Odelice! (The ONE)

之前食過一次，食完後無耐肚子有點不適，即場係商場去廁所！相隔半小時又痛，即飛車回家休息，基本上每半小時就去一次，足足兩日！今日再去食lunch，同樣事情再次發生😓我回想起上次可能係飲左杯凍檸茶而影響，今次飲杯熱飲，同樣發生！

星期日又 brunch time, 試吓新餐廳，環境都唔錯，有玻璃窗位睇下風景！Brunch Menu叫左一個經典肉眼牛排配薯條 (Entrecôte Frites), 佢係 Chef’s signature 之一，當然要試下😎😎 7 成熟，牛肉醬汁好似蘑菇燒汁味😅😅 但肉眼扒軟熟，算唔錯；薯條係厚切，熱辣辣，應該即叫即整，值得一讚👍🏻👍🏻另外一個就試我最鐘意嘅類別 - 班尼迪蛋Egg benedict ，佢都有4 款咁多，今次就揀左 Crab cake Benedict 餐廳自家制蟹肉餅超讚, Benedict 蛋亦剛剛好，一啖蟹肉餅配上流出嚟嘅蛋黃好味👍🏻👍🏻👍🏻👍🏻 雖然得兩個，但都夠飽，沙律配上柚子醋好 fresh ! 包一杯餐飲嘅檸檬茶都係一個驚喜，佢有檸檬果肉碎入面，飲落唔係普通嘅檸茶，酸甜味適中👍🏻

今天和舊亞姐去食生日飯，睇落去好似唔錯⋯點知⋯有少許落差南瓜湯我點了個牛扒餐- medium , 點知黎左個well done steak😅，牛扒就麻麻，薯條就好味😋亞姐點左個魚，試左一啖冇加檸檬汁，淡淡的，加左檸檬汁即刻fresh 晒凍Mocha- 完全唔掂 ⋯ 冇咖啡味冇朱古力味⋯我地希望可以換過另一柸，佢地都好好服務，真係換過一柸濃少少既比我哋，但，始終都未沖到mocha 反而係一柸凍朱古力⋯嘻嘻😜有待改善

最近疫情又死恢復燃, 不過都無阻我同女朋友食好西的習慣!今次我地去到尖沙咀的Odelice!地點方便, 位於The one 四樓。餐廳環境優美, 想必香港繁榮之時一定要大排長龍, 但今日卻冇乜人等候。我同女朋友分別點了一個Ribeye steak & Fries 及Asparahus & Black truffle spaghetti分別是$155 和$140再配上兩杯set coffee, 我點了一杯拿鐵, 女朋友就是Mocha。肉眼調味得剛剛好, 完美, 我們點了五成熟, 可是有一點點overcook了。意粉方面是黑松露的, 完美的味道, 十分推介!!咖啡方面, 不過不失, 勝在划算!! 但建議大家可以點熱咖啡, 因為拉花拉得非常好看!!整體而言, 餐廳在香港尖沙咀這核心地段, 不貴! 很抵食!將來我會再來試試晚餐!

餐廳在The One中層，在門口就見到成間餐廳都係用落地大玻璃，空間感很大，而且我來的時候是黃昏時間剛好見到斜陽漸漸落下的景色Drink Menu選擇有很多，特別的有新鮮榨果汁、花草茶、法式酒等，我們試了新鮮蘋果茶配法國蜂蜜，沒想過是一大壺蘋果茶，新鮮榨沒有加糖更飲到蘋果的清香，蜂蜜加Biscuit亦都帶出甜味頭盤先來過牛油果他他，牛油果上鋪滿一層口口的蟹肉，裏面混入少許蕃茄粒增加口感和食慾，底下牛油果調味適中，牛油果控一定喜歡🥑鵝肝配多士再來一個豪華頭盤，這個鵝肝多士是冷盤，比起煎的鵝肝沒有那麼油膩，但鵝肝味依然非常重極緻羅西尼牛扒一開始我是被鵝肝吸引，香煎鵝肝本來就焦點，加上200克的牛脊肉，肉質嫩滑，我叫七成熟牛扒煎得剛好，牛肉面配上少許蜜糖配搭得宜順帶一提，底下的香滑薯蓉實在非常出色有驚喜👍🏻很好吃

晚餐.幾年前在灣仔開店時已經好想去可惜一事未能成事原來尖沙嘴也有分店這天正好要出來 一於來試試.晚餐時段6時才開門6時正去到已經開始有人入座了幸好有book位 不然要坐門口位呢疫症之下 生意看似仍然不錯吃過後發現食物的確是不錯而且有平日比較少吃到的法式crepe推薦大家來試試!.1) Complete黑松露蕎麥薄餅一片軟軟的餅皮加了火腿 沙律菜 中間還有隻半熟蛋火腿不怕太鹹好好吃啊份量充足一人吃一半 已經很足夠了.2-4) 香煎盲鰽魚 配 薯條+蕃薯條餐牌上有幾款主菜可以配幾款指定配菜魚煎得很香脆 肉仍然保持濕潤連皮吃也可以至於配菜個人比較喜歡薯條 厚身多肉不乾不太硬蕃薯條則較乾脆 感覺有點燶但友人則比較喜歡這款哈 正好可以一人吃一款.看食評說下午茶抵吃下次再去!

The French pancake was ok, I enjoy the two salad more, the portion was pretty big. The red wine sauce beef pasta was the best main dish of the night, the beef steak was pretty good too, we order three dessert with strawberry tiramisu tasted the best, restaurant is not pricey, good value we would visit again soon.

疫情總算開始穩定，終於可以约朋友去尖沙咀行街買野，順便食埋個晚餐聊天一吓😊！記得之前在The one 食過一間法國菜環境和食物都不錯，上次食午餐，所以今次試吓晚餐先😅！隨意點了個(香草烤雞沙律)🥗~＄95，意外地好吃，牛油果好軟滑，青菜新鮮爽口，而烤雞外皮脆口，雞肉亦晤(鞋)口，重有薯仔，雞蛋和蕃茄，配搭一流，絕不馬虎！極致羅西尼牛排～＄288法國鵝肝配西蘭牛脊肉，一直都是絕配，在餐牌上見到，立刻落order😍！一放入口，嫩滑的鵝肝油脂滲入在牛肉上，又香又有口感，好好味👍🏻👍🏻！蘋果檸檬蛋糕~＄75蛋糕外脆內暖，幾特別😋檸檬味比較出，可以沾上士多啤梨🍓果蓉或者雲呢拿雪糕一齊食，超滿足！味道比較甜，所以二至三人分享先可以食得哂😅！連埋個～鮮蟹肉闊條麵，埋單都係七百幾！😅😅飽到食唔晒！

前幾天和朋友行尖沙咀，去到the one 商場想找個地方傾下計順便食個下午茶☕️。見到呢間餐廳的下午茶餐都不錯，環境又好，於是我們便在這裏食下茶。下午茶套餐有許多款，有主食套餐和甜品套餐，套餐包一杯飲料。我們叫了澳洲肉眼扒配香脆薯條和香煎帶子闊條麵餐。我們叫了生蠔，好鮮味多汁！😋❤️很大的蠔，好鮮味！我們叫了澳洲肉眼扒配香脆薯條和香煎帶子闊條麵餐。趁熱食，薯條好脆好香！肉眼扒叫了七成熟，煮得外脆內軟，仍保留肉汁！😋香煎帶子香脆內軟😋 麵沾上酸酸辣辣的汁好開胃！今餐好豐富，環境寬敞，我們共度了一個很好的下午時光！

上年嘅周年紀念就食灣仔嘅分店,今年周年紀念就食尖沙咀分店。價錢唔算太貴,但係都幾有質素。前菜就揀咗牛油果蟹肉他他,蟹肉份量都幾多而且夠晒鮮味配上Creamy嘅牛油果,仲有爽脆嘅青瓜粒,夠晒fresh。男朋友見到隔離枱叫在依個特級盛典漢堡好似幾吸引,所以堅持話要試。漢堡好巨型好高,裏面嘅餡料都幾多,除咗有200g嘅牛肉漢堡之外,仲有蕃茄,生菜,芝士,仲有佢哋自製嘅鵝肝醬,非常香口。Side dish仲配埋我最鍾意嘅黑松露薯條。我見到特色啤酒烤雞係限量供應,諗都唔使諗就叫左,一份有半隻但係都唔算太大隻。外皮烤得微焦,啤酒味唔太食得出,但係外皮味道就有少少甜。飯後又點少得甜品,食得法國野當然要食返個法式可麗餅,我就揀咗玉桂蘋果焦糖醬雪糕可麗餅,蘋果煮得好入味,有玉桂香但又唔會太濃。可麗餅煎得夠薄,配埋冰凍嘅雪糕就啱啱好,食完唔會太有負擔。

Odelice! 看餐牌, 有多款法國菜式可供選擇, 無論前菜, 小吃, 主菜, 甜品, 甚至飲品都非常多元化, 又多選擇, 而且價錢也好經濟，先叫了前菜沙律 - 炙燒吞拿魚尼斯沙律 $128,  喜愛是外面熟, 中間生, 有魚肉鮮味, 加了芝麻香, 還有鯷魚, 有咸香味, 建議同旁邊的香草意大利包一齊食,還有大量生菜,  雞蛋，少量的沙律醬汁,好開胃。。見有法國生蠔 Fines de Claire No.3 , 叫了半打 $218 , 好鮮味, 有海水味同礦味, 頭盤叫了Parma Ham Rolls $82 , Parma Ham中間包了燈籠椒, Ham 的咸香味加上椒的清甜味, 好夾。主菜叫了經典肉眼牛排配香脆薯條 $218 , 牛排叫了五成熟，是新西蘭草飼牛排, 肉質有嚼口, 牛味好突出,  因是肉眼, 所以肉汁多。Sides Dishes 叫了忌廉菠菜$40,  好Creamy, 份量都好多。飲品叫了Coconut , Mango, Passion smoothie $42 , 好滑, 好Fresh。一餐非常豐富的法國晚餐。

吞拿魚裡面是生的！！！！！！好差！！！！！根本不敢再食！僅是隨便煎一下，和食譜上完全不同！都不知這種半生不熟的食物點解會拿給客人食！以後絕對不會再幫襯！！！！！

雖然疫情還未過去，但鄰近週年日的大日子，當然也要好好慶祝一番。選擇一間環境高雅，有情調的西餐廳絕對係不二之選。而因應疫情，入座前每位客人都要量度體溫，枱與枱之間也有間格板，令我們可以更安心好好慶祝極致羅西尼牛排來自紐西蘭的牛脊肉煎到有格紋兼且超厚身，未食都已經加分。七成熟的牛扒一切開，好粉嫩。牛脊肉味道濃郁而且入口juicy，加上廚師烹調時已加上的鹽及黑胡椒，再配上特別調製的紅酒味牛肉醬汁，更能帶出牛脊肉的鮮味。而香煎法國鵝肝外脆內軟、味道帶點甘香、入口即溶，烤雞肉意粉煎香了的烤雞，外皮酥脆，裡面的肉質軟滑，配上羅勒香草青醬及帶酸咪咪的蕃茄，味道好有層次。而意粉軟硬適中，每條均能掛上香濃的香草青醬味道。法式經典漢堡 – 配卡真香料薯條 漢堡扒是手打的，漢堡扒肉味道濃厚而且還是厚切，味道調配亦不錯。配上半溶的芝士、芥辣蛋黃醬及醃菜等，出奇的食完不覺太滯。麵包非常鬆軟，不得不讚。而薯條炸得外脆內軟，也不錯。煎香蕉，蕉糖醬，雪糕可麗餅法國菜當然唔少得一定要食甜品，Crêpe更是法國甜品的代表。質感鬆軟煙韌的法國班戟，厚薄適中，配上微微煎香的香蕉及冰凍的呍呢拿雪糕，一定要推介。牛油果蘋果鮮榨果

大熱天時當然是行商場好過行街啦，來這個場shop，食肆都多選擇，朋友偏偏喜愛這間，這陣子仲入選了。Lunch都未食，有點餓，下午茶餐最抵，食品種類好豐富，沙律、薄餅、意粉、牛扒、漢堡、三文治、甜品等等。烤雞肉意粉~青醬意粉令我揀你，爽滑意粉掛滿翠綠醬汁，味道香濃，烤雞啖啖肉，越食越開胃。法式經典漢堡-配卡真香料薯條~賣相一定令你喜歡，高樓大廈般漢堡包出場，加一籃子薯條，視覺效果已令胃口大開。漢堡材料包括紫洋蔥、蕃茄、芝士、酸青瓜，足200g牛肉漢堡(五成熟)，一切落去，juicy牛肉汁必曬出嚟，肉味香濃，大家都讚不絕口。Cappuccino 法式泡沫咖啡 (凍)~冰凍泡沫好有滿足感。Chocolate 朱古力(熱)~樣子可愛，配塊薑餅，慢慢歎。環境舒適，坐下傾下...... 望到隔離枱甜品好吸引啊。經典朱古力心太軟配雲呢拿雪糕~經典經典呀，記得要趁熱食，一切開，朱古力漿慢慢流出，熱的香濃朱古力與凍的雲呢拿雪糕天作之合呢。橙香可麗餅~這店較有特色是個甜品，大大塊類似pancake，上面加朱古力醬及橙醬，即點即製，鮮橙味道香，配合朱古力又香又好吃。

Odelice! - 法式下午茶落左幾日大雨，今個星期天終於陽光普照，和男友去尖沙咀逛街，久違了的約會，經過一間法國菜的餐廳，價錢可以接受，而且是有下午茶Menu，就和男友來一個法式下午茶吧！經典肉眼牛排配香脆薯條五成熟度，有一定厚度的新西蘭草飼牛排，肉眼的位置，肉汁濃郁、肉味濃厚、肉質軟腍、脂肪分布平均，配上燒汁，牛味更出！牛油果雙重奏班尼迪蛋加煙三文魚 新鮮軟熟的牛油果、忌廉口感的牛油果沾醬、爽口的火箭菜、流心的63度溫泉蛋、鹹味煙三文魚和脆身的布里歐修麵包，所有材料一拼吃時，幸福滿瀉的感覺。士多啤梨夢可麗餅 會令人非常開心的一道甜品，採用新鮮鮮甜的士多啤梨、加入酸甜檸檬醬和雲呢拿忌廉，再用法式可麗餅包著，融合果甜和可麗餅的甜。泡沫咖啡 最後有一杯香濃泡沫咖啡，配上牛油曲奇，十分寫意的下午。