影片
影片
相片
麦茶
酥脆吉列猪扒泡菜锅乌冬
+580
+83
食家推介
相关文章
WOWDON 位于启德sogo 14楼，主要食韩式乌冬，宽条乌冬更加系限定商品。我地当日星期五下昼大概5:15嘅时间去到餐厅，已经见到排晒长龙，原来食宽条乌冬要等5:30 先安排入座。店员会逐一问排队嘅顾客食唔食宽条乌冬，但系可惜问到我哋嘅时候已经无晒宽条乌冬。不过往好的方向念，我哋可以早啲入座。………………………………………………酥脆吉列猪扒泡菜锅乌冬⭐️⭐️⭐️⭐️⭐️吉列猪扒虽然唔系另外上，而系放喺汤面上面，但系边位都脆口，肉质鲜嫩多汁，吸左泡菜汤反而更惹味。汤有酸酸辣辣嘅泡菜味，好开胃。而乌冬都好爽滑弹牙，好味。韩式牛肉辣汤乌冬⭐️⭐️⭐️⭐️⭐️配料系韩式牛肉、海带丝、葱。汤底同泡菜汤都有少少类似，但系就少咗泡菜嘅酸味，个人比较喜欢依种辣汤，好韩式。麦茶 ⭐️⭐️⭐️⭐️餐厅免费提供麦茶，几好饮，店员都密密帮我哋加茶。前菜 ⭐️⭐️⭐️⭐️前菜系腌萝卜同腌青瓜，份量唔多，但系口感爽脆，味道偏酸。………………………………………………WOWDON 嘅主食都过百蚊一份，虽然价钱唔平，但系佢份量好够，如果唔系过好肚饿，叫一份乌冬，一份炸饺子/小食 share 食，其实都会够饱。
继续阅读
今日嚟到启德SOGO行街～见到 #WOWDON 就试下先😆 呢度主要系食手工制面、自家熬制酱汁与汤头☺️ 不过我就叫咗鳗鱼饭配迷你热乌冬套餐&香炒牛肉浇汁自家制冷乌冬🤩 冷热乌冬既口感弹牙，牛肉都好多架😍汤底用左昆布、柴鱼、竹䇲鱼长时间熬制，汤色清澈、风味浓郁～入口能感受到惊喜与诚意👍🏻👍🏻而咗鳗鱼饭既鳗鱼弹牙～入口又有种软棉棉既感觉😍值得一试呀🥳Wowdon（九龙城店）@wowdon.hk📍九龙城启德协调道12号双子汇1期崇光启德店食汇堂14楼1403号
继续阅读
睇完卫食攻略之后bookmark左，到左睇阿仙奴个日谂住睇波前试下。点知中哂伏。首先餐厅系好有原则，未齐人唔可以入座，even话会叫定两个餐都唔得。咁都唔紧要啦，最紧要好食呀。讲真，一个乌冬百几蚊都唔算平，会有d expectation，叫咗一个炸鸡冷乌冬，一个飞鱼子半饭配热乌冬。乌冬质素其实同丸龟制面冇乜分别，拌饭就系韩式拌饭咁，只不过冇咗肉啰。如果拌饭系好食过个乌冬嘅。冷乌冬𠮶种硬直头好似未煮熟咁，炸鸡就得三旧。睇返间嘢，开头好多食评赞佢，跟住后尾啲食评都系话普通。
继续阅读
我哋专程为咗宽条乌冬慕名而来，可惜已经卖晒。大约2:30pm入座，叫咗明太子伴乌冬、炸王饺子同天妇罗炸虾冰镇竹盘乌冬套餐。 明太子伴乌冬（$125）我𠮶碗明太子伴乌冬几特别，有唔同嘅配料令到口感好丰富，乌冬烟韧有咬口，整体几好味！ 屋企人叫咗天妇罗冻乌冬，我哋仲叫咗饺子一齐share。 我碗明太子乌冬等一阵就到，但就黎食完，屋企人个冻乌冬都仲未上，唔明点解成半粒钟都仲未有。 大约3pm既时候我地向店员查询，佢声称会帮我地睇睇，但佢走向厨房之后无回音。炸王饺子（$58）观察到附近枱同我哋差唔多时间入嚟嘅食客都仲未有嘢食，期间厨房冇出过餐一段时间，都冇办法，唯有继续等 。过多5分钟，厨房先陆续出餐，我哋嘅饺子到咗，附近食客乌冬都陆续到达，除咗我哋个天妇罗乌冬。 等到距离落单接近40分钟，我地忍无可忍决定取消订单。 点知店员冲向厨房返转头先话：「仲有1分钟就煮好！」 但因为等得太耐，我哋最终决定取消。埋单时，店员未有主动解释或致歉，令人失望。订单记录⏳时间线整理：• 2:28pm 落单明太子伴乌冬 • 2:31pm 落单冰镇冻乌冬、炸王饺子 • 2:42pm 明太子伴乌冬上枱 • 3:00pm 向店员追单，但冇跟进 • 3:03pm 炸王饺子到咗 • 3:11pm 取消冻乌冬，店员先话「仲有1分钟」 📌 总结： 1. 食物质素OK，但等餐时间不合理，冇提前通知要等咁耐。 我估计当日同我差唔多时间入场既食客平均都要等20分钟以上先有嘢食。2. 服务流程可改善，例如主动跟进订单或道歉，会让客人感觉较好。 3. 出餐次序混乱，附近几枱客同样受影响，希望餐厅能调整安排。虽然乌冬好味，但整体体验非常失望，希望餐厅会有改善！
继续阅读
见社交平台经常有人介绍呢间启德嘅阔条乌冬,于是约咗朋友星期六去试试!!虽然食唔到招牌宽条条乌冬,不过见佢哋出咗夏日新品🤭🍜 明太子牛油拌自家制热乌冬(HK$125):如果系辛辣明太子,味道应该会开心D,牛油加生鸡蛋已经好邪恶,连埋脆脆口感更足🍜飞鱼子饭配迷你乌冬套餐(HK$128):配料超级足,而且保温程度系食到底都仲系暖笠笠两个套餐都颇大份,同fd 子两个一人一set,食完已经食唔到Dinner,当两餐既状态😂😂呢个价钱又好似黎讲几抵😂😂😂
继续阅读