GREEN

上次到Green已經係兩年前係食午餐，今次食三道菜的下午茶，可惜服務水準下降咗好多，佢為一間教學酒店，我以為講理念底下，服務會由心多一點，可惜我太天真了。首先，坐低後睇完一輪菜單，找侍應落單，然後等咗大約10分鐘，跟住到上埋頭盤但一直都無比水或餐茶我哋，直至等到我哋開口問佢先識比。侍應上每一道菜都係放低就走。雖然可能每一檯客人點的下午茶都係一模一樣，就算你hea一點千篇一律念口簧，就算講完我都未必每款記得，但始終作為一間四至五星酒店，介紹一下食物係基本的吧！我都無期望你在口罩底下的面部會擠一點笑容出嚟，可惜拿一點服務熱誠都欠奉。講返食物，甜點令我大失所望，多數甜品只係得個甜字，毫無層次，有啲更加係甜到牙痛，只有scone還可以。我真心希望酒店會作出改善。