黃珍珍泰國菜館

营业中

休息中

掛住泰國菜 一定要過嚟九龍城食 夠晒正宗由泰國人親自烹調架 今次同屋企人食高級少少 黃珍珍啦 好大間 地標餐廳之一 有上下兩層甘大間架 。 泰式明爐蒸魚 - 烏頭魚 $218 烏頭勁大條呀 ！！ 比筷子🥢仲長呀 足夠四人以上既份量 ， 魚肉🐟🐟 仲好滑喎 ，底下魚湯好鮮甜 。泰式辣肉碎生菜包 $118 🌮🌮 ( 豬肉 ) 食泰菜 必點架 生菜包住肉碎粒 一齊食酸酸辣辣既 又開胃 辣得又刺激 。泰式南乳燒雞 🐤🐤 $118 ( 半隻 ) 雞皮燒得好脆 雞肉仲好嫩 本身雞已經有南乳既香味 覺得唔夠 可以再點濃味啲架 ！鹹檸檬梳打水 鹹檸檬🍋可以 潤喉止咳清熱 ， 檸檬勁大粒 🤣 好夠味 。 榴槤冰條 $38 食得岀 100% 真榴槤 ， 味濃郁 啖啖榴槤肉 榴槤絲 都食得岀黎 唔好睇少佢 咁細條食完返尋味 ，再黎都必食 ！！

回想對上食黃珍珍已是半年前的事了，之前係同男人去食的，個時都覺得黃珍珍幾好食所以今次就同媽咪去食環境非常大，分了上下層燈光十分光亮，是日星期日，晚上幾乎全場爆滿多人到我地係要坐到上上層，不過這位置也不錯，可以望到街境銀色有花紋的泰國水爵，都彼為特別我地叫左個咖喱炒蟹，魚蛋湯粉和咸魚炒芥蘭~服務細心周到，知我地食蟹比定手套，蟹夾，濕紙巾咖喱炒蟹Fried Crab with Curry Sauce咖喱蟹出場嗱，整盤黃金色的，本人好喜歡吃泰國咖喱，因為泰式咖哩甜而不辣，而且好香椰香味蟹肉非常鮮甜，盡管咖哩味濃都唔會遮蓋蟹肉的鮮蟹殼都好軟身，一夾就爛~加碗白飯，淋咖喱汁食，甜甜椰香味好開胃，正呀🤤魚蛋湯粉Fish Ball with Noodle in Soup唔知係咪咖哩蟹太濃味，變左食魚蛋湯粉就顯得啖味左，但湯底都好香，魚蛋也很彈牙咸魚炒芥蘭Fried Chinese Kale with Salted Fish 芥蘭顏色翠綠，好爽口，咀嚼度高，口感十足再加埋咸魚去炒，非常惹味服務員態度有善，雖然餐廳好忙，但員工都好有禮貌同笑容，我覺得呢點係非常讚的估唔到半年後，食物水準都依舊保持下次都可

黃珍珍完全係我哋嘅回憶，仲記得細個爸爸媽媽成日帶我地嚟食泰國菜，嗰陣好似仲未有咁多選擇，所以成日都會嚟食黃珍珍。食泰國嘢又辣又惹味，梗係要叫咗杯嘢飲先啦。本身唔太鍾意飲真多冰，所以照舊叫咗椰青，$48大大大個，仲有成個珍珍三個字喺上面㗎。叫咗個大大隻嘅咖喱蟹 $368 ,唔好睇佢價錢有啲貴，但係真係全餐最好味，首先蟹都算新鮮啖啖肉，配埋啲咖喱再另外叫一個包，掂晒啲汁嚟食正到飛起。爸爸媽媽年紀大，可能唔太想飲冬陰公就叫咗個南瓜湯比佢哋 108，唔敢飲辣湯嘅人都可以試吓呢個都唔錯。

賣服務、賣環境、仲要賣埋質素，好難得！兩層高，地方大，座位闊，好岩多人聚餐，大時大節又多個選擇，吾洗次次去酒樓食中餐甘悶，仲要甘近屋企！要求吾高，會主動比杯水客人態度吾差就覺得好好，呢到店員仲會好窩心問要凍定熱水。【咖哩炒蟹】$368 （1隻）炒香咖喱調味同香料，濃郁中又帶著香料的清香，加入奶同蛋漿勾芡，咖哩天香口綿滑，原本叫左兩個豬仔包蘸咖啡食，最後忍吾著叫多左碗飯。肉蟹肉質飽滿，仲保留住鮮甜，無比咖哩搶哂風頭。【泰式燒豬頸肉】$68 （小）豬頸肉比較瘦，食落柔韌仲帶一點點脆感，烤到油脂四溢，有微微碳燒既焦香。【雜錦椰汁西米糕】$44（6件）原味、芋頭味、咖啡味、芝麻味、班蘭味同埋芒果味。最正系芒果味，椰漿加埋鮮芒果漿整成上層，一口落去爆漿，濃郁椰香同芒果味帶少少鹹味，西米無味剛好中和左上層既偏甜。

九龍城很多食肆而朋友剛搬進來，當然要跟她吃個飯。 今日到黃珍珍總店回味一下～ 歷史很久餐廳，環境較為傳統。珍多冰 HKD 38 熱椰子濃郁又清甜椰青 HKD 48 另一解渴、消暑之選！ 內裡還有很多肉！ 沙津拼盤 HKD 108 鳳抓肉質爽脆、扎肉、蔬菜的沙津，辣度小許辣。 辣椒羔炒聖子皇 HKD 180非常惹味的一道菜！ 「顯」汁能掛到聖子上，不錯！ 聖子口感爽，清潔得很好沒沙。 泰式炒椰菜苗 HKD HKD 96炒得有鑊氣！翠綠亮澤，味道爽口。 冬陰湯 HKD 166 可分大中小辣的冬陰公，建議少辣，這樣才可以吃到食物本身的鮮味。 內裡有多種材料 如磨菇、巨型鮮甜蝦。 泰式鱔串 HKD 168 平時多點牛、雞、豬，今天來個全鱔，肉質肥美，魚油也不少！ 榴槤冰條 HKD 38 朋友點了這個～ 好夠凍！

這天朋友相約於九龍城吃飯，全因為正正是泰國的新年，這年我們不能過去了，希望在香港好好感受一番。餐廳位於九龍城，附近並沒有港鐵站，但公共交通工具眾多，好像巴士小巴均能方便到達。我點選了泰式辣肉碎生菜包，豬，牛，雞三種價錢一樣， 味道方面，與泰國的沒有大分別，絕對是上品的級數， 最欣賞的就是那個肉碎， 肥瘦適中，辣味配合酸味均勻，沒有失去泰國的風味，又適合香港人的口味，絕對是多重的享受。泰國的新年，這樣便經過了，希望下年可以親自過去，再好好感受一番。

臨近媽媽生日,因為佢鐘意食泰國菜,又係黃珍珍fans,所以提早幾日訂座。由於往年有不愉快經驗(座位安排不合,加上職員態度欠佳),但媽媽一心只鐘情呢間餐廳,唯有捨面陪君。當日安排2樓卡位,幸好有電梯,因為兩老行動不便。卡位闊落,夠8-10人坐,方便我們呢d大隻人士。一坐低,經理就熱情地介紹可以下載佢地電話app的會員,以及講解返訂座可以主動要求坐樓上卡位。由於我家人一半鐘意食海鮮,一半又唔食辣,所以點菜真係有點頭痛。最後我地點左無骨鳳爪,小食拼盤,1打串燒,冬陰功湯(中)明爐烏頭,咖哩蟹,5個豬仔包,馬拉盞炒通菜,辣椒羔炒蟶子,原個菠蘿炒飯,香葉炒豬肉碎。無骨鳯爪: 一直係我同媽媽最愛,以前食真係一邊辣到流淚一邊食,但唔知點解今次食一d都唔辣。咖哩蟹: 圖片果然只供參考。圖片幾大隻,以為好多肉,食落又唔算多肉。咖哩汁又係一d都唔辣,另加左5個豬仔法包點黎食。d包好鬆軟。冬陰功湯: 得個咸字,都算足料。馬拉盞炒通菜: 通菜嫩口,無渣。其他菜式普普通通,不過不失。飯後餐廳主動送左甜品拼盤俾我地。整體我覺得而家的黃珍珍同以前的味道真的差好遠,坦白講如果唔係坐得比其他餐廳舒服,我係唔會選擇呢度。

呢度幾時都係我食泰菜既首選！今日放假訓醒就黎食lunch！牛丸併雞金邊粉，牛丸彈牙而且唔'騷' 雞方面就雞胸肉居多牛肉湯河唔係生牛肉，係鮮牛肉，鮮味牛味都十足，唔痴牙。河粉都好滑自己就鍾意生牛肉多d，比較泰feel生蝦幾時都係主角呢度既生蝦係我食過最好食既，又大隻又新鮮，個醬對我黎講雖然有d辣，但我都會浸哂成隻蝦落去淨返既醬我仲用黎撈粉食🙈身為榴槤愛好者，梗係要叫埋呢條榴槤雪條好濃郁既榴槤味仲有另一食泰菜必點既珍多冰

試過好幾次一大班人想找一間好一點的餐廳吃好些，不想去酒樓，最後都是選擇去黃珍珍食泰菜！這裡的大枱真的很多，空間非常足夠，坐得好舒服，最緊要是食物也很有質素，我最喜歡的明爐魚、生菜包、冬陰公湯、咖喱炒蟹，無論食材及調味都好出色。今次我又和一班新手爸爸媽媽朋友帶著BB去，BB櫈供應好充足！這期黃珍珍主題是傳統懷舊泰菜，推出了6人及12人套餐，8道傳統特色泰國菜餚包括：用傳統手法烹調的香辣海中霸伴青芒果絲或珍珍讚火焰燒雞、M6 級咖喱炒蟹(配以法國麵包)、柚子沙律、酸辣海鮮湯、什錦串燒沙爹、 馬拉盞通菜、原個菠蘿炒飯及特色甜品拼盤，以用料及份量來說都不算貴。今晚我們還額外點了榴槤雪糕 、 益力多雪糕食，好正！不過紅豆雪糕對我來說就甜了一點啦，我始終不太好甜。而芒果黑白糯米也是每次必吃，椰漿很香，每次芒果都夠甜。另外提一提，除了大枱多，這裡還有舒服的VIP房，我覺得無論家庭聚會，或想同朋友舒舒服服坐低傾吓計，又或者一班媽媽帶著BB，揀這裡都一定沒有錯。

說起泰菜, 立即會想起就是九龍城了, 的確這裡有着不少歷史悠久的泰國菜館, 味道地道正宗, 早前相約朋友吃開年飯, 不想又吃中菜和西餐, 今次破格一點, 想到吃泰菜, 估不到全體人也贊成, 那第一個想起的一定是紮根九龍城64年的黃珍珍.​九龍城店樓高三層, 裝潢堂皇尊貴, 樓底高, 空間感充裕, 很適合大顆兒聚餐.​泰菜以味濃為主, 亦不乏辛辣菜式, 但因為同場有小孩, 自然要稍為調整, 黃珍珍菜式選擇甚多, 有辣有唔辣, 打破泰菜不適合小朋友吃的誤解, 大人細路都岩食.​金柚大蝦沙律 食泰菜必點, 金柚酸甜有回甘, 大蝦有足足5-6隻, 都爽口彈牙, 配上大量乾蔥, 蒜頭, 胡椒等, 微微辛辣, 卻十分醒胃.​小食拼盤 分別有魚餅, 蝦餅, 蟹餅, 圓碌碌冬甩狀排好, 要仔細看才可分出是什麼饀料, 另外附上一些炸蝦片和醬汁. 蝦餅依然是我最喜歡, 彈牙又有蝦味; 蟹餅卻比較瀉身, 不夠口感, 稍稍失色. 魚餅不過不失. ​什綿沙嗲 分別有豬, 牛, 雞串, 有炭火燒烤的味道, 豬肉十分稔軟入味, 雞肉也不鞋, 反而牛肉有少許硬. 點上沙嗲醬, 又是正宗的泰式味道. ​紅寶石魚伴青

今年新年去咗九龍城3次，因為每年老公嗰邊都去 #九龍城 食新年飯，跟住又有朋友 #生日會、今年仲特別同朋友食開年飯，九龍城食泰國嘢一定係諗起 #黃珍珍。黎到 #黃珍珍泰國菜館 總係有種好熟悉嘅感覺🤗可能因為每年都會同屋企人食飯嘅關係吧！一如既往咁叫到成枱食物XD⭐️今次有我最愛嘅 #冬蔭功湯👍好大隻蝦，味道酸酸哋又唔算好辣，好味道🤗⭐️ #金柚大蝦沙律蝦仁🍤鮮味十足又粒粒都有肉汁加埋一粒粒金柚肉，口感好正！⭐️ #明爐烏頭魚香料唔會太over 服務員仲幫我哋起哂骨👍⭐️咖喱炒蟹配法包有啲辣，小朋友有得睇無得食，但大人就食得好滋味⭐️ #雜錦沙嗲串燒豬牛雞樣樣都咁juicy 配上超濃郁沙嗲醬一人一 #椰青，正呀，連椰肉都食埋！我最期待嘅畫面岀現了- #甜品拼盤主打 #椰青糕， 用真正椰青肉整嫁，原汁原味！另有食泰國菜一定要食嘅 #芒果糯米飯、 #黑白糯米，都係令人讚不絕口，芒果好甜唔酸，連埋好香嘅糯米飯係一齊食簡直係最高境界。

第三次光顧了有歷史的黃珍珍泰國餐廳，相信大部份香港朋友仔都應該聽過。但男朋友從外地回來，所以決定帶他做一次香港人😂。早在電話預約訂座，晚上七時來到時，便立即安排入座二樓^_^ 在場已有約6成滿客人。兩人共點了兩杯飲品，4個咸食和三份甜品(其中兩份外賣走) 。 埋單大約$800，很奢侈😆。飲品:椰青，和鮮榨木瓜汁1. 細份生蝦。 新鮮彈牙，小吃多滋味2. 酥炸軟殼蟹。炸粉剛剛好，很透薄。沒有太多調味，偏淡，但我喜歡的。配上新鮮菠蘿和甜酸醬。可是份量不多，是二人份量，人再多就有點不夠分了。3.泰式炒菠菜苗。 與其他評價說的一樣，惹味而沒有菜渣。男友本來不喜歡吃菜也開金口讚美味。只是對我來說，很辣，很辣... 但整體4.青咖喱，加兩碗靚仔。 味道是不錯的，但與以前吃的感覺有點出入。稍稍稀了點，和青咖喱中的椰奶味有點淡。不過仍然是很下飯。5.雜錦西米椰汁糕。 芒果，班蘭，咖啡，原味椰奶，香芋，黑芝麻。看我吃完一整份，再另帶走兩份，便知道有多值得吃！

唔講你或者唔知，（其實有冇乜必要知🤗）， 林太其實係九龍城長大， 記得呢個當時稱為 #美食之城， 而且位處接近廣播道， 每日都係明星搵食之地， 必吃超滑豆花、清真牛肉餅，同一街泰式美食！ 呢一日就約埋 ＃全職bb聯盟 一班好朋友， 帶埋林小姐重溫我嘅九龍城狂熱， 返嚟食餐好~ 我地揀左 黃珍珍泰國菜館 - 九龍城店 ， 記得當年已經晚晚滿座咖啦， 今晚都唔例外！ ［林太推介必吃] 🥢椰青 林太林小最愛，但咀尖BB 只愛清甜嫩肉椰青， 佢今次自己搶住飲，證明質素啦！ 🥢金柚大蝦沙律 金柚拆肉，拌入紅葱頭、 魚露、青檸汁及椰糖， 甜中帶酸，仲布有啖啖肉大版蝦！ 🥢明爐烏頭魚 魚王林小姐必點！肉嫩清香，而且熱住食，BB 們可以慢慢歎 🥢咖喱炒蟹配法包 大肉蟹、別加入蟹膏一齊煮嘅咖喱汁，蘸麵包食， 辣而鮮甜，味覺層次一流！ 🥢雜錦沙嗲串燒～ 沙嗲串燒係食泰菜必吃，以黃薑粉、咖喱粉、胡椒粉、豉油、 魚露和糖醃過嘅雞肉同牛肉，又厚又嫩，明火燒到勁香， 加埋以黃咖喱、椰汁同花生碎混成嘅沙嗲醬食～YUMMY！ 🥢炭燒豬頸肉 呢個亦係林太最愛呀，炭燒風味真係同爐燒冇得比，又香又J

咁出名嘅泰菜館‼️我咁大個女都係第一次去食😝果然名不虛傳👍🏻好好食😋非常回味！原因佢哋由專人選材至泰國當地，菜式均由泰籍廚師主理，食到係最原本嘅泰菜風味🤤🤤🤤我哋一圍枱叫咗呢個「泰愛泰珍味盛宴」套餐，因為都多小朋友，所以將個酸辣海鮮湯改咗做南瓜忌廉湯～馬拉盞通菜改咗做鮑汁螺片炒通菜，另外再叫咗小食拼盤、芒果糯米飯同原個椰青飲品！超滿足呢👍🏻設有BB櫈，以後食泰菜都可以帶埋小朋友啦👏🏻🥗柚子沙律🥗啖啖金柚肉！超爽甜！拌入紅葱頭、 魚露、青檸汁同椰糖，味道多層次！🐟香辣海中霸伴青芒果絲🐟泰國直送紅寶石魚，炸後依然滑嫩，脆口唔油膩！鋪滿青芒果絲同秘製醬汁，辣中帶酸~非常美味開胃！🍡什錦串燒沙爹🍖沙爹醬汁超惹味！配埋豬肉、牛肉、雞肉，食唔停口啊！呀仔食完一串仲話要添！🐤南乳燒雞🐤皮脆肉嫩，肉汁豐富！好香口！伴有蝦片～小朋友最愛～🍍原個菠蘿炒飯🍍必食菜式之一！賣相吸引～飯炒得乾爽，粒粒分明！有腰果、肉鬆、臘腸、提子乾同青豆，材料好豐富，口感有軟有硬好得意！🥠小食拼盤🍤有魚餅、蝦餅、蟹餅，香脆可口！大人細路都食唔停口！🦀M6級咖喱炒蟹🦀M6級大肉蟹，蟹肉結實，非常鮮味！秘製咖喱汁特別加入蟹膏一齊煮，

平時你地派利是會派到年初七定年十五？我地就會派到年十五，新年假期太短，唯有星期六、日繼續開年飯 + 團拜活動，平時一大班人，大家都一定揀中菜，但今年我地又想特別啲，所以決定揀泰菜，於是揀咗九龍城黃珍珍，因為佢有3層，而且環境好好！前菜嚟個開開胃胃嘅【金柚大蝦沙律】好多隻大蝦，好正！柚子沙律好開胃，為即將落嚟嘅菜打開個大胃口。大人就食沙律前菜，小朋友當然飲個靚湯做前菜啦！【蟹肉南瓜湯】真係好正，望落好似冇咩料？入面有好多蟹肉，真係好足料！之後嚟個【小食拼盤】有蝦餅、魚餅、蟹餅，配埋酸辣醬食，真係好正！泰菜必食！【什錦沙嗲串燒】豬、牛、雞各4，樣樣都試下，大人可以配埋沙嗲醬一齊食，小朋友就咁食都好滋味。主菜【香辣海中霸伴青芒果絲】望落好似好辣，但你就錯啦！其實唔係好辣，反而係酸酸地，少少辣味。而魚就係泰國直送紅寶石魚，真係會食唔停口，連我對仔女都食唔停口，必食！有魚點可以冇雞？【南乳燒雞】名字望落好似冇咩特別？等我話你知，燒雞好香脆，雞肉食落去又唔會好「鞋」口，真係小朋友至愛。正所謂一份肉三份菜，雖然今餐未必做到，但食菜是必需的，由於我地多小朋友，一於將馬拉盞通菜改做【鮑汁螺片炒通菜】，小