黃珍珍泰國菜館

营业中

休息中

大多數中意食泰國菜既人都會識得黃珍珍，開業數十年，即使依家有好多泰國館，食泰菜都係會簡番黃珍珍。🔸生牛河 $52先黎左牛肉河，賣相無特別，但味道一流。湯很鮮甜，不會太咸，河粉出奇地滑身，連牛肉都係用上鮮牛肉而非急凍貨，十分抵食。🔸馬拉盞通菜 $9610個有9個都係會簡馬拉盞，剩番一個簡飛天😂😂😂，呢度通菜就用左通心菜，無甘入味，但菜就好新鮮爽口。🔸什錦串燒 （半打） $118叫了豬牛雞各兩串，串燒肉質不太新鮮，醬汁花生味比較濃郁。🔸泰汁燒日本魷魚 $118完全係意想不到的大隻，差唔到有半隻手長度，而且不是冰鮮貨，沒有雪味。魷魚表面的醬汁甜中有辣，肉質彈牙，十分推薦。🔸辣椒膏炒蜆 $128醬汁比較稀，蜆的分量比想像多，約有15隻，每隻都好大粒，唔會有沙，亦都無腥味，味道無想像中的辣，值得一試。餐廳環境十分寬敞，分上下兩層，坐位亦都舒服，價錢稍貴，但以份量及質量取勝，喜歡食泰國菜的朋友，黃珍珍值得一試。

相約朋友在九龍城吃泰國菜，九龍城有小泰國之稱，有很多不同的泰式菜館。亦因為有大量泰式菜館的關係，質素非常參差，今次選擇了位於大街的黃珍珍泰國菜館，是非常正宗而且大品牌的餐廳，如果有選擇困難症的食客，可以放心在這裏響用美味的泰國餐。今次跟朋友點了咖喱蟹，豬頸肉，串燒等不同傳統的泰國美食，全都比外邊的餐廳美味，而且價錢不是十分貴，環境更比外邊的餐廳舒適。九龍城的環境比較適合泊車人士，周邊都有非常多的泊車位。

 咖哩香與M6蟹交織出的美味自己剛到曼谷旅行, 回來之後不斷想念泰國的美食, 尤其是泰式咖喱蟹自己煮的確感到麻煩, 又要預備香料, 又要預備蟹, 倒不如走去九龍城一趟, 找地道的泰國餐廳吃一餐更方便,於是這夜就找到了老字號黃珍珍-餐廳在九龍城很多年, 雖然裝修不算新, 但勝在夠大, 有兩層, 想幾多人黎都得。是夜叫了兩款主菜, 當然不得不提的是咖喱炒M6級大蟹-泰式咖喱蟹集甜、濃、辣、香、滑於一身，汁料滿滿一盤-香濃惹味之餘又不太辣又充滿黃咖哩香味M6級是指特大珍寶尺寸（Ｍ６）的蟹 , 超大隻又入味-蟹肉吸收了咖喱滋味, 而且仲啖啖肉, 皮薄肉嫩, 新鮮惹味。蟹肉結實, 蟹肉多厚實, M6大蟹同甜辣度適中的咖喱汁混合, 味道鮮濃, 蟹肉啖啖肉，鮮甜好有層次!--另外又叫了泰式海南雞飯---海南雞雞肉彈牙嫩滑, 雞肉要香要滑,  雞肉皮薄，肉厚多汁, 漂亮的金黃色-已去骨讓人容易吃, 油飯煮得油而不膩, 富香油而入味, 配自家調製的泰式醬汁, 酸甜味濃，挺開胃的, 叫人欲罷不能。

🔎九龍城打鼓嶺道23號百營中心地庫至1樓 *「高質出名泰國菜 – 多年來都沒失水準」- 黃珍珍泰國菜館.泰式辣肉碎生菜包($118)呢間嘅生菜包有唔同肉類選擇。有牛、豬、雞，但我自己都係比較鍾意豬嘅配搭。但菜我就覺我大塊咗少少，但都可以接受。汁好夠好入味。雜錦串燒半打($118)睇menu個時同朋友度嚟度去，唔知要邊種串燒好。最好覺我都係雜錦好，唔駛煩。半打剛剛好，我仲食剩咗一串。個醬汁好濃，點少少已經好夠。冬蔭功湯1客($88)本身想要2人份量大碗D，但朋友話黃珍珍出名大碟又抵食，驚飲唔哂，所以叫咗一客。但隻蝦成隻手掌咁大隻，真係不得了。馬拉盞炒通菜($96)馬拉盞炒菜永遠都係最好選擇。而自己覺得都係同通菜係最夾。所以都係要咗通菜。但真心好大碟，但菜食多D有益，所以我哋食哂啊！咖哩炒蟹($368)黃珍珍其實最出名係個咖哩炒蟹，超級大份，所以一D都唔算貴。同埋咖哩根濃，撈飯都一流。唔錯唔錯！朋友都大讚蟹就算加咗咖喱都好鮮，所以真係值得試嫁。🍽7.5/10

天氣熱想吃泰國菜，酸酸辣辣很開胃。九龍城泰國菜林立，早前男友午飯食過黃珍珍不錯，今日帶我黎食晚飯！兩個人柯打了4個餸，一個甜點。泰式燒豬頸肉，食泰菜必點，黃珍珍的豬頸肉沒有坊間燒得咁燶，但是食落有重好嫩滑嘅感覺，雖然係不健康食物，但係燒過後迫左油份出黎，不覺邪惡。泰式明爐蒸烏頭，烏頭魚輕輕煎過，配合香茅，薑蔥等調味，待十五分鐘煮熟可吃，二人吃一條烏頭非常足夠，啖啖肉而嫩滑，配著調味醬汁同吃非常開胃。什錦串燒半打，豬牛雞各二，豬肉較乾身，但牛肉及雞肉很出色，尤其雞肉非常嫩滑有肉汁。馬拉盞炒通菜，店家指明通菜是泰國直送，值回票價！的確同我地一般食開的本地通菜不同，莖部較粗較挺身，菜葉部分較少，馬拉盞香口惹味！最後甜品點了香芒糯米飯，夏天很想吃水果，芒果糯米飯岩晒，白糯米煙韌紫糯米有咬口，配微暖椰汁吃，是最愛的甜點之一。兩個人簡單吃五百多有魚有菜有肉有甜點，非常滿足。

黃珍珍個名細個時候聽唔少，知道食泰國菜好出名，今晚都係第一次去食。環境相當寬敞，有兩層，大枱極多，十分適合一家大細或大班人聚會。好久沒吃泰式咖喱炒蟹，正好遇著剛剛，雖然貴了一點，就吃唄！柚子沙律($98)柚子份量多，放了脆脆的花生、蝦米，口感不錯，醬汁酸甜度剛好，搭配的柚子也很甜，很爽口，這個沙律好吃又開胃。咖喱炒蟹($368/1隻)蟹不單新鮮，而且很肥，肉質飽滿，還有吃蟹一定要用手吃才是最滋味的，洋蔥也很甜，咖喱香辣綿滑，惹味之餘又不太辣，令人欲罷不能。豬仔包($9/個)，2個起，即烤，非常酥脆，蘸咖喱吃味道一流。白飯($15)

好耐無一家人出去食飯，今次就去食泰國嘢。主要係我同媽媽都好鐘意泰國菜啲酸酸辣辣味道。我媽媽指明要食呢一個魚。火爐keep住煮幾特別。我個人覺得呢煮得耐，食得慢，啲魚就開始慢慢變得越嚟越老。羅宋湯，香料味好重，椰汁味好重，一啖食我就會覺得呢啲味太重唔好食，慢慢又覺得好似都幾OK咁。青咖喱羊腩。覺得青咖喱唔夠香，下次食都係唔食青咖喱啦。羊腩手都幾香幾好食嘅。辣蟹。佢嗰啲炸蒜之類嘅配料好香，啲蟹又幾新鮮，鮮甜得來又熟得剛剛好。菠蘿真係好甜。

同表姐去九龍城食泰菜以解思鄉之愁 有間歷史悠久 我細細個就聽過佢個名店員姐姐都好熱情招乎 坐低就即時送上兩杯水今次揀個午市套餐 先食青木瓜沙律做前菜落單時可以自選辣度 唔辣 小辣 或者正常辣度 酸中帶微辣嘅青木瓜絲 加上車厘茄 爽口醒胃豉油王什菜炒金邊粉 第一次食素菜版pad thai 原來味道都唔差 以芥蘭 紹菜 紅蘿蔔 作配料 金邊粉口感煙韌有彈性 落豉油炒香 令金邊粉微鹹而且色澤均勻 惹味度不下於肉食版pad thai 原來套餐可以用優惠價$68加點炸蝦餅切成兩邊嘅金黃色蝦餅 內裡蝦膠彈牙有嚼勁 點上泰式梅子醬 蝦餅香脆之外更帶份甜大量脆卜卜蝦片伴碟 一次過食晒兩款質感嘅蝦餅表姐突然興起想食咖喱炒大頭蝦 我當然樂意奉陪五隻大頭蝦肉質爽彈鮮甜啖啖肉 蝦頭暗藏蝦膏咖喱集合甜辣香濃於一身 洋蔥大蔥爆出香氣 雞蛋椰奶作為甜味 微辣度令大人細路都啱食濃稠咖喱汁引得我地追加法式麵包用黎撈汁食飽再飲番杯粒粒龍眼肉嘅龍眼茶 滋喉無死甜 表姐杯青檸冰 酸香爽口 夏天飲解渴消暑老字號泰菜果然與眾不同 小食主菜飲品樣樣佳品

黃珍珍這家超有名的泰國菜，很久以前就已經有聽過了，不過一直都因為太多客，所以一直都吃不到。今天晚上我特別訂了位，終於有機會試了！原來黃珍珍還有地牢跟２樓，感覺非常大！雖然他們有很抵吃的２人餐，但太多食物了！我們還是選個Ａ　ＬＡ　ＣＡＲＴＥ比較好首先就選了一個菜，生菜包既有肉又有菜，非常抵食。肉碎份量很多，瘦肥肉比例適中，輕微辣味加少許酸味，很是開胃。另外就點了一個南乳燒雞，皮是超級脆，幾乎像是薯片的脆度了，很夠味很爽！南乳汁不會太咸，即使誤把雞肉跌下醬汁盤，味道也是剛剛好。半隻雞的份量不算很多，很快就被ＫＯ了！另外一份是咖哩羊腩，羊肉半肥瘦而且非常稔軟，而且還超濃椰香又甜，吃著吃著又是很快吃完！最後一個是大亮點，榴槤肉超好吃，又甜又ＣＲＥＡＭＹ，不會爽身乾水，跟椰汁黑白糯米的配搭不輸芒果！

要吃泰國菜，當然要到九龍城，而要吃到最正宗的味道，相信黃珍珍絶對是不二之選。位於九龍城打鼓嶺道的黃珍珍，佔地非常大，餐廳分了上下兩層，能一次過容納大量食客。而餐廳的裝修設計亦充滿泰國風情。鮮椰汁海帶綠豆冰及椰汁冰 天氣非常炎熱，坐下後第一時間就點了兩杯飲品來喝，鮮椰汁海帶綠豆冰及椰汁冰入口都充滿椰汁香味，甜甜的，非常解喝。泰式燒豬頸肉 豬頸肉雖然被燒香，但入口質肉依然能保持嫰滑細緻，一點都不粗鞋，而且還帶有濃濃的燒烤香味，點上醬汁後，非常惹味。魚蛋金邊粉 這個魚蛋金邊粉的份量十足，魚蛋及魚片的數量都很多，以HK$40多元的價錢，可以說是非常抵食，魚蛋口感超級爽彈，金邉粉入口滑捊捊，湯底帶有淡淡泰式香草味，個人十萬個推介。原個菠蘿炒飯 菠蘿炒飯大大個的，份量十足，最重要是材料多，除了有主角菠蘿外，還有大蝦、腰果、肉鬆、提子乾及臘腸粒等等，大蝦約有4-5隻，全都是口感爽脆彈牙，配上味道香甜的菠蘿肉，以及帶點鹹香的肉鬆，以及有咬口的臘腸粒，口感層次非常豐富。

貴為全個九龍城最大間嘅泰國餐館，我發現自己竟然從來都冇去食過weekday大約七點左右眼見佢地下果層都滿左我終於都決定要幫襯下！好唔好食未知，不過食前覺得佢嘅服務真係好好，會問我地飲暖定凍水，加分👍🏻👍🏻呢個紅咖哩蝦球好香，辣就唔辣，但咖哩底都做到有蝦味我覺得好勁👍🏻👍🏻蝦球都有好多隻，將熱辣辣脆卜卜嘅法包再點埋啲咁好味嘅咖哩汁我覺得已經夠哂飽🤩椰菜苗個醬汁都整得好好味，有啲黃豆醬加蒜炒，食到本身嘅菜香味👍🏻冬蔭公湯一客都咁大兜，酸酸辣辣兩個人share其實岩岩好，估你唔到入面竟然有成隻大頭蝦，好足料！椰青大大個，非常厚肉多汁，叫店員拎個唔凍嘅嚟佢都話盡量幫我地搵啲冇咁凍嘅，end up都真係唔係好凍，呢樣又係值得加分呢個雜錦西米糕又係好有驚喜！$44有六大舊👍🏻仲試到咁多唔同嘅味，好surprise!有椰汁，芋頭，斑蘭，芒果，咖啡同黑芝麻，每款都係真材實料因為有痴住啲唔同味嘅原材料係啲西米上面！當中我最鐘意芒果，班蘭同椰汁，真係有好多芒果粒同埋班蘭同椰汁味勁香👍🏻芋頭就好似飲緊大甲芋頭奶咁，而黑芝麻同咖啡就有啲偏甜，不過都好好味以呢個服務，呢個環境，呢個食物水準，我覺得二百幾蚊一個人

黃珍珍呢間泰菜都真係好有名氣，今次過泥試下。。餐廳好易搵，大大個招牌而且係有兩層添。我地8點左右到，餐廳吾算好多人，好多位。樓上都無開，只係開左地下一層。坐底員工會斟熱水，之後就無理我地🤣要再問左2次先拎餐牌俾我地。餐牌選擇好多我地最後點左以下既食物👇🏻👇🏻冬蔭公湯（小碗）呢個湯材料好足，入面有隻大頭蝦，好多香茅，個湯味道真係岩岩好，吾太酸同辣。菠蘿🍍炒飯:基本上呢個飯係必點，原個菠蘿入面放上炒飯。入面有什豆，菠蘿，腰果同肉鬆。飯炒到好乾身吾太濕，但我覺得吾夠香。泰式豬頸肉:一碟小既有十片，每片都切到薄薄甘去燒。不過覺得燒得乾身左，同可能放得耐，完全吾熱，定原本就吾係熱食？吾知呢。青咖哩牛肉:原來青咖哩係椰汁味重啲，而咖哩入面有泰國小茄子🍆 ，係圓形一粒粒既，好好食好特別！牛肉都吸哂青咖哩味，好滑吾痴牙。其實我覺得應該要點一碗白飯去用咖哩撈飯，不過真係太飽，我個朋友仔就甘飲啲咖哩汁，佢話好好味🤣🤣燒原條魷魚🦑真係好大條！切好哂一舊舊。食入口一啲都吾un，仲有少小汁添。不過都係吾熱既，但可接受的。芒果西米露:西米好q好大粒，椰汁味好香濃，芒果都好甜好好食。不過覺得好細碗略嫌有啲貴，出去食

要食泰國菜，大家二話不說一定要指定去九龍城食，係，我認我對九龍城有種情意結，佢既舊又新，我愛懷舊，總覺得有啲嘢係原著好啲，就好似黃珍珍泰國菜響九龍城咁多年一樣。今晚有約大夥兒一齊去食泰國菜，已經係N次去食但係總覺得好新鮮，鍾意呢間餐廳係因為面積好大，有10幾人嘅大圓枱，同其他泰國菜館好唔同，呢度來的主要係食下，有街坊街里，有啲就好似我咁久唔久幫襯。一大伙兒各自各點左鐘意食嘅菜，我一定叫泰式生蝦，唔係間間我敢食，係呢間我覺得新鮮衞生。加上泰式酸辣汁，再夾片生蒜，鮮味無比！泰式串燒未必食嘢，正宗做法，燒得好香口。老公就點在黃咖喱豬，同埋咋蒜香針椰菜BB，椰菜BB唔係度度都有得食，椰菜BB都幾貴㗎，呢個一定要叫，加埋上湯好清甜。　總括來講，水準仍然保持！

黃珍珍呢個名大家應該唔陌生，以前時不時都會去食下，不過九龍城泊車出名困難，所以呢一兩年都比較少去，近排屋企人又話想食所以就特登又去試吓。一嚟到首先叫咗個椰青先，我就最鍾意飲椰青㗎啦，椰青青青甜甜仲有好多肉$48 正。叫咗個招牌咖喱蟹，咖喱味超正蟹肉又多肉唔係嗰啲林啤啤既肉，都算係幾足料配飯同埋麵包好正。另外仲叫咗媽媽最鍾意食嘅馬拉盞通菜，蝦醬味好足夠唔錯。屋企仲有一個食肉獸，當然要叫咗豬頸肉啦。豬頸肉啖啖肉好滿足 。

黃珍珍最興旺的時期 正正是 舊啟德機場還未搬遷的時候， 那時候 送機的人群 一般會在九龍城先吃過飯作道別然之後才到機場， 所以 那個時候九龍城很是興旺。黃珍珍 是一般本地人 喜愛的食肆， 港式泰國菜 是他們的主打， 咖哩蟹 是馳名的， 肉質鮮甜多蟹汁， 最重要的是他們的 鮮黃色咖哩醬， 滿滿的椰汁香 ，淡淡的咖哩味， 混和了雞蛋汁 ，充滿泰國風情， 咖哩汁用嚟沾 白飯麵包或者米粉 更是一絕! 這裏的米粉是特製過的， 超幼身， 口感細滑! 但是咖哩蟹的價錢絕不便宜 要三百多元， 還記得早十年前價格才是108元， 香港的物價真的想像得很快。