我會上載埋環境相，敬請留意如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️…查看更多

不少人對文化遺產的意識日漸提升，唔知大家有冇留意到，原來美心集團旗下的北京樓已經有40年歷史了，可算是品牌遺產嗎？一個品牌可以多年不倒，實在令我心生好奇，知道星光行的旗艦店剛剛完成了大裝修，並且推出全新菜餚，為食小隊這夜慕名而至。 其實從小至大都已經去過北京樓數次，最有印象的自然是招牌北京填鴨，一鴨三吃，除了片皮鴨之外，我十分喜歡惹味的生菜鴨鬆及香噴噴的鴨架湯。 此外，師傅即場示範製作北京拉面的畫面，同樣非常深刻，想不到在煥然一新的時尚新裝中，保留了這兩點特式，現在有開放式廚房，客人隨時都可以欣賞片皮鴨的手藝，而每晚八點半亦有拉麵工藝表演。 我唔記得從前的裝修是怎樣，現在就有古今合一的味道，但認得這幅名畫＂春回大地＂，據說從開業一直伴隨至今，蘇綉專家之作，細緻精工，縱使如我般沒有藝術細胞之人仕，也許亦會停留一會兒欣賞。 厚實的餐牌圖文並茂，據說多款招牌只限定這間旗艦店供應，既然如此，理所當然挑選最特色的。揚州龍青瓜 $88 一看便知，這道菜主要吃其刀工及外型，仿如盤龍的造型令人嘆為觀止，多得大廚的巧手！ 用上柚子青檸醬汁，配搭新鮮青瓜，清新爽口，非常稱職的開胃前菜。 麻醬雞絲撈起 $108 新年快到先來撈起，七彩繽紛的伴菜，青瓜絲、椰菜絲、蘿蔔絲、雞絲及粉皮的配搭，畫龍點睛在麻醬，調得非常美味出色！ 東海龍皇 $780 嚐新過後隨即回味不一樣經典，東海龍皇是40年前北京樓的經典菜色，今次被全新演繹。 栩栩如生的橙龍，以新鮮材料畫出龍形，大蝦、螺片及帶子以魚香醬炒香，鮮嫩美味，好一道既有氣派亦寓意中國文化的菜式，尤其款待外籍人士非常適宜。 富貴雞 $580 再一道另類演繹的菜式，果然極富創意。看來似石化了的富貴雞，別樹一格。 外層以麵粉刻意雕琢成精巧雞型上桌，咁嘅賣相已搶盡風頭！堂前弄作時更會淋上玫瑰露，打造火焰富貴雞的效果。 不止於此，再配以金槌扑開品嚐，玩味十足，心思創意！ 富貴雞內裡以荷葉包裹釀有鮑絲、螺片、冬菇等食材的黃油雞，滋味多汁，不過雞胸位難免有點點乾嚡！ 預訂這道佳餚的客人更可獲贈趣緻的小金槌及相片作留念，真窩心！ 糖醋桂花魚 $298 如此有動感的糖醋桂花魚，成功增加食慾，酥脆甘香、內心肉滑的魚塊，配合糖與醋混合成小芡的甜酸汁醬，醒胃可口。 烤北京填鴨 $480/只 鎮店菜式確實有水準，皮脆肉嫩，鴨味濃郁，配以海鮮醬、青瓜、京蔥及麼麼皮是不敗的配搭。 值得讚賞，每片麼麼皮皆以紙隔著，不會黏在一起，而且夠熱、又薄又香。 東坡肉 $158 東坡肉亦來個不平凡的出場，以古雅器皿盛裝，配上渺渺輕煙的效果，不只相機出動，影片更要先吃，肥而不膩頗滋味。 炒田園菜 $118 簡單的炒過個田園菜平衡飲食，全是爽脆的配搭，蓮藕片特別出色。 北京炒拉麵 $118 主食方面，基本的北京炒拉麵，簡單已經足夠。 荸薺餅 $72 (一客六件) 新鮮出爐的荸薺餅，口感煙韌，出奇制勝在於馬蹄做的酸味餡料，大減膩感，我唔客氣喇，多吃了一粒。 本身出場的造型亦精緻，留心注意，是個彷如鳥巢的設計。 青蘋果酥 $45 (一客三件) 以青蘋果入饌有新意亦配合，更造成精巧的小蘋果形狀，賞心悅目。 青蘋果蓉配搭上層層鬆化的千層酥，清新怡人而不膩，必選的飯後甜點。配合市場，現在除了有舒適寬敞的大廳外，五間私人貴賓房皆富不同風格。田園、紳士、淑女等各有特色，配合玻璃窗外的聖誕夜景相伴，充滿中西糅合之感。 時近聖誕兼且因利成便，飯後前往觀賞 Ocean Terminal 的聖誕燈飾，今年特別有燈影技巧，值得排隊入場感受。 刻意乘船返香港，維港夜景美極了！…查看更多

.依間餐廳負評都幾多，主要係因為啲服務員既態度唔好。其實我都覺得既。..佢既招牌菜係北京填鴨，好多遊客都幕名而來。.依度係無半隻賣既，因為佢係有師傅將原隻燒鴨係你面前切，除左可以欣賞下刀功，重可以確保到上碟既溫度。.片皮鴨份量好多，切左兩大碟。溫度夠熱同皮都夠硊身，鴨香好足，加上唔會好肥。點埋醬汁加條葱包起黎食，唔錯。不過包果塊皮唔夠，加就要再額外加錢。..再介紹下佢煲雲呑雞，個雞湯放左成隻雞入去煲，所有精華出曬黎，飲落好雞甜。而雲呑幾大粒，餡料有新鮮蝦同豬肉，我可以話係皮薄餡靚，調味岩岩好。雞肉分開上，食完重可以添湯。.總結黎講，唔計佢既服務態度，依個雲呑雞比到我一種傳統粵菜既味道，正。.…查看更多

每當想起北京填鴨，腦海裡自然不過地就出現北京樓的名字。適逢與回港短聚的老友見面，他說想吃填鴨，相約在此飯敍一番。原隻北京填鴨端出來後，只見店員手地刀落，純熟地敏捷地瞬間已片出一塊塊的鴨肉，環形鋪在碟上。啖啖肉的片皮鴨，連皮吃潤滑多汁，鴨肉入味得很，巧妙之處就是少了份肥膩感。連同又爽又香的蔥絲、青瓜、填鴨醬一起吃，滿口的食物好吃得說不出話來! 反而無味的夾餅對於小人而言只是附加之物，方便夾著各種東西一併放入口而已，皆因填填鴨本身調味已經是恰到好處，無須強要弄成一卷才食呢。二人飯局，吃的不會多到那兒去，當肚子已被填鴨塞滿大半之後，我們選擇了個簡單清淡一點的蝦籽鍋貼豆腐。雖然一堆上的豆腐賣相鬆散；幸好煎過的豆腐外層有點脆，內層嫩滑；吸收了蝦籽的香，令滋味程度倍增。老友甚是開懷，已約定下次回來安哥!…查看更多

與三位友人食飯，本身想試大都烤鴨但訂唔到位，朋友話北京樓卜到所以就黎左呢到對上一次食北京樓已經係十幾年前既金鐘分店，仲記得當時北京樓係高檔野黎架！今日在場所見似乎遊客比較多。星光行既北京樓鋪位非常大，有的舊但待應都充足勤快。但今次既經歷就唔多愉快先講野食 海蜇頭有汁另上，開頭試左一舊冇汁，係冇味既，點知點左汁都係冇味墊底既青瓜就幾爽脆 京蔥牛肉，蔥好多但牛份量相對較少，兼且個底有油浸，的牛肉幾稔既，出奇地的蔥幾好食 北京填鴨即場片，片出黎都有兩大碟，鴨方面就不過不失，佢勝在隻鴨唔肥，但就唔夠香，皮都唔夠脆 敗筆係的皮，好多時出面食肆都以蒸籠上，熱辣辣又軟熟，但呢到上碟時已經凍左，唔知係本身冇蒸熱定已經凍左，所以塊皮唔軟 小籠包又係失敗，我應該未食過皮咁厚既小籠包個餡就正正常常就係等待甜品之際，友人突然驚呆咁望住廚房個邊，原來佢見到有老鼠由廚房跑左出黎經理聽到我地大叫有老鼠都問我地係邊，隻老鼠隨即又跑返入廚房！我地已經嚇死，接受唔到食肆見到老鼠！ 甜品食左拔絲蘋果，講真嚇到食咩都冇味啦先唔講食物質素如何，食肆有老鼠已經係不可接受…查看更多

早前朋友介紹北京樓的填鴨臨時決定之下就來這慶祝白色情人節人很多 很熱鬧這裡酒類的都不貴^^普普通通點了一支merlot($250)不過味道澀了些><侍應每當路過都會主動為我們倒酒這個蝦球的中文名稱忘了 ($2xx)中文菜名touji通常都看不懂 太多修飾了咸甜酸辣都有的一道菜很醒胃 蝦球很鮮很爽口 夠大粒只有一整隻選擇($400)弄出來有兩碟之多聞上去很香十分期待鴨的肥膏不多:)不過肉有一點點"鞋"包著鴨吃的皮有點厚而且只是用碟上 很快會冷掉配料有醬,京蔥,青瓜兩個人吃了一碟多就開始慢了下來touji他喜歡吃東坡肉所以也點了一盎($48)我自己覺得很油 但他說很好吃 肉跟脂肪溶化後還在口裡回味著還點了一個清炒小棠菜($88)忘了拍照 適合在吃了一堆濃味食物後清清味蕾很滿足的一餐…查看更多

記憶中，吃北京填鴨是件頗奢侈的事，埋單動輒要千多二千元 (二十多年前)，那時候會見到穿著一身雪白廚師服及頭頂着高高帽子的大師傅把填鴨用餐車推出來，即席片皮，也有另一師傅表演由搓粉團到拉成絲絲白麵條的過程，排場十足，是北京樓給我的印象。是曰逛過了Hullet House的聖誕市集，不想走得那麼遠，便想起了星光行的北京樓。先點了小葱海蜇，葱花不少，麻油香氣卻欠奉，爽脆度也一般，下次應叫海蜇頭，因真的爽脆數倍。接着上桌的是蟹粉豆腐，滿滿的橙黄蟹粉鋪在軟滑的豆腐上，不知要多少大閘蟹才能得此份量，拌勻而吃，簡直欲罷不能，豐腴滑溜，唯一美中不的是豆腐不夠熱！此時令菜式是懶人恩物，想嘗鮮又不想動手的必點。主角北京填鴨終於出場，今時今日當然不會由大廚操刀，侍者會在旁片皮，切成滿滿兩大碟，拿一片熱騰騰的薄餅在手，加兩片鴨肉，放些白葱及青瓜幼條，再加海鮮醬，捲好放進嘴巴，所有材料融為一體，卻又嘗到各自的特性，鴨片皮脆肉嫩，青瓜條爽甜，葱白濃香，而海鮮醬的甜味亦中和了葱段的微辛及青瓜的草青味。此菜式最好有六位以上才叫，否則便不能多試其他菜式。加了一道雲腿津白，清甜味鮮，亦能中和油膩。甜品就選了較清的豌豆黄及友誼蜜瓜西米露，兩者皆是不太甜，這道宮廷甜點豌豆黄，入口慢慢融化，讓人吃到食材的天然味道及質感；蜜瓜西米露加入椰汁，也給人清潤的感覺。惜胃容量有限，否則這兒的嫩雞煨麵及葱油餅也做得細緻出色！…查看更多

是日到左北京樓食晚飯,聽papa說北京樓以前去吃是很好吃的,不知現在有沒有變了吃了一個蔥爆牛肉,宮保蝦球,小籠包,素餃,還有北京填鴨&鴨鬆先說說蔥爆牛肉,聽mama說以前是用鐵板上的,現在沒了,牛肉ok啦,個人覺得那些蔥比牛肉還好吃= =宮保蝦球,這個值得一吃,汁挺好吃的,蝦球處理得不錯,很彈牙,小籠包跟素餃,素餃普普通通,小籠包還不錯吃,不過貴了點,北京填鴨&鴨鬆,拿來包北京填鴨的皮可能粉了點,算是ok的,不過整體上來又是貴了點不太值lor,鴨鬆我吃了一口覺得太咸就沒怎樣吃了.…查看更多

喉嚨痛著寫食評皆因小妹吃太多填鴨所致!是晚一行7人吃了北京填鴨一隻,銀芽肉絲豆乾配戴帽,風沙雞,蒸桂花魚,火腿津白,津菜炒年糕 加一個 砂鍋雲吞雞 先來一小碟的銀芽肉絲豆乾配戴帽,其實是炒了銀芽+肉絲+豆乾+甘荀+木耳絲+粉絲,面頭蓋住炒蛋,爽口不乾身(有汁),蛋本身沒有加調味,所以要夾住炒絲一起吃才好吃北京填鴨,不太喜歡皮多過肉,還是喜歡一些只有皮,但沒有油的填鴨 :) ,夾的竟是西芹不是大蔥,又沒有紅椒,所以只見一般風沙雞,我覺得是炸子雞加了炒了的蒜蓉,皮脆肉滑但骨多,未見其賣點蒸桂花魚,ok但不是特別鮮甜,不會蒸得太老砂鍋雲吞雞,湯好喝,有淡淡的火腿味,但雲吞太漏,只有一團肉,我expect的是菜肉雲吞呢!津菜炒年糕,只吃了少許~很清淡的一個菜,其實是適合病病的我 火腿津白,是娃娃菜,穩陣的一個菜式!氣氛搭夠,所以整體都很好不過有一些侍應們的態度卻不太好 :( !…查看更多