Odelice! (The ONE)

吞拿魚裡面是生的！！！！！！好差！！！！！根本不敢再食！僅是隨便煎一下，和食譜上完全不同！都不知這種半生不熟的食物點解會拿給客人食！以後絕對不會再幫襯！！！！！

雖然疫情還未過去，但鄰近週年日的大日子，當然也要好好慶祝一番。選擇一間環境高雅，有情調的西餐廳絕對係不二之選。而因應疫情，入座前每位客人都要量度體溫，枱與枱之間也有間格板，令我們可以更安心好好慶祝極致羅西尼牛排來自紐西蘭的牛脊肉煎到有格紋兼且超厚身，未食都已經加分。七成熟的牛扒一切開，好粉嫩。牛脊肉味道濃郁而且入口juicy，加上廚師烹調時已加上的鹽及黑胡椒，再配上特別調製的紅酒味牛肉醬汁，更能帶出牛脊肉的鮮味。而香煎法國鵝肝外脆內軟、味道帶點甘香、入口即溶，烤雞肉意粉煎香了的烤雞，外皮酥脆，裡面的肉質軟滑，配上羅勒香草青醬及帶酸咪咪的蕃茄，味道好有層次。而意粉軟硬適中，每條均能掛上香濃的香草青醬味道。法式經典漢堡 – 配卡真香料薯條 漢堡扒是手打的，漢堡扒肉味道濃厚而且還是厚切，味道調配亦不錯。配上半溶的芝士、芥辣蛋黃醬及醃菜等，出奇的食完不覺太滯。麵包非常鬆軟，不得不讚。而薯條炸得外脆內軟，也不錯。煎香蕉，蕉糖醬，雪糕可麗餅法國菜當然唔少得一定要食甜品，Crêpe更是法國甜品的代表。質感鬆軟煙韌的法國班戟，厚薄適中，配上微微煎香的香蕉及冰凍的呍呢拿雪糕，一定要推介。牛油果蘋果鮮榨果

大熱天時當然是行商場好過行街啦，來這個場shop，食肆都多選擇，朋友偏偏喜愛這間，這陣子仲入選了。Lunch都未食，有點餓，下午茶餐最抵，食品種類好豐富，沙律、薄餅、意粉、牛扒、漢堡、三文治、甜品等等。烤雞肉意粉~青醬意粉令我揀你，爽滑意粉掛滿翠綠醬汁，味道香濃，烤雞啖啖肉，越食越開胃。法式經典漢堡-配卡真香料薯條~賣相一定令你喜歡，高樓大廈般漢堡包出場，加一籃子薯條，視覺效果已令胃口大開。漢堡材料包括紫洋蔥、蕃茄、芝士、酸青瓜，足200g牛肉漢堡(五成熟)，一切落去，juicy牛肉汁必曬出嚟，肉味香濃，大家都讚不絕口。Cappuccino 法式泡沫咖啡 (凍)~冰凍泡沫好有滿足感。Chocolate 朱古力(熱)~樣子可愛，配塊薑餅，慢慢歎。環境舒適，坐下傾下...... 望到隔離枱甜品好吸引啊。經典朱古力心太軟配雲呢拿雪糕~經典經典呀，記得要趁熱食，一切開，朱古力漿慢慢流出，熱的香濃朱古力與凍的雲呢拿雪糕天作之合呢。橙香可麗餅~這店較有特色是個甜品，大大塊類似pancake，上面加朱古力醬及橙醬，即點即製，鮮橙味道香，配合朱古力又香又好吃。

Odelice! - 法式下午茶落左幾日大雨，今個星期天終於陽光普照，和男友去尖沙咀逛街，久違了的約會，經過一間法國菜的餐廳，價錢可以接受，而且是有下午茶Menu，就和男友來一個法式下午茶吧！經典肉眼牛排配香脆薯條五成熟度，有一定厚度的新西蘭草飼牛排，肉眼的位置，肉汁濃郁、肉味濃厚、肉質軟腍、脂肪分布平均，配上燒汁，牛味更出！牛油果雙重奏班尼迪蛋加煙三文魚 新鮮軟熟的牛油果、忌廉口感的牛油果沾醬、爽口的火箭菜、流心的63度溫泉蛋、鹹味煙三文魚和脆身的布里歐修麵包，所有材料一拼吃時，幸福滿瀉的感覺。士多啤梨夢可麗餅 會令人非常開心的一道甜品，採用新鮮鮮甜的士多啤梨、加入酸甜檸檬醬和雲呢拿忌廉，再用法式可麗餅包著，融合果甜和可麗餅的甜。泡沫咖啡 最後有一杯香濃泡沫咖啡，配上牛油曲奇，十分寫意的下午。

難得今日想食得輕盈啲去咗尖沙咀the one商場搵一間有沙律食嘅Cafe 。當時大概中午都見到好多人，好好彩咁唔使卜位都唔駛等位咁就入坐，從人流上黎睇，食物質素應該唔錯。聽好多人講牛油果係近年嘅Super food, 就叫咗下午餐牌上面嘅牛油果沙律套餐。成碟沙律份量十分足，啲菜都非常翠綠，而且擺碟擺得分精緻，感覺都好新鮮，而且牛油果落望算青綠，係同區來講，以呢個價錢食到呢個質素算係唔容易。而服務方面，店內嘅人有一半屬於外國員工，令成間餐廳嘅法國菜氣氛再增添一點色彩。

好幾年前喺灣仔試過Odelice!滿有驚喜的crepe真係一試難忘今日經過The One試下lunch set菠菜菇半熟蛋galette依然大大份味道還可以☺️appetizer試咗沙律冇要湯呢碟雞扒意粉賣相真係有啲差得4粒雞肉仲要炸到好乾身意粉煮得太淋太碎但醬汁可以救返哩碟意粉少少分數.值得一題外籍女店員好有禮貌由於🤰🏻減緊糖外出食飯好小心店員都好願意解答galette有無落糖開粉漿👍.對Odelice仍然有情意結但下次會識揀唔食pasta😛

色香味俱全的法式餐廳，價格偏低但調味及烹調方式正宗，不是一般港式西餐口味。今天 Weekend Bruch Menu 選了燒春雞，燒牛扒、及燒魚，完全沒有失望，就連 Daily soup - Carrot Coriander 都很有驚喜！此餐廳是我看選，除了約會也是我獨食的去處！

今日係The one搵野食，行左成層最後決定入呢間餐廳，整體餐廳環境唔錯。叫左個lunch set，前菜有沙律/湯。我就選左甘筍湯，超級濃郁，濃郁到有小小咸。但可接受既。法式火腿及炒雜菌意粉$85/lunch set跟餐+$10可以要 美式咖啡/熱茶/檸檬冰茶，但我就另外叫左杯iced cappuccino $38第一眼已經望到好多菇同火腿，而已份量都算大既一人份量。個意粉我勁中意，超creamy，淡淡忌廉味💜好好多汁，但d汁唔水既，係好濃郁👍不過佢個雜菌唔似係冬菇? 唔似平時西餐食既雜菌菇。呢到個個待應服務態度都好好，好有笑容禮物👍

去尖沙咀食tea set, 友人是大推 Odelice! 去到9成滿，店員都是外藉人，要用英語溝通。tea set包一杯飲料和一main dish!Order 了煙三文魚蕎麥薄餅，是大熱主菜，蕎麥薄餅煎得好香，焦香的，入面加咗好多好多菠菜，上面再鋪咗鹹鹹地嘅煙三文魚，再加埋一個半熟嘅溫泉蛋，蛋汁cut開樓出嚟好好食!旁邊仲有加入左檸檬汁酸酸地嘅沙律,好開胃 !另外叫咗一個牛油果雞肉沙律，入面有好多牛油，入面生菜加咗凱撒沙律醬，雞肉是焗的，感覺上好健康！份量都好多朋友share啱啱好!沙律菜好新鮮,好欣賞!再叫咗杯凍咖啡，同有人慢慢吹，是一個休閒的下午！有人叫咗杯士多啤梨羅勒冰茶！平日黎都算幾抵食，又可以慢慢地吹水！坐得舒服！

一般人一聽到食法國餐，就會想到價錢貴，份量少，九道菜及食足3個小時。一早相約朋友去食下平民又有質素的法國菜！一到餐廳門口，很開心餐廳侍應安排一個餐廳較內位置, 面對調酒的Bar 枱位置，以及面對玻璃大窗, 可見亨受美食之餘，同時間去欣賞大自然的天空，氣氛雅致！吃法國菜，當然是有先後次序，一客黑松露蘆筍濃湯是我的首選！濃湯不單只有青香及濃郁的蘆筍, 蘆筍打碎粒，帶點口感，再加上香口撲鼻，濃郁的黑松露，濃淡味道混合得相當適中！怎可以不order 青口這道菜式，這間餐廳所用的是法國空運黑青口。青口除了味道鮮甜外，還帶有少許的天然海水味道！白酒味道配青口再加香蒜，並且配上美味鬆化，入口即溶及可口的薯條，簡直一絕！我是個海鮮癡，尤其是蝦！故此我不會錯一過品嘗各式各樣及不同烹製蝦的美食！故此點了一客虎蝦蟹肉沙律。蟹肉青甜，特製醬汁更能帶出虎蝦的鮮味！沙律菜青新及青甜。主菜就點了帕爾馬火腿蕎麥薄, 咸香的Parma ham、鮮蛋黃及濃香芝士，令整個餅有更多不同的口感及不太油膩！本想嘗試甜品，因為食物份量大的原故，我已吃不下。故此只好來一杯椰青、忙果及熱情果沙冰。甜酸、清新的消暑解渴飮品！這個沒有9

之前去過灣仔嘅 Odelice! 食飯，食物質素唔錯，今日喺同朋友喺尖沙嘴 the one 行街驚覺原來有分店，一於坐低食個下午茶。真係好抵，套餐定價平過單點之餘下仲包一杯指定飲品。法式經典牛肉漢堡厚度十足嘅漢堡扒稍微過熟，但係食得出係質素好嘅牛肉而唔係普通嘅廉價絞肉，有肉汁。埃文達芝士比起平時一般burger嘅車打芝士硬身但係味道就較溫和，感覺無咁膩。莓果與我士多啤梨雪葩加上藍莓粒粒唔會過甜，係夏日消暑恩物。法式可麗餅聽聞呢度嘅Crêpe係招牌菜，果然質地、厚薄各方面皆適中。鋪滿芒果、香蕉、薄荷熱情果醬、鮮忌廉，好fresh嘅感覺。酸酸甜甜唔會太膩，比起我平時鍾情嘅原味牛油砂糖配搭更加豐富！朱古力心太軟冷熱交融嘅心太軟配雲呢拿雪糕總係令人難以抗拒！流心效果做得唔錯。士多啤梨羅勒葉冰茶跟餐唔洗加錢架，涼陣陣超refreshing。 火龍果魔力鮮果汁火龍果+蘋果+青瓜嘅配搭幾特別，清新嘅青瓜味尤其突出，係好飽肚嘅健康飲品。

最近雖然香港的疫情不斷好轉,歐洲的情況也比之前好轉了不少,但相信可以去旅行的情況短時間並不樂觀,去歐洲相信要經歷兩年後的事了.不過唔緊要香港依個美食天堂,有不少各式各樣的菜式給大家選擇，可讓大家的口味轉變了一下.綠色的蔬菜加上爽口的大蝦令人十分之開胃又有清新的感覺.寬條麵加上十分香滑的牛肉這個配搭十分之美好.慢煮的豬肉所有肉汁也可在肉身上令人回味無窮.最後的甜品也十分之有水準，入口即溶.餐廳即叫即整的果汁並沒有加人造糖也十分之健康.

今晚同女同事來到吃精緻的法國菜，大家都滿心期待，平時很少吃呢哈哈！Chef‘s Platter 這特色主廚拼盤好豐富，作為前菜實在也不為過。有至愛的煙三文魚，加少少檸檬汁超惹味。仲有Parma Ham ,配上芝士都好襯。最欣賞是有粒粒牛油果醬，最喜歡這Super food 配上多士，非常健康。Entrecote Frites 肉眼扒超Juicy ! 七成熟剛剛好！配上醬汁都好正，看到相片都流口水🤤! Parma Ham Galette藜麥薄餅是一直也想試試，頗有新鮮感，薄餅加上蛋黃汁，很滑溜！配上Parma Ham,很不錯！一點也不「伏」，黎法國餐廳，當然要試試特色菜！Strawberry Tiramisu 吃慣咖啡冧酒版的Tiramisu,本身對草莓沒甚期望！果然，草莓🍓的味道香甜，淡淡配上輕芝士，少了膩感，而且非常軟綿綿，好想再吃😭

去不同餐廳, 如果有青口的話, 我總會忍不住要點吃; 早年前在 Odelice! 吃過一次, 一直念念不忘, 今日恰好又到訪, 當然不會放過上次坐近門口, 今次坐在較內位置, 面對玻璃大窗, 黃昏近末的天空一片灰藍, 氣氛雅緻肚子打鼓, 急不及待先來了黑松露蘆筍濃湯, 黑松露味道是畫龍點睛, 真正香濃源來自濃郁的蘆筍, 熱湯裡還帶著少少的蘆筍絲, 帶點口感朋友是蝦痴, 最愛吃各種的蝦蟹, 當然要給她點個虎蝦蟹肉沙律 , 自己比較喜歡蟹肉, 這裡是製成一小團的形狀, 比較其他餐廳總是一絲絲的, 更有咬口; 天氣悶熱不想叫 main course, 就點了 Parma ham 蕎麥薄餅, 上次吃的是薄餅甜品, 今次的卻是咸味主食, 味道有趣, 加了鮮蛋黃在中間原以為只是點綴, 吃下來才發現原來連蛋黃一起吃, 令整個蕎麥薄餅味道提升最期待的法國空運黑靑口, 吃時一定要連湯一起放進口, 白酒味道配青口再加香蒜, 香味流連口中, 非常享受最後來一杯 Nutella Latte, 朱古力榛子做底已經足夠甜味, 除非特別嗜甜, 否則就不用落糖了.

見食評不差，即管上去試下，地方可以，服務態度普通，上菜速度正常，味道好一般 ，價錢還可以 黑松露唔知咩嘢湯- 朋友話味道不錯 溫泉蛋露筍沙律- 完全沒有味道，沙律菜都係好一般，又冇sauce, 淡味 卡邦尼意粉- 份量大，但係好油，食到差不多見底時， 覺得好油膩 蟹肉意粉- 味道一般，沒有突出地方，但份量唔少 啤酒燒雞 - 仲話係廚師推介, 完全唔掂, 燒到隻雞黑蚊蚊， 炸甜薯條就好好味整體嚟講， 味道一般， 加上服務態度不是好，唔會再試