C2 Lab

营业中

休息中

呢間西餐廳食物質素唔錯，同朋友叫咗：🍲牛尾湯好足料嘅湯，裡面有大大嚿連骨嘅牛肉，湯底濃而不油，滋味十足。🍲黑松露忌廉湯 一上枱就聞到黑松露嘅香氣，黑松露味道好濃郁，而忌廉湯口感順滑，啱哂鍾意食松露嘅朋友。🦪西班牙Galicia生蠔 $48我地叫咗兩隻生蠔，店員介紹話西班牙蠔嘅特點係海水味會較重。呢隻生蠔非常新鮮，鹹鮮味好突出。🍝意式卡邦尼手工扁意粉 $138店員介紹話卡邦尼汁係用傳統方式烹煮，用左蛋黃嚟收汁。食落去卡邦尼醬汁濃郁結身，意粉彈牙。意粉裏仲有好多煙肉粒同芝士片做配料~🥓燒美國熟成豬鞍配燒烤汁 $238豬鞍先經過慢煮然後再煎，切開見到豬鞍肉質非常嫩，呈淺粉紅色。燒烤汁甜中帶煙燻香，伴碟有薯蓉同埋秋葵等蔬菜。

之前成日喺Social Media見到好多人介紹呢間餐廳，話老闆以前係酒店主廚，而家自己嚟深水埗開餐廳，希望大家都可以食到高質嘅食物，一直都好想嚟試吓，今日咁啱喺深水埗做嘢，終於有機會試啦。本身想食呢度最出名嘅油封煎鴨髀，但係朋友唔鍾意食鴨髀，咁我哋就叫其他嘢食試吓啦。一開始呢個鵝肝多士已經好出色，佢嘅鵝肝雖然唔係好大嚿，但係味道好好，一咬落去油香四溢，襯埋多士真係好夾。而且佢嘅沙律食落好開胃，我同朋友都大讚啊。因為朋友唔食牛，所以我哋就揀咗呢個豬鞍扒。本身覺得豬扒應該都係普普通通，估唔到佢食落比牛肉更加好食。一上枱已經睇到佢嘅肉質呈現粉嫩嘅粉紅色，食落有啲似牛扒，但係比牛扒更加嫩滑，而且味道好濃郁，唔係好多調味料已經食到好香嘅肉味。呢間餐廳雖然唔係好大，但係佢嘅環境好靚，而且仲好多地方比人哋影相適合打卡，我覺得呢度好適合約會或者朋友聚會啊。

不收加一，反而服務到位燒羊柳配南瓜意大利飯($108)3分—餐湯系牛腩雜菜湯，牛腩都幾多幾有牛味，可惜個湯吾夠熱。— 賣相非常一般，但羊同飯味道系調得幾好— 可惜羊柳真系太硬，切都差d切吾開同比較鞋。— 南瓜意大利飯幾特別，但南瓜吾夠香。— 咖啡以午餐來講都已經吾錯燒美國豬鞍配燒烤汁($118)4分—午餐見到隔離沙拉真系幾靚，除了沙拉菜，還有提子和番茄，我所以本來哩個餐都系叫餐湯，來到上檯都好樂意幫我— 豬鞍比較厚，但切開都睇到煎得剛剛好。— 食落豬肉有咬口，正—檸檬水正常。環境(3分)舖位算細，檯距比較近，裝修一般。服務(5分)— 吾論系等位，安排位置，自動自覺比水，上菜次序時間，親切禮貌，都可以攞滿分，最厲害系午餐吾收加一，但可以話加一服務，多謝你地咁努力。衛生(4分)抵食(4分)— 如果分量大返15%,應該攞5分

今日同朋友到長沙灣政府合署辦證件，順便找間餐廳食晚飯🥣呢間「C2 Lab」食物真係令人驚喜。餐廳空間雖然不算大，但氣氛舒適，適合聚餐。晚市時段人多，建議提前訂位。頭盤方面，西班牙Galicia生蠔口感Creamy，入口滑溜，海水味唔重，清新自然。燒法國鵪鶉肶七成熟，肉質鮮嫩，配搭紅桑子陳醋汁，酸甜的滋味提升了整體的層次感。主菜中，油封鴨髀配杏脯乳酪汁，鹹香十足，特別嘅杏脯乳酪汁令菜式更添風味，回味無窮。而低溫慢煮的美國和牛面頰，肉質腍滑，配上綿密的薯蓉，一口一口食唔停。整體而言，呢間餐廳不單止食物質素高，還有貼心的服務，絕對值得再來光顧！

法式香煎鵝肝配柚子珍珠 $118呢個前菜真係勁奢侈，勁大塊鵝肝，擺喺一舊已經浸潤曬鵝肝油脂嘅麵包上，食落口極度滿足，極柔軟肥美，配上仲有少少脆嘅麵包，勁滿足🥰一旁仲有啲柚子珍珠，for解膩嘅，酸酸甜甜咁好得意🫰🏻沙律醬係有少少芥辣嘅酸甜，瞬間開晒胃牛尾湯佐麵包 +$88牛尾湯有少少似日本食嗰種，比較多蔬菜，入面有一細舊牛尾，已經煮到爛晒，成個湯都好清甜😛麵包係柔軟帶少少果香嘅，我都幾鍾意！燒美國熟成豬鞍配燒烤汁 $238有少少估唔到豬肉都可以咁juicy！勁嫩勁柔軟，配菜都好有水準，薯蓉入面有混雜薯仔粒呢點好抵讚，食落講唔出係咩味，但係就係好香；仲有啲蓮藕、粟米仔、秋葵等，點埋有啲果香味嘅燒汁簡直一流，不過要記住豬肉要趁熱食~否則就會開始韌！鮮蟹肉北海道帶子紅花意大利飯 $188呢個份量勁足，帶子勁大舊，蟹肉都好多，記住一定要撈勻啲蟹肉嚟食！個飯粒粒分明，已經索晒啲汁入去，勁香❤️帶子入面仲有啲半生熟feel，勁嫩勁鮮甜~環境當日去到時係啱啱開舖，過咗冇幾耐就full曬，所以要去食嘅話最好提前book位，就萬無一失了~裝修行簡約路線，雖然二人枱嘅位置較細，但係waiter都勁勤力地收拾碗

這間位於尖沙咀的【C2 Lab】，主打西餐菜式，晚市有多款單點食物，包括了前菜、意粉/飯、扒類及甜品，而且有即開新鮮生蠔。主菜更可加錢配搭前菜及湯。鮮蟹肉牛油果蝦凍批蟹肉鮮味，配上香滑的牛油果及爽彈蝦仁，十分開胃的前菜。黑松露忌廉湯忌廉湯質感幼滑，有陣陣黑松露清香，還配上鬆軟麵包。意式肉腸配蕃茄忌廉長通粉用了粗管長通粉，蕃茄忌廉汁有陣陣肉腸辣味及油脂香，整個長通粉都十分惹味。燒美國頂級腹腔柳腹腔肉煎至表面焦脆，點了七成熟，中間還帶點粉色，入口肉味濃郁，而且肉汁豐富略有咬口。

黑松露忌廉湯個湯濃到爆！一飲入口就衝出超濃郁黑松露香氣，蘑菇碎碎的口感超加分，奶油滑順到喉嚨直接化開，飲落去根本停唔到口，口感勁豐富。配埋個包食，真係一流。 意式薄切油甘魚配橘子甜醋油甘魚切得很適中，口感嫩滑又鮮美，搭配橘子甜醋的酸酸甜甜，口感超清爽開胃！食落層次豐富，油甘魚和醋的果香完美融合，食到停唔到口，好適合而家嘅天氣食。 松子青醬薯仔丸子依個薯仔丸子食落超有層次！青醬包滿每一粒丸子，院子食落去煙煙韌韌好有咬口，配埋個醬好Creamy，真係推介要試吓，好有驚喜。 油封鴨髀配杏脯乳酪汁油封鴨髀做得十分出色！鴨髀做到骨肉分離，外皮煎得焦脆帶油香，用差細細力就可以起到成塊肉。個杏脯乳酪醬就咁食已經好好味，酸酸甜甜的果香又有淡淡嘅奶香，直接化解鴨肉的油膩感。咬落去先是脆皮咔嚓聲，之後是入口即化既鴨肉，層次感爆炸！

C2 Lab (深水埗)深水埗福榮街157號地舖深水埗隱世嘢食好地方，前排同朋友發現咗一間不錯嘅西餐，行過都應該會見到，有個一比一嘅 Iron Man 放喺門口，真係型格又夠驚喜！一入到去，環境有種低調嘅時尚感，侍應仲好熱情咁同我哋介紹菜單。晚市嗌主菜，+88套餐可以另選前菜，另外仲可以加多幾十蚊有甜品，性價比高。🍤 酥炸軟殼蝦凱撒沙律前菜一上枱就係酥炸軟殼蝦凱撒沙律，係另外一個是日精選 Menu，嗰啲軟殼蝦炸得金黃香脆，連殼一齊食都無問題，蝦肉鮮甜，配上凱撒醬嘅酸香同沙律菜嘅清新！🍲 黑松露忌廉湯餐湯係黑松露忌廉湯，聞落去松露香氣扑鼻，入口濃郁又順滑，忌廉同松露嘅味道非常夾，暖笠笠，滿足。🥩 低溫美國慢煮和牛面頰配薯蓉主菜我揀咗低溫美國慢煮和牛面頰配薯蓉，哇，呢個和牛面頰慢煮得軟腍到入口即化，肉汁鎖得好靚，配上薯蓉嘅綿滑口感，食完一件仲想 encore。🍚 鮮蟹肉北海道帶子紅花意大利飯朋友試咗鮮蟹肉北海道帶子紅花意大利飯，粒粒飯吸晒蟹肉嘅鮮味，帶子煎得外脆內嫩，紅花嘅淡淡香氣令成碟飯更有層次。🍰 自家製 Tiramisu甜品揀咗佢哋自家製 Tiramisu，加幾十蚊真係抵到笑！入口即

放工想食餐好啲，估唔到深水埗都有高質西餐廳，一於試試佢！今次試咗幾款熱門菜式，真心覺得幾有水準✨每款主菜可以＋$88 任選一款前菜或者+$108 任選一款前菜＋湯，同埋有Daily Special Menu🙆🏻‍♀️🦆 法式香煎鵝肝配柚子珍珠（$108）鵝肝煎得啱啱好，外脆內軟，油脂香氣十足，配埋多士超好食🤤 隔離配上幾粒柚子珍珠，一咬就好似爆珠咁，酸酸甜甜，仲有啲柚子嘅果香，有驚喜！而且仲有份柚子醋沙律，就算係以鵝肝作為前菜，呢個配搭食完都唔會覺得太膩👍🏻🥣牛尾湯（$68）牛尾湯味道濃郁，落咗好多香料，飲落好有層次，牛尾肉亦煮到超腍。至於個麵包，初頭望落以為係硬身法包，但一搣開入面好鬆軟🥖🍝 意式卡邦尼手工扁意粉（$138）卡邦尼意粉好香，食落去係好濃嘅芝士味，而且每條意粉都掛滿滿嘅醬汁🤤手工扁意粉口感彈牙，唔會過淋，加埋煙肉，味道層次豐富，芝士控應該會好鍾意！🐖 燒美國熟成豬鞍配燒烤汁（$238）豬鞍份量好足，一上枱嘅時候已經切好晒，仲要嚿嚿都厚切，鍾意食濃味嘅記得要點埋個燒烤汁，好惹味！

位於深水埗福榮街的「C2 Lab」，鄰近地鐵站，交通方便。餐廳主打西餐，食物選擇多元化，晚市時段都幾受歡迎👍🏻鮮蟹肉牛油果蝦凍批表面有三粒大大隻鮮蝦，爽口彈牙。蘋果片底下係牛油果及鮮蟹肉，新鮮味美，用料充足牛尾湯配餐包香氣濃郁的牛尾湯，滿載鮮味，清甜美味！意式卡邦尼手工扁意粉扁意粉係手工自家製作的，口感煙韌獨特～每條都沾滿意式卡邦尼蛋汁，濃郁滋味，當中仲有適量煙肉碎及洋蔥碎，增添口感油封鴨髀配杏脯乳酪汁香脆可口的油封鴨髀，外皮脆卜卜，鴨髀肉充滿鴨油及肉汁，齒頰留香，勁好食！配上杏脯乳酪汁，質感輕盈，酸酸的微甜，入口清新，有助解膩自家製心太軟伴雪糕即叫即製的心太軟，熱辣辣，朱古力味好香濃，甜而不膩，內裏的朱古力流心好澎湃，整體都幾高質

朋友話深水埗有間高質西餐廳 叫「C2 Lab」位於福榮街…「C2 Lab」店舖不大，但環境舒服，一坐低🪑…..店員會介紹今日有什麼好吃😋⋯⋯牛尾湯配餐包……..牛尾湯味道都香濃…….而且都足料！意式卡邦尼手工扁意粉…….意粉手工做…….口感好煙靭……而且個醬汁都香濃味道不錯！花竹蝦，蝦乾微辣蕃茄意粉…….個味道大少少辣….因為應該用咗蝦乾炒所以好香濃味道不錯而且個花竹蝦大隻…味道鮮甜…口感爽彈👍👍

深水埗這間我覺得食物水準達5星級的西餐廳，之前品嚐過招牌油封鴨腿全人手製作，大廚用足心機🧡惠顧主菜可以+$88任選一款前菜或+$108任選一款前菜＋湯法式香煎鵝肝配柚子珍珠鵝肝咬落柔軟滑嫩，散發出油脂香氣，配上旁邊柚子珍珠，店員話有清新柚子味，平衡鵝肝豐腴感！燒美國頂級腹腔柳份量超豐富，肉質細嫩而且牛味香濃，口感十足！松子青醬小丸子🍡口感煙韌，薯仔🥔小丸子配上啖啖蔬菜青醬感覺好健康C2 Lab 地址﹗深水埗福榮街157號地舖

(⁎⁍̴̛ᴗ⁍̴̛⁎)真係太好食🤤今次已經係三訪!!(⁎⁍̴̛ᴗ⁍̴̛⁎)🍽️黑松露忌廉湯香味撲鼻，松露味濃濃的，黑松露和奶油的味道搭得剛剛好🥰🍽️意式薄切生牛肉芝麻菜沙律意式薄切生牛肉新鮮，配上芝麻菜的清香，吃起來特別爽口。淋上特製的黑醋香草醬汁後，味道更上一層樓🍽️油封鴨髀配杏脯乳酪汁最期待的油封鴨髀！外皮酥脆，肉質嫩滑，唔洗用刀，用叉一撕開就得。乳酪汁酸酸甜甜的，蘸唔蘸都好食🥰🍽️是日海鮮 - 香煎南極橙魚配橙酒汁魚肉鮮嫩，橙酒汁的酸甜讓整道菜更有層次，好開胃🍷配上一杯Chile Sauvignon，完美！🥰

C2 Lab 西餐廳性價比超高：真係樣樣嘢都好食😋🐘象象💖推薦：😍🐘阿根廷雞尾紅蝦杯（醬汁入面都仲有蝦肉）😍🐘香脆油封鴨髀（配杏脯乳酪汁）哩個超好味 鴨脾煎 得勁出色 仲要幫你分好晒啲肉😋🐘方便食佢個薯蓉好有口感，因為佢係打咗薯蓉，仲有一啲係切咗出嚟嘅薯蓉粒粒再加咗一啲肉桂真係好好食😋🐘😍🐘意式卡邦尼手工扁意粉佢嘅意粉係自己做㗎所以特別好食唔似出面買現成嗰啲極力推介～😍🐘意式椰子軟心雪糕球🍨知道我生日雪糕仲寫咗Ele 💖Happy Birthday 🎈 個雪糕好有誠意，中間仲有朱古力外面有椰絲同埋一啲果仁好好食🥰🐘好開心呀，舖頭好有心，下次去開心水埗都要再嚟食🤗🤗🐘

門外嘅iron man好有型，餐廳落地玻璃，小小空間不過坐得舒服！惠顧主菜可以+$88任選一款前菜或+$108任選一款前菜＋湯👉🏻法式香煎鵝肝配柚子珍珠鵝肝柔軟滑嫩，散發出濃郁嘅油脂香氣，最特別係柚子珍珠，小巧透明，爆開釋放清新柚子味，平衡左鵝肝嘅豐腴感！配菜沙律都好入味好開胃！👉🏻西班牙生蠔Galicia生蠔大隻，海水味重，入口比較爽口，餘韻悠長！👉🏻燒美國頂級腹腔柳份量唔少，肉質細嫩，脂肪分布均勻，肉香濃郁，口感柔軟，好讚！👉🏻意式卡邦尼手工扁意粉手工扁意粉口感煙韌，醬汁濃郁帶有奶香，煙肉嘅鹹香味重！