La Serre

之前喺觀塘海濱散步嘅時候就經常都會經過La Serre依間餐廳成日都見到有人帶住狗狗或者貓貓喺度食嘢，於是今日就到我帶埋屋企六隻貓貓嚟試吓啦La Serre隊友寵物嘅主子嚟講真係好友善，因為帶埋主旨嚟食嘢嘅人會有八折優惠外只要喺度打卡仲會送寵物玩具同埋凍乾！未試過有一間餐廳係為咗寵物做到咁貼心，大贊今次我哋叫咗一份海陸套餐，只能夠講真係一次過滿足晒咁多個願望！套餐入邊包咗一份豬扒，牛扒，燒魷魚，大蝦，鴨胸(平時會係半隻雞)而且仲可以揀一份黑松露薯條或者甜番薯條首先講份量，淨係嗰份薯條都夠我哋兩個人食飽，莫講話入邊嘅肉份份都大大件然後講質素，豬扒油脂香唔會煎到太乾，牛扒剛好煎到五成熟，而且牛肉香味濃大蝦同魷魚都唔會燒到太乾，而且肉質好鮮。鴨胸亦都煮到剛剛好，皮脆肉嫩。另外仲叫咗半份醬香豬仔骨架，肉質腍甜配埋個醬非常之恰到好處。食到咁上下嘅時候，仲有live Band表演，成個氣氛非常chill，一邊仲可以望住觀塘海濱嘅海景。如果想帶埋啲寵物去一個好relax好chill嘅地方，首推La Serre!…查看更多

今次同朋友摸上觀塘工廈搵食，竟然俾我哋發現咗呢間高質法式小館La Serre！餐廳裝修走簡約工業風，坐得舒服，最啱三五知己慢慢食、慢慢傾～必點嘅老虎蝦意粉真係有驚喜！兩隻巨型老虎蝦煎到啱啱好，蝦殼香脆到可以連殼食，蝦肉爽口彈牙又鮮甜。個意粉更加係精髓，掛滿用蝦頭熬製嘅濃郁醬汁，每條意粉都吸收晒精華，仲帶微微辣勁，食完成個口腔都係蝦嘅鮮味，真係邪惡到極點！另一道黃油雞燉鍋都唔輸蝕～用咗法國黃油雞，慢火燉到肉質嫩滑到不得了，輕輕一撕就骨肉分離。個湯底充滿菌菇同蔬菜嘅甜味，飲落好順喉，最正係用嚟點麵包食，真係一滴都唔會浪費！雖然位置有啲隱世，但絕對值得專程過嚟試！已經mark實咗下次要試埋佢哋嘅招牌甜品！…查看更多

先講個脆炸豬手，一上枱真係哇一聲！外皮炸到金黃脆卜卜，用刀切落去仲聽到「咔嚓」聲，但裡面嘅肉竟然保持到juicy嫩滑，完全唔會乾柴。最驚喜係佢個自家製蜜糖芥末醬，甜甜地又帶少少辣，同鹹香嘅豬手夾到震，食多幾件都唔會膩！至於個白酒煮青口都絕對唔輸蝕！青口每隻都肥嘟嘟，肉質飽滿冇沙，個白酒汁煮得啱啱好，帶出青口嘅鮮甜之餘，仲有淡淡蒜香同香草味。最正係用個汁點麵包，索晒精華真係一滴都唔可以浪費！環境方面雖然係工廈店，但佈置得好有心思，暖色燈光加木系家具，坐得好舒服。服務員哥哥都好nice，會細心介紹菜式。兩個人share呢兩道菜再加個沙律已經好滿足，價錢合理之餘質素拍得住酒店級數！已經bookmark定下次再嚟試佢哋嘅牛排同龍蝦意粉～ 觀塘果然多隱世美食！…查看更多

今日同朋黎到黎觀濱感受下氣氛，係一片漆黑中見到呢間La Serre，勁之吸睛👀反正咗岩行到攰攰地，就入去坐低無論係出面定係內籠bar枱都整到勁靚，坐得勁C伏又有feel，開係觀濱真係岩晒，可以一路食野飲酒一路望住個海，諗起都chill😍野食款食繁多，都係主打西餐炸洋蔥同薯條圈即叫即炸勁脆熱辣辣，佐酒香口野無得輸Parma Ham蜜瓜組合，作為開胃菜一流，咸咸甜甜，好耐無食過烤西班牙黑毛豬西冷，擺盤幾好心思，大大塊豬睇見都流晒口水😝肉質一啲都唔鞋口好容易切，入口香濃豬味美國頂級安格斯西冷，叫7成熟真係做到，一啲雪味都無牛肉味爆燈，唔會好肥但肉質都keep住軟身彈牙，同朋友一齊爭住食差啲唔夠喉！…查看更多

夜幕低垂，華燈初上，觀塘海濱的La Serre餐廳，如同一顆璀璨的明珠，吸引著尋求美食與浪漫的人們。甫踏入餐廳，映入眼簾的是一個充滿格調的空間，舒適的環境讓人感到放鬆。當晚，戶外更有busking演出，悠揚的樂聲伴隨著海風，營造出一種無與倫比的浪漫氛圍。首先上桌的是自家種植雜菜沙律。新鮮的蔬菜，種類豐富，色彩繽紛，彷彿將大自然的精華都匯聚於一盤之中。簡單地淋上橄欖油，更能凸顯蔬菜本身的鮮甜，口感清爽，為接下來的美食之旅揭開了完美的序幕。緊接著是炸魷魚，金黃酥脆的外皮，散發著誘人的香氣。一口咬下，外酥內嫩，魷魚的鮮味在口中爆發，令人回味無窮。這道菜的火候掌握得恰到好處，既保留了魷魚的鮮嫩，又賦予了它酥脆的口感，可謂一道完美的開胃小點。主菜方面，大蝦濃汁虎蝦意大利麵絕對是必點之選。蕃茄的酸甜開胃，與濃郁的蝦汁完美融合，每一口都充滿著幸福的味道。虎蝦肉質緊實彈牙，鮮味十足，與意大利麵相互輝映，帶來豐富的口感層次。另一道主菜，烤美國頂級安格斯肉眼扒，更是將味覺體驗推向了高潮。肉眼扒烤至恰到好處，外表焦香，內裡鮮嫩多汁，入口即化。搭配的薯角也毫不遜色，外酥內軟，香氣四溢。這道菜充分展現了食材本身的優質，以及廚師精湛的烹飪技巧。飲品方面，美式咖啡和焦糖咖啡都表現出色。美式咖啡香醇濃郁，提神醒腦；焦糖咖啡則香甜可口，令人心情愉悅。兩者都與之前的菜品搭配得恰到好處，為這頓晚餐畫上了完美的句點。總而言之，La Serre餐廳無論在環境、氛圍、食材還是烹飪方面，都表現出了極高的水準。這裡不僅僅是一個用餐的地方，更是一個可以放鬆身心、享受生活的美好空間。如果你正在尋找一個可以與親朋好友共度美好時光的地方，La Serre絕對是一個不容錯過的選擇。下次有機會，我一定會再次光顧，品嚐更多美味佳餚。…查看更多

環境同氣氛都幾好！成間餐廳係玻璃屋設計，室外座位可以吹海風！星期五六有 Live Band！個樂隊玩緊 acoustic 版英文歌，彈結他加主唱，聲音乾淨又唔嘈，氣氛即刻提升三級，感覺似喺外國度假小酒吧。食物方面，我哋點咗個海陸拼盤（$428），有牛扒、豬扒、鴨胸、虎蝦、魷魚同黑松露薯條。整體嚟講係合格有餘啦～牛扒同豬扒煎得幾 juicy，火候 ok；鴨胸皮算脆，只係肉略為柴咗少少；虎蝦同魷魚都新鮮，唔腥；黑松露薯條香口好食。…查看更多

觀塘海濱寵物友善餐廳🐾吹海風恰美食太爽啦！觀塘寵物黨必衝！這家濱海餐廳不僅能帶毛孩子一起打卡 仲有8折優惠，而且仲會送玩具同凍乾真係超級友善，而且食物又大份啤酒還買一送一，傍晚吹海風超愜意～✨必點推薦：左口魚邊三文魚子飯：魚肉鮮嫩，魚子爆珠口感絕了！炸薯條拌明太子醬：外酥里糯，明太子咸香裹滿每一根～燒澳洲羊T骨：外皮焦香，肉質軟嫩不羶，配啤酒剛剛好燒一夜乾魷魚飯：魷魚彈牙入味，米飯吸飽咸香醬汁～是日甘筍湯清甜解膩，喝完整個人都暖乎乎的～…查看更多

入門就見陽光灑落木枱，玻璃窗邊嘆住咖啡， 好似打開咗人生 Netflix 嘅《Chill & Eat》特集。🍝【Calm Linguine】｜海風味嘅寧靜一碟冇打錯，真係 “Calm” Linguine，因為：- 滑身 linguine 包住成打鮮甜蜆仔 - 醬汁輕盈得嚟唔失香，唔係 heavy 嘅 creamy，係 清新又帶鹽味嘅海岸 vibe - 上面灑滿 pea shoots，加返一點綠意與脆感❤️食落去真係令人靜咗落嚟，慢慢咀嚼，心境即時平和。🍗【Chili Chicken Wings】｜炸雞界嘅小辣妹呢碟雞翼係 brunch 界嘅突襲者：- 外皮超級酥脆，好似食緊 popcorn chicken 嘅升級版 - 辣醬唔係一味辣，係 有層次、少少甜、少少煙燻 - 配埋美式風格包裝紙，好似喺紐約街頭食緊 fusion cafe一邊食一邊諗：「邊個話 brunch 唔可以 spicy?」🍳【Salmon Benedict】｜食得健康又唔失 indulgence一碟就包晒你想要嘅 brunch 精神：- 溏心蛋 + Hollandaise 醬 = creamy 滑到出界 - 煙三文魚鹹香鮮味，配埋牛油果 slices，好似食緊富豪版 avocado toast - 炸薯角炸到 crispy，每一啖都係 brunch 嘅滿足感呢碟係 “食完唔會有罪惡感” 嘅典範，養生都可以好好味。🍰【Earl Grey Basque Cheesecake】｜優雅到出晒界嘅甜品呢件芝士蛋糕係整個 brunch 嘅 ending credit：- 表面焦香微脆，入面 creamy 得嚟唔膩 - Earl Grey 茶香滲入每一啖，唔係香精味，係真茶味 - 成件蛋糕食完都唔會覺得 heavy，係 brunch ending 嘅完美選擇一啖入口，好似有人喺你耳邊輕聲講：「生活可以慢一啲。」🧾【總結】La Serre = 陽光、茶香、炸雞與海味嘅 brunch 組合拳- 食物賣相靚，味道有驚喜 - 坐得舒服，好啱週末放空 - 法式 brunch base + 亞洲 twist，有 personality 但唔浮誇📌 Jokebear推介指數：🥐☀️☕🍗🍰／5 （齊晒 brunch 所有必要元素，仲要全部做到有質素）食完只想講一句： 「生活咁靚，點可以唔 brunch？」…查看更多

佢哋每日都會有五六款時令生蠔，今次試咗Gillardeau、Fine de Claire同埋一款澳洲蠔。店員好細心咁介紹唔同蠔嘅特性，仲按口味由淡到濃安排食法，超貼心！首先食嘅係口感最清爽嘅Fine de Claire，一啖放入口，海水味立即湧出嚟！蠔身爽脆，帶淡淡青瓜同礦物味，餘韻好清甜，完美打開味蕾～跟住到中間級數嘅澳洲蠔，蠔肉飽滿creamy，味道平衡得啱啱好，海水味同甜度各佔一半，入口真係有種幸福嘅感覺！壓軸出場嘅當然係蠔中之王Gillardeau！一睇個賣相已經知正～蠔肉肥美到震，入口先係濃郁海水味，跟住爆出超強堅果同榛子香氣，餘韻長到唔捨得飲水！真係食到搖頭擺腦咁好味～…查看更多

今日去咗觀塘吃晚餐，朋友話要食西式料理！ La Serre在觀塘海濱道90號地下1號舖，港鐵牛頭角站B6出口，行幾分鐘就到！ 遠看已經見到餐廳全以落地玻璃為外牆 ，在柔和的黃燈下份外耀眼！ 外面是觀塘海濱長廊，遠眺到夜裏美麗的海景！ 室內裝潢簡約時尚，枱椅擺放得整齊，地方寬敞； 坐得舒適！ 户外用餐也不錯， 門口空地有live band， 有不同的人唱歌，非常有氣氛！ 這是一間寵物友善餐廳，見到有顧客帶狗狗來一同用餐！ 是日餐湯： 🥕甘筍湯甘筍湯的颜色的橙黃色好靚， 湯的質感很軟滑；有鮮甘筍的鮮甜美味！ 🐮西冷牛扒 （5成熟）西冷牛扒的油花均匀，有濃郁的牛肉味， 柔軟多汁！ 肌肉纖維有彈性，豐富的油脂入口溶化！ 廚師烹飪得剛剛好，有炭燒的香味！ 還配上連皮粗薯條、烤南瓜、車厘蕃茄、長豆角等，清新又解膩！ 燒汁的味道更增添牛肉的鮮甜味！🐷烤西班牙黑毛豬架肥瘦適中的西班牙黑毛豬有堅果的香氣，烤煮後外焦裡嫩；肉味濃郁和肉汁豐盈！ 入口溶化又不會太油膩！ 配上新鮮的配菜： 烤南瓜和薯條、脆口的長豆角和清甜的車厘茄，每一口都咁豐富；真係十分美味！ 🥞抹茶千層酥配野莓賣相一流， 擺盤好靚！ 千層酥皮外層金黃酥脆，香濃可口的抹茶夾在其中！仲有新鮮的士多啤梨、藍莓 和紅莓！ 每一口咬下，濃郁的抹茶醬和千層酥，帶來驚喜的口感，這個是必吃的！這間玻璃屋餐廳環境優美，景色怡人！加上食物質素高，價錢相對唔貴，好值得向大家推介來試吃一下！…查看更多

觀塘海濱原來都有餐廳。沿途經過工廠大廈，去到海邊氣氛即刻變得好 chill，好啱坐低慢慢食嘢。Weekend 去，見到嘅客群幾多元：有情侶拍拖食飯、亦有三五知己飲緊嘢傾計，熱鬧得嚟又唔逼人，氣氛算舒服。而且餐廳係 pet-friendly，周圍都有狗狗同主人，感覺幾溫馨。餐廳室內環境偏向 工業風 + casual bar café 感覺：木枱金屬椅、暖黃色吊燈、Bar 枱位置有藍光燈帶，夜晚特別顯眼，整體係輕鬆、有種 semi-bar 嘅 vibe，唔會太嘈，適合同朋友聚下或者輕鬆食餐飯。戶外座位算寬敞，有木椅＋遮陽傘，望住海邊嘅行人道，吹下風都幾舒服。如果鍾意海邊環境，夜晚坐出面會仲 chill。係值得行過海濱時坐低飲嘢嘅地方。🍈 哈密瓜配火腿🥩 燒澳洲羊 T 骨羊 T 骨超大份，配蘑菇、忌廉薯餅、青豆角等，穩陣搭配不花巧。🍮 朱古力心太軟配呍呢嗱雪糕🧇 窩夫配榛子雪糕窩夫亦係超大份，撈埋雪糕食係舒服的甜味組合。…查看更多

今日同女朋友去咗觀塘海濱花園嘅一間浪漫西餐廳食飯，有live band同埋可以現場點歌，夠晒情調，十分浪漫🌹。我哋叫咗一個餐湯，今日嘅餐湯係甘筍湯，非常濃郁，入口順滑，十分暖胃。之後係白酒忌廉煮活青口，青口每隻都幾大隻，全部都開口，而且十分新鮮，配上白酒忌廉汁，特別惹味，忍唔住飲幾啖白酒忌廉汁🤣炸番薯薯條份量頗大，大份到兩個人都食唔晒，炸得十分香脆可口，點上茄汁一流😋😋左口魚三文魚子燉飯都算幾特別，充滿着日式風味，輕微火炙過嘅左口魚邊配上三文魚子，鮮味十足，油香爆曬出嚟，但係食到最後略嫌過油膩，但整體而言都好特別，出邊未必食到😆最後叫咗個朱古力心太軟配雲呢拿雪糕，心太軟熱辣辣仲要留心，配上雲呢拿雪糕，冰火相容，甜甜蜜蜜🥰我哋亦都叫咗一杯Mocktail Mango Fizz，類似芒果薄荷梳打，飲落幾清新😆總括而言，呢間餐廳環境氣氛一流，食物質素亦都好高，非常適合情侶拍拖享用😍…查看更多

這間位於觀塘的玻璃屋餐廳🍴設計非常特別，環境清幽，下次試吓落雨☔️再去食飯，望住海上的遊艇，另有一番風味，感覺十分浪漫！！餐廳的烤美國頂級肉眼扒🥩，外層經高溫炙燒形成香脆焦香的外皮，內裡保持嫩滑粉嫩多汁。入口時肉香在舌尖綻放，牛脂的甘香與肉汁完美融合，配上少許玫瑰鹽點綴更能突顯其濃郁風味。香煎比目魚🐟柳則以清淡取勝，魚肉嫩滑，邊緣略帶金黃微脆，佐以刁草忌廉汁增添柔和的香氣與滑潤口感。忌廉汁的香草氣息與魚鮮交織，層次分明。甜品部分的黑松露肉桂蘋果春卷令人驚喜，外皮香脆酥鬆，內裡包裹熱騰騰的蘋果餡與淡淡肉桂香，甜脆交織，溫暖動人。配上冰涼香濃的雲呢拿雪糕，冷熱交錯，口感對比強烈，為整頓餐點畫上完美句號。…查看更多

今晚行左過黎觀塘海濱試吓呢間好多人介紹的西餐。炸魷魚有四大塊，入口熱辣辣，魷魚鬚炸得好鬆脆，如果叫埋啤酒會好夾。味噌石斑魚飯職員話因為今晚冇比目魚，所以問左介唔介意食石斑魚，一上枱估唔到個份量係咁大，有三條魚之外，仲有青口，配菜有車厘茄，南瓜同蓮藕，真係好豐富。魚肉個味噌味好入味，煎到表面有啲香口，魚肉好嫩，真係食到飽一飽。🤣🤣烤西班牙黑毛豬架黑毛豬入口好juicy，調味好適中，配菜亦都係好多，仲有塊煎到好香脆嘅粟米餅。焦糖脆脆芝士班戟有三塊pancake，pancake中間仲有啲芝士，咸咸香香好特別，加埋啲好香脆嘅焦糖粒，幾夾。環境幾有feel，又有室外位置適合有養寵物的朋友過嚟食飯飲下野。…查看更多

觀塘海濱可以看見海岸線的落地玻璃餐廳簡單燈飾點綴玻璃屋設有室內外位置室內輕快音樂柔和燈光室外陣陣海風 配上無邊際海景烤美國頂級安格斯肉眼扒 五成恰到好處誘人的焦褐色，內裏嫰紅肉眼扒配上濃郁的醬汁撒上黑胡椒增添風味，伴菜青豆薯餅，烤蘑菇色澤金黃，質地柔軟多汁，半顆微燒蕃茄，兩種蔬菜與主菜搭配得宜，營養均衡且視覺上吸引人。燒澳洲羊T骨七成 保留了煎香脆皮伴菜豆角保留了蔬菜的清脆 ，薯餅伴菜青豆薯餅，烤蘑菇色澤金黃，質地柔軟多汁，半顆微燒蕃茄，兩種蔬菜與主菜搭配得宜，營養均衡且視覺上吸引人。兩種肉類都整體擺盤簡單卻具有層次，色調搭配適宜，令人食指大動，品質不錯的餐點。邪惡誘人的薯條，剛炸起的幼身薯條，薯條呈現金黃色質地酥脆，香氣撲鼻，配上番茄醬和黑松露醬，作為配菜增添風味，適合與朋友分享。哈密瓜火腿熟成火腿搭配新鮮哈密瓜相得益彰，適合作為開胃菜或輕食紅石榴水果茶，淡淡清香果香，配上石榴果實焦糖咖啡，恰當好處的焦糖香…查看更多