黑木亭居酒屋 (金馬倫道)

今晚超餓，喺金馬倫道搵咗一間日本居酒屋食放題。以前都有去過此餐廳是單點的，樣樣嘢都好好食。最近轉左提供香港人超愛食的拖羅及A5和牛放題。當然要再食過。仲要星期一至五9:00pm 後入座，65折 $361，食盡120分鐘。呢排成日聽人講尖沙咀黑木亭居酒屋個「A5宮崎和牛拖羅放題」有幾正，專登約埋班朋友去試下。食完之後果然冇失望，真心覺得性價比超高，絕對係會encore之選！我特別推薦個A5宮崎和牛壽喜燒，牛肉輕輕一淖，入口即溶，牛味香濃，湯底又甜絲絲，我同朋友都不知不覺encore咗幾轉。另外，拖羅同馬糞海膽都係回本必點，拖羅肥美鮮甜，海膽味道濃厚，一啲都唔吝嗇。仲有串燒、日本小食、海鮮桶等。除咗呢幾樣主角，其他食物選擇都好多。我個人幾鍾意個蒜蓉燒鮮蠔同鮑汁花膠海參，蠔夠大隻，花膠煮得入味。串燒即叫即燒，好似燒香草羊鞍都唔錯。自助區，除咗有前菜、沙律、熟食之外，最驚喜係有Häagen-Dazs雪糕任舀，食完熱氣嘢食返個雪糕就最完美。飲品方面，有成30幾款清酒、梅酒、紅白酒同汽水、自家茶任飲。我今次係晚市放題，有足4個鐘任食，時間非常充裕，可以慢慢食慢慢傾，唔使趕頭趕命。總括來講，黑木亭呢個放題無論係食材質素、種類定係環境時間都令人滿意 晚市9pm 後$333位（星期一至五）就可以歎到A5和牛、拖羅、海膽同任飲酒水，仲有香港人最愛的馬來西亞D24榴槤，真心抵食。…查看更多

位於尖沙咀的黑木亭居酒屋，為食客們帶來了一場視覺與味覺的饗宴。這裡的A5宮崎和牛拖羅放題絕對是吸引眾多食客的亮點，肉質鮮嫩，油花分布均勻，每一口都讓人感受到頂級和牛的奢華。刺身選擇同樣讓人驚喜，三文魚、油甘魚和池魚王的鮮美程度不言而喻，搭配極品大赤蝦和象拔蚌，讓人仿佛置身於海洋之中。日本直送的鮮吞拿魚和北海道先帶子更是新鮮至極，讓每一口都充滿海洋的氣息。壽司方面，A5宮崎和牛火焰壽司無疑是這裡的一大特色，火焰瞬間將和牛的油脂鎖住，香氣四溢，入口即化。龍蝦沙津軍艦和時令海膽軍艦則突顯了海鮮的新鮮，口感豐富，讓人一試成主顧。熟食方面，玉子燒汁鰻魚的甜香以及經典蒜蓉燒鮮蠔的鮮美，無不讓人陶醉。櫻花蝦炸豆腐的外脆內嫩，脆炸貓山王更是甜蜜的享受，令人驚喜不已。厚切鵝肝多士和A5宮崎和牛海膽牛角包則是奢華的代表，將美味推向高潮。飲品方面，黑木亭提供多款汽水和啤酒，讓食客在享受美食的同時也能清爽解渴。這裡的每一道菜品都展現了廚師的用心，無論是聚餐還是慶祝，黑木亭都能讓您留下難忘的美食回憶。總而言之，尖沙咀的黑木亭居酒屋，以其精緻的料理和優雅的環境，成為了美食愛好者不容錯過的佳地。…查看更多

黑木亭五周年紀念，轉做A5宮崎和牛拖羅放題，原價$555一位，九點後入坐$361位😋同朋友訂左枱食返餐勁嘅。九點來到全場爆滿十分熱鬧，店內間左個自助區出來，冷盤熱盤都有唔少，當然仲有飲品櫃、甜品櫃、雪糕櫃啦。掃碼落單，食物選擇好多😋大根鮑魚、花膠海參、清酒煮蜆等最快上桌。串燒炸物等陸陸續續都來了，上菜速度快，食物仲熱㗎，個海膽和牛牛角包正喎。刺身！刺身！刺身！黎食日式放題就係為左呢樣🤤呢間款式勁多，好多冷門野都有得叫，全部新鮮勁正，必食拖羅🤤壽司都多元化，正常款、火炙款、軍艦類同創意類😋飯軟綿綿有醋香，唯一不滿就係太大件啦，保持居酒屋size😅仲有西式（？）海鮮桶，仲蒜同橄欖油煮熟的，又香又鮮。食到咁上下去食下水果先，自助區有西瓜、蜜瓜、火龍果等，再落單叫埋榴蓮！榴蓮都任食㗎😍甜品都好多得揀，楊枝甘露、馬卡龍、蛋糕仔、豆腐花等，當然少得雪糕雪條🤤另外飲品都係超誇張，罐裝汽水、紙包茶、咖啡、啤酒、白酒、紅酒、清酒等全部任飲，朋友飲咗幾碗椰子雞湯，佢話好正喎🤤食到last order真係捧住個肚走，太滿足啦😋…查看更多

之前已經bookmark左呢間居酒屋好耐🤤見人介紹先知原來出左A5宮崎和牛拖羅放題，平時叫個刺身都唔平，出左放題姐係可以一次過試到好多款居酒屋食物🤩睇下係咪keep到居酒屋質素先😏#刺身 已經有成13款咁多😚全部都新鮮😍當中日本直送拖羅🐟好impress到fafafoodie 😋雪花般既脂肪分佈，入口即溶又甘香～叫第二轉都keep到質素😎見隔離枱既一樣咁靚，一次過叫好多排得好靚#壽司 /卷物🍣有試左佢主打既A5宮崎和牛火焰壽司☺️和牛軟嫩，壽司飯好夠醋味令fafafoodie眼前一亮🤩新派薄脆Taco🌮好特別，有4款，但我地只係試左2款鵝肝牛肉同鰻魚配飯包係脆Taco入面幾特別～A5宮崎和牛海膽牛角包🥐牛角包放左一陣先食都仲脆🙂仲有牛油香添😍另外推介磯煮鮑魚、厚切鵝肝多士、脆炸日式九肚魚、椰子雞湯😙諗起都想食#串燒 有6款，牛舌芯、蜜糖雞翼、雞軟骨、免治雞肉棒、黑豚荔枝卷、燒菠蘿🍍全部都好好食🤤大推牛舌芯同免治雞肉棒😙fafafoodie 自己食左3串牛舌🤪甜品呢～鐘意 #榴槤 既朋友有口福喇～有馬來西亞D24榴槤同脆炸貓山王，2款都有濃郁榴槤味😌唔食榴槤都唔驚😛另外仲有haagen-dazs🍦Dreyers🍨雪條、雪糕糯米糍、日式/意大利甜品同水果除左QRcode落單🍤🍢🍡自助區內有前菜、沙律🥗煙三文魚、Pizza🍕蒸炒、熱食🥘熱湯、各式罐裝飲品、清酒🍶梅酒、紅白酒🍷啤酒🍺即磨咖啡☕️都有😲推介梅酒😚整體上菜速度好快，食物夠熱，略嫌2人枱有啲細🙈好快放滿晒🤣不過好彩職員收碟速度都快👍🏻如果想食#放題 ，黑木亭不錯喔😌希望keep到水準💪🏼中午任食4小時12-4pm，$333起晚市限時2小時，$361起加一服務費#黑木亭#fafafoodie_尖沙咀…查看更多

呢間餐廳最近開始做日式放題，喺網上同電視都有介紹，睇完覺得幾吸引，就試吓佢哋嘅午市放題。首先佢啲座位都幾迫，張枱都幾細，所以叫食物嘅時候都要就住就住，叫多幾款張枱就唔夠位放食物。佢嘅放題主打A5宮崎和牛同拖羅，不過唔知係咪因為我食午市嘅原因，呢兩款食材嘅質素真係麻麻，和牛冇乜油脂味，拖羅亦冇乜鮮味。另外其他魚生水準都好一般，連榴槤亦冇乜香味。比較好嘅有串燒牛舌芯，另外佢嘅薄脆TACO同和牛海膽牛角包都幾特別，味道都唔錯。整體而言食物質素都真係好一般，同預期相差都幾遠，有啲失望，之後選擇要再小心啲先得喇。…查看更多

❤️❤️位於尖沙咀金馬倫道既黑木亭居酒屋就的確值得推介。甫踏入佢哋門口上一樓就見到充滿日式風情嘅裝潢。雪櫃內有自家製茶飲、台式飲品同埋多款啤酒🍻，清酒同埋梅酒都係任斟🍸及自助咖啡機☕️俾客人提神。自助區有火鍋配料、生果同埋沙律🥗前菜可以享用。刺身併盤大大盤，特別係極品大赤蝦同日本直送拖羅都非常新鮮👍。熱食方面：清酒煮蜆、酒醉大蝦頭、秘製磯煮大根鮑魚同紅燒妙齡乳鴿，都係必定會點嘅食品。壽喜燒方面：日本和牛牛板腱、美國和牛牛肩胛、日本北海道豬梅肉片和澳洲和牛肩胛肉眼都係必食之選，肉質嫩滑。D24榴槤都非常大嚿同埋甘甜。佢哋嘅座位都相當之闊落同埋舒適，上菜速度亦非常之快同埋準確。餐廳本身係居酒屋，但係同時有做放題，令客人可以靈活選擇。服務細心有效率，整體感覺都良好。…查看更多

今日難得收早，梗係要同同事出去食好西啦，我哋去咗尖沙咀嘅居酒屋門口見到竟然會有任食放題，真係第一次見。價錢唔算貴，而且款式都勁多，我同朋友二話不說就選擇咗呢間餐廳。入到去估唔到都已經座無虛席，好彩店員都安排到位置俾我哋，自助區有沙律、熱盤、大量不同款式嘅飲品同甜品!!啱晒我哋坐低咗之後用QR code落單，見到餐牌有唔同種類嘅食物，梗係要嗌返我最鍾意食嘅刺身先，我哋叫咗唔同款式嘅刺身，包括三文魚、大赤蝦甚至有松葉蟹腳添，所有食物都非常新鮮，不過我哋要留肚食其他嘢🤣以下有幾款食物我都比較欣賞同埋極力推介，其中包括M7和牛牛肩胛肉眼估唔到放題都會有壽喜燒選擇，牛肉果然入口即溶，我同朋友都encore咗兩次;A5宮崎和牛海膽牛角包聽個名都知特別，估唔到海膽牛角包都可以非常之夾，完全唔會覺得好膩，每一啖都充滿黃牛同埋海膽，簡直係幸福秘製磯煮大根鮑魚估唔到放題都會有鮑魚食，簡直係回本之選，醬汁非常清甜，忍唔住食多幾舊蘿蔔都覺得好好味！鮑魚非常爽口彈牙，每人食咗三round鵝肝牛肉薄脆身為鵝肝控嘅我，除咗瘋狂食咗好多次鵝肝多士之外，估唔到亦都有呢個薄脆選擇，配上牛肉之後口感非常豐富。串燒方面有牛舌心、雞軟骨、仲有我最鍾意嘅免治雞肉棒，沾上蛋汁每一啖都非常惹味。甜品方面除咗有Häagen-Dazs同埋其他各式各樣嘅甜品，當然要瘋狂叫我最鍾意食嘅榴槤，雪凍咗之後非常好味，好似食緊榴槤雪糕咁，簡直幸福！…查看更多

呢間餐廳環境好坐位置方便，而且只需$3XX/位就可以午市任食放題4個鐘，超抵食推介，刺身仲包任食拖羅拖羅口感塊塊厚切又嫩滑好抵食，另外仲有多款壽司，熟食，火鍋，D24榴槤，燒物，串燒，雪糕，汽水，啤酒等提供俾客人落單，真係好超值。食物全部即落單即整，無預制比較新鮮，刺身油甘魚肥美，三文魚，拖羅，帆立貝連超貴既松葉蟹腳都有得食，好鮮甜。花膠，牛柳粒，羊架，炸天婦羅都有，甘多款式岩晒為食又乜都鐘意食既小編。…查看更多

黑木亭重新定義了日式放題的極致體驗～竟然有壽喜燒任食，而且全部都係靚牛～極香牛味！刺身方面實現拖羅自由，拖羅雪花紋好靚，油脂的甘香與魚肉的鮮味，真的非常幸福。壽司方面，有平時放題店少有的壽司，例如有左口魚、海膽壽司任食，最重要連擺盤都非常靚，好似去咗高級壽司店！比較特別的居然還有鮑魚、鮑魚粥、鵝肝脆脆、海膽和牛牛角包和d24榴槤，全部都任食！！還有現炸天婦、串燒、沙拉吧、熟食區、海鮮區！種類非常豐富飲品方面，除咗罐裝和紙包飲品，竟然仲有清酒、紅酒、啤酒任飲，岩曬酒鬼朋友甜品區有Häagen-Dazs、仲有幾款雪糕雪條、冬甩、糯米糍、竟然榴槤蓉同埋馬卡龍都有！！這間放題店確實比外面的餐廳更加多選擇，而且沒有因為放題店而變得簡陋，食物仍然帶有精緻感～…查看更多

近來俾黑木亭啲ad燒到終於同個friend夾放假去咗食，五周年壽喜燒鍋拖羅放題 lunch time只需$333，串燒、壽喜燒鍋、刺身、炸物等等全部都係居酒屋質素，仲可以坐足四個鐘好抵食QR code落單係寫日本直送鮮吞拿魚，本身以為會係靚啲嘅赤身，但點知油脂飽滿係好靚嘅拖羅😍 厚身、鮮甜，少筋勁好食另外都特別推介鰻魚玉子、蜜汁焗鱔、南瓜天婦羅、燒菠蘿、黑豚荔枝卷、鵝肝多士、月見免治雞肉棒，壽喜燒啲牛肉都超靚！！！出面自助吧老實講就唔算好出色，但好鍾意佢嘅椰子雞湯同鮮奶桃膠，清酒梅酒都係任飲㗎，太滿足❣️…查看更多

最近，轉型為日式放題場，好鐘意放題嘅我更要嚟！重點食品：✨️拖羅高質貨色，魚香四溢，肉質柔軟，入口溶化，超級味美，大愛!✨️串燒黑豚肉荔枝卷 和 免冶雞肉棒都非常美味，有特式又燒得啱啱好，必要食吓！✨️秘製磯煮鮑魚鮑魚Q彈有咬口 ，日式醬汁滿滿浸入鮑魚之中，惹味又滋味。✨️片皮鴨為最新推品，片皮鴨包內仲有青瓜絲，仲伴有埋甜醬、京葱，做齊洒樓般嘅出菜形式，一點都吾求其。✨️滋補系列放題場有鮑汁花膠 和 海参 真難得，我更懶巴閉咁要嗌下，入口滋補又養顏，飽左仲靚左!✨️生果除了有西瓜 和 哈蜜瓜 外，最勁係有馬來西亞D24榴槤, 榴槤控必試 , 榴槤味道濃郁。✨️自助區仲有熱盤、火煱料 、不同湯類 和 各式飲品，應有盡有。✨️甜品則有Häagen-Dazs雪糕任食，仲有四個款口味。約三、四百元/位 ~ 因不同時段會相差幾十元，有咁多款又高質食品，回到本也會回頭。#黑木亭居酒屋 #香港美食 #尖沙咀 #尖沙咀探店 #黑木亭居酒屋 #日式放題…查看更多

黑木亭原為尖沙咀熱門居酒屋，以串燒、海鮮和小酒聞名，近年轉型推出高質日式放題，聚焦A5宮崎和牛壽喜燒及拖羅刺身，環境保留日式木質溫馨氛圍，適合聚會。隨左自助落單仲有自助區, 而且自助區都有海鮮! 食物種類豐富逾百款，涵蓋刺身、壽喜燒鍋、創意壽司、炸物、蟹類海鮮、串燒及甜品。HIGHLIGHT推介：巨型赤蝦及拖羅刺身拖羅厚切, 入口個種油潤既溫柔感難以形容巨型赤蝦大到蝦頭都非常難夾, 差不多每隻都爆膏, 蝦身既糯感同光澤係非常新鮮既徵兆另外必食既仲有黑豚荔枝卷 同榴槤黑豚荔枝卷一咬就爆汁,  平時居酒屋幾十蚊串, 以家竟然係任食, 回本首選馬來西亞D24榴槤 口感細緻柔滑, 溫和的香氣和獨特風味, 食到停唔到口可惜今次同海膽和牛牛角包同壽司taco無緣，必再訪！…查看更多

「黑木亭」呢間放題開咗唔係好耐，前日終於約咗成班friend食咗，個個食到攬住個肚走，仲幾抵食！見到個門口已經覺得好有格調，黑色招牌加個超大日式燈籠，真係好似去咗日本咁🤣上到去，環境係舒服嘅現代和風，個場夠晒闊落。坐低就用QR Code落單，勁方便！自助區有超多小食，質素一啲都唔輸蝕～主菜時間！！樣樣都係高質食材，刺身拼盤一上枱我哋就「嘩」咗出聲！三文魚厚切，甜蝦鮮甜，最正係長蟹腳，我哋嗌咗3～4轉都仲想食！壽喜燒鍋，真係估唔到放題嘅壽喜燒可以咁正！個湯底好好味，配埋啲和牛片，淖兩淖就食得！串燒同炸物，全部即叫即整，熱辣辣上枱，冇油膉味！生蠔夠晒新鮮，蠔身飽滿，冇令人失望！任飲清酒梅酒一定係酒徒最愛，呢 part 真係無得頂！仲有各式汽水、果汁，啱晒想同朋友暢飲一番嘅你！！食到最尾，以為就咁完？錯！以為雪糕任裝已經好慷慨，點知壓軸甜品最癲係新鮮榴槤任你order，榴槤控為之瘋狂！我哋班榴槤控朋友直接進入瘋狂狀態，話淨係食榴槤都回本！🤭🤭…查看更多

黑木亭居酒屋金馬倫道58-60號國鈀大廈地舖至1樓呢間日本居酒屋最近轉型做任食放題，本身都知道佢哋用料高級，所以對佢哋嘅放題都好期待。刺身方面，一定要嗌少見而且性價比高嘅選擇啦，例如極品大赤蝦、日本直送吞拿魚、北海道鮮帶子，而其他常見嘅放題選擇都有，包括三文魚、油甘魚、池魚王、希靈魚、象拔蚌等等。必嗌嘅壽司又點少得A5宮崎和牛火焰壽司、火焰左口魚邊壽司同埋海膽軍艦，兩款都好高質好好味。鍾意食鵝肝嘅一定唔可以miss咗厚切鵝肝多士同埋鵝肝牛肉薄脆TACO，見見鵝肝厚身得來又夠Juicy，燒得好香秘製磯煮大根鮑魚、蜜汁焗鱔、海鮮筒都係比較少見而且特別嘅款式，而且味道都好好，一定要嚟呢間放題試吓。…查看更多

終於嚟到尖沙咀黑木亭居酒屋試佢哋全新日式放題！環境有格調，座位舒適，啱晒同朋友慢慢傾、慢慢食～ 今次試咗唔同種類嘅菜式，每款都有驚喜，即刻同大家分享！🔥 火鍋系列▪️ SRF美國牛板腱：肉質軟嫩，油花均勻，輕輕一淖就食得，牛味濃郁！▪️ M7澳洲和牛牛肩胛肉眼：和牛級數果然唔同，入口即化，肉香滿溢～▪️ 蠔同鮑魚鮮甜爽口，煮耐少少都唔會韌，海鮮控必點！🍤 刺身與海鮮▪️ 極品大赤蝦：超大隻！肉質彈牙，鮮味十足，我一個人食咗兩隻都唔夠喉～▪️ 三文魚及吞拿魚🍣厚切肥美，油脂甘香，連續encore幾次！🍢 炸物與小食▪️ 脆炸猫山王：外脆內流心，榴槤味超濃，鍾意榴槤嘅朋友一定like!▪️ 土多啤梨南蠻醬配吉列炸蝦杯：酸甜醬汁配脆蝦，口感層次豐富～▪️ 蝦棒春捲：香脆唔油膩，餡料足，好開胃！▪️ 櫻花蝦炸豆腐：外皮薄脆，豆腐滑溜，櫻花蝦香氣突出～▪️ 牛舌芯串燒：燒得香口，爽嫩唔韌，串燒水準不錯～🍲 鍋物與主食▪️ 壽喜燒鍋底：湯底甜鹹適中，涮肉一流，愈煮愈入味！▪️ 鮑魚蟹粥：粥底綿密，蟹肉同鮑魚鮮味融合，暖胃又滿足～🍰 甜品▪️ 馬來西亞D24榴槤：真材實料，榴槤香濃軟滑，為呢餐畫上完美句號！仲有好多款馬卡龍同哈根大雪糕🍦可以任取！🍱黑木亭居酒屋 (尖沙咀)📍 🍘尖沙咀金馬倫道58-60號國鈀大廈地舖至1樓…查看更多