GREEN

今日試咗呢個下午茶，感覺搵笨及服務差，加埋10% 服務費要$400幾一位，真係冇下次，個糯米飯硬到橡膠咁，全枱6人都咬一啖就算，龍蝦尾又乾又硬，梳槤又細又冇味，其他食物都差，所謂任食梳槤雪糕，個服務靚女姐姐黑口黑面，最搞笑每人叫一款飲品，但叫同款茶就叫二人share飲但又杯都冇多隻，經過幾次催促先俾返家人飲品，近年都去過好多次staycation試埋各款自助餐，呢次最伏

這幾天氣溫實在高有點兒難受，怕熱的我一出街便已經大汗淋漓連胃口也差了！喜歡嘆下午茶的我發現了一個以生果作主題的Tea Set，感覺很開胃於是即刻約好友去享受一番。吃下午茶的地方正是我經常去Hotel ICON內的GREEN，綠意盎然的環境加上趟大的落地玻璃，在這兒吃下午茶真的令人非常愜意。這天真的熱到一個點！先來一枝Sparkling Water解解渴先。這次的盛夏繽紛水果三重奏下午茶非常特別，總共由10款鹹甜美饌分別以前菜、自選主菜及三層甜點架組合而成，落Order時竟然要揀主菜吃下午茶還是第一次感覺真的非常特別。先上檯的是三款鹹點，大家看這份鹹點跟一個晚餐有何分別！這天吃罷下午茶後滿足到連晚餐也吃不下呢。先品嚐前菜中的法式龍蝦湯，濃稠的龍蝦湯入口Creamy內裏還有不少龍蝦肉粒，份量絕對不細喝吧這碗湯我已經飽了一半。另一客前菜是法式龍蝦芒果沙律，放在馬天尼杯上的龍蝦沙律賣相非常精緻，脆脆的米粉下是完件鮮甜爽口的龍蝦肉，配襯墊底的香甜芒果沙律非常清新好味道。來到Main Course可以三選一，選擇分別有焗盲鰽、藍青口配白酒番茄濃湯、阿根廷草飼牛柳配黑松露薯蓉及紅酒汁，及我選的香煎法

HOTEL ICON最近推出了「盛夏繽紛水果三重奏」下午茶, 有別於以往的是, 今次可以自選主菜, 沒錯的! 以每兩位HK$698來說有前菜、主菜、甜品、鬆餅、咖啡或茶, 我覺得物有所值!湯及沙律都有龍蝦~ 法式龍蝦湯, 即使是小杯, 但不欺場, 有龍蝦肉的! 稠度及濃度剛剛好.法式龍蝦芒果沙律, 芒果酸甜, 內有甜椒, 彈牙的龍蝦肉拌著芒果汁來吃, 既清新又清爽.主選三選一(牛/魚/鴨胸), 我選了阿根廷草飼牛柳配黑松露薯蓉及紅酒汁, 五成熟的牛柳肉味夠, 肉質軟腍, 兩塊黑蒜片也不容錯過~  雖然很肥, 然而幼滑的黑松露薯蓉是超誘人, 最終清碟! 要吃得豪氣些, 另有升級優惠, 加$68就有香煎鵝肝一件.朋友則選了香煎法國鴨胸肉配蜜糖粉紅胡椒汁, 份量也不少, 外層煎得香脆, 肉質仍然嫩, 而這醬汁是超讚的, 是胡椒的辣之上添了香味和甜味.  伴碟的酸菜沒有嗆喉, 也是不錯~三層架登場了~ 六款甜點整齊放好, 而水果造型的甜品很吸睛.  薄荷青蘋果忌廉芝士幕絲、檸檬忌廉青檸乳酪幕絲外層是薄薄的, 並非糖皮, 入口軟滑, 而慕絲則是絲滑, 兩者之中青蘋果有驚喜, 但我較喜歡檸檬那款

🚩Green (Hotel Icon)生日嘅前夕男朋友已經要同我慶祝住先😆今日就嚟咗Hotel icon嘅大堂食下午茶～平時啲Tea set都係鹹甜點個四五件，今次佢哋嘅Tea set係一個lunch再加甜品架～收費又唔貴！而且職員服務好好，主動幫你影相同埋收碟〰️〰️〰️〰️〰️〰️〰️〰️〰️〰️〰️〰️〰️〰️〰️🌈盛夏繽紛水果三重奏 $698兩位用✨法式龍蝦芒果沙律估唔到龍蝦同芒果都好夾，我鍾意佢上面嗰啲脆脆增加口感～仲有牛油果醬！龍蝦肉大大嚿😆✨法式龍蝦湯係偏重口味嘅龍蝦湯，我同男朋友都好鍾意❤️裏面仲有好多龍蝦肉✨阿根廷草飼牛柳配黑松露薯蓉及紅酒汁落單嘅時候服務員冇問你幾多成熟，上到枱大概七成左右～好濃牛味，而且超級淋！佢嘅薯蓉都好好食，滑得黎好香黑松露味！✨焗盲鰽，藍青口配白酒蕃茄濃湯雖然蕃茄濃湯落咗白酒，但唔飲酒嘅我都冇咩感覺，湯底唔算話好濃郁～盲鰽魚焗得岩岩好唔鞋，啲肉節節吉到出黎，好新鮮✨英式鬆餅配自家製紅桑妹荔枝玫瑰果醬及藍莓檸檬馬鞭草果醬鬆餅上枱仲係微暖，好香嘅牛油味，唔會實的的😆本來對荔枝玫瑰果醬好高期望，但其實兩款嗰樣都偏淡口，只會食到微微嘅味道同埋酸酸地～✨薄荷青蘋果忌廉芝士慕絲切開中間

有日同事返工分享話前一日食完GREEN晚餐分享覺得好坐 多野食 好食又可以任飲唔同嘅酒 白酒、紅酒、氣泡酒、清酒、無酒精mocktail、果汁 好多選擇所以我都同朋友去左一試🍴皇牌海鮮塔 四道菜晚市套餐($558per pax*)Menu 每兩日都轉一款 呢次食左星期一、二嘅定餐首先 餐前麵包鬆軟好好食 仲可以refill 嘅提高了期待感👉🏻頭盤：時令海鮮塔包含了 生蠔、法國海螺、南中國蝦、加拿大蟹腳、磯煮鮑魚海螺、鮑魚和蝦都好鮮甜 肉質彈牙 生蠔和蟹腳就正常發揮👉🏻湯：波士頓海鮮周打湯周打湯海鮮味和口感濃郁 一邊飲湯一邊食到魚肉蝦肉👉🏻主菜：阿根廷草飼西冷扒唯一可惜唔好食嘅一樣 就係呢份主菜首先 叫左medium 但黎到係well done咁熟牛扒太韌和太乾拌菜心有點微妙 薯餅亦都好普通個main真係好扣分 好可惜👉🏻甜品：火焰朱古力球配椰子雪糕&雜莓朱古力脆皮係黑朱古力味椰子雪糕唔會太甜 水果夠甜 整體係一款甜而不膩嘅好食甜品

今天到Hotel icon_Green吃套餐慶祝父親節， 這個下午全場滿座，這裏樓底很高很有氣派， 資深的服務員很專業但可惜人手不足。 先看看甜品 ，可能係特別節日，甜品做得特別用心。 麵包及餐前小店。 前菜選了龍蝦沙律，有龍蝦鉗及半隻龍蝦身。 龍蝦湯夠熱， 濃郁有龍蝦肉。 這裏的牛扒質素比較飄忽。 豬扒半肥瘦 可收貨。 這個漢堡包也不俗。 三文魚皮脆 肉嫩， 藜麥亦很好味。

朋友係理大校友，校支出示校友咭埋單有八五折。午餐($288)包以下各項：1) 餐湯/開胃小菜(煙三文魚配柑)。三文魚有三大片，酸酸甜甜真係好開胃。2) 主菜(有5-6款選擇)，我要咗西冷七成熟。上枱時係過熟，不過口感唔錯，調味亦啱啱好。3) 甜品，我要咗大熱嘅芝士榴槤慕絲。慕絲入口即溶，質地亦唔會過份空氣感。4) 有氣酒/果汁。有氣葡萄酒雖易入口，但酒精應該有1X%，一杯就夠。5) 餐飲，我要咗咖啡。朋友話咖啡果味濃，亦好滑口(？)。我唔識鑑賞，只係覺得有啲稀同埋偏苦。餐廳樓底高，座位闊落，環境唔算嘈雜，同朋友傾計一流，只係梳化櫈偏矮，屈住對腳坐兩粒鐘係幾差少少。下次去試下坐餐枱，可能好啲。

一早畀咗按金訂呢度嘅下午茶味道唔差帶子意大利飯幾好食牛扒都幾好食唯獨是個位就唔係好闊其他有啲兩個人都畀四個人位可能要一早要求定先得甜品正常味道個人覺得鬆餅幾好食但係好似咸食唔食畀甜品更加出色係下午茶嘅唔錯選擇地方

上次到Green已經係兩年前係食午餐，今次食三道菜的下午茶，可惜服務水準下降咗好多，佢為一間教學酒店，我以為講理念底下，服務會由心多一點，可惜我太天真了。首先，坐低後睇完一輪菜單，找侍應落單，然後等咗大約10分鐘，跟住到上埋頭盤但一直都無比水或餐茶我哋，直至等到我哋開口問佢先識比。侍應上每一道菜都係放低就走。雖然可能每一檯客人點的下午茶都係一模一樣，就算你hea一點千篇一律念口簧，就算講完我都未必每款記得，但始終作為一間四至五星酒店，介紹一下食物係基本的吧！我都無期望你在口罩底下的面部會擠一點笑容出嚟，可惜拿一點服務熱誠都欠奉。講返食物，甜點令我大失所望，多數甜品只係得個甜字，毫無層次，有啲更加係甜到牙痛，只有scone還可以。我真心希望酒店會作出改善。

雖然我錢不多，但是我的朋友真的最多，一個生完日之後又到另一個生日，所以今次就去了Hotel Icon 入面食晚餐西餐。雖然在酒店食晚餐看似很貴，但是這次有free flow紅酒白酒sparkling wine。對比起在尖沙咀諾士佛台，如果我們三個都是飲得之人，就一定好抵。薯蓉入晒味，是我食過最好食的東西。龍蝦加牛扒surf and turf。真的要乜有乜，滿足晒我想食海鮮又想食牛扒的要求。最後當然要飲杯，飲完再飲！

第五波疫情以來，已經好耐無同屋企人聚餐。是日係一年一度嘅母親節，梗係要趁晚要出去食餐好架啦！經朋友介紹，今次黎到理工大學嘅酒店「Hotel Icon」Green食佢嘅母親節套餐。餐廳位於酒店大堂，樓底好高，裝修時尚，座位亦好舒服。食物方面，每一樣都好精緻，特別喜歡佢嘅龍蝦湯同龍蝦燴飯：龍蝦味好鮮甜，而且好足料另外，牛柳火候控制都好好，保持到好juicy！據聞呢度平時嘅甜品都好出名，所以我地當晚都特登加每位$48，upgrade左蛋糕仔。每一塊蛋糕賣相都好吸引，味道唔會好甜，texture亦控制得恰到好處，絕對配得上五星級酒店嘅出品下次有機會一定會再黎食飯！據聞唔係節日的話，價錢仲抵啲（唔知道點解啲相排版好似有啲問題，移曬落下面，大家將就下啦）

抵食lunch :- weekend 都有lunch set - 12:00 坐到 2:30- 唔洗三百，3 course，包餐飲，仲有咖啡、茶- 份量唔失禮老實menu, 冇厄人暖暖餐包！自家製。頭盤唔箅少牛扒都夠份量，冇over/under cookdessert自己揀cake ~ 榴連season, 都有榴連主題嘅蛋糕！ 咖啡係正常嘢！講真，出去求其搵間cafe 食個all day breakfast加杯嘢飲 都分分鐘貴過三百，佢3個course 加兩杯嘢飲，落地玻璃，自然光，環境闊落，坐得舒服，而且枱唔算多，真係可以一路食嘢一路傾計，人哋又唔會聽到！Highly recommend! 不過一定要訂位！

生日想去啲有情調格調嘅餐廳，上年12月曾經同朋友試過green既西餐，感覺幾好，所以今次就再試。Book 了晚上7點，但我同老公預早到左，侍應好welcome 我哋先入座。我哋分別叫了「香草焗法式蝸牛」同「香脆龍蝦餛飩」兩款前菜，兩款都好美味。以前我唔太敢食法式蝸牛，覺得會味道怪怪，但食落覺得易入口。餐湯龍蝦湯味道夠濃烈，而且有啖啖龍蝦肉，完全冇偷工減料，好味道。至於main course 我地分別叫了「海陸盛宴（即燒龍蝦伴牛柳）」同埋「焗琵琶蝦尾」。老公叫既海陸盛宴係好好味，龍蝦肉夠鮮甜，牛柳又夠juicy, 超好味。而我點既焗琵琶蝦尾略嫌味道淡了點，呢道有少少可惜。整餐晚飯，我哋仲可以任叫飲品，無論紅酒白酒，sparkling wine, 指定cocktails & mocktail 都得，無限添飲真是值得讚賞！整體都非常滿意呢餐晚飯！👍🏻👍🏻👍🏻👍🏻

適逢好友生日，特別來到Hotel Icon嘅Green同佢下午茶慶生。對上一次來已是前年聖誕節，記得當時甜品有Godiva軟雪糕任食🍦，今次看到「歐陸下午茶聚三部曲」滿載13款鹹甜美饌，有別於一般下午茶三層架外，仲有三道菜呈獻，包括精緻Starter, main course及色彩繽紛的甜點幾特別，未試過咁樣High tea～甜點更以三層架盛載，款款賣相精緻又滋味，飲品方面有咖啡及12款TWG優質茗茶提供。💚歐陸下午茶聚三部曲每位 $398 per person每兩位 $688 for two persons STARTERS▫️挪威煙三文魚櫻花蝦松露蛋黃醬黑麥三文治▫️意大利香草魚子醬蕃茄烤雞法國酥皮盒▫️諾曼特芝士片、焦糖洋蔥及自家製蕃茄醬十字包▫️波士頓龍蝦奶油麵包配香蒜胡椒蛋黃醬麵包底全部都做得唔錯，軟硬度適中，全部都好好味😋自己最喜歡三文魚櫻花下三文治🥪MAIN COTRSE (CHOOSE I FROM 3)▫️阿根廷草飼牛柳配紅酒▫️味噌大西洋智利鱸魚配蜜糖蛋黃醬▫️香煎北海道帶子野菌意大利飯我哋三款叫齊share食，阿根廷牛柳好高質，牛肉好腍好嫩，脂肪較少但平均，又夠肉汁，薯蓉好香牛

Hotel Icon的餐飲一向高質👍🏻每年都要來吃榴槤及Godiva下午茶💛今次「歐陸下午茶聚三部曲」更是驚喜連連😍集afternoon tea的精緻元素及傳統英式high tea的豐盛於一身下午茶有齊前菜、自選主菜及甜點😽總共13款美食非常豐富又好味！😋吃完超飽的連晚餐也吃不下😆第一部曲❤️前菜✨挪威煙三文魚櫻花蝦松露蛋黃醬黑麥三文治✨意大利香草魚子醬番茄烤雞法國酥皮盒✨諾曼特芝士片、焦糖洋蔥及自家製番茄醬十字包✨波士頓龍蝦奶油麵包配香蒜胡椒蛋黃醬第二部曲❤️主菜✨阿根廷草飼牛柳配紅酒汁✨香煎北海道帶子野菌意大利飯第三部曲❤️甜點✨英式傳統及朱古力鬆餅✨香芒熱情果奶凍✨蘋果蒟蒻啫喱方✨柑桔白朱古力慕絲曲奇✨朱古力杯子蛋糕配紅桑莓果醬✨藍莓芝士蛋糕✨柑橘馬卡龍飲品除了有咖啡之外還有12款 @teawg 優質茗茶🫖