ENSŌ

营业中

休息中

夜晚唔想煮飯，但係又諗唔到食乜好。推介你去食呢間新開嘅日式串燒店Enso。入面主打係食雞肉串，有唔同部位嘅雞串比你揀，可以食脾肉又得，食内臟亦得，基本上你諗到嘅都食到。而其中嘅自家製免治雞肉棒再加上秘製醬汁連日本生雞蛋黃汁係最好食嘅，亦都係佢哋嘅拃推介美食。串燒店又點可以只有雞肉串，當然仲有牛肉串同豬肉串啦。佢哋嘅牛舌同埋和牛串都好好食，味到好有層次，而且又唔會燒到乾哂，啲肉汁完美保留係啲肉入面，令到粒粒都好juicy。仲有個黑豚肉五花腩都好值得去食，肉汁保留得住，並且啲肉肥瘦均勻，食落去口感唔會太油膩。佢哋嘅裝修同平時居洒屋唔同，唔係個種用奢華嘅裝修去留住你，比人感覺係用美食去留住每一位客人。講到呢刻又想去再食佢哋嘅串燒，真係食過翻尋味。唔講咁多，各位試過必定想食多幾次。

已經有年半冇去日本了，只好喺香港搵啲正宗些的日本料理，滿足下自己💪突然醒起朋友早前話我知西環海旁開咗間日本料理，專攻日式串燒。即刻訂枱同老公去試吓。一入餐廳就見到好靚嘅裝修。被安排在Bar 枱用饍。透過玻璃可以見到廚師用心製作食物。點左杯紫蘇薄荷特飲，好清涼好好味。我地食左蕃茄沙律，一夜干燒魚，個免治雞肉棒配日本雞蛋同埋醬油超好味。仲有必食嘅雞翼，豬腩肉，安格斯牛柳，雞肝等等。食材好新鮮。服務又好好。下次一定會再嚟💕

前晚去了堅尼地城海旁一間專提供串燒的餐廳，性價比十分高，它的每一種串燒的賣相及味道都很好，好用心，最驚喜的是價錢相當優惠，它的日本燒酒好醇及易入口，一定會再去。

西環新開一間日式串燒店，當日跟三五知己去食好嘢，這間串燒店裝修有格調，乾淨企理，氣氛唔錯，至於食物都好出色，當日我們試了很多食物，但我最喜愛一夜干，免治雞肉棒，日本赤雞翼，最特色煙燻和牛和柚子雞扒🤗一放上枱就聞到香味，睇得出廚師用心炮製，👍🏻朋友也大贊👍🏻大家不約而同都話會再返嚟食。西環這邊環境也不錯，近海邊，還可以睇日落！不過餐牌菜式不太多，希望下次嚟食有更多菜式😑一定會再嚟👍🏻👏🏻👏🏻

近十年，很多特式餐廳進駐西環，試新餐廳成為我這個西環街坊的一個假日節目。屋企附近最近又開了一家日本串燒店。和屋企人試過後，真心想分享一下。這家餐廳食物質素和服務態度都令我非常滿意。食物好味，用的應該是高質素食材。食物款式很多，我們點了日本蕃茄沙律、蒲燒鰻魚、牛舌、烤羊架、黑豚五花腩、免治雞肉棒、赤雞翼、甜番薯、青椒仔、蘆筍、燒飯團等。最想推介免治雞肉棒，口感軟中帶脆，原來加了雞軟骨入雞肉，雞肉棒沾上蛋漿和醬油吃，精彩呀！羊架和牛舌燒得孰度剛剛好，周邊燒得焦香，肉汁豐富。鰻魚燒得甘香皮脆，口感彈牙。蔬菜串燒每樣都好清甜。我們還試了餐廳的清酒和無酒精飲品。清酒是餐廳職員介紹的，他介紹的清酒口感清新芳香，跟串燒很夾。無酒精飲品亦調制得唔錯。服務好到位，逢叫即到，每上一道食物職員都有介紹，結賬時還與我們聊了一回，詢問了我們對食物的質素和服務的意見，好重視客人。食物好味固然重要，但服務好亦是留客必須的。

想同朋友慢慢傾計食下串燒行到黎西環海邊見到串燒小店門面好型格係年青人既路線但最重要都係服務好好,每次上菜都會介紹來源同食物名!味道新鮮,整體唔會太過火,係生燒而且生熟程度掌握得好好!廚師要記一功!三瀨雞翼又香又脆和牛好juicy又有soysauce foam!勁特別呀我覺得佢上煙壎既時候真係好正,估唔估到入面係咩?係明太子呀!!!我偏心個豚肉荔枝~出黎個味好夾同埋清新~飯團做到外脆內暖又有飯香~只係睇相都好想再去食!價錢合理

今日同幾位姊妹到西環碼頭試新野，呢間裝修雅致嘅串燒店，主打食雞串，試咗幾樣都好有驚喜。牛舌幾唔錯，雞頸口感好特別，燒雞翼好味，雞肝串醬汁很鮮味。今日精選嘅柚子胡椒雞扒，皮脆肉滑；再來1分煙燻雞扒更加令人回味無窮。

早2日餓餓地，返去上次試過吾錯的ENSO,原來有花魚一夜干，開埋個飯，忍唔住又要encore食個雞柳,超滿足！減肥遲啲先講，飲返杯烏龍茶，消下脂，反正呢啲食品係唔會肥嘅！

Amazed by this new yakitori addition to the neighbourhood. Very chic and pretty japanese interiors! Love the design and japanese touch to this place. Very authentic, love the vibes here.Food is tasty and staff are all very friendly ans willing to make recommendations. Can tell straight away that a lot of thought is put into creating the menu, and designing the plating because everything is so nicely plated! Love those floral petals and attention to details, even the tomatos as side dishes were b

這間新開嘅日式串燒，試過之後好快又心思思想再去，佢嘅食物好之餘，裝修得又好骨子，第一次去坐喺舖頭最入面嘅卡位，由卡位向門口方向望出去，好似一幅畫咁，牆壁上嘅裝飾亦都好有格調。招呼好貼心，每上一道菜都有專人介紹點樣食，必食嘅有：牛舌、和牛串、免治雞肉捧、赤鷄翼、鷄軟骨、烤羊架都好出色。有幾款特別調教冇酒精嘅飲品都值得一試。佢好近地鐵站好方便，放學由灣仔坐地鐵過去15分鐘就到，同朋友飲下食下傾吓好容易就消磨一個晚上。

一間環境舒服，食物出品一流的聚腳好地方！免治雞肉棒同埋雞軟骨一定要試。燒明太子更加不可不食。个人更愛鰻魚，新鮮彈牙冇得彈！追加個安格斯牛柳和燒雞泡魚乾就圓滿了。

COVID閉左關好耐，終於出動搵食，我上次經過見到新開張，同朋友一行四人決定試吓，有驚喜！坐吧枱嘅話，可以睇住師傅整串燒，有大玻璃隔住，唔使怕油煙。（因為吧枱已滿座，所以我地坐卡位，又唔好意思影到其他食客，冇影相😂）本身以為座位偏少，不過原來入面有幾個卡位，就算四個人都坐得好舒服，嗰日仲見到隔離枱有小朋友。裝修比較簡約，但係有啲睇頭：餐牌好多選擇，鬆左一口氣，因為朋友鍾意食肉，但我鍾意食得清清地。飯糰串，表面金黃色、脆卜卜，個人覺得氹小朋友食飯一流。炸牛蒡、蒜頭，強烈推介漬物，炸牛蒡唔會太油，比薯片更脆，蒜頭🧄味道超好，但唔識形容，雖然只係漬物但睇得出花左心思，唔會hea。我本身唔太好肉，朋友狂食肉時我有好多其他選擇，值得一讚！蕃薯比出面既好食，有個本身唔食蕃薯既朋友，試完之後都試左一串 👏🏻👏🏻👏🏻我本身都鍾意青椒🫑，但好怕上面既蘇蘇 🙈菠蘿穩陣，份量十足。朋友們叫左好多肉，試左部分，味道非常唔錯，但今次主要食植物類 🙈🙈，下次再黎試。另外侍應哥哥話weekend lunch有定食，好似幾吸引。但稍有不足，冇乜甜品揀，如果加埋就圓滿喇！整體黎講，質素相當唔錯，埋單果刻比想像中平，又可

食完lunch set即訂當晚8點黎試串燒，疫情關係只能吃到10點，所以我們都很準時到達這家海傍小店。開左一個星期左右已經坐到滿哂，好受歡迎！我地一行四人有得坐卡位，有私隱度又坐得舒服。店員態度好親切，成晚都好專業細心介紹菜式，服務周到，有傾有講，對住個個客都係VIP服務，唔坐bar枱氣氛都好好！裝修都好有格調同心機，睇得出係落足本有要求的小店。食物方面以串燒為主，仲有d其他小食同飯團烏冬等主食。我地叫左好多串燒，用料上乘，調味做得恰到好處，能帶出食物本身味道。最愛必食係免治雞肉棒，佢入面有加入雞軟骨有少少咬口，個汁係用日本蛋黃同秘製醬汁做成，蛋黃比出面食既杰d令醬汁可以沾哂上雞肉棒，醬汁調味都好好，唔係度度都做到，簡直完美配搭！另一推介係燒黃油雞翼，皮脆肉嫩，火候控制同黃油雞的油香好正👍🏼👍🏼 仲有第二種雞既雞翼，店員話係肉質會更彈牙，睇得出小店對用料好講究，下次會試下。其他雞串如雞胸骨、雞皮、雞尾等等都好食，值得一試。其他串燒如牛舌、五花腩、煙肉荔枝卷都誠意推介。炸小河蝦係驚喜，唯一不足係啱啱開所以未有完整日本酒menu，小河蝦用黎送sake就真係完美😋疫情影響十點就要走真係不夠盡

今日來到堅尼地城海旁，見到有間新開的日本串燒小店，見裏面裝修不錯，店員也很熱情，就進去了。除了見到師傅燒串燒既吧枱，裏面還有一些卡位可以坐。很喜歡他們的裝修，簡約又有格調，而且圍繞著enso的主題用了圓形，好有日本風格。原來他們現時只在週末做lunch，星期一至五只開晚市。餐牌上有四個選擇，都是定食餐。我們兩個分別叫了柚子胡椒赤雞扒定食和鹿兒島黑豚肉定食，都叫了少飯。定食包括麵豉湯、一杯果汁、沙律、漬物同甜品。雞扒燒到塊皮好脆，有驚喜。黑豚肉就有帶少少肥肉，但調味同燒出黎都好香，好好送飯。碗飯係用靚既米，同埋成個定食色香味俱全，係一家用心做好食物的餐廳。食飽飽之後覺得滿意，好想試下d串燒，即刻搵多兩個朋友訂當日晚飯再黎。

前幾晚同朋友嚟堅尼地城食飯，我一早提議要去呢間新開嘅串燒店，話晒我都係狂熱串燒愛好者所以一有新開必定要試～😁入面地方比較細，但係座位一啲都唔迫，我哋揀咗坐吧枱，可以見到廚師煮嘢食。打開Menu見到都有好多唔同嘅串燒揀，仲有啲出面串燒店見唔到嘅例如雞頸同雞尾。餐廳仲未有酒牌，所以要自己帶酒去，餐廳入面仲有個好好態度好有心嘅同事介紹佢哋嚟緊打算入嘅酒，同我哋分享同埋交流吓。其實而家要搵到對自己做嘅專業咁有熱情嘅人真係好難得，淨係為咗酒我都一定會再返嚟！試吓呢位哥哥仔嘅推介清酒同梅酒 🍶🥃講返啲嘢食，全部都好有水準，我個人特別鍾意燒鱈魚乾，免治雞肉棒，燒明太子，雞頸同醬燒豬頸肉。好特別嘅就係佢哋仲攞咗兩種唔同嘅鹽出嚟俾我試，有柚子鹽同埋竹炭鹽，點唔同嘅串燒食會有唔同嘅效果。坐counter位仲有得叉電，又係另一個加分位！不過counter嘅枱感覺比較低，比較高嘅朋友就可能坐後面嘅普通枱會好啲了。我矮所以就OK 😂Overall 我非常喜歡呢間小店，嘢食有水準服務又好，雖然距離我屋企遠啲，不過真係值得再去 😊