WOWDON

营业中

休息中

人氣烏冬店睇網上平台介紹呢間餐廳 星期六決定去試裝修比較實而不華，最緊要食物質素好鏗魚湯配日式烏冬竹輪天婦羅！大碗烏冬上面有豆皮、海帶、紫菜、蔥花同啲炸天婦羅脆米，有埋小碟泡菜。前面有南瓜、青椒同竹輪等天婦羅，烏冬煙韌有咬口。首先食頭啖湯，清甜，再加柚子七味粉，好香好味道，啱曬夏天食。另一份好正嘅日式冷烏冬：烏冬鋪喺大量碎冰上面，面頭灑咗少少海苔絲。配埋幾款醬汁、蔥白、蘿蔔茸、芥辣同埋香氣十足嘅芝麻醬，仲有一份香脆炸豬排、小碟泡菜同日式醃黃瓜，全部都好開胃又消暑！芝麻汁稍為失色，個人比較喜歡香蔥wasabi 天婦羅汁。炸雞多汁香口，外脆內軟，但 豬扒有點太薄

前排見到好多人推介呢間「韓國人氣烏冬專門店」😍 Google評價高達4.4粒星！🌟 到底係咪真係傳說中咁好食呢？時不宜遲一於試下先！我地1:30到達餐廳時未坐滿人，可能因為過咗午餐時間 店面整體裝修偏簡約風，缺點係冇卡位 + 枱細 想嗌多兩份小食都冇地方擺...好在打開 menu有驚喜 除咗飯類仲有烏冬、蕎麥麵，搭配多款小食，整體種類都算豐富 雖然標榜韓式烏冬，實則更偏向日韓fusion風🇯🇵🇰🇷 唯一估唔到既係，招牌冷寬烏冬咁快就已經售罄，有啲可惜由於當日成36度我地最後嗌咗凍烏冬同凍蕎麥麵，一個熱拌烏冬，一個鍋烏冬，份量中等，男仔食完唔會餓，每份都附有少量泡菜同醃黃蘿蔔👍🐷香脆吉列豬扒配冰蔬菜蕎麥麵😌呢碗凍蕎麥麵啱晒夏天食！麵質爽彈掛湯，湯底有唔少冰碎 十分之透心涼～ 重點係冰過之後依然好夠味，蔥香同柴魚鮮味完美平衡 但… 個麵有幾好食，塊吉列豬扒就有幾失望！豬扒睇落炸衣過厚，明顯炸過龍 食落果然乾碀碀，一啲都唔juicy既 雖然蕎麥麵本身好食，但豬扒呢個水準配埋個價錢，真係有啲唔抵🥲🍜冷鎮竹盤烏冬套餐😋配角係炸天婦羅三件套：蝦、南瓜同冬菇，蝦身大大隻 咬落彈牙鮮甜，南瓜甜度爆棚～

聽講呢間烏冬店剛開業嘅時候就大排長龍，大家都為咗試佢哋招牌冰鎮闊烏冬，不出我所料去到已經賣晒🫣.試左天婦羅炸蝦澆汁自家制烏冬👩🏻‍🍳，烏冬的確煙韌彈牙，配左天婦羅炸蝦🍤、炸冬菇、南瓜🎃、青椒，味道算是中規中矩來sogo行街肚餓可以試吓，但沒有為了食這個而特登嚟食嘅衝動🫢🫡

早前睇social media 吹捧呢間烏冬食店，就記住搵日要試，遇啱雙子匯做藏傳佛教嘅唐卡展覽，咁就啱啦睇展+食烏冬！知道烏冬店冇得book位，又驚好多人要等好耐，於是未到6:00已到（當日係星期六），去到門口見有幾個人排隊，但望入店有40%吉枱，心諗好快有得入，點知等咗一陣店員都冇意欲叫人入座，後來店員出黎話因為廚房唔夠人出唔切食物所以限人數入座，心諗都可以俾人入去飲住茶等呀？再等多陣有排緊隊嘅人唔耐煩走咗，原本我都諗住轉第二度食，等行開咗嘅朋友返黎問吓意見轉邊度，點知呢個時候就有得入。最想試嘅冰鎮闊條烏冬賣晒，咁就叫咗冰湯蔬菜蕎麥麵（冇味）、明太子奶油烏冬配炸蝦天婦羅（個醬係好味嘅烏冬就唔覺好食）、檸檬冰湯自家制冷烏冬（一般），整體覺得麻麻哋，唔值百幾蚊碗，試一次就算！

🙋🏻‍♂️餓底探員去咗啟德調查呢間韓式烏冬店，當日中午時段好多人排隊，等咗15-20分鐘先可以入座，餐廳裝修走黑白型格風，主打手工烏冬，採用高級小麥粉人手搓製，經18小時熟成後即日現製，麵質新鮮彈牙，必食招牌冰鎮烏冬，冰涼口感啱晒夏天可以消暑降溫，餐廳最近仲推出多款全新自家製烏冬，快啲去試啦🧈明太子牛油拌自家製熱烏冬 $125 （新產品）🙋🏻‍♂️表示烏冬口感滑順，配上嫩滑流心蛋，辛香明太子，香滑牛油，仲有紫菜，木魚等配料，將配料同烏冬攪拌一齊食，充滿香濃蛋香同牛油氣息，配上以昆布，柴魚，竹筴魚等秘製成嘅黃金湯底，令烏冬增添鮮味🧊冰鎮竹盤烏冬配天婦羅拼盤套餐 $123🙋🏻‍♂️表示冰鎮烏冬套餐配上天婦羅拼盤，有爽口大蝦，香軟南瓜，鮮甜香菇等，全部炸到酥脆，烏冬墊滿冰碎，麵質彈牙，口感清爽冰涼，配上2款醬汁，冷湯醬汁味道香甜濃郁，胡麻醬香滑，充滿麻香，各有特色，呢個招牌冰鎮烏冬啱晒夏天，有消暑降溫功效🥟炸王餃子 $58🙋🏻‍♂️表示餃子5件對切，金黃色外皮包住飽滿餡料，非常吸引，餃子即叫即炸，口感非常酥脆，包住豬肉，椰菜同韓式粉絲，肉汁豐腴，食落鮮味多汁📈吃貨指數😋好味度 8.5/10🔙返啅度

🇭🇰WOWDON @wowdon.hk·我原本最想試佢地個招牌闊條烏冬架 但係我地個日晚餐去佢已經賣曬 好彩其他烏冬都好味😌·明太子牛油拌自家製熱烏冬$125 l 香嫩地雞鍋烏冬$148兩款我自己就鍾意個明太子烏冬多啲😍佢呢個除咗明太子之外 仲有啲紫菜 木魚絲 炸天婦羅脆脆 加埋口感好好🤤🤤另外個鍋烏冬熱辣辣 都超級舒服🔥不過自己就覺得呢個調味會偏濃少少 之後佢呢度個烏冬真係好彈牙 好煙韌 幾值得試下😎😎·#rbyeat#rby韓國菜#rby啟德·📍九龍城啟德協調道12號雙子匯1期崇光啟德店食匯堂14樓1403號舖

新開張見社交網站好多人推介，就去試吓。大約七點到店，排隊排左個幾鐘。門口有Menu，但係Menu上邊係冇價錢，都唔係好緊要。一路排一路見到入面坐得一半人，佢聲稱係確保質素，但入座後完全無人理，就算想拎杯水都等好耐先有人比我，落完單後碗麵等好耐，叫炸雞兩件上得一件。又係完全搵唔到人處理。菜單有嘅嘢落單果陣先話賣晒，想轉另外一樣嘢，佢話冇得散嗌一碗，逼你叫套餐。轉咗套餐之後漏單等左個幾鐘都無。中途追單話整緊，點知最後原來冇落到，嬲到爆，仲要唔好食！

啟德SOGO入面開咗間韓國過江龍手工烏冬店「WOWDON」，晚市時段真係一位難求。原來佢哋嘅烏冬麵食都係每日新鮮製作，而其中烏冬仲經過18小時熟成，配以三款自家製醬汁：鰹魚汁、胡麻汁及咖喱汁，咁多組合唔怪得咁多人排隊。明太子牛油拌自家製熱烏冬 $125首先混合明太子、香蔥、鰹魚片同埋烏冬攪拌均勻，生蛋漿可以令到互動更加幼滑，彈牙嘅烏冬真係令人好有驚喜。鹹香嘅明太子食落得好滋味。酥脆吉列豬扒配自家製咖喱飯 $138炸豬扒嘅炸皮厚度適中，外層香脆同樣可以保持到肉汁。炸王餸子 $58炸到金黃色嘅香脆餃子，香脆又多汁。WOWDON (九龍城)九龍城啟德協調道12號雙子匯1期崇光啟德店食匯堂14樓1403號舖

最近我來到九龍城的WOWDON，品嚐了他們的冰鎮竹盤烏冬配天婦羅拼盤套餐，真是讓人驚喜的美味體驗！這道菜不僅色香味俱全，更是夏天消暑的絕佳選擇。📌冰鎮竹盤烏冬首先映入眼簾的是那碗冰鎮竹盤烏冬，清涼的麵條彈牙爽口，配上冰水，簡直就是炎熱夏天的救星！這樣的搭配讓人一口接一口，根本停不下來。📌天婦羅拼盤接下來是令人期待的天婦羅拼盤！酥脆的炸蝦，外皮金黃，咬下去的瞬間，鮮美的海味在口中爆炸。炸南瓜和炸青椒的搭配也讓人驚喜，特別是那淡淡的甜味，簡直讓人無法抗拒！還有炸鮮冬菇，口感滑順，與脆皮形成了完美的對比，讓整道菜更加豐富。📌明太子牛油拌自家製熱烏冬除了冰鎮烏冬，店內的明太子牛油拌自家製熱烏冬同樣令人驚艷。明太子的鮮香與高級牛油的濃郁相互交融，溫泉蛋的滑順口感更是讓這碗熱烏冬變得特別。搭配上鰹魚片和香蔥，簡直是讓人垂涎欲滴！

🍜✨ Wowdon冰鎮竹盤烏冬 + 天婦羅炸蝦 + 高湯熱蕎麥麵 🍤🥢今日lunch試咗新發現！🧐 啟德 Wowdon，主打日式烏冬蕎麥麵，份量啱啱好，味道有驚喜！🥶 冰鎮竹盤烏冬 冰得透心涼❄️ 烏冬煙韌彈牙，沾汁帶少少甜味，好開胃～夏天食真係一流！👍🍤 天婦羅炸蝦 炸蝦外層香脆唔油膩，蝦肉大隻實淨，咬落去咔滋聲響晒！😋 配埋南瓜同茄子天婦羅，好正！🔥 高湯熱蕎麥麵 蕎麥麵香滑帶咬口，湯底夠晒溫潤，有啲柴魚味，飲落舒服冇負擔～適合想食得light啲嘅朋友～🪑 環境簡約乾淨，服務又唔錯，最緊要係價錢親民💰 CP值幾高！WOWDON 地址 九龍城啟德協調道12號雙子匯1期崇光啟德店食匯堂14樓1403號舖營業時間星期一至日 11:00 - 22:00📸 #Wowdon #啟德美食 #冰鎮烏冬 #炸蝦控 #蕎麥麵 #香港美食 #日式料理 #打卡熱點 #Lunch好去處 #食好西

Wowdon 堅持每日現做，為您呈獻最正宗的烏冬體驗：1. 手工烏冬：採用高級小麥粉，手揉熟成18小時，當日早上現場製麵，口感彈牙。2. 秘製醬汁：選用日本傳統食材，於店內獨家調製，醇厚濃郁，提升每一口滋味。3. 黄金湯底：以昆布、柴魚、竹筴魚慢火熬煮，清澈中帶出深沉的旨味。天婦羅炸蝦澆汁自家制冷烏冬$118.0香脆吉列豬扒配冰湯蔬菜蕎麥麵$138.0WoWDon九龍城啟德協調道12號雙子匯1期崇光啟德店食匯堂14樓1403號舖

之前嚟到啟德SOGO見到呢一間烏冬店超受歡迎勁多人排隊，今次早啲嚟順利好快咁入到座，建議大家夜晚六點前就可以避開Peak hour，每日手工先制嘅手工彈牙烏冬，用傳統手法18小時熟成咖喱飯🍛會送迷你咖喱飯，咖喱甘香帶點微辣冰鎮闊條烏冬套餐配天婦羅炸蝦🍤（$128）呢一度嘅大人氣菜式，而且數量限定，好推薦闊條烏冬，大概有八條，口感煙靭，冰鎮好啱夏天透心涼，再灑上芝麻增添香味會有三款醬汁鰹魚汁配蔥wasabi係最清爽嘅食法。麻醬會Creamy啲有芝麻香咖喱汁最重口味同惹味嘅味道香嫩地雞鍋烏冬🍲（$148）如果唔食凍嘢，呢一個係熱烏冬唔錯嘅選擇，熱烏冬個質地都同樣煙靭，最欣賞個湯底有香濃嘅雞湯味，飲落嘅感覺好滋潤舒服，長輩們實喜歡，香嫩嘅地雞又微微嘅炙燒味道，肉質嫩滑，豆卜同小白菜更加可以爽快湯底嘅精華

今日真係勁熱🥵同屋企人行街，係室外多一秒都搞唔掂😩所以就係Sogo樓上試呢個最近超多人講嘅冰震烏冬😍🎐即刻成個人舒服晒架～＊＊＊＊＊🧊🍜冰鎮竹盤烏冬套餐 $123本來想叫個闊烏冬，不過今日賣晒就試下呢個幼版嘅手打烏冬啦～佢超級煙韌彈牙又冰涼🩵套餐仲配左天婦羅拼盤，有天婦羅炸蝦🍤、同三款蔬菜🎃🍠🐷🥩Wowdon 吉列豬扒套餐 $142另外叫左個廚師推薦嘅吉列豬扒套餐🤤呢個餐超級大份，有兩塊大大塊嘅吉列豬扒！適合食肉獸😍！＊＊＊＊＊更多食評資訊：IG🔎litcloud_

📸 韓國手工烏冬過江龍「WOWDON」登陸啟德SOGO！🇰🇷🍜晚市時段真係一位難求。原來佢哋嘅烏冬麵食都係每日新鮮製作，而其中烏冬仲經過18小時熟成🔥 必試推薦✨ 明太子牛油拌烏冬（$125）生蛋漿撈勻彈牙烏冬，明太子鹹香爆發，鰹魚片飄飄下超治癒～ ❄️ 夏日必試！冰鎮闊面烏冬碎冰底keep住冰涼❄️，配秘製咖喱/胡麻/鰹魚汁，由頭chill到尾！ ▪️ 白布烏冬超搶手 30分鐘就賣完，建議一坐低即掃code落單！ ▪️ 烏冬每日新鮮手打，18小時熟成，口感煙韌到犯規🤤

兩次去同層餐廳吃飯，經過這間新開的烏冬店〔WOWDON〕都見到店外大排長龍，今次中午來到可能落雨關係，幸運地沒有人排隊。餐廳主打使用高級小麥粉，手揉熟成18小時，每日早上店內都現場製作新鮮手工烏冬，而獨家醬汁是選用日本直送材料調製而成，店中除了有招牌限定「冰鎮闊條烏冬」及「冰鎮竹盤烏冬」外，最近更有5款新口味，全新自家製冷或熱的烏冬: 明太子牛油熟烏冬、香滑地雞鍋烏冬、香辣牛肚鍋烏冬及飛魚子飯配迷你烏冬套餐等，非常多選擇。【冰鎮竹盤烏冬套餐配天婦羅炸蝦】(HK$123)烏冬下鋪了不少碎冰，用冰鎮方法瞬間鎖住，烏冬每條都很粗及非常之長，入口質感不會太硬而且煙韌，最特別是配有兩款醬汁，包括鰹魚昆布湯及胡麻醬，鰹魚昆布凍湯內可依自己喜好加入Wasabi、蘿蔔茸及蔥花，沾上烏冬後入口很清涼清爽，而胡麻醬內有研磨過的粒粒芝麻，入口胡麻味道香濃，兩有層次，而天婦羅拼盤內有炸蝦、炸冬菇、炸青椒及炸南瓜，炸得金黃不油膩，而且炸粉不厚亦很香脆，近期天氣炎熱，冰冰涼涼吃非常消暑。【明太子奶油自家製熱烏冬】(HK$125)比冰鎮竹盤的烏冬幼身一點，每條熱烏冬都掛上不少明太子奶油醬汁，入口很滑口感很煙韌，每一