WOWDON

营业中

休息中

去啟德除咗去 Airside 去Sogo 其實都有好多餐廳選擇﹗不過就要識得上 14 樓﹗ 呢邊日式、西式餐廳都有齊仲有Airside 餐廳未必有嘅嘢：就係高空開揚嘅啟德景觀﹗由Sogo 地下升降機大堂搭Lift直上 14 樓一開就見到成層都係餐廳 上次Thankful week 見到呢間排長龍冇機會食今次呢個Weekend 人唔係好多就試下先 烏冬選擇都真係算幾多同幾多種類 凍熱都有仲有地雞鍋同牛肉鍋，我哋今次食Lunch 就揀咗清啲嘅香炒牛肉澆汁冷烏冬 $138牛肉都畀得幾多 同切得好薄所以好易食冷烏冬夏天食真係好消暑 加埋凍食烏冬再煙韌啲﹗明太子牛油熟烏冬 （ 6月新出） $138有一球明太子畀你撈烏冬食，仲有超多配料配料擺得好整齊 有溫泉蛋 香蔥 紫菜 木魚片 同脆脆加分位係我哋 2個都幾鍾意呢支柚子辣椒粉，成個烏冬嘅味好似昇華咗咁！柚子味好醒神開胃又有啲辛口咁！另外估唔到係有 Cold brew 都係 $32，唔算太貴叫咗支試下！

上次行啟德呢間百貨公司已經想食呢間烏冬店，但係上次要等位就冇食到，呢次特登早少少過嚟食lunch😙明太子牛油拌自家製熱烏冬呢個係期間限定嘅新品，一大盤嘅熱烏冬，仲有勁多款配料可以攪拌嚟食😻 面頭嘅配料包括溫泉蛋、明太子、牛油、脆脆、香蔥、紫菜及木魚碎，將佢哋撈埋一齊食，真係大滿足😌 熱烏冬口感彈牙，每啖都係幸福嘅感覺。側邊仲有醃蘿蔔同埋泡菜兩款前菜，兩款都幾開胃。冰鎮竹盤烏冬套餐呢個冰鎮烏冬係餐廳嘅招牌菜之一，本來係配天婦羅，但係見到吉列豬扒都好似好正，所以就加錢轉咗做香脆吉列豬扒🐷 吉列豬扒嘅炸粉唔會好厚，入面嘅豬扒仲keep住有啲肉汁。呢個冷烏冬有另一個風味，冷烏冬比起熱烏冬更加有口感，可以沾胡麻醬或者係店舖自家熬製嘅醬汁，個人就比較喜歡秘製醬汁🥰呢度嘅烏冬係手工製作，冷熱兩款烏冬各有特色，感受到餐廳對製麵嘅用心😌

✲ﾟ*。🍜啟德人氣烏冬店🫶🏻
上次經過見到呢間喺啟德SOGO嘅烏冬店排晒長龍本身想嚟試冰鎮闊條烏冬可惜已經賣晒 下次要再嚟過🥹今次我係weekend 12:30左右去到 唔多人但一過咗13:30就開始要等位 建議大家早少少去到🙈餐廳主打每日自家製烏冬烏冬嘅選擇好多 有冷有熱店員推介左兩款熱烏冬都唔錯😆明太子奶油自家製熱烏冬好creamy🤤食落好似carbonara 超級邪惡😈建議加炸雞/天婦羅🍤我另外個泡菜鍋烏冬係重口味之選 好惹味😋上枱仲係熱到出晒煙 ♨️如果吉列豬扒分開上會更好 個皮可以keep到酥脆～-✨ 明太子奶油自家製熱烏冬($125)✨ 酥脆吉列豬扒泡菜鍋烏冬($138)
+10% service charge-📍Wowdon @wowdon.hk
啟德雙子匯1期崇光啟德店食匯堂14樓1403號舖

📍Wowdon每日現場壓制 熟成18小時韓式烏冬 🍜冰鎮竹盤烏冬配吉列豬扒特別彈牙煙靭 配搭嘅胡麻醬好掛汁唔會太濃稠 昆布鰹魚汁好fresh冇負擔 但吉列豬扒普通少失望~🍤明太子奶油烏冬配炸蝦天婦羅明太子奶油好creamy烏冬非常掛汁 但個人覺得唔會太滯太膩 熱烏冬質感比冷烏冬軟身少少 炸蝦天婦羅好脆身 如果多一隻就會更滿足!冰鎮闊條烏冬每日限量約20份 每日11:00 & 17:30都會有售 當日去到已經售罄了~~

WOWDON 📍九龍城啟德協調道12號雙子匯1期崇光啟德店食匯堂14樓1403號舖7:30去到，雖然keep住好多人排隊，但係都算入得快，大概排咗15分鐘就有得坐低。其實我一直都心心念念好想試吓白布烏冬，但慕名而來最後都係賣晒！🥹想食嘅朋友仔要再早啲去！⭐️ 冰鎮竹盤烏冬配天婦羅拼盤套餐 $123夏天食冰鎮烏冬真係好爽😂 佢有兩個醬汁俾你揀，包括有經典嘅麻醬同埋昆布鰹魚汁。我個人就鍾意昆布鰹魚汁多啲，可以自己加Wasabi同埋蔥再調味，食落個感覺勁Fresh！✨佢嘅天婦羅有炸蝦🍤、青椒、蘑菇同埋南瓜。覺得最好食係南瓜🎃，薄薄一層嘅炸粉超級脆，同埋南瓜係最甜最大嚿🤣 配埋煙靭口感嘅烏冬食啱啱好！⭐️吉列豬扒配迷你冷蕎麥麵套餐 $138呢個餐係大食之選😂 除咗有一碗超冰涼嘅蕎麥麵（雖然寫迷你但係其實都幾大碗），仲有炸到脆卜卜嘅豬扒同埋白飯+沙律菜！絕對係男仔都會夠食嘅份量✨⭐️炸王餃子 $58本身冇諗住嗌，不過見到每枱都好似有就嗌嚟試吓。有成10嚿，仲要每舊都勁足料！好明顯食到裏面嘅韭菜同粉絲，鍾意食餃子嘅朋友仔可以試吓🥟#香港美食 #手打烏冬

啟德除咗Airside之外 雙子匯Sogo嗰邊原來都有幾層食肆 其中一直都好想試呢間烏冬🍜 同朋友去到門口有長長人龍 好彩都唔使等好耐😝 等嘅時候已經睇緊有咩熱門推介 好多款都想試 見到店舖裝修簡潔明亮 坐得好闊落🔸酥脆吉列豬扒泡菜鍋烏冬 $138等位嘅時候見到好多人嗌呢款 心裏面已經暗暗決定要試😙 上枱嘅時候整個湯底仲有滾住 熱辣辣咁 吉列豬扒咬落去仲有啲肉汁 唔會乾柴 泡菜湯底酸辣開胃 帶少少辣勁但唔會搶味 烏冬是主角！這裏的烏冬比較粗身有嚼勁 好掛湯🔸冰湯蔬菜蕎麥麵 $92夏日炎炎朋友好想食冷蕎麥麵 麵嘅質感幼滑有口感 份量十足 加上冷湯醬汁味道適中 食每啖都好涼快 酷熱天氣下食真係消暑又健康之選👏🏻🔸炸王餃子 $58呢碟炸王餃子睇圖已經好吸引 上枱時餃子切開咗一半 可以見到入面餡料好足 外皮炸到金黃色 咬落去外脆內嫩 餡料帶少少菜香 唔會太油膩 推薦👍🏻

啟德這間人氣烏冬， 6:00pm去到已經大排長龍，排隊嘅時候見到餐廳內好多人都食佢最出名嘅手工扁闊凍烏冬，真係好吸引，仲要夏天食，凍冰冰真係好想試吓，點知排完隊入座已經係6:40 ，全部售罄，的確有啲失望，不過排咗咁多隊都試吓佢其他烏冬，點左一個凍烏冬，一個泡菜熱烏冬。凍烏冬，同樣都係好啱夏天食，有2款醬汁，烏冬可能係手工造嘅關係，真係特別彈牙，口感非常之好，我本人唔係特別喜好食烏冬，但係覺得呢間烏冬真係同其他烏冬店食得出好大分別，真係好味好多！另外豬扒泡菜烏冬，辣辣地好開胃，見到好多泡菜，同埋最重要係佢嘅豬扒好有質感。最後見到差不多每枱都有點呢碟炸餃子，見到賣相已經好吸引，新鮮炸起脆卜卜，重點係餡料超多，餃子菜肉好平均，但食得到鮮肉嘅鮮甜味，我自己覺得唔需要點醬汁都已經好好味，總括嚟講呢間餐廳真心好食，不過如果要試吓佢嘅扁闊凍烏冬，原來要11點，同埋5:30pm嚟排隊，因為佢哋一日只係出兩輪，賣晒就冇，下次我都要早啲嚟排隊先。

啟德雙子匯呢間烏冬舖好多人排隊，原來係韓國過江龍😍主打每日自家製手打烏冬，烏冬款式有熱又凍～都幾多選擇，主食黎前店員仲送咗迷你咖喱飯🍛🔸吉列豬扒泡菜鍋烏冬(HK$138)上枱熱辣辣，都幾大一鍋，吉列豬扒浸喺湯上面，咬落幾有泡菜味，烏冬都幾大條，而且彈牙😎🔸 香辣牛肚鍋烏冬(HK$148)呢款係六月新出，湯底微辣更加惹味，鍋入面有牛肉，牛肚同埋牛腸，食極都好似仲有😝🍴WOWDON📍九龍城啟德協調道12號雙子匯1期崇光啟德店食匯堂14樓1403號舖舖

見呢間餐廳成日要排隊以為好好味…今日諗住試吓點知 … 原來只係搵排隊嚟做勢 就咁影都有10個位！ 仲有啲冇入鏡嘅吉位 🤣 大概等咗半個鐘…終於入得…賣相係ok …. 但無咩特別… 正常野. 明太子奶油烏冬…差到…. 完全冇明太子味… 唔知食緊咩…食前請三思 ！ 🥴

今次同foodie朋友再訪呢間人氣手工烏冬過江龍👭🏻不過招牌烏冬sold out😟決定實測其他菜式 質素又如何⁉️.📌冰鎮竹盤烏冬套餐 $123試咗普通烏冬 冰鎮後好有咬口 不過略嫌硬咗啲🧊️胡麻醬較稀身 但好足料 滿滿白芝麻碎 甘香啲就更好🤍自家慢火熬煮鰹魚汁 鹹鮮濃郁🐟揀左日式炸雞 即叫即炸🔥雞皮勁酥脆 但肉質軟嫩juicy啲就更好🍗.📌明太子牛油拌自家製熱烏冬 $125面頭鋪滿配料 超豐富✨除左明太子🐟牛油🧈仲有溫泉蛋🍳鰹魚片同香蔥等 每啖都係料👅熱烏冬口感偏淋🍜拌勻晒 各種食材味道都唔太出 感覺有啲複雜👀.📌炸王餃子 $58見好多人推薦呢款餃子🌟即叫即炸 餃子皮超酥脆 乾身唔油🥟內餡超飽滿 食到豬肉鮮味同淡淡菜青味🐷🌱.📌天婦羅炸蝦 $58天婦羅皮夠薄脆🧡蝦肉都大隻爽彈🍤.如欲查看相關食物相片 可查閱本人已上傳之影片🎦

今日去邊到試伏❓就係呢間韓國過江龍手工烏冬，好多人大推佢嘅闊條烏冬🍜可惜中午12:30(星期六)已經賣哂，唯有轉食佢地嘅自家製冷烏冬！冰鎮冷盤烏冬套餐 $123 ❄️冷烏冬質感煙靭但有啲硬而胡麻醬味道都唔係好濃配鰹魚汁就清新開胃。套餐跟三件炸雞，醃味唔夠但都算肉嫩多汁。明太子牛油拌自家製熱烏冬 $125 🥘，食完都唔知自己食咗啲咩，烏冬超腍無咬口，Fail！炸王餃子 $58 🥟 韓式餃子無咩特別；炸蝦天婦羅 $58 🍤 正常發揮。餐廳主打烏冬但食完就未如理想，難怪見到每枱都有食剩。

WOWDON地址：九龍城啟德協調道12號雙子匯1期崇光啟德店食匯堂14樓1403號舖今個月WOWDEN一口氣推出5款全新自家製烏冬，由明太子牛油熟烏冬到香辣牛肚鍋烏冬，冷熱齊備，真係諗起都流口水！🤤 今日同朋友試咗兩款，即刻同大家分享～鰻魚飯配迷你熱烏冬套餐 🍱 $148 首先講個鰻魚飯，鰻魚燒得啱啱好，外皮微脆，肉質軟嫩，醬汁香甜唔會過鹹，撈飯一流！😋 至於個迷你熱烏冬，湯底清甜，烏冬彈牙，雖然係迷你但份量都夠飽肚，加埋鰻魚飯真係超滿足！👏 正冰鎮竹盤烏冬套餐 天婦羅炸蝦 ❄ $123 夏天必試！烏冬冰鎮上枱，口感超級爽滑彈牙，蘸埋特製醬汁，清新開胃～ 🍤 天婦羅炸蝦即叫即炸，外脆內嫩，蝦肉鮮甜，已經好正！成個set好適合炎熱天氣食，涼浸浸又唔會太膩！❄️ 正#nicefoodie九龍城-—————#food #hkfoodblog #hkgoodblogger #foodie #foodblogger #goodstagram #hkfood #hkfoodie #hkfoodlover #delicious #hk #香港 #九龍城美食 #九龍城 #美食 #打卡 #

今日約了閨密去啟德SOGO shopping，順道喺嗰度開餐。知道嗰邊有間韓式餐廳專食冰鎮寬條烏冬十分之出名，就衝着去吃。怎料都不給別人快，去到的時候已經售罄。唯有下次要再早啲去。同朋友點了新品推介的「飛魚子飯配迷你烏冬套餐」同埋「香嫩地雞鍋烏冬」，每個餐都配上日本蘿蔔和韓式泡菜。飛魚子飯配迷你烏冬套餐：一大球飛魚子好足料！色彩豐富賣相好吸引， 以熱石碗盛載，把所有材料拌勻後吃得出很香的麻油味，吃到有一些飯焦，口感香脆、豐富。另外附加迷你烏冬，雙重享受。香嫩地雞鍋烏冬：烏冬很滑又彈牙，加上豐富配料如地雞、香菇、白菜、豆腐等，湯頭清澈鮮美，每吃一口都配上湯汁，口感溫潤。一人的份量好足！餐廳環境舒適簡約，有落地玻璃採光度高，窗邊可以看到啟德體育園，下次一定要再來吃其他菜式。

之前去啟德雙子塔食完間餐廳，出到嚟見到呢間大排長龍，原來係食烏冬，所以揀咗第二日再去雙子塔食佢。今次又係大排長龍，前面仲有10幾人嘅時候，突然話闊烏冬賣晒，但係都打消唔到，我要食烏冬既念頭。冰鎮竹盤烏冬套餐配天婦羅炸蝦🍤✨✨✨烏冬係冰鎮上，而且有兩個醬汁，一個係特製昆布鰹魚汁，另一個係自家製胡麻醬，啲烏冬既口感真係好彈牙，我比較鍾意鰹魚汁，因為食完非常之爽，夏天超級適合，胡麻醬個味道好濃郁，烏冬掛晒汁。酥脆吉列豬扒泡菜鍋烏冬🐖🍲✨✨✨見到個泡菜鍋超級吸引，有大量嘅泡菜，而且泡菜食落好爽甜，雖然係熱上，但個烏冬口感非常彈牙，個吉列豬扒上菜嘅時候仍然好脆身，而且可以浸晒啲泡菜湯～另外推薦大家落呢個柚子味粉，即刻變得好鮮味～下次再嚟嘅時候，一定要食到闊烏冬！

每次嚟啟德行街都會見到呢間烏冬專門店排晒長龍提供冷熱烏冬選擇多元化😍而且佢哋嘅烏冬係每日手工製當中冰鎮闊條烏冬每日限量供應人氣超高當日去食晚餐已經賣晒了！-🔸酥脆吉列豬扒泡菜鍋烏冬（$138）豬扒炸到金黃香口大大塊，咬落口感十足🩷加上豬扒放咗湯鍋之中吸收泡菜湯微辣味道令人愈食愈上癮！烏冬幾粗身咬落彈牙🔸香炒牛肉炒配高湯自家制熱烏冬（$128）香炒牛肉同清湯手工烏冬相融合湯頭帶肉香牛肉肉質軟嫩非常好味😋