Boholic

营业中

休息中

💜三文魚芝士沙律大大片三文魚同各式各樣嘅沙律菜既清新又有營養，顏色豐富，令人很有食慾。芝士軟滑，加上爆汁三文魚籽同杏仁脆片嘅點綴，層次豐富。🧡炸薯條炸薯條佈滿松露粉，醬汁都好重松露味，鍾意松露嘅朋友一定要嗌！傳統嘅蕃茄醬都好細心配埋💛香煎慢煮牛舌牛舌外脆內軟，肉質粉嫩，火候控制得啱啱好，唔會好柴，配上黑醋很開胃，值得試下👅💛日本花魚海膽醬意大利飯魚肉質鮮嫩，脹卜卜意大利飯口感豐富，海膽醬味道濃厚，食落好有滿足感💚水果茶 好fresh，入面仲有水果粒(火龍果、荔枝），飲完甜絲絲～

喜出望愛的晚餐，食物無論味道，外觀擺盤巳達五星水平餐廳面積不大，但燈光明亮而柔和，歐陸風格，坐得舒服，有放鬆感。---- 慢煮八爪魚墨魚汁燴意大利飯 ----攞盤有花圃感，厚切八爪魚，味道有海水的咸鲜感，超強嚼勁，混和墨魚汁烹燴而成的軟飯，口感一軟一梗，又非常配合。--- 香煎慢煮安格斯牛小排 ---南瓜溶化身為配角上碟，視覺效果一流半生牛排咬口嚼勁，整體味道不錯--- 海膽醬安格斯鮮牛肉他他配酸種麵包 ---生牛肉鮮嫩，牛有牛味，攞上食用鮮花，草，使人食欲大振--- 開心果奶蓋梳乎里班㦸 ---飯後甜品，大量濃郁的開心果醬和開心果碎佈滿在軟綿口感的空氣班㦸上

Boholic 📍餐廳裝潢Boholic以「波希米亞風」為主題✨從裝潢到細節處處展現自由不羈既藝術氣息🎆店內以白色為主調⚪️搭配藤編吊椅、乾燥花束、米色抱枕月月同木質家具🪑營造出清新慵懶既氛圍😎門口既藤製吊椅同戶外座位尤其受歡迎👍人係熱門打卡位📍1. 法式焦糖卡士達梳乎厘班戟🥞 焦糖卡士達醬同奶蓋甜而不膩🤏搭配焦糖脆片有層次感✨好似融合日式舒芙蕾與法式甜點元素🇯🇵🇫🇷相當特別👍2. 丸久小山園抹茶鮮奶抹茶控必試！飲品以高品質丸久小山園抹茶粉為基底😎茶香甘醇微苦🤏同鮮奶既絲滑好夾3. 日本花魚一夜乾拌海膽醬燴意大利飯🌾花魚經一夜風乾後香煎至表皮酥脆✨肉質緊實帶焦香🤏海膽醬濃郁鮮甜😆完美包裹每顆飯粒🍚義大利飯的熟度控制得宜👍保留微硬米芯🤤口感豐潤而不膩🫶4. 香濃開心果巴斯克芝士蛋糕🍰 巴斯克蛋糕以焦香外皮與流心質感為特色🌋開心果醬融入芝士餡中🧀堅果香氣濃郁👍尾韻帶微鹹乳酪味🤤甜度控制得宜😍5. 桂花鮮奶咖啡☕️店內人氣之選！桂花糖漿既清香同咖啡既醇厚形成對比🤤頂層奶泡細膩🤏入口先是花香撲鼻🤤隨後咖啡既苦韻緩緩浮現😎層次分明且平衡

長沙灣住宅地下竟然有間咁靚既cafe 🙈🙈滿滿波希米亞風格打卡位 靚到痴線😍😍Lunch set仲包餐湯＆自家製酸種麵包野菌忌廉湯🍄🍄🍄🍄有creamy，好香菌味酸種麵包 愛皮鬆脆 麵包餡好鬆軟小小酸酸地 配埋野菌忌廉湯 好好食秘製三杯雞意大利飯🐔🐔🐔🐔意大利飯有磨菇 豆 洋蔥 蒜片 黑椒 芝士碎etc好香口 食落有洋蔥甜味三杯雞有少少辣 肉質超級軟滑用匙羹都已經可以輕鬆切開丸久小山園抹茶鮮奶🍵🍵🍵奶泡得好靚 仲有拉花鮮奶同抹茶粉完美融合 飲落好香滑

今日喺長沙灣發現咗一間好靚嘅cafe，裝修文青風十足，真係好吸引！我就忍唔住入去試吓佢哋嘅午餐套餐。香蒜欖菜鮮蝦意大利麵（$88）意大利麵嘅軟硬度煮得啱啱好，唔會過軟，配上香蒜同橄欖菜，味道好香濃，蝦都係新鮮嘅，口感好滑又唔腥。越式烤美國特級豬梅扒（$128）呢個真係驚喜！豬扒烤得恰到好處，外脆內嫩，配上啲特製醬汁，每一啖都充滿咗香料嘅味道，食到最後都唔想停手！野飲方面我叫咗Long Black，無論熱飲定冰飲都好，咖啡味道都好濃郁，完全係醒腦嘅好選擇！呢間cafe嘅食物質素真係唔錯，環境又靚，如果你都喺長沙灣附近，可以一試！Boholic (長沙灣)長沙灣福華街561號君凱豪庭地舖及1樓

近日到訪咗一間裝修充滿文青氛圍的cafe😊香煎法國鵝肝配紅桑子甜醋汁（$88）誘人嘅鵝脂香味令人食指大動，配埋紅桑子酸酸甜甜嘅味道，十分夾🫶🏻香蒜白酒欖油炒羽衣甘藍野菌意大利麵🍝（$118）意粉賣相吸引，熱辣辣咁上，唔會乾身，加咗羽衣甘藍感覺好健康～香煎大蝦珍寶帶子配時令鮮果沙律伴熱情果醬（$128）菠蘿新鮮多汁，哈密瓜，火龍果都好新鮮，大蝦同帶子大大粒👍🏻美式BBQ醬烤焗西班牙豬肋骨配洋蔥圈（$198）上到黎原來好大一份，肉質腍又入味，價錢合理，推介！

荔枝角上完堂，剛好午餐時段，友人推介了一間好有特色Cafe, 感覺少女波希米亞風格。位置於荔枝角地鐵站附近，店內環境雅緻，可舒適地慢慢享受午餐。南瓜忌廉湯非常綿滑，鮮甜可口。香蒜欖菜鮮蝦意大利麵整個意大利麵惹味程度甚高。乾蔥，蒜頭，欖菜，蕃茄乾……鹹鹹香香，不會過於濃厚，。麵條硬度剛好。Brown Sugar Earl Grey Coffee Latte 隱隱約約茶嘅香味慢慢湧出來，又不失咖啡嘅甘香， 質量不錯。

**************************一直好想去呢間波希米亞風餐廳終於有機會me time hea下😙成個環境好舒服 平日下午餐牌都有唔同款式選擇好適合成班女仔過嚟打卡仲係pet friendly 添🐶🥩越式烤美國特級豬梅扒 $138成塊扒充滿香茅香味脂肪分布均勻 肉質細嫩😍仲有薯菜配搭 食完夠晒飽肚南瓜蓉打得好細滑✋🏻 一大班人黎試 可以試到更多款仲有麻糬牛角窩夫 十分吸引😋**************************

優點一個：餐廳佈置打卡一流。但服務態度非常差！其中一次亦係最後一次光顧，係同我先生一齊；原本想吃個開心午餐及甜品滿足下。過程中：我先生睇緊menu, 我先點餐，一位樓下門口位置女同事幫我落單（可能係老闆娘掛，因為佢嘅態度好似唔憂做咁）。佢見我先生無點餐，立即將佢套餐具收走咗！？嗰刻我問我先生做咩事？點解咁樣？ 我先生唔想我發脾氣掃興，所以唔再唸求其叫樣嘢食完就走。到啲食物送嚟枱，個女同事就乍傻扮懵咁唔俾翻啲餐具我先生；走埋一邊扮忙！咁樣嘅服務同直接趕客無分別囉！

今日真係好想食甜品！好瘋狂咁叫左三款開心果奶蓋梳乎厘班戟：結合了香濃的開心果奶蓋和輕盈的梳乎厘班戟，口感豐富。榛子朱古力香蕉麻糬牛角窩：榛子和朱古力的甜美與香蕉的香氣，融合在麻糬和牛角裡，令人期待。蘋果金寶火灸焦糖蛋卷配沖繩海鹽雪糕：焦糖蛋卷裡包裹著蘋果金寶，搭配沖繩海鹽的雪糕，甜中帶鹹。另外阿根廷天使紅蝦意大利麵口感鮮美，而秘制蒜香牛油雞翼金黃酥脆，香氣四溢。我最鍾意呢一間舖頭係可以瘋狂打卡，同埋可以帶寵物 。

今日經過長沙灣 見到間icon 好靚嘅cafe就同朋友去咗試。我地叫左成個set咁試晒前菜同甜品。輕煎北海道刺身帶子配柚子茴香清新鮮菜沙律：一黎就叫左個沙律開下胃，酸酸甜甜，有好多唔同種類嘅蔬菜，仲有一啲水果肉，好鮮甜多汁。最緊要嘅係佢個帶子刺身， 勁好味，食落好嫩口。輕煎北海道刺身帶子蟹黃意大利麵： 因為佢個帶子太好味，所以再嗌多次帶子😂。今次俾驚喜我嘅喺個蟹黃，估唔到佢配個麵係咁好食。西西里茄子意大利麵（素）： 因為朋友係食素嘅，嗌咗一個素嘅意大利麵。 如果鍾意食蕃茄嘅一定會超鍾意佢濃濃嘅蕃茄汁蕃茄仔。橙香伯爵茶巴斯克芝士蛋糕🍰： Cafe梗係要食返個蛋糕，呢個伯爵味嘅芝士蛋糕，濃濃嘅芝士味加埋一啲甜甜嘅白朱古力醬。啱晒鍾意食甜品嘅人。

今日喺長沙灣閒逛，偶然發現咗一間高質西餐廳，環境靚得黎又唔造作，影相打卡一流。主菜、甜品同氛圍都交足功課，難得三樣都咁出色，真係要記低。餐廳設計好有心思，地下三分之一位置擺滿鮮花、乾草同舒適梳化，散發住一種自然又悠閒嘅氛圍，好啱慢慢坐低食餐好嘅。主菜包是日餐湯配上自家製酸種包。🏅越式烤美國特級豬梅扒($128)：上枱已經香氣撲鼻，燒烤味十足。切開見到粉嫩肉色，外層微焦，內裏多汁，口感扎實唔鞋口。蘸埋越南酸汁，清新解膩，層次即刻提升。🏅香辣蒜片墨魚仔辣肉腸意粉($88)：香辣夠勁，蒜香突出，墨魚仔彈牙，辣肉腸入味，啖啖都刺激味蕾，食完仍然回味。🏅開心果奶蓋疏乎厘($138)：面層灑滿開心果碎，濃郁帶微甜，唔會膩，質感輕柔空氣感十足。

早放工的福音，真是讓人期待，可以和朋友們一起撐枱腳享受下午茶。驚喜是那款開心果奶蓋疏乎厘pancake，讓人一試難忘！這款pancake超級鬆軟，口感輕盈，入口融化🤤🤤。濃郁的開心果味道與綿綿的芝士奶蓋結合，幸福感瞬間爆燈，讓人忍不住多食幾口🥰🥰另外，越式烤美國特級豬扒，肉質鮮嫩多汁，搭配酸甜醬的味道，真是好惹味，讚👍🏻👍🏻這家店位於長沙灣地鐵站附近，環境清新舒適，非常適合拍照打卡，無論是和朋友聚會還是獨自享受，都非常推薦！食物和環境都不錯，讓人想再來一次，享受更多美味的驚喜！

二訪呢間餐廳，上次嚟係食lunch，今次試下個晚餐，結果依然出色！🍝阿根廷天使紅蝦意大利麵（刺身紅蝦）$138呢個菜式好得意，係中日fusion！意粉上面放有刺身蝦，蝦上面仲有魚籽做點綴。 意粉有番茄仔同枝豆等配菜，意粉嘅汁酸酸甜甜，好開胃。🍛慢煮日本八爪魚墨汁燴意大利飯 $138義大利飯粒粒分明，飯粒彈牙、軟硬適中。墨汁濃郁，八爪魚好有咬口感。🍰香濃開心果巴斯克芝士蛋糕 $72好creamy嘅開心果巴斯克芝士蛋糕！蛋糕份量十足，唔會好甜。蛋糕外層焗到焦香，裡面口感軟綿，開心果味濃郁，蛋糕上面仲有開心果cream同開心果粒，口感層次非常豐富！☕特濃黑芝麻鮮奶 $50黑芝麻鮮奶上面有好可愛嘅卡通圖案拉花，散發著香濃黑芝麻味道~🥤凍朱古力鮮奶 $50朱古力味道非常濃郁，加埋鮮奶，口感順滑~餐廳除咗室內座位，仲設有室外位，適合唔同需求嘅客人。餐廳內仲有唔少打卡位，環境靚，非常適合朋友聚會！

身為打工人，最怕午餐又貴又普通？今次發現長沙灣超隱世，主打波希米亞風裝修，落地玻璃透入自然光，仲有藤製吊椅同仙人掌打卡位，連麻甩嘅我都忍不住瘋狂影相📸！重點係，佢哋嘅午市套餐真係抵到嚇親—— 香辣蒜片辣肉腸墨魚仔意大利麵辣度恰到好處，蒜香爆炒嘅辣肉腸帶微焦香，墨魚仔彈牙到似跳緊舞！ 越式烤美國特級豬梅扒慢煮鎖住肉汁，一刀切落嫩到唔使用力，沾埋特調香茅醬，東南亞風情即刻湧出～ 菠蘿火龍果沙冰新鮮果肉打製，甜酸平衡解膩一流，夏天飲真係透心涼❄️！ 最驚喜係，套餐 $138起包主食＋飲品仲可以加$28升級餐湯同蒜蓉包（南瓜湯濃到似食緊蓉！）。肉類全部用上安格斯、刺身級海鮮，完全唔似百零蚊嘅質素😱 仲有，店員超貼心會教你點擺盤影相，閨蜜聚餐或獨食都超適合！