Boholic

营业中

休息中

好少去長沙灣嗰一帶，今日咁啱去嗰度做嘢，經過見到呢間Cafe好靚，而且仲係pet friendly，咁就一於嚟試吓啦。本身唔係太肚餓，諗住同朋友飲兩杯食個甜品就走，但係見到隔籬枱嘅食物好吸引，咁就叫咗個乳鴿嚟試吓。加$28就有套餐，有餐湯同埋麵包，因為本身唔鍾意食麵包，朋友試咗，就話麵包好好食，食落外脆內軟，而且都好有麵包嘅香氣。我就覺得個忌廉湯都幾好飲，唔算太濃郁嘅味道，飲落唔會好滯，越飲越開胃。我哋叫咗個燒乳鴿，一上枱賣相都幾靚，食落乳鴿嘅皮好脆，而且肉質都好嫩滑，仲好大隻，而且屁股嘅位置已經一早幫我哋切走咗，非常高質素。另外我哋仲叫咗個法式焦糖白cake疏乎厘，本身唔太鍾意食甜品，但係試咗一啖之後真係忍唔住再繼續食。佢係比較實淨嘅pancake，食落唔會太甜，但係蛋味好充足，唔鍾意食甜品嘅人都可以試吓。而且呢度嘅佈置好靚，好多人嚟呢度慶祝節日，就算唔係都一大班女仔喺度影相，非常適合打卡，好推薦大家嚟試吓啊。