相信唔少人細個已經有食過韓國隻嘅棉花糖朱古力批，之前國民牌子好麗友(오리온)嘅情字朱古力批就出咗香蕉口味(초코파이 바나나)，成為韓國人去超市必買嘅零食之一，搶手程度同舊年嘅蜂蜜牛油薯片一樣誇張！到底點解會咁受歡迎？

 

김진솔（@jinsolk_）張貼的相片 於 2016 年 5月 月 5 2:18上午 PDT 張貼

本身唔少韓國人就非常鐘意香蕉味嘅零食，睇Binggrae(빙그레)賣香蕉牛奶賣到開埋主題Cafe就知道，所以3月香蕉新口味一登場就有唔少人第一時間買嚟試。

 

91서울🐑 대부분이 먹스타그램🍔🍟🍕🍣🍰🍦☕ 맞팔좋아용💕（@iri_onyang）張貼的相片 於 2016 年 5月 月 10 5:09上午 PDT 張貼

而令到朱古力批成為搶手貨嘅最大原因，就係有網民發現，將個批放落微波爐叮20秒之後，外面朱古力會半溶，而中間嘅香蕉棉花糖夾心更加有燒棉花糖嗰種外煙韌內軟綿嘅效果！

 

✌2슬（@seul_bae）張貼的相片 於 2016 年 5月 月 5 11:49下午 PDT 張貼

就同唔少韓國芝士美食一樣，叮過嘅香蕉棉花糖朱古力批切開有牽絲效果，睇到都流哂口水。

Moonscent vocalist BongBong（@bonbon_purple）張貼的相片 於 2016 年 5月 月 8 3:22上午 PDT 張貼

特別鐘情香蕉嘅可以配香蕉牛奶一齊食。甜魔亦可以配一球雪糕，一熱一凍一軟一滑，成件事邪惡到一個點！

 

LEE SEUL GI（@184.157）張貼的相片 於 2016 年 5月 月 10 1:37上午 PDT 張貼

見到好麗友嘅香蕉味大受歡迎，樂天(롯데)亦都照辦煮碗出咗隻差唔多嘅香蕉朱古力批，不過唔少韓國人試哂兩隻之後話都係好麗友嘅比較重香蕉味，去韓國買手信嘅時候唔好揀錯啦！