一蘭拉麵
可能因為一蘭太出名嘅關係，所以就算喺日本都要排隊。呢度只有一款拉麵，就係叉燒拉麵，另外可再加溫泉蛋、木耳同紫菜。麵條有嚼勁，叉燒肥瘦均勻，湯底濃郁，口味比香港要重，麵上紅色嘅辣醬香醇但唔嗆口奪味，係成個麵嘅highlight，一蘭的確係名副其實地好食嘅。
原価燒肉
呢間燒肉店絕對令人眼前一亮，話說開飯仔喺大阪ABC Mart同個當地店員傾計，佢好熱心咁介紹咗呢間燒肉店俾我，仲畫埋地圖影埋coupon，單憑佢嘅熱情開飯仔都唔去唔得，而佢亦都冇令我失望。店內賣嘅都係高級和牛，肉質軟嫩 ，入口即溶，燒嘅時候啲油脂出哂嚟，唔知店家係咪本身醃過，所以就算唔點醬都好入味，絕對係必去大阪燒肉店。
磯丸水産
呢間海鮮燒烤店係開24小時，所以行到攰先去食都無問題。由於佢價錢平，而且食物質素又高，所以好歡迎。最出名係個蟹蓋，滿滿嘅蟹膏放喺炭火爐度燒，食落啖啖都係蟹味，撈埋飯食更加係一流。而帶子、蜆都非常新鮮，口感嫩滑，加埋牛油燒就更香口。經過嘅店員都會幫你手燒，所以唔洗驚燒得唔熟或者燶哂。。
北極星
Photos by RomiyLuke's Lobster
Photos by Luke's Lobster文:段
隨時接收最新資訊
讚好OpenRice專頁！