點鍋

营业中

休息中

點鍋<鹹蛋黃炸魚皮>呢個炸魚皮真係好驚喜呀！第一次食即叫即炸，拎上手仲係熱騰騰，真係100分惹味，好有誠意！<黑毛豬腩片>今次待地叫左麻辣湯底，麻辣湯配上豬腩片真係好好食，豬腩片香而不膩，麻辣湯更加去除所有油膩感，而係留翻多變嘅口感！<星斑片x脆骨腩>星斑片啖啖肉，真係好鮮甜幼滑，脆骨腩肉質鮮美，魚皮加魚肉都同樣爽脆，真係吃得到的鮮味！<海鮮拼盤>爽滑蜆肉加埋新鮮蝦，真係好新鮮，留到最好食，真係好完滿又滿足飲品唔止有各種氣水，仲有自家製飲品，有甜甜蔗水，想醒胃嘅又有果茶，好多配料都係自家誠意打造，真係好想再去打多次邊爐

享受呢兩個字絕對適合形容今次o係點鍋既邊爐晚餐. 呢一間位於旺角兆萬中心既新開火鍋店有亮麗既裝修, 而且環境十分寬敞, 大部份座位都配有長梳化型椅子, 令食客係數小時既邊爐時間都能坐得舒適. 另外佢既一個賣點就係服務, 我地一進餐廳, 餐廳職員用親切笑容去迎接我地, 亦都好細心地講解MENU 上既湯底, 食品, 態度滿分. 食物方面, 我地好欣賞佢有好多特式湯底供應, 有選擇困難症既我最後揀左職員推介既虫草花雞鍋. 至於火鍋料亦有好多特式選擇, 最令我興奮就係見到台灣人氣邊爐食品麻吉湯圓同埋新加坡人氣美食鹹蛋魚皮. 火鍋料既選擇簡直令我目不暇給. 而最令我地驚喜就係原來新張期內惠顧，有折扣優惠不特止, 另外每檯會奉送海鮮拼盤及頂級牛頸脊各一客. 雖然是免費, 但質素賣相絕不欺場, 海鮮拼盤分別有4款海鮮, 貴妃蚌, 海蝦, 蜆 以及星斑魚片, 全部都係食得出鮮味, 同埋份量十足, 另外牛頸脊亦算上等類別, 油脂分佈平均, 入口即溶. 最後我地係芸芸火鍋料入面揀左麻吉湯圓, 梅菜豬肉丸, 芝士墨丸, 蝦丸、鮮蝦水餃、松露蝦蟹餃、滑牛片、雞脾肉, 星斑片、脆骨腩、草骨腩, 金沙鹹蛋炸魚

平時食放題嗰啲都會去兆萬，呢間喺嗰度三樓，仲唔洗搭𨋢好方便！間鋪唔係好大，但闊落，又光猛新淨，坐得幾舒服。 呢間啲座位設計都幾適合兩個人打邊爐，唔錯！ 喺枱側邊有個架放食物，唔洗用出入座位嗰陣有張枱仔阻住，夾嘢食都好方便！ 無限添飲養生飲料，無咁熱氣，醬料都多選擇。 佢個麻辣醬好好味！ 雪櫃罐裝飲品選擇幾多，但我都係揀返至愛coke zero。 用電子器材落單，唔洗下下寫紙等人嚟，很好。　 要讚嘅係食物可以落半份，細食友好，又可以試多啲嘢。 牛豬羊肉味都好濃，食過返尋味！ 咸蛋碎炸魚皮夠脆，必食！ 蔬菜摩天輪咁擺又幾得意，有得玩有得食。 呢個海鮮拼盤排場好靚！ 叫左個小食炭燒豬頸肉，個邊都仲脆，好味！食完好味又滿足，推薦小圈子嚟食！

🇭🇰#香港捐窿捐罅記兆萬係我以前成日去食嘢嘅地方😂 我呢啲大胃王當然鍾意去上面嘅任食😗 不過去咗外國之後都好少食，但係近排行過見到有間新開嘅火鍋店，就去幫襯😂😂😂 睇吓好唔好食🤣-餐廳環境好闊落，而且都好多卡位坐，係坐得幾舒服嘅😂佢哋落單係用iPad 咁就會比較環保，我哋叫咗個豬骨湯底，一開始會上咗個海鮮拼盤同一碟牛頸脊☺️ 海鮮拼盤嘅食物全部都好新鮮，煮一陣就可以食入口😂 牛頸脊油脂都幾豐富 而且牛肉味都幾夠 可惜淨係可以食一次😂 之後都冇得又任食😉-係任食嘅入邊最鍾意食係豬頸肉😂 油脂非常之豐富，食落去有香嘅油味，而且佢仲有出邊少有嘅鴨血食😂 食落原來口感都幾結實不過如果講到最出色嘅一定係佢嘅鹹蛋黃炒魚皮😂 非常之開胃😁真係啤酒殺手 送酒一流總體來講我覺得食物都唔錯 大家行過可以一試

呢日同朋友去兆萬睇公仔一去到樓下已經勁多人宣傳去唔同餐廳食飯😂咁睇完公仔既時候仲諗緊食邊間好，竟然比我地發覺原來3樓都有得打邊爐lift都唔洗搭🙈比門口既優惠吸引住左入去～星期一至四 七折😱星期五至日8折😱-可能因為餐廳用白燈為主，所以令人有種親切同家既感覺🙈🙈用ipad點菜上菜速度都好快，任飲任食，無漏單😎加錢item仲有唔少海鮮選擇-由於開始秋涼，都係食翻個滋補既鍋適合蟲草花雞🥰-超足料！雞件份量唔少，入哂味而湯底帶甜，原來係落左桂圓肉更加滋潤👍🏻👍🏻-頂級牛頸脊睇色水已經知唔錯，碌一碌，牛味鮮明！肉質香腍，呢款口感係遠勝於平日一般火鍋店既牛👍🏻必點！-海鮮拼盤賣相已經好吸睛🙈🙈四隻字～～～新鮮！肥美！-金沙咸蛋炸魚皮見到無理由唔點！咸蛋黃真係配咩都好夾！魚皮炸到熱辣辣超級香口惹味🤭🤭好邪惡但必食🤭🤭-餐廳除左火鍋配料，仲有唔少熟食炸雞軟骨👍🏻-鮮牛滑牛真係好滑！！質素拍得住手切牛😛-蔬菜摩天輪心思思唔知食邊款好就點呢個啦～鮮姑好香～-咁樣食法真係超級飽食物質素遠比預期高，而值得一提既係有d配料係可以用件數落單咁就唔洗擔心份量太多食唔哂👍🏻飲品方面除左罐裝之外，仲有齊3款解茶😍😍

今天和朋友兩個在油麻地行現時點買完玩具後，就去了兆萬中心搵食，我們選了大家都喜歡的火鍋，然後就選了3/F 未試過的一間《點鍋》，這裡的任食火鍋正價收費是288元一位，現在做特價星期一至四有七折，星期五至日有八折，今天是星期二所以有七折，座底後我們先選湯底，我提議選鴛鴦鍋一人選一款湯底，我就選了喇沙海鮮鍋，他就選了要另加20元的黑松露雜菌鍋，這裡點火鍋配料也很方便，是用平板電腦點的，很快我們點的 鍋底和送的海鮮拼盤及頂給牛頸脊就到了，除了以上兩樣只送一碟，其他配料都可任點任飲，打開鍋蓋黑松露鍋味道真是相當濃，另外有一點要讃一下，枱面上有一個小木架，真是貼心又方便，可把九碟的配料放在架上，至於任食配料方面我就較喜歡黑毛豬腩片和星班片及鴨血，熟食我就喜歡四川麻辣炸雞亦，這裡任點的食物又多選擇，又有任飲的又有熟食，下次可以再來。

 旺角多任食火鍋同放題今次走上去旺角兆萬中心3樓新張期內有優惠7點前或9點後入座$249仲有牛頸肩肉同時海鮮盤送湯底有十幾種可加錢換清酒卜卜蜆鍋有八款係無需另外加錢個人點選了虫草花雞鍋 呢度上菜都好快手選好湯底,海盤拚就即刻送上有幾款時令海鮮包括大蝦,魚片,蜆仔等等,睇返當日有咩新鮮貨海鮮可以先食,之後先食肉類虫草花雞湯有杞子,圓肉,雞件係湯鍋中可以先讓鍋中食材稍為加熱令味道更濃先再落食材 湯都幾夠香,用料都算足架!落單用平板,簡單易明有肉有丸有豆品同精選類,仲有D係自製食材算係幾用心 肉丸類選擇都幾多脆炸油條,炸魚皮,手工響鈴午餐肉,炸腐皮,蝦滑等等紫菜響鈴好食！夠脆口！蝦滑味道偏淡手工餃子略為細隻，如果多Ｄ蝦肉就更加好！一盤靚牛肉，油花平均，肉味特濃！仲有好多唔同食材選擇總計大約有超過６０款仲有可樂茶水任飲！自助醬料吧旺角西洋菜街1號兆萬中心3樓301舖

打邊爐已經唔再分天氣冷熱, 任何時候想食就食! 打邊爐唔想自己買料洗野做咁多事前功夫, 最好當然就係出街食, 又唔想就住荷包, 食放題就最好不過! 旺角放題集中地, 第一時間諗起兆萬。多間放題餐廳, 總有一間岩食!發現左一間好似開業不久既任飲任食火鍋店---點鍋, 做緊新張優惠有Discount, 而且望入去, 環境幾整潔, 我倆別無異意下入內一試!先揀湯底, basic湯底都係免費, 而有部分特色湯底就要額外加錢, 我地就揀左海鮮喇沙湯底。湯底中有幾隻蝦、青口、蜆, 湯底清甜不油膩。價錢已經包埋醬油, 設醬料區自由混醬, 飲品方面以罐裝汽水為主, 更有樽裝解茶, 打邊爐飲解茶, 清清地唔會頂住個胃, 又可以食多d~先送上一次性海鮮併盤, 海蝦、斑片、大蜆、貴妃蚌, 海蝦同埋大蜆幾鮮甜, 整體唔錯。肥牛切得好薄, 但肉質嫩, 不過只有一次性order, 稍嫌有d美中不足以平板電腦落ORDER, 部分款式都可以自選半份/全份, 滿足唔同人胃口, 又可以試多幾款。除左火鍋配料, 亦有少量熟食小食供應, 注意部份小食需要額外付錢, 旁邊有標明價錢Order左其中一款牛油蒜蓉雞翼 HK$36雞

近日天氣轉涼 最好係食火鍋同朋友行經旺角兆萬見到有間新開的火鍋店叫點鍋 沿扶手電梯上3樓 十分方便！望入去見到坐位整齊寬敞 咁就進去一試 餐廳供應多款湯底選擇 我哋揀咗蟲草花雞湯滾起時有超香藥材味 感覺好補身！火鍋配料每檯都用tab落單 既方便又環保每檯都送海鮮盤及一碟牛頸脊海鮮包括有生蝦，鮮班片，貴妃蚌及蜆生蝦十分大隻 同貴妃蚌一樣爽口彈牙超新鮮蜆非常乾淨冇沙 牛頸脊入口即溶有牛味餐廳有三款口味炸魚皮供選擇 : 蒜蓉、避風塘及金沙鹹蛋，我們選了避風塘 非常特色 其他火鍋店少有 我最欣賞牛脷 厚度適中又好吃 還有牛柏葉水魷都十分唔錯 爽口彈牙 這間餐廳火鍋料有好多款供自選整體來說都很滿意！

今日收工同男朋友去咗旺角新開張一間火鍋店垥下垥下 湯底點咗個蟲草花雞鍋，味道唔錯幾足料好多款食材都係任點任食 除咗飲品甜品其他都可以用平板電腦叫到，非常方便~但係雪花牛同海鮮就只限一份， 賣相唔錯，牛肉脂肪分佈平均口感嫩滑，海鮮新鮮另外仲有好多款小食其中比較特別係依款鹹蛋黃魚皮，鹹蛋黃味濃沃，魚皮夠脆@@脆肉鯇魚大大片超脆推薦黑松露海鮮餃黑松露味濃裏面嘅海鮮爽口彈牙豬頸肉質素都唔錯仲有好多款飲品任飲~最後食多幾粒雪米糍，頂住個肚走，好滿足

今晚同朋友慶祝生日，因為佢最鍾意食火鍋又喜歡環境坐得舒適，於是我就帶咗去一間乾淨企理嘅打邊爐度食。 呢度新開無耐，環境整整齊齊配料亦都乾乾淨淨，又有多款式酱料揀同埋飲品以供選擇。入座前會先問你喜歡咩湯底，其他都係用iPad 點餐 真係好岩我地，完全吾需要行出行入。湯底我哋叫咗莞茜皮蛋湯底， 而我比較鍾意就係較清既湯底， 同埋用料很豐富，有大量莞茜，食落相當下火，啱我口味。海鮮拼盤: 我地一坐低店員即刻送上，好有驚喜，裏面有大蝦、帶子、斑塊以及蜆等。 個大蝦其實唔需要煮咁耐 ，象拔蚌好鮮甜，真係想encore！同埋我通常食海鮮都唔會點酱油， 才试到食物的鮮味，我覺得這店的海鮮食材十分新鮮而且鮮甜。 星班片：我最欣賞嘅就係佢啲星班片，大塊又厚肉，建議用一啲比較清嘅湯去配班片，因為咁你可以食到佢個鮮味，同埋肉質彈牙。每一枱亦會送上一碟牛頸脊，牛肉幾高質好好食，雪花又多，覺得唔夠喉添呀。金沙鹹蛋炸魚皮: 呢個炸魚皮 ，我自己覺得比較有新加坡風味， 而且佢個魚皮食落去都脆卜卜。 我相當recommend大家去食。黑松露蝦蟹餃: 這個餃比較有特色，因為佢有黑松露嘅香味， 黑松露遍佈整個餃，而且佢入

近排天氣開始轉涼，又係最適合打邊爐既時候🍲🤩😍🤪最近去左間2小時任食火鍋，價錢ok之餘，質素都好ok。成人:$288 小童:$188 (星期一至四有7折；星期五至日有8折)餐廳裝修簡約，光猛企理，座位寬敞，最正係全程用padpad落單，夠哂方便👍🏻同埋佢好貼心有得揀一份/半份，二件/四件等，就算二個人去食都可以食好多野😎湯底款式都好多，我地揀左蟲草花雞🐥有勁多蟲草花，正呀❤️仲有紅棗等，夠哂滋補！✨雞肉食落都幾滑。其實佢仲有秋冬系列湯底，例如椰子桃膠竹絲雞、川貝海底椰鱷魚肉，但呢啲就要另加錢，有興趣既都可以試下🤪.而家兩人入座仲送頂級牛肩肉同海鮮拼盤🤤🤤有蝦、蜆、魚同蚌，整體都好新鮮！.食物方面，款式都好豐富，肉類、丸類、海鮮類、仲有自家制餃類同油炸類等🤩🤩💭必吃炸午餐肉，真係堅正！厚切仲要炸過，最尾忍唔住叫多碟一個人食哂，超滿足🥳💭金沙鹹蛋炸魚皮，好香既鹹蛋黃，勁惹味！🙂💭即炸手工紫菜嚮玲卷，第一次打邊爐食嚮玲會有紫菜係入面🤣仲要即炸，夠哂新鮮😋.🐷肉方面牛豬雞羊樣樣都有，但有啲高級啲既肉就要加錢先有。🎡我地點左個蔬菜摩天輪，睇得玩得又食得，菜又夠新鮮！🦆另外包仔頭腐同台灣鴨血都

旺多嘢食多唔係第一日既事，但要搵間好食又抵食既真係有難度，唔小心就會中哂伏。我自己就中意周圍去唔同大廈搵樓上鋪黎試，無咁出名分分鐘有驚喜，而呢間絕對係其中一間。同朋友上黎兩個食個蟲草花雞湯邊爐，同普通邊爐店一樣用放題形式，盡量滿足你既肚皮。我同朋友試左多好款嘢食，包括星斑片，滑牛，豚肉片，鹹蛋炸魚皮，紫菜響鈴，一個海鮮拼盤。先講下海鮮，所有海鮮都幾新鮮，最易試得出係蝦，爽口肉質絕對無得彈。其他都鮮甜，無臭味。再到肉類，肉類每次上既份量岩岩好，唔夠再叫唔會食唔哂，但又唔會俾太小扣食物。肉味夠，所以幾好食。其他類既食物就分別唔大，最值得提係魚皮響鈴係自家新鮮炸，魚皮仲要熱住上，應該係即叫即整，有心機！

秋風起，最想食邊爐🤤～ 俾我地發現左一間新開嘅邊爐「點鍋」，一坐入去，聽到佢播緊「天空之城」music，就知呢間餐廳同其他要嘈要大排檔feel嘅唔同，佢係另類路線的。一坐低，就俾佢枱上嘅木架吸引，佢可以俾店員逐碟逐碟邊爐料放上去。心諗，岩哂銛意打卡嘅朋友仔！邊個話打邊爐無得打卡po靚相？而家有啦！我地叫左個特別啲湯底—喇沙海鮮湯，裡面本身已經有好多蜆肉，有蝦又有青口～ 平時啲平平邊爐，蜆肉有沙又細隻！但呢個湯底蜆肉鮮甜，絕對無沙！好開心搵到用靚料嘅湯底！如果要我介紹必食之選，有兩樣！1: 牛頸脊；2:星海斑！牛頸脊嫩身，牛味又重，好食！星海斑已經係平時平平邊爐無得食嘅野，有得食之餘，仲要係厚切。有口感得黎，連皮食嗰啲位仲煙煙韌韌（好似好多骨膠原嘅質地咁）不過第一次食先知原來「點鍋」係食靚料，所以我打算下次唔叫咁濃味嘅湯底啦，費事阻住我品嘗鮮味！

天氣凍更加想食火鍋，行開兆萬呢邊，就順便喺度搵吓有咩食啦，見到呢間火鍋店新開，又做緊優惠，感覺幾抵食，所以就決定試試。環境疏落有置，坐得好舒服，而且枱上面有一個假可以擺配料，第一次遇到火鍋店係咁樣嘅安排，整體感覺好整齊。唔會亂糟糟，呢個設計真係不錯。首先湯底方面我哋揀咗喇沙湯底，出到嚟嘅結果係好滿意，因為喇沙嘅味道好濃，亦都好夠香，不過略嫌鹹咗少少。 配料方面都幾多選擇，有好多手工手打嘅丸類，比較特別嘅係芝士墨魚丸、黑松露蝦蟹餃係餃，芝士黑松露蝦蟹餃，食過咁多次火鍋入邊第一次接觸👍🏻👍🏻味道相當唔錯。 另外食火鍋嘅話最鍾意就係魚皮，呢度有兩款魚皮可以選擇鹹蛋黃魚皮同埋避風塘魚皮，兩款都唔錯不過表面嘅調味料可以再多啲，咁樣就會濃味啲啦😁 送嘅海鮮拼盤都好高質，雖然種類唔算多但係已經有晒我想食嘅海鮮👏🏻不過肉類方面嘅選擇就比較少。 整體來講呢間火鍋店嘅性價比都幾高，因為價錢唔貴之余，可以食到想食嘅嘢，如果你兆萬搵食都係一個唔錯嘅選擇。