Boholic

营业中

休息中

朋友揀左打卡餐廳食飯，我有d先入為主覺得好睇通常就唔好食，所以對味道既預期有所保留，但點知喜出望外窩😄用餐環境舒服chill🍽️牛面頰長通粉我通常唔係太鐘意番茄汁既意粉，因為覺得番茄膏既味通常蓋過其他味道，但呢個牛面頰真係好唔錯，個汁係濃郁豐富，同牛面頰融合得好，牛面頰肉味濃，夠淋身，仲有肉分量多👍🏻 推🍽️ 豬肋骨排盤幾靚，有豬肋骨，洋蔥圈，燒菠蘿，沙律菜通常係打卡餐廳對於ribs唔會有好高既期待，但今次係喜出望外，調味好，肉離骨，但仍然juicy, 非常好! 下次會再食！🍽️開心果梳乎厘蛋糕顏色同賣相都好吸引，蛋味重，甜度剛好，我地加左個雪糕球，如果雪糕球可以大d就更好，一個唔係好夠。生日月份有半價係正!

見到有過千個like，星期日中午特登嚟，心諗應該唔錯，好期待點咗個招排疏乎厘，點知一等就個幾鐘，無錯，係超過一小時！！期間我忍唔住問咗侍應進度點樣，點知其中一個完全唔理我嘅問話，連一句回覆都無，掉頭就走，態度真係令人失望。其他食物，味道普普通通，無乜驚喜，性價比一般。最離譜係服務質素，完全無心服務客人的感覺。整體嚟講，食物勉強合格，但服務真係差到令人唔想再黎。希望佢哋可以改善吓服務態度同埋出餐速度。

有型有款Boholic位處偏靜的長沙灣福華街561號的歐陸特色西餐廳Boholic, 最啱年靑人打卡用膳。今晚約咗朋友一起晚飯。我哋order:☕️☕️2 cups of Cappuccino 拉花樣式精美，泡沫豐富，味濃好好飲！☕️☕️🍴低溫慢煮牛腹肉🐂泰式沙律Salad夾雜酸蘿蔔很開胃，西洋沙律菜🥗+橙色紅色車厘茄滲透醒神甜酸沙律醬油！成個感覺超爽！🍽️🍴慢煮日本八爪魚🐙墨汁燴意大利🇮🇹飯八爪魚煮得夠曬腍，有陣陣海水味。墨汁飯看起來黑蚊蚊，但食起來卻很香口，真係飯不可以貌相啊！🍴西西里茄子意大利🇮🇹麵（素）麵係天使麵，車厘茄當然不可少，茄子🍆切成丁方容易入口，而且柔軟棉化。話就話係素麵，但麵與麵之間好像帶有肉碎，加上鮮茄醬汁，真係幾開胃🤤！餐廳🍴有上下兩層，裝飾佈置好有特色有情調，最啱情侶打卡留倩影！👨🏻‍🦱👩🏻Randolph 服務周到，有問必答 friendly友善！佢話Boholic這個字解作＂有型有格＂！🫶🏼🫶🏼地址：香港九龍長沙灣福華街561號君凱豪庭地舖及1樓#Boholic#長沙灣西餐廳#長沙灣美食#長沙灣探店#Boholichk#hongkongfoodie

真係未食過咁高級嘅All Day BreakfastBOHOLIC嘅『皇家非凡原隻龍蝦尾全日早餐』真係令人驚喜龍蝦尾焗得香氣四溢肉質爽彈，啖啖肉，食得好滿足！不過當日嘅香烤鮮菠蘿就有少少酸可能係季節問題啦至於『香辣蒜片蜆肉欖酒炒意大利麵』炒意粉最緊要就係爆香啲配料咁樣啲意粉就會更加入味呢碟意粉有少少辣仲帶住淡淡嘅酒香炒得夠乾身食完完全唔會覺得膩，真係好正！甜品方面試咗『芒果海鹽芝士奶蓋麻糬牛角窩夫配椰子雪糕』海鹽奶蓋口感綿密牛角窩夫鬆脆配埋椰子雪糕真係好Fresh！不過麻糬嘅口感就唔算太突出如果可以再煙韌啲就更好啦最後一定要推介佢哋嘅『Affogato』通常Affogato都會用香草味雪糕但BOHOLIC就比較特別用咗奶茶味雪糕（唔知係咪自家製呢？）配上Espresso，變咗一杯『鴛鴦』味道好特別值得一試！餐廳嘅裝修好有波希米亞風環境好靚下次一定要帶埋Blingo過嚟影相先！

約咗朋友長沙灣食午飯，揀左去Boholic，點解？因為好想食佢招牌疏乎厘班戟夠輕盈鬆軟🥞😍午餐附送是日餐湯同自家製酸種麵包，飲品就半價。🫕是日餐湯：濃郁蘑菇香氣，飲落creamy。🍝欖油蒜片辣椒炒西班牙辣肉腸鮮蝦意大利麵$92蒜片🧄、辣椒🌶️西班牙肉腸、鮮蝦🦐用橄欖油炒香，咸香微辣，意大利麵煮得有咬口。🐷秘製蘇梅蛋黃醬燒焗美國特級豬梅扒$118豬梅扒肉質軟腍，輕易用刀叉切開，食落仍有肉汁，伴黃梅醬汁酸酸甜甜，加埋蛋黃醬又另一種風味享受。🥞開心果奶蓋疏乎厘班戟$138最期待開心果奶蓋疏乎厘班戟作為甜品，輕盈鬆軟厚班戟充滿空氣感，開心果奶蓋甜而不膩，開心果碎焗得香脆，增加口感。

老細話畀我聽搵到間文青feel打卡餐廳，一於同佢嚟試下啦～餐廳門口已經有戶外座椅，有需要嘅客人可以响出面坐。一入門口已經畀兩個好靚嘅打卡位吸引住～😍啲店員仲好友善咁同你講可以隨便坐坐打下卡㗎～影完幾張靚相，就坐埋位點菜啦！！menu都好多選擇～煙肉芝士焗薯皮：好鍾意食薯皮，貪佢夠香口😚煙肉同芝士味道好香濃，煙肉脆卜卜～薯皮都幾厚身😋大大件好抵食！！美式BBQ醬烤西班牙豬肋骨配洋蔥圈：上枱一大盤～賣相都幾精緻，豬肋骨煮得好淋，基本上唔使切，用叉一拮啲肉就可以入口～🤭😝洋蔥圈調味好好，炸得好香脆！🥰伴碟仲有沙律菜～🥗最特別嘅係佢有兩大件焦糖燒菠蘿🍍啲菠蘿燒到焦糖化，非常之青甜！！佢配嘅醬汁辣辣地，好惹味！法式焦糖卡士達梳乎厘班戟：🥞兩件大大件嘅梳乎厘班戟動L動L好有動感😝🤭佢嘅custard sauce唔係太甜，暖暖地～口感好好！！老細飲咗杯凍朱古力，我叫咗杯桂花latte好香好滑！非常滿足嘅一餐！！🥤☕

呢間cafe之前係其他區都有分店，但係而家只剩返長沙灣，雖然唔近地鐵站，但都繫好值得嚟。 因為食物同埋環境都係一流👍入門口已經俾佢個波希米亞風幫設計吸引，不停咁打卡。🤣🍽香草芝士焗原隻野生加勒比海龍蝦味墨魚汁意大利飯($248)-好鲜味，飯吸晒龍蝦鲜味，如果龍蝦再大隻啲就更好🤣👍👍👍👍👍🍽牛油果莎莎醬配墨西哥粟米脆片($108)-賣相超靚，上面有好多花花😍，而且好大碟可以當飯食都夠飽🍽開心果奶蓋梳乎厘班戟($138)-呢個係食過最好食嘅開心果pancake, 真係又開心果你唔係得隻色，而且pancake好鬆軟同動L ,好食👍👍👍👍👍🥛Greyfurt-呢個酒好重西柚味，同埋食到西柚肉粒👍👍👍👍🥛Honey Roselle Honey Tea 蜂蜜洛神花養神茶($45)-賣相好得意有玩味，蜜糖好大壺好潤👍👍👍👍間鋪有兩層聽聞二樓仲靚，不過當日未满，所以唔開二樓，希望下次有機會去睇。

Boholic長沙灣有間環境靚靚打卡cafe,餐廳位於九龍長沙灣福華街561號君凱豪庭地下,餐廳裝修以淺木色為主調,用乾花和藤器 作裝飾擺設,座位寬闊舒適,設有戶外座位供客人選擇,餐廳主打西日多國菜,服務員招呼有禮。欖油蒜片辣椒炒西班牙辣肉腸鮮蝦意大利麵午市套餐有餐包和餐湯,西班牙辣肉腸微辣,微鹹有口感,新鮮海蝦食落爽口兼彈牙又鮮甜,意大利麵軟硬適中,麵身口感彈牙。秘製蘇梅蛋黃醬燒焗美國特級豬梅扒擺盤精美,午市套餐配有餐湯和餐包,廚師烹調燒焗美國特級豬梅扒選用餐廳自家秘製蘇梅蛋黃醬,豬梅扒口感腍滑帶有蘇梅蛋黃醬的甜味。原味鮮果梳乎厘班戟梳乎厘班戟有藍莓和士多啤梨作伴碟,配有心型碟蜜糖,酸酸地的新鮮士多啤梨和藍莓,甜甜地的梳乎厘班戟食落有香濃的蛋香味。

下班後走到公司附近的波希米亞風主題餐廳打卡以米白、杏、啡色作主調，門口設有大量竹藤傢俱及植物牆上掛有編織飾物，感覺柔和舒適，有著小清新之感主打多國菜，多款甜品輕食及意粉漢堡賣相精緻每日精選餐湯為南瓜忌廉湯，濃稠度恰到好處香辣蒜片有機菠菜小甜椒炒鮮蝦意大利麵材料豐富東方風味燉鮑魚海鮮意大利飯飯粒飽滿兼盡吸醬汁西班牙香蒜辣油大蝦配蒜香包及小青椒佐以烘至酥脆的麵包特濃開心果巴斯克芝士蛋糕味道互相平衡，少甜不膩

【長沙灣•Boholic】@ππππππππππππππππππππππππππππππ顏值滿分傾計西餐 梳乎厘都好正法式白松露奶油雞肉意大利麵意大利麵的奶油醬濃郁而不膩，白松露的香氣彌漫整盤，讓人一口接一口。雞肉煮得恰到好處，鮮嫩多汁，與意大利麵的彈牙口感相得益彰。秘製蘇梅蛋黃醬燒焗美國特級豬梅扒豬梅扒非常令人驚艷！肉質鮮嫩，外層微焦的酥脆感與內裡的多汁感形成了完美的對比。開心果奶蓋梳乎厘班戟作為甜品，這道開心果奶蓋梳乎厘班戟真是令人驚喜！班戟薄而柔軟，奶蓋的香滑與開心果的香脆交融在一起，形成了獨特的口感。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 360✨✨✨✨✨✨✨✨✨✨✨✨✨#長沙灣美食 #Boholic #web3長沙灣Boholic長沙灣福華街561號君凱豪庭地舖及1樓

📍 Boholic｛長沙灣｝ 網紅打卡餐廳真係好多打卡位📸設有戶外嘅位置，可以比狗主帶狗狗黎大狗細狗一樣歡迎🐶一入門口已經有兩張藤椅凳可以打卡後面仲係乾花佈置🌸超美🩷✨全日早餐依款全日早餐，真係超級豐富❤️入面已經有～香草腸，扒茄，香烤鮮菠蘿，牛角包，大啡菇，太陽蛋，煙三文魚，澳洲沙律菜🍳太陽蛋煎到燶邊流心🍍燒菠蘿仍然保持菠蘿嘅甜味🥐牛角包仲係熱辣辣，好脆爽✨ 小食拼盤（炸魷魚，脆香雞翼，炸蝦）🍤一口咬下就能感受到滿滿的蝦香蝦子Q彈中帶有一點紮實感炸蝦的麵衣不會過厚內餡的蝦子存在感很高是有誠意的炸蝦🐔雞翼點大量泰式辣醬每隻雞翼大大隻又飽滿🦑魷魚鬚煙煙韌韌炸粉亦都唔厚✨ Chocolate 朱古力鮮奶手打朱古力奶 味道濃郁 唔會太甜朱古力同牛奶比例岩岩好 唔會互相蓋過🍫✨ Peach Blossom 特製白桃奶酪口感上會非常的滑順奶香味、白桃杲很濃厚 🍑

放工經過這裡，看到這家餐廳裝飾的很別緻，挺有情調的，那就坐下來享受一下美食吧。【秘制蘇梅蛋黃醬燒焗美國特級豬梅扒】這道菜的主角是美國特級豬梅扒，肉質鮮嫩多汁，帶有自然的油脂香。面上灑上秘製的蘇梅蛋黃醬，濃郁的蛋黃味與微微的酸甜感完美融合，平衡了豬肉的油膩。搭配薯仔、番茄、黃瓜和青瓜，口感更加清新，提升了肉品的極致風味！【欖油蒜片辣椒炒西班牙辣肉腸鮮蝦意大利麵】這款意大利麵充滿了西班牙風情，辣肉腸釋放出獨特的风味，為整道菜增添了豐富的深度。鮮蝦的加入讓菜餚更加鮮美，蝦肉彈性與鮮甜兼備。香蒜辣椒為意粉增添了一絲微辣的刺激，味蕾感受到一層層不同的風味！【泰式珍珠奶茶梳乎厘班戟】這款甜品是泰式珍珠奶茶與梳乎厘的完美結合。梳乎厘外層微微金黃，內部輕盈柔軟，彷彿在口中瞬間融化。奶蓋是泰式奶茶味，輕盈而不膩，為梳乎厘增添了一層絲滑的口感。當一口梳乎厘搭配著奶蓋，茶香與奶香的交織，令人陶醉不已！

今日去開長沙灣 發現有間好打卡able既餐廳 餐廳分左兩層 一入到去就有波希米亞風既擺設比人打卡 用既餐具都好有特色 因為我地唔算好餓 所以食左以下小小野All day breakfast: 有香草腸 扒茄 香烤鮮菠蘿 牛角包 大啡菇 太陽蛋 煙三文魚 澳洲沙律菜 呢個好特別呀第一次見有烤菠蘿係all day breakfast到 份量唔算好多 一個女仔既早餐份量左右 岩晒我地 另外仲有款boholic皇家非凡原隻龍蝦尾全日早餐 有埋原隻龍蝦尾好特別呀 之後有機會要試小食拼盤: 有炸魷魚 脆香雞翼 炸蝦 食落去唔太油 新鮮炸起熱辣辣 各有幾件咁好岩同朋友share Shizuka hojicha latte: 本身好鍾意焙茶既茶香味 呢款latte有烘焙過的焙茶味道濃郁 帶有堅果的風味 同奶泡完美結合 正Cappuccino: 濃縮咖啡與蒸奶比例均衡 奶泡光滑細膩 為咖啡師的拉花提供了完美的畫布

呢間好多打卡位～除左朋友聚餐都好啱情侶嚟～我地叫左個一款主食，兩款甜品，兩杯飲品🐮香煎紐西蘭特級肉眼扒配香草牛油伴紅酒汁$288七成熟既肉眼扒切開仲係好粉嫰配埋香草牛油更突顯牛味香濃🥔薯仔都夠腍可以連皮一齊食仲有西蘭花＆椰菜花，均衡飲食黑糖伯爵茶鮮奶咖啡$58第一啖黑糖既香甜配上伯爵茶既燻香咖啡味係後段趕上嚟～朋友好鍾意話一杯滿足3個願望桂花鮮奶咖啡$58我都好鍾意呢杯濃郁桂花味既鮮奶咖啡個味好搭😍咖啡香濃～推介芒果海鹽芝士奶蓋麻糬牛角窩夫配椰子雪糕$108芒果香甜搭配海鹽芝士奶蓋既咸甜麻糬軟糯～牛角窩夫煙韌～口感配搭妙呀！椰子雪糕都唔錯開心果奶蓋梳乎厘班戟$138呢款需要等耐少少，放上枱已經聞到香濃蛋香食落唔似空氣咁一陣風，有d咬口，我地比較喜歡呢種連埋開心果碎奶蓋一切食幾特別會想再嚟試埋其他甜品😍當日都好多人仲有戶外位可以比寵物一齊坐

今日同朋友黎到呢邊呢間奶油風西餐廳✨好岩打卡Lunch Set~秘製蘇梅蛋黃醬燒焗美國特級豬梅扒豬梅扒肉質鮮嫩，蘇梅蛋黃醬香濃，燒焗後外焦內嫩，好滿足👏~橄欖油蒜片辣椒炒西班牙辣肉腸鮮蝦意大利麵 辣肉腸同鮮蝦嘅結合，搭配蒜片&橄欖油，香氣😋口感豐富~Sesame Latte 特濃黑芝麻鮮奶杯野飲似芝麻糊糖水😋黑芝麻同鮮奶好特別搭配！Smoothie ~菠蘿火龍果沙冰 Pineapple Red Dragon Frait清爽可口，菠蘿酸甜同火龍果獨特口感完美融合，感覺清涼無比😆🏷️Boholic