cafe TOO

营业中

休息中

我最中意食開邊龍蝦,雖然唔係波士頓但係都好好味,而且最重要係多,根本無可能食得晒因為你食得太多,就會錯過左其他美食ga la.....

今次有點兒失望呀，因為好多野食都失水準，想試什麼芒果酥，適逢無得食。就連最有冀望ｏ既梳乎里都大跌眼鏡呀！！！是日係香橙味梳乎里，發得唔夠起之餘，裡面ｏ既橙酒仲好唔均勻，攪到唔好食添！印度咖哩果邊永遠都係我至愛，可惜今次唔見左「蝦餅」，沒收左去邊豎呀？！咁失意，唯有試上次未食過ｏ既墨魚麵啦，ｏ衣，見哥仔真係有辦有眼喎，味道唔錯，只是果兩粒意大利雲吞淥得唔夠熟哩？！終於以士多啤利＋菠蘿雪糕班戟作一個了結～

20/6食後感環境一流，感覺好好，最中意的碟同杯係有幾個款比你揀，細心！食物係高水準架，樣樣都唔會令你話唔好食，只係有的可能比較普通羅；我會話，如果你係一個追求食物種類既人，呢度係首選，因為真係有好多種類比你揀：印度野、中式點心燒味粉麵熱葷、日式魚生壽司冷麵、西式沙津前菜意粉海鮮同甜品，其實每樣食完你都飽架喇，然後有的好食再食，完了。再加上的服務真係好好，佢地唔會好似萬豪的人咁企響側邊望住你地，呢度的眼明手快，又好笑容，仲幾好樣tim呀！每人$353，貴，不過我會再去，亦係我而家既首選。

上個weekend 去食佢o既dinner buffet, 佢d日本刺身確實係長食長有, 但係....呢其他食物就真係好一般. d熱盤好少, 味道都係一般, 唔可以話好味. 其他國家o既食物都提供得好少, 只係得中東美食, counter亦好細, 無乜嘢食. 另外, 值得一提o既係佢o既生蠔都幾大隻, 都算新鮮, 蟹亦唔錯, 幾易咬幾鮮甜爽口. 仲有, 雖然我無試過d水果, 但係我d朋友話幾新鮮, 最後d甜品唔係話話好特別, 亦都唔係樣樣都好好食, d puff無乜味, 個朱古力蛋糕都好似有少少苦味, 最好食都係拿破侖同cheese cake. 其他甜品味道一般..講真以佢咁貴o既價錢, 但係只得咁有限o既食物, 咁一般o既味道, 我只可以話唔值... 我諗佢唯一既可取之處係佢d waiter o既服務態度同效率.

貴就貴...但食物真係一般....不值...

琴晚一行十六人去哩度食buffet，由六點半食到十點。首先講下環境，其實同一般o既酒店餐廳無乜分別，一般o既設計。至於服務方面，我覺得幾滿意，d服務員o既態度幾友善，水refill得好快，而d食完碗碟都收得幾快。食物方面就麻麻地，以咁貴o既價錢($390左右)，食物質素應該可以好d，尤其係d熱盤，款式已經唔夠多，賣相又唔吸引，見到都唔想食。除o左沙津之外，其他食物例如甜品、印度美食等等o既選擇唔夠多，離離去去都係o個幾款，食到有d悶..不過佢地d蠔同魚生又真係幾生鮮，而且refill得好快，最好就係佢切埋d魚生俾你，唔駛俾人攪到亂七八糟。我個人最欣賞佢地o既甜品，芝士餅同拿破侖旦糕都唔錯，檸檬茶沖得幾好飲。其實我相信大家食buffet都係想一次過食到唔同o既o野，所以一間有質素o既酒店自助餐，應該供應多d唔同國家o既美食，有時唔係個個人都齋食魚生、三文魚同生蠔嘛!!!

Lunch同dinner的款式差唔多，但價錢差成百蚊，Shangri-la出品，雖然只係Lunch﹐質素當然亦都唔會差。反而我個人應為燒味最好味，其次係印式及泰式，水果亦好新鮮最失望就係甜品，無以前咁好食，食少o左好多。

去前都諗住有幾好味...因為kowloon店新裝修...好在老闆請客....環境真係好好...服務都好...不過食物品質一般..有些食物不該在這裡出現..太cheap..不太值...甜品就幾特別...

尋日滿心歡喜去吃個farewell buffet一去到, 嘩! 好多野食, 環境都好靚, 服務當然一流... 心想無揀錯, 點知..好開心咁去試佢出名的印度野, d 咖喱未食先聞都已經唔多香, 食落除左少少spicy 外都無乜其的味道, d 簿脆都已經左, d 簿餅又麻地, 失望...咁都唔緊要, 見有中式乳豬同叉燒, 多款不同點心, 仲有燉湯! 但d 乳豬始終有d , 唔夠脆同香口, 而叉燒就鞋左d, 最失望都係d 蝦餃, 層皮厚到有半cm, 佢用料再好都俾個超厚皮破壞晒... 但個湯就真係好飲, 必試...開始有d失望, 但發現仲有麵包, 沙律, 日式刺身同甜品未試, 滿懷希望去試埋佢地...一試d 麵包, 個樣好靚, 但點解又硬又唔好味? 芝士又無乜芝士味, 沙律都麻麻地, 無乜點再吃叫waiter 收了..好, 再去試試刺身, 發現總算好新鮮, 好味...但sushi 就千萬別吃了, 擺係度咁耐, 又硬又唔新鮮!接連失望, 決定放棄熱葷, 改攻甜品, 每一款cake 都拿了回去, 外表雖然好精緻, 但每一件味道都平平無奇差唔多, 食完都唔知佢係乜cake, 芝士cake 又無

早幾個星期突登約埋幾個朋友去試, 每人收費百幾蚊, 但D野食好普通, 蝦餃燒賣炒粉麵飯, 加幾款蛋糕甜品咁. 同佢個大酒店格局完全係格格不入. 好彩我D朋友係無乜要求果種人, 如果唔係我實俾人鬧死.

wow... this buffet restraunt really suprise me their service is really good. Real Hotel Service!!!! GREAT!!!wow... what can i say the dessert here is best of the best... there are zillion to choose from and the quality is not bad either. It's really good...

蠔細不過夠鮮甜品款多梳乎里1般熱食吾夠吸引同1般foodcount差吾多點心9流服務好價錢吾值

有樣野唔記得講就係有個老細帶左三支私人珍藏的紅酒來開，呢度開瓶費要收三百一支，聽落好似幾貴，但其實如果飲好少少的酒，酒店的mark up都會是差不多，如果支酒貴過五百就都開得過。<br />

今年公司團年飯由同事投票決定，結果是在這裡吃。都知年近歲晚是一位難求，所以要早個幾月訂定位不特止，仲要落訂金至可以留位，都米話唔厲害。七點開始食到十點半，有同事六點幾來已經在食緊。舊年才來吃過，事隔一年食物也沒有多大改變。沙律選擇仍然多，味道亦不錯。其中比較出色的有泰式豬頸肉沙律同凱撒沙律，前者辣辣地幾好味，後者係即席用羅馬生菜及芝士沙律汁撈的，加入炸麵包粒，都幾有特色。巴馬火腿都幾好，不過就要行過甜品攤位取哈蜜瓜；刺身有八爪魚、三文、立魚、赤貝、吞拿及甜蝦等，都算幾多選擇，試過其中幾款都新鮮，尤以赤貝及甜蝦最好，食刺身有一特色，就係係個師傅唔會就住就住，會一次過俾好多，試過要甜蝦佢一次過俾左十隻有多。壽司種類不少，但一早整定，味道一般，試了一舊就沒有再試；冷盤方面是個人認為其中最出色的地方，生蠔、凍花蟹及蝦都不錯。生蠔不太大隻，屬智利貨色，勝在新鮮又甜美，食左一打有多。凍花蟹亦不錯，雖然中等size，但都實肉又鮮甜，所以又拆左兩隻。凍蝦亦大隻同幾鮮甜，蝦肉爽口彈牙，應不是雪藏貨色；印度食品corner有不同款式的雞肉/牛肉/魚/羊等供應，但個人覺得最好食的反而是咖哩什菜，用來點naa

論價錢, 它唔係便宜, 算高價添, 但論環保和食物及客人質素我又覺得很好wor, 上星期日book 唔到夜晚, 唯有試lunch buffut , 我媽媽生日我們book 了18位, 要分2台就無甘好, 但都可以...食物都算很豐富, 甜品極多兼精緻, 雪糕我最欣賞, 唔比d 人自己"筆" , 因為d 人通常食到尾d 雪糕就攪到好嘔心.... 而且水果很多blue berry 供應, 主菜方面熱葷都ok , 但我無咩點食, 反而食左它們的魚生和凍蟹, d 魚生係你要先切, 唔係攤晒係台面, 聽說夜晚會豐富d多選擇d魚生, 我阿姨食齋都找到很多選擇, 因為沙律都有很多配搭, 個?包drink 一杯, 原來叫"卡拍川盧" 都唔駛加錢呀, 12:00-15:00 , 重有tea buffut , 但就無甘多野食啦... 主要係食cake , 甜品囉....