喺OpenRice见到零负平，心思思想试吓，拣咗自己生日嘅夜晚，同老公一齐试一试呢间任食火锅。因为系平日夜晚，餐厅入面唔多人，我哋坐嘅位置近窗口。本来谂住任食打边炉嘅餐厅，梗系污污糟糟、成地黐立立，餐厅入面用白灯之类。但唔止我哋自己张枱，望过四周嘅枱，全部都保养得好好，超干净，唔污糟。店员非常有礼，成间餐厅嘅气氛定我觉得意外地舒服。食物种类好多，而且全部高质，而且最令我开心，系可以好仔细地拣份量。因为我哋两个人去打边炉，最头痛就系啲嘢一嚟太大碟，我哋食唔晒。而呢度嘅份量啱啱好，好适合一、二个人去打边炉。佢哋嘅炸鱼皮、响铃、腐竹等等，全部都系即刻炸，然后攞过嚟。攞到过嚟嘅时候，啲食物仲因为啱啱喺炸炉拎上嚟，有啲滚油嘅吱吱声！呢几款食物都非常脆口！另外佢有啲熟食，可以做餐前小食。我叫咗猪手，入味得来唔太咸，猪皮滑捋捋！我哋试咗胡椒猪肚汤底同埋虫草鸡汤底。胡椒猪肚汤底有啲味精感觉，但虫草鸡汤底不得了，好重药材味同埋啲鸡好滑！下次我会想试吓黑松露杂菌𠮶个汤底。有得攞嘢饮之余，仲有雪糕。虽然嘢饮款式唔算好多，但想要嘅都有，例如可乐佢有可口可乐同百事可乐。另外仲有啲对抗热气嘅冬瓜茶同埋凉粉类饮品，实在系难得嘅贴心！…查看更多
今次叫左个鸳鸯汤底，分别系胡椒猪肚汤同黑松露杂菌汤，汤底超够味，劲足料！特别系黑松露杂菌汤，食到中后段时间变左一个似西餐汤嘅感觉
食物方面，蚬类好大粒啖啖肉，新鲜！本人一向都钟意打边炉食丸同饺，呢度真系有唔少选择，而且系好食😋不过如果钟意食牛嘅朋友可能就唔算太多选择。另外炸鱼皮都系推介👍🏻最后点埋个出前一丁面配上黑松露个汤底，超好食！食到中段先知呢度员工系聋哑人士，所以更加欣赏呢间火锅店～～诚心推荐呢间火锅店！坐得舒服又好食！佢地值得有更多人帮衬😁
