Divine 119

营业中

休息中

原本係想去附近個間人氣cafe 點知人地要向社交平台book 位亦無得waiting 呢日正值黃雨，當然先入店一避由於星期五晚，幸好食店仲有吉台餐牌有4個set 我地揀左四道菜但其實唔止四道，因為有湯，前菜，兩款主菜同埋甜品成餐飯湯同甜品最有驚喜餐牌上個湯叫海鮮蘑菇湯，以為係西式，點知係係中式仲要係一個「萬壽無疆」傳統杯裡面其實味道好好，好濃螺頭同菇味仲有好多蟲草花，冬菇，雞髀菇先講甜品，因為係第二驚喜咸蛋焦糖雪糕伴碟有一大堆咸脆米，上面係片到好碎嘅咸蛋黃加埋雪糕一齊好味 好夾 出乎意料地好食小食係屬於中式，似係份子料理咁一個係一堆炸枝竹上面嘅枝竹羊腩煲，一個係周打蜆湯味道唔錯，但真係「小」一個主菜係意大利雲吞原來係意大利皮包住蛋黃裡面仲有芝士好味！好精緻！同好考功夫呢個就好法國菜啦！另一個主菜係雕魚，雖然細細舊，但佢可以做到個魚皮上啲鱗都炸到好脆，但魚肉仲係好嫩一舊魚得魚皮魚鱗炸到好脆，但魚肉嫩真係好勁！另外仲有一啲side dish, d side 又去返中式分別有奶油津白，蟲草花扒雙菇（湯渣之一🙈），炸蘿蔔（其實唔肯定係咪蘿蔔，畀為無咩蘿蔔甜味）另外再散叫一個小食，叫大雪卡外表其

朋友介紹 所以專登走咗嚟食入到去 有少少覺得啲枱唔係太多 我哋一入去就被安排咗 睇巴士嘅風景位🤣叫咗兩個午市餐 因為個員工話晏晝冇得食三道菜或者五道菜嗰啲 果一啲Menu係夜晚先有不過都唔緊要啦～ 下次夜晚再嚟食～跟住飲咗可樂同凍檸茶頭盤 叫咗個餐湯 同埋個risotto飯個湯都好好味 ❗️南瓜薯仔湯 個risotto飯超正❗️❗️❗️佢用返傳統嘅Carnaroli米 去整嘅 對比常見嘅米飯來講口感 Carnaroli米 比較彈牙 or 硬身主食 叫咗個鵝肝牛扒 、同埋有個鴨髀兩樣嘢食都好好味 個鵝肝同牛扒兩樣嘢都比較林身 個鵝肝有種入口即化嘅感覺 而個牛扒係因為部位問題 所以口感同西冷或者其他牛扒唔一樣 比較更加林身 覺得個口感都比較特別 不過最底層就只係有啲菇類同埋D蕃茄 唔係太明白嗰個芹菜頭泥 喺邊度🤔配搭嘅嗰一個汁比較清淡 唔知係咩汁呢？鴨髀都好好食不過佢都係有配搭唔記得係乜嘢泥嘅嘢 好似係唔知咩黑松露泥 但係都係唔知去咗邊 下次夜晚再嚟 食下個五道菜先

相當高質法式料理, 食物質素超高, 性價比高,  五道法式料理+前菜先3XX, 好抵, 最鍾意黑松露椰菜花湯店員服務態度好,  見你無水自動幫你加水, 觀察你食完一道菜先上第二道菜, 型格裝修, 環境乾淨企理, 值得推介

🌃 餐廳位於太子荔枝角道 ， 與港鐵太子站有一段距離， 餐廳用上了簡約嘅門面設計， 內裏富有情調嘅裝潢， 天花板掛上奢華嘅水晶吊燈， 別具氣派， 而牆壁上都有一幅幅壁畫同埋霓虹燈。🌃 餐廳喺食材方面諗住搞搞新意思，實行中法crossover， 創造出嶄新既精緻菜式， 而食物價格豐儉由人， 可以選擇較豐盛嘅多道菜 套餐， 價錢由二百幾蚊起，亦可選擇單點菜式， 價錢幾十蚊就有交易，較為平民嘅選擇。.🍽 套餐A ( 三道菜 ) $ 208~🍤 精緻小食兩款👉第一款概念取自豉椒炒蜆， 小食係一個蜆肉撻， 撻嘅裏面裝住豉椒炒蜆， 蜆肉都幾惹味，旁邊以豆豉作為伴碟。👉第二款概念取至支竹羊腩煲， 以炸支竹為伴碟， 喺正中間擺放腐乳羊肉， 羊肉都幾嫩滑。.🥘 西班牙半熟紅蝦飯👉 由於同朋友傾談太投入嘅關係，唔記得咗影相。。。 西班牙半熟紅蝦飯配料有番茄同埋羅勒， 帶點酸酸的感覺幾開胃， 蝦肉幾大隻， 咬落爽口彈牙， 飯粒粒分明， 索曬啲蕃茄汁幾入味。.🌯 慢煮檸檬雞卷 (薑蔥汁)👉 個概念取自中菜嘅薑蔥雞， 廚師將雞件捲成一卷， 加上檸檬配以薑蔥汁再慢煮， 能夠保持雞肉細嫩，鎖住肉汁， 咬落肉汁慢慢湧

講真好少食法國菜，呢間再mix中式，係幾有新鮮感！🤓餐廳入面都幾整潔，坐得都舒適！😌一開始點咗兩款啤酒，我揀嘅茉莉花手工啤好香花味，好適合大眾口味。我哋點咗兩個套餐🤓想試多d唔同嘢。🫴🏻海鮮蘑菇湯似中湯，有松草菇同其他菇、小帶子、蝦等等，好香好足料，唔會好濃，不錯！🤪🫴🏻小食：炸支竹配伊比利亞生羊肉好鍾意，好彈牙好滑，再加上淡淡腐乳醬，口感、味道都非常豐富！😍🫴🏻半熟紅蝦飯飯有淡淡嘅紅蝦膏同上湯味，配上味道濃郁嘅紅蝦肉，味道幾平衝！😍🫴🏻慢煮檸檬雞配炸冬瓜雞肉肉質札實、嫩滑、好香雞油味。檸檬味同冬瓜都做到解膩效果。😻🫴🏻脆鱗甘鯛配奶油津白魚皮超脆、鬆化，魚肉肉質結實、有魚味，唔會鞋，處理得唔錯！😜津白非常好味，奶油味好濃，菜煮得好腍，吸收曬奶油味道！🤤🫴🏻鹹蛋黃焦糖雪糕一鹹一甜，但味道幾夾，加上一d米通，令口感豐富咗。非常好味！👍🏻

呢間餐廳啲野都幾好食😋特別係佢個意粉好creamy餐廳環境好好，好舒服，👍🏼有個大吊燈好靚呀。❤️我同屋企人都食得好開心，☺️如果來開太子呢邊都會再幫襯。😊

一家位於太子新開既中法fusion菜，門面不起眼但食物質素超高，非常有驚喜，性價比亦好高。店家每上一道菜前會用心講解做法和食法，每道菜式精緻，視覺同味覺上非常享受。我同朋友叫左5道菜，加散叫卡邦尼雲吞、大雪卡(兩件）。5道菜menu- 兩款精緻小食- 三文魚他他- 黑松露椰菜花湯- 西班牙半熟紅蝦飯- 蔗香煙燻乳鴿- 鹹蛋黃焦糖雪糕大雪卡(兩件）賣相一流，外型真係好似雪卡，用咗即炸春卷配上少酸既黑蒜醬，炸春卷拎上手熱辣辣，入面係鴨肉，鵝肝，少酸既黑蒜醬中和返炸春卷既油膩感。卡邦尼雲吞中間雲吞比creamy卡邦尼汁圍住，雲吞一切開蛋黃爆汁，好似卡邦尼意粉上面嗰隻蛋，將雲吞連汁食非常夾，旁邊陪兩塊香脆嘅麵包，呢度菜好有創意。精緻小食其中一款係生羊腿配鮮炸腐皮，生羊腿肉非常滑，完全冇羶味，鮮炸腐皮好脆，夾埋一齊食幾特別；另一個小食係蜆肉配黑松露醬，黑松露醬帶少許酸味，都係配埋鮮炸腐皮食，底部用咗豆豉作裝飾，除咗好食，賣相一流。三文魚他他用球體裝住，好有gimmick，蜜糖牛油果醬喺底部，切開香脆球體就見到三文魚他他，將三樣嘢夾埋一齊食好有層次感。伴碟嘅提子同埋荔枝好清新。黑松露椰菜花湯椰菜花

中秋節翌日假期，我地去咗太子嗰邊閒逛。喺荔枝角道發現一間裝修得幾骨子嘅餐廳，吸引咗我地嘅眼球。臨近飯點，於是便入去幫襯一下。原來呢間餐廳新開冇幾耐，走中法混合新派菜路線。甫坐低，服務員殷勤地遞上兩杯水和餐牌俾我地。我地睇咗一陣，發現套餐可以試多啲唔同味道同款式，所以就選咗Ａ餐同Ｘ餐。首先就係有兩款精緻小食，係豆豉味嘅蜆肉杯同埋炸支竹配羊肉杯。呢兩款明顯係中式嘢，不過就用咗法式嘅擺盤，的的式式，一啖就食落肚。味道方面較為特別，至少我地未喺第二度食過，實屬餐廳自創的料理。之後就擔返口「大雪卡」同埋用上一個中國式燉盅上嘅「海鮮蘑菇湯」，有別於一般西湯做法，呢個係中式湯，內裡有蟲草花同菇菌，少許海鮮。味道我覺得較似龍蝦湯，湯夠熱同好飲！再嚟嘅就係兩份主食，「西班牙半熟紅蝦飯」，一個字！「招牌卡邦尼雲吞」係雲吞皮內包含了一顆太陽蛋，雲吞皮仲係廚師自家製，蛋味非常濃郁。跟住就嚟兩份肉食，「慢煮檸檬雞卷」用薑葱汁蘸來吃，雞肉由於係慢煮關係，非常之嫰滑，又有清新嘅檸檬香味，令人胃口大開。另一份就係「牛扒兩式」，分別係用牛面豬登同埋西冷牛扒。牛面豬登較腍滑，而西冷牛扒的牛肉味較濃，非常好食！飲飽食醉之際

早排等男朋友收工諗住係太子果頭搵間餐廳食Dinner，今次就去左間由米芝蓮大廚負責的法國餐廳🍴餐廳主打中法Fusion菜，設計出一系列全新的菜色，每一碟菜式都係由廚師用心製作，估唔倒價錢都好抵食CP值幾高，佢地仲係一間Music Bar，不定期仲有live music，可以好Chill咁嘆野食 今次就叫左個5道菜既X餐，味道有驚喜 2款fusion小食取自支竹羊腩煲, 支竹炸成脆片配上生羊肉一齊食口感幾特別豉椒炒蜆外皮脆餅包住蜆肉味道幾鮮味 大雪卡外觀真係幾似，其實係加入左鵝肝同鴨肉既元素，食落外脆入面熱辣辣值得一試 海鮮蘑菇湯用左個舊式杯裝好有中式風味，入面有花菇、蝦仁粒，飲落去都好鮮甜 招牌卡邦尼餛飩餛飩皮唔會話好厚，入面仲有流心蛋好滿足 最後套餐既主食係牛扒二食，要讚下牛肉肉質軟諗不會太鞋，幾好食 鹹蛋黃焦糖雪糕唔會太甜！食既時候會食倒鹹蛋黃既咸香同焦糖香，幾特別 西班牙半熟紅蝦潤麵 $105另外怕唔夠食所以叫多左個主菜，蝦肉大大隻，爽口彈牙，潤麵都煮得剛剛好有咬口，另外小編幾鐘意佢個蕃茄醬汁，酸酸甜甜好開胃

✨別緻裝修嘅地舖餐廳,座位舒適💫Chill 感又休閒地嘆番個舒適午餐🍽️🌟超值午餐精選, 以平民價錢就能享受一頓精緻美食😋📌 $70-155（全單九折優惠）特色開胃小點🍅話梅蕃茄仔酸酸甜甜話梅汁滲入咗去皮番茄仔內, 一口一粒,胃口大開😋🍍菠蘿汁杞子馬蹄爽口馬蹄帶著菠蘿果香, 口味非常清新🥰🍝九層塔野菌意大利粉野菌用料豐富, 意粉烹調度適中, 煙韌度有嚼口感豬柳兩式 $95（五花腩,梅菜汁）🐷厚切豬柳+五花腩肉味香濃, 入口軟淋, 灑上特製梅菜汁, 滋味無窮😋🥩羅仙尼鵝肝牛扒 $155（芹菜頭泥,牛汁）面層鵝肝煎得好脆口,入口即溶中層牛扒肉質鮮嫩唔韌口配底層的芹頭泥好新鮮特別嘅三層式配搭, 口感層次分明😍🍅招牌番茄半熟紅蝦飯🥘意大利飯每粒吸滿鮮香紅蕃茄醬汁, 非常入味, 咬落有回彈嚼口感🦐勁大肥美嘅紅蝦肉鮮嫩彈牙💕🌹Rose Latte/Hot玫瑰花味香濃,咖啡入口綿滑☕Coffee/ColdDirty啡味香濃,入喉回甘⭐⭐⭐⭐⭐🍽️這頓午餐,品嚐到多款唔同嘅味道,味蕾大滿足😍

$70-155就食到🤤依家仲有做九折優惠！點咗慢煮檸檬雞卷($90)同豬柳兩式($95)附送嘅午市精緻小食係話梅番茄同菠蘿汁馬蹄酸酸甜甜勁開胃😆每款套餐都會配一個飯或者意粉 我哋兩個餐就兩款各一試吓招牌蕃茄半熟紅蝦飯嗰隻半熟蝦係刺身牡丹蝦😋大隻又新鮮！意大利飯軟硬適中 配蕃茄底唔會膩❤️九層塔野菌意大利粉意粉都好唔錯😝好鍾意佢嘅口感✨唔會好淋 煙韌有嚼勁 仲有好多菇菌同蟲草花 九層塔有啲似青醬 我鍾意食😂❤️講返主菜先 檸檬雞卷好好味🤩出邊雞皮超香脆✨入邊雞肉又嫩滑 有啲檸檬味超清新豬柳兩式 有一嚿五花肉 同一塊煎豬扒 呢款調味會相對鹹啲 配意大利飯幾夾～小食都點左幾款一齊share😋工人黑松露薯條 $55 薯條新鮮炸起🍟點黑松露蛋黃醬 上面仲有啲Oreo增加口感 真係好特別🤓奶油菠菜 $55菠菜浸奶油 菠菜新鮮幼嫩 不過奶油底有少少鹹🥹四川辣椒軟殼蟹 $75呢款唔會好辣 軟殼蟹炸得鬆脆😍炸粉唔會厚！脆卜卜 入邊有好多膏 又飽肉 推薦🥰四川辣椒雞翼 $75係單骨雞翼🤩炸得香脆又保留到肉汁 唔會好乾呢款比起軟殼蟹會辣啲😁

訂左間位於太子新開既fusion餐廳同朋友慶生餐廳環境優雅又帶點浪漫氣氛, 適合情侶拍拖或者同朋友聚餐~~內裏空間都幾寬敞, 坐位唔會好迫...餐牌都有好多食物款式選擇!!有單點食物或套餐~~我地就貪方便叫套餐唔洗諗咁多4款套餐分別係ALEX, 相信係大廚名既由來我地就點左A&X, 一個3道菜一個5道菜share黎食, 可以試多D款呢~~首先黎既係小食~中西fusion~豉椒炒蜆&枝竹炆羊肉...成個盤都係豆豉墊底, 幾有特式~~豉椒炒蜆用脆脆盛住, 外脆內軟口感唔錯...枝竹卜卜脆, 羊肉又唔羶大雪卡餡料係鴨肉鵝肝配黑蒜醬~~外皮好似春卷般好脆身, 內裏既鴨肉鵝肝配黑蒜醬味道好夾又甘香!!海鮮蘑菇湯用中式傳統杯盛既湯底係龍蝦湯, 味道又濃又鮮味~~湯內仲有魚有蝦又有蟲草花, 雜菌等食材~真材實料超正呢!!!黑松露椰菜花湯呢個湯既材料&醬汁分別係有5種野菌 & 普寧豆醬~~用中式既醬汁煮西湯好特別丫!!!普寧豆醬味道同黑松露配塔一D違和感都冇, 味道好夾又突顯到湯既美味!!招牌卡邦尼雲吞白色既汁係將煙肉同洋蔥打粹而成~ 味道濃烈又creamy!中間係蛋黃黎, 一桔就有流心蛋黃流出黎~~

太子新開中法fusion餐廳，環境裝飾好特別✨有不同掛畫、中間的水晶大吊燈，以及霓虹燈牌，簡潔型格！我地揀左一個套餐再加散叫既菜式🍽 我地揀既套餐包括有精緻小食、餐湯、前菜、主食同甜品！..套餐✨🔺精緻小食羊肉刺身炸枝竹 x 豉椒炒蜆配炸枝竹；藝術擺盤既賣相，好華麗！羊肉刺身唔羶，配搭左蔥，加塊炸支竹在底一起食用，脆卜卜！豉椒炒蜆好鮮好惹味！🔺海鮮蘑菇湯以中式花紋杯裝載，玩味十足！海鮮湯主要材料有蝦仁同花菇一齊烹調，好鮮美！🔺招牌卡邦尼雲吞其實就係芝士雲吞，裡面有流心蛋黃！點埋側邊既芝士汁，好香！食完後仲有兩塊甜餅去去膩，好貼心！🔺脆鱗甘鯛配松露香檳汁呢個名好特別，連賣相都好獨特！脆鱗甘鯛炸得好香好脆，口感好特別！就咁單食已經夠味，配埋松露香檳汁更豐富！🔺 鹹蛋黃焦糖雪糕好特別既口味😱 不過又幾過癮，鹹鹹甜甜既滋味，雪糕上灑滿了鹹蛋黃刨絲，下面鋪上脆米，一啖過食，又幾好！..散叫✨🔺蛋汁煙肉意粉簡簡單單既一款意粉，蛋汁香，煙肉粒多，意粉好好食！🔺工人黑松露薯條黑松露醬好出色！黑松露香好突出，口感creamy，薯條點醬食，會停唔到口，好好味！🔺奶油菠菜奶油醬好濃好creamy，配菠菜食好

經過荔枝角道，看到一間新開的fusion 法國菜餐廳，門面是沒什麼特別華麗裝飾，簡單的玻璃門面。內裏的裝修都以簡約為主，但有大的水晶吊燈，牆上有油畫和一點霓虹燈的裝飾，十分有格調。我們點了一個套餐和一些散點，因套餐已包餐湯，小食，主菜，甜品和飲品，都相當豐富的。-海鮮蘑菇湯 這個湯很特別，用上中式杯盛上，湯 內有一片片的蘑菇，湯味濃郁-精緻小食 長盆上放了2種不同顏色的食物來做 底料，有黑豆和脆片，頂上才放有鮮 帶子。-招牌卡邦尼雲吞-麒麟甘鯛 甘鯛炸得外脆肉嫩，肉味鮮甜，配搭 薯蓉醬汁，很有口感-蛋汁煙肉意粉-工人黑松露薯條 超多的黑松露加在沙律醬內，非常 香濃-奶油菠菜-蛋黃焦糖蛋糕 蛋黃甘香，配埋焦糖蛋糕，味道很夾-Strawberry Smoothie

今次試呢間我覺得係性價比幾高嘅西餐！餐廳雖然唔算好大，但係都幾有空間感。嘢食方面有得散叫有得叫set，叫左四道菜嘅都係($258)，小食有驚喜，特別同有心思、分別係有炸枝竹、羊髀肉同豉汁蜆肉，靈活咁用咗唔同嘅烹調方法同調味打破果啲食材嘅既定形象，味道都好好！餐湯係海鮮蘑菇湯，係中式嘅蘑菇湯！飲落幾甜之後就食咗招牌卡邦尼雲吞，一望就覺邪惡，雲吞裏面係有超厚嘅芝士同流心蛋，配埋卡邦尼汁口感非常creamy另外仲食左脆鱗金雕，個魚整得好好，外皮好酥脆，但魚肉就保持到嫩滑，魚嘅鮮味都同個汁好夾。配菜分別係薯蓉、黑松露津白、同炸冬瓜，亦都充分展示左店舖嘅心思。除左食set之外都散叫咗個三文魚他他（$70），賣相整到有啲似煎堆，比起其他餐廳嘅三文魚他他口感係更豐富嘅！最後個set係包埋鹹蛋黃焦糖雪糕，味道其實有啲似海鹽雪糕，都係鹹鹹地，但係用鹹蛋黃就更香。依間fusion 菜係幾有特色，價錢又親民