點鍋

营业中

休息中

女兒今晚帶左我去兆萬食火鍋放題，名叫點鍋。佢話有同事食過，雖然是放題，食物質素一D都吾差，重有海鮮拼盤送，所以就同我來試試。火鍋店地方寬敞，燈光明亮，座位舒適。混醬材料齊全，飲品自取，重有自製健康飲品任飲。多款火鍋湯底選了喇沙海鮮鍋，湯底好足料，有蝦、青口、蜆。味道濃郁有喇沙香味。海鮮拼盤有象拔蚌、海蝦、龍躉片、脆鲩片、蜆。海鮮新鮮，象拔蚌、海鮮鮮甜彈牙，龍躉片鮮嫩、脆鲩片爽脆、蜆肉鮮味冇沙。枱上有層架，放火鍋配料整齊乾淨，金沙鹹蛋炸魚片，即叫即炸，上枱是熱的，魚片薄脆，沾滿了咸蛋黃，香脆可口。頂級牛頸脊，油花分佈密集，肉質爽滑，肉味濃郁。黑毛豬豚肉片：肉質鮮嫩，高質素，肉味香濃。台灣麻吉湯丸：這湯丸超好味，餡料是花生蓉，味道甜甜的，值得一試。蝦丸、爆濃芝士丸、爆濃蟹子丸，口感彈牙，爆濃惹味！鮮蝦水餃：一口一隻，皮滑餡爽口。星班片嫩滑，豆卜、豬皮、魚肚：吸收左喇沙湯，十分美味。鮮腐竹有豆香，台灣鴨血有益健康，脆皮芝士腸、炸午餐肉、波菜。