黑木亭居酒屋 (金馬倫道)

串燒放題任食 好食好飽網上見到廣告咁抵，就膽粗粗同朋友訂位試試。本來見到啲負評，都有啲驚中伏。最後都算有驚喜，值得再去。個晚去到餐廳已八成滿，等左10分鐘先有得入座🤷‍♀️，坐底即刻嗌嘢食嗌爆佢，等左10幾分鐘後，差不多全部食物上齊，不過太多串燒很快就凍好在餐廳有俾個Gas爐保溫👍🏻，牛舌，荔枝豚肉，雞腿肉，雞翼都幾好食😊, 個人就鍾意金菇牛肉卷，蘆筍卷，菠蘿同埋燒蠔👍。但豆腐同雞皮就有啲乾。整體黎講都算OK! 啤酒要加98蚊任飲！🍺 有Live唱歌表演氣氛都唔錯，經理話可以點歌或者上去唱😂埋！總括呢講，以咁既價錢，都算唔錯～

知道做緊串燒及啤酒放題, 而且價錢可接受, 更重要是這個場好有地道居酒屋feel, 再加埋有現場新進歌手贈興, 實在令到整個場面可以令人暫時放下工作的煩擾, 老實講串燒的選擇不算太多, 但是也頗有質素, 而且是即叫直燒, 也不是將貨就價, 尤其是兩款口味燒蠔、多款豚肉燒和牛舌, 應該已回本, 最重要是可提供一個開心場地, 一班好友暢所欲言, 無拘無束, 杯酒言歡, 而且無限任點的樽裝Asaki啤酒質素也不差, 配串燒雞軟骨, 已可消磨一個晚上, 怪不得座無虛設。

今次試串燒放題，絕對係一個滿意嘅選擇。環境充滿日式居酒屋風格，燈光柔和，座位舒適，仲有 live band 表演，食住串燒聽住音樂，感覺特別輕鬆 🎶🍻 串燒種類豐富，特別推薦豚肉卷類——蒜芯、秋葵等配料令口感更有層次，味道調和得宜。薄切牛舌燒得剛剛好，爽彈之餘仲帶少少嚼勁，食完真係想再追加 🤤 雞翼燒得外脆內嫩，肉汁豐富 🐔 燒菠蘿係意外驚喜，黑糖令甜度更加突出，配燒肉一齊食特別夾 🍍✨ 黑松露白汁燒蝦亦相當出色，蝦肉彈牙，松露香氣濃郁 🍤 店員服務貼心，仲會提醒客人善用時間點餐，所有串燒都係即叫即燒，出菜快，無漏單，食得相當盡興 🍡🍶 整體而言，食物質素出色，適合朋友聚會，輕鬆享受美食。放題模式令大家可以試晒唔同款式，無需顧慮價錢，食得更加開心 💯🔥

之前黎過一次，今次再黎感覺更加好～ 除左裝修一樣充滿和風，一邊掛滿櫻花🌸，樓梯位就有用楓葉🍁同遮☂️砌成既牆，亦有唔少日本卡通畫、燈籠🏮，同埋日式大鼓🥁～ 燈光昏暗，今次多埋有live band🎵，一路聽歌🎤一路食更加有feel🤩 野食亦都更加精緻，除左一樣有可愛既熊仔冰🧸🧊😻之外，亦都更加好食😋(5 😍 係滿分，🤩係半分） 請勿打擾*熊の壽喜鍋 🧸🍲 - $399 (好味指數：😍😍😍😍🤩)一上枱已經決覺得好澎湃，個盤堆滿肉🐮🐷同菜🥬，食既時候真係要請勿打擾🫢😂 呢個鍋🍲有100g A5宮崎和牛🐮同埋150g 爽脆豚肉片 🐷～ 睇住隻熊仔冰🧸🧊慢慢融入湯🥣入面幾治癒🤩 整體惹味香口，味道香甜 A5宮崎和牛🐮肉質細嫩多汁，脂肪分佈均勻，有濃厚既肉香，味道甘甜，食完真係齒頰留香😋 爽脆豚肉片🐷 肥瘦適中，入口有油香，有幾香濃既肉味～ 配埋清新軟嫩既豆腐⬜️、芳香馥郁既冬菇🍄‍🟫、清香爽滑既秀珍菇🍄‍🟫、滑溜爽口既金菇菜、軟腍既小棠菜🥬、清甜既椰菜🥬、清香既大蔥同埋Q彈索湯🥣既冬粉😌薯茄 (牛油脆皮薯仔沙律) 🚬🧈🥔🥗 - $98 (好味指數：😍😍😍😍)第一次見沙律🥗用好似雪茄🚬既方式上幾特別😂

見到好多人幫襯呢間尖沙咀嘅樓上居酒屋，決定今日去試吓，一入到餐廳就見到牆身好靚嘅浮世繪，仲有幾個日本大叔坐喺到飲酒傾偈，即刻覺得呢度應該有啲料到😁🍣 廚師發辦壽司 (8貫) 師傅手勢唔錯，特別係件金箔拖羅，魚油香得嚟唔會膩口。海膽鮮甜冇腥味，食完仲有回甘。油甘魚肥美，另外鮑魚爽口彈牙，每件壽司嘅飯粒粒分明，用料都幾新鮮，值得試吓🫡🍲 請勿打擾•熊之壽喜燒鍋 A5宮崎和牛嘅油花真係靚，輕輕一灼就食得，入口即溶😚豚肉片意外地好食，爽口得嚟有肉香，湯底甜鹹適中，份量都比想像中多，食落幾滿足~🍆 薯茄 造型幾得意，好似雪茄咁，外皮脆脆哋，入面係creamy嘅薯仔沙律，凍食幾開胃🤣🍹 紫幻檸檬青瓜梳打 青瓜味好fresh，檸檬嘅酸味平衡得啱啱好，食完濃味嘢飲返啖好舒服😋🐻紅火龍佛手柑熊茶有好得意嘅熊啤啤冰喺茶面，杯底仲有啲啫喱增添口感，飲落唔算太甜感覺幾清爽！環境幾有日本feel，侍應會介紹食法，雖然單點價錢唔算好平，但食材質素對板，特別係個和牛同壽司，值得encore！下次想試埋佢哋嘅串燒放題，$198望落好抵～

在尖沙咀的這家餐廳，體驗到了一場視覺與味覺的盛宴。餐廳裝潢好有日本特色 首先，薯茄的沙律薯仔真的讓人眼前一亮，外形搞怪，彷彿在扯雪茄，照片打卡絕對吸睛！口感上，沙律薯仔的清新搭配讓人感到滿足。 ❤️接著是A5宮崎和牛和爽脆豚肉片的組合，肉質鮮嫩，油花分佈均勻，入口即化，令人回味無窮。豚肉片則帶來了酥脆的口感，兩者相輔相成 , 擺碟非常吸引最特別的莫過於廚師發辨壽司，這道壽司不僅造型精美，味道也非常出色，魚新鮮且搭配得宜， 有海膽，和牛壽喜燒，劍魚， 帶子讓人忍不住一口接一口。😍 紫幻樽檬青瓜梳打和紅火龍佛手柑的飲品清新爽口，令人心情愉悅。

小店最近推出全新90分鐘燒蠔串燒放題，26款肉類蔬菜，加$98即可配任飲Sapporo生啤。晚上更有Live Band，聽住音樂食串燒，成個感覺零舍唔同！燒蠔有兩款口味，分別為黑松露白汁同煙肉粒牛油，大粒飽滿，鮮甜入味，醬汁夠多，若喜歡食蠔嘅話瘋狂點真係好抵食。豚肉有六款選擇，當中四款係卷物，微微焦香嘅豚肉包住蒜芯、秋葵、露筍同荔枝，菜品鮮亂食，幫助解離，荔枝爆汁， encore咗好幾次。另外有五花腩同厚切豬頸肉串，前者油脂四散後者帶咬口，肉味出，不過都幾飽肚。牛肉就得牛舌同燒汁牛肉金菇卷，味道正常發揮，試試無妨。雞肉有四款，見大部份客人都大量點雞翼，雞腿肉蛋白質UP，相比之下個人更喜歡雞軟骨同雞皮串，兩款脆卜卜，而且唔油膩。蔬菜包含脆燒豆腐、日本產牛油蕃薯、鴛鴦翠玉瓜同粟米，燒完之後都唔會乾爭爭，但建議叫豚肉卷性價比更高。主食有醬油同明太子飯團，一口一粒唔怕飽，最後記得叫埋黑糖菠蘿同生啤Gur吓🍻

同朋友去咗呢間裝潢充滿和風嘅居酒屋,燈光柔和,好有氣氛,而且每晚都有live band同busking,邊聽歌邊享受食物,超正！餐廳除咗特色創意日本料理,仲有日式串燒放題,汽水啤酒任飲,好啱一大班朋友聚會！✨薯茄外形成支雪茄咁,勁得意,用鬆脆嘅牛油脆皮卷住薯仔沙律,食落幾特別！✨廚師發辦壽司(8貫)火炙M7和牛粉嫩油香！海膽帶子好鮮甜,三文魚腩好肥美又充滿油香,,吞拿魚赤身、中拖同埋大拖羅肉質甘甜,全部都鮮味十足！仲用咗金箔做裝飾,用料足,好啱心水！🐻請勿打擾熊之壽喜鍋呢個鍋上枱已經好吸晴！睇得又食得,入邊有隻熊仔湯底冰磚,keep住湯嘅濃度！鍋邊鋪滿A5宮崎和牛,小雪花紋,油花勁靚,大大塊,肉質鮮嫩多汁！豚肉爽脆,肥美又爽口！配菜有娃娃菜,福袋,寬粉等,煮到超鮮甜索晒汁♡🍹紅火龍佛手柑熊茶上面放咗隻熊仔冰粒,又香又甜,有層次好靚,仲好好飲!🍹紫幻檸檬青瓜梳打蝶豆花變色效果靚,青瓜嘅好refresh,解膩一流！

黑木亭居酒屋(香港)地址: 香港尖沙咀金馬倫道58-60號國鈀大廈地舖至1樓電話: +我真係好喜歡食日式居酒屋串燒架，但一般唔點飲品，一個人都$250-300，點多杯飲品都接近$350-400了而黑木亭出了任食串燒，豪食唔再洗每串計住計住啦$198 有90分鐘時間，仲有燒生蠔煙肉粒牛油/黑松露白汁燒蠔一開始當然每款都試啦，由雞腿肉，雞腎，雞肝，雞軟串雞皮，成隻雞每部份都點了牛舌豚肉秋葵卷，黑豚露筍、五花腩沖繩燒菠蘿、豆腐，翠玉瓜、日本產牛油甘薯，要飯氣仲有飯團$98 仲有啤酒/無酒精飲品任飲呀，平時點一杯beer 都要呢個價位，必加有Live Band唱歌，每晚都有氣氛好好

見IG 推介串燒放題任食，趁星期五就去一試，平日收費是$198，星期五要多收$30，訂了晚上7:00的位置，去到已好多人，安排了路口 風口位，腳是伸唔到的，表示要轉位，職員表示全場已滿，只剩下這兩個路口位，只好勉強坐下，不久就冷氣機滴水，再次強烈表示唔想坐呢個位，職員都表示沒有位，只能坐前一個路口位，預早預訂位置最後得來得是路口風口位。職員表示全場人人都訂了位置，又答應如有其他位會替我們轉。只好再次勉強坐下，期望會有其他位轉，可惜是我太天真了，人只會愈來愈多，職員早已忙得把承諾拋諸腦後，然後上菜又上菜，不停和隔離枱的單調亂，別的枱有的火爐，我們枱是沒有，大慨是因為太細了吧！90分鐘的用餐時間吹足90分鐘的風，串燒剛上不久就吹到凍晒，難食至極雖有現場樂隊唱歌但樂隊就在我們背後，聲音之大根本談話不了，捱到用餐完畢之後，結帳時有再和職員反映問題，職員雖有不停抱歉，但此次的體驗奇差，兩人合共$502，換來的是食凍的食物，慘過狗食的食物，路口位，等位的人的袋一不小心就掃落你的食物上，order混亂，一而再再而三咁上錯菜，大家都有訂位，大家都付差不多的價錢，我們得到如此奇差的待遇，永冇下次，別怪港

由於餐廳在一樓要走樓梯，帶著一點懷舊的味道。推門進入，牆上的浮世繪、木質裝潢與佈置，連同整個用餐過程，像是一場短暫的日本旅行，味覺與氣氛雙重滿足。我們首先點了買一送一的🏅煙肉粒牛油燒蠔，香氣撲鼻。接著是一整條🏅池魚刺身，由產地直送，原價$569，現時只需$398便可享用，新鮮甜美得幾乎能感覺到海風。主菜是🏅石板至尊安格斯封門柳扒，配有高湯釜飯、蜆肉魚湯和千島沙律。封門柳足足有300克，兩人分量剛剛好。牛柳在石板上滋滋作響，外層焦香，內裡粉嫩多汁，侍應還貼心地幫忙翻面。三款醬汁各有特色：沖繩菠蘿醬帶點果香、特製蔥鹽醬鹹香惹味，而綠茶海鹽則淡淡清香，無論配牛肉還是拌飯都令人回味。飲品方面，🏅藍蝶花佛手柑熊茶驚喜十足，茶中有一隻可愛的冰熊慢慢融化，帶來淡淡果香與視覺享受。另一款🏅百香果荔枝梳打則有真材實料的荔枝果肉，清爽之餘又帶點浪漫。

本身懶，好少寫食評但今次真係忍唔到🙈今晚食串燒放題嘢食嚟講普通唔要求高，呢個價錢叫正常接受但牛舌上枱入面仲生，都算因為可以喺枱上面個爐再燒吓然後，大部份嘢食上枱都係凍🫠除咗燒蠔叫熱啲另外，香港地方細都明白搞live Band 噱頭，原意想氣氛好都明白但今次個live，真心難頂🫣超～難～聽，完全聽唔到佢咬字，都算諗住梗有一首好聽，但成晚都係無一首聽到佢唱咩！仲要聽佢哋鬧交真心好趕客🫠俾錢我都唔會想再去🤷🏽‍♀️

噚晚同朋友去咗呢間黑木亭，個串燒任食真係食到停唔到口！睇住個menu就已經覺得好吸引，每樣嘢都想試，真係「選擇困難症」發作！😂 必試推介: 1. 黑豚荔枝卷： 呢個真係必點！肉質超juicy，荔枝味好甜，第一次試呢個咁特別嘅組合，配搭新穎，完美！💯 2. 明太子雞腿肉： 燒得啱啱好，啲肉香加埋個明太子醬真係不得了，好有層次，食完一串真係想再叫多幾串！ 3. 沖繩黑塘燒菠蘿：呢個好特別，好似平時飲嘅珍珠奶茶加左菠蘿咁，真係幾正！ 香港好少有串燒放題，加埋$98仲可以任飲啤酒，串燒加啤酒真係最完美嘅組合。燒烤火候控制得好，啲食材又新鮮，每一串都食得出廚師嘅用心。同朋友聚餐好適合嚟呢度，怖置得好日式，氣氛唔錯，好似黎左日本咁，價錢都算合理。

位於尖沙咀黑木亭居酒屋裝修幾好依排好鐘意串燒，見到做串燒放題 所以同朋友提議去左食✨我哋食食下有live band同busking😍好正,一路食飯，一路有歌聽，仲唱得好好聽聽店員講每一晚都會有live band🤩✨串燒放題$198加$98任飲無酒精飲品鍾意飲酒，仲有啤酒任飲🍻串燒放題有二十多種咁多😍牛舌串，豬肉串，冬菇串，豬軟骨飯串牛肉串等等，全部即叫即燒 😋仲有明太子飯團都幾好食😍舖頭仲好貼心，會有個爐喺度，因為怕啲串燒凍咗，咁就唔洗擔心啲串燒凍左✨飲品叫左芒果同埋白桃烏龍茶系列都好好飲唔會過甜～好食指數⭐️⭐️⭐️⭐️⭐️

三味鐵板A5牛（大蔥蒜蓉和牛卷、鵝肝、A5和牛 ）這道三味鐵板A5牛肉質極為鮮嫩，肉的鮮美和豐富的肉汁。和牛卷選用優質的和牛，肉質細膩且油花分布均勻，口感滑嫩，搭配大蔥和蒜蓉，香氣四溢。鵝肝色澤金黃，質地如絲般細緻，入口即化，豐富的脂肪帶來濃厚的奶香和微妙的甜味，讓人感受到獨特的美味體驗。草莓南蠻醬吉列炸蝦 這道吉列炸蝦外酥裡嫩，搭配的南蠻醬很香，錦上添花，配有半粒新鮮草莓和少許檸檬作為點綴，增添了一絲清新感。柚庵燒美腿乳鴿 這款柚庵燒美腿乳鴿色澤金黃，肉質鮮嫩，搭配柚子的清香，推薦。什錦炸物拼盤 這道拼盤包含薯條、炸雞軟骨、炸蠔、炸蝦和炸雞，種類繁多，而且是新鮮炸起，適合與朋友共享。北海道士多啤梨牛乳乳酸 這款乳酸飲品口感順滑，帶有北海道士多啤梨的甜美，酸酸甜甜，是吃過炸物後的絕佳選擇。藍蝶花佛手柑熊茶 這杯冰飲色彩鮮豔，冰塊造型是可愛的熊啤啤，藍蝶花與佛手柑的搭配清新怡人，讓人一口愛上，既好喝又適合打卡。這間日式餐廳晚上有Live Band+Busking又有特色A La Carte Menu或串燒放題 + 汽水啤酒任飲，和朋友聚會聊天的好選擇