麻甩爐海鮮雞煲私房菜 (銀座廣場)

营业中

休息中

澳洲和牛海鮮雞煲套餐首先，讓我們來談談前菜。凍蟹和翡翠螺是我們套餐中的海鮮選擇。凍蟹肉質鮮嫩，入口即化，給人一種濃郁的海鮮味道。翡翠螺的口感鮮甜，搭配著微微辣的調味料，非常開胃。接下來是炸物拼盤，裡面有餃子、可樂餅和小丸子。這道拼盤是我的最愛之一！餃子的外皮煎得金黃酥脆，內餡豐富多汁。可樂餅酥脆香氣四溢，小丸子則軟嫩入味，這些炸物滿足了我的味蕾。接著是主菜的雞煲和鮮茄豬骨牛尾鍋。雞煲的湯頭鮮濃，充滿了雞肉的香味，搭配著各種蔬菜和香料，味道豐富而濃厚。鮮茄豬骨牛尾鍋則是口感豐富，湯底醇厚，牛尾肉燉得軟嫩，豬骨湯的鮮甜與番茄的酸味相得益彰。最後，配菜自取。這裡提供了各種新鮮的蔬菜和醬料，讓客人可以按照自己的口味搭配。這樣的設計很貼心，能夠滿足各種飲食需求。

天氣涼返又想食雞煲打邊爐就去左依間旺角依間麻甩爐每人$398已經包哂刺身冷盤、炸物拼盤、任食雞煲豪華時令海鮮拼盤同任食邊爐刺身同炸物都係正常發揮冷盤可以揀翡翠螺或者凍蟹凍蟹份量唔細都幾大隻然後雞煲足足有4款選擇最後揀左藥膳花雕醉雞煲店員建議一開始可以飲左個湯底先望落好足料飲落似老火湯無味精雞件食落好滑而且醃得好入味啖啖充滿酒香同藥膳湯底好夾食完雞煲就打邊爐又係有4款湯底可以揀揀左特色酸菜魚片鍋可以選擇辣度好足料同埋魚肉幾滑海鮮拼盤有鮑魚、蜆、海蝦、魚片同帶子樣樣都幾新鮮食落有鮮味比較推薦鮑魚同帶子肉類有M7澳洲和牛同頂級牛板腱仲有其他唔同既火鍋配料任食依間雞煲邊爐真你好多選擇而且性價比唔錯，值得一試！

依間集合左刺身雞煲海鮮邊爐如果好拆得嘅朋友真係建議可以嚟食🤜🏻🤛🏻首先真係好抵食佢會俾你揀翡翠螺或者食蟹同埋個蟹係凍食嘅 都大隻頭盤嚟講算幾正之後會上刺身有三文魚油甘魚等等同埋邊爐係可以出去拎料嘅嘢飲係任飲嘅啲嘢飲仲要係好大眾好飲嗰啲配料都係任拎嘅個場算好乾淨首先食雞煲可以食完再加雞加雞加辣度都可以我哋食咗兩round雞之後我哋食打邊爐就食海鮮啦首先都有蜆 鮑魚 帶子同生猛嘅蝦同埋之後可以任叫蜆有沙白都好大粒同埋可以任叫牛啲牛都有幾款仲有豬頸肉，豚肉等等其實都一定會夠飽🤲🏻

#旺角地膽 今次去麻甩爐海鮮雞煲私房菜，用靚湯雞煲再打邊爐，menu主打無味精靚湯雞煲打邊爐！M7澳洲和牛海鮮雞煲套餐，先食雞煲、仲有刺身、冷盤、特色小食、海鮮盤、M7澳洲和牛無限添加！自助區有蔬菜丸類等！十分豐富！🍲M7澳洲和牛海鮮雞煲套餐 $398/位 🍣刺身。冷盤：有香甜肉嫩嘅冰蟹一隻、又冰又辣嘅冰火翡翠螺；刺身有厚切三文魚、赤蝦、油甘魚、八爪魚等，鮮味十足！🥣雞煲今次我揀左唔辣嘅養生蟲草花雞煲！無味精想試下靚湯！湯頭口感濃鬱，順喉美味！雞肉肉質滑嫩，新鮮美味！🍲食完雞煲跟住開始打邊爐，四款湯底中我揀左混你個醬卜卜蜆鍋！鍋底濃郁惹味，卜蜆隻隻都勁肥美飽滿！🦞動L豪華時令海鮮拼盤(每位五款）：口感爽彈嘅鮑魚、鮮甜美味嘅海蝦、口感滑溜嘅魚片同大大粒沙白！🥩M7和牛、頂級牛板腱：M7和牛肉味香濃，呈雪花紋理，油脂香盈；頂級牛板腱脂肉均勻、肉質細膩！🍤炸物有炸蝦、餃子、章魚燒等，炸得香口而不油膩，份量啱啱好！大滿足！麻甩爐海鮮雞煲私房菜 (旺角)📍旺角彌敦道565-567號銀座廣場LG樓

呢幾日涼涼地，就約左朋友去打邊邊食雞煲呢間邊邊新開，所以就同朋友去try try有 凍食刺身雞煲打邊爐 咩都有， 啱曬我咩都想食嘅人。入到去，位置唔會太迫，全部卡位，所以都坐得好寛落。因為得一個套餐，所以都不用諗太多，店員好快就送上凍食同刺身，宜家雞煲加打邊邊好多地方都有，但有凍蟹同凍螺食都係第一次見到，好特別。兩樣都好好食我朋友就欣賞凍螺既汁。之後就食刺身， 刺身都好多有三文魚 帆立貝 生蝦 北寄貝，全部都好新鮮，而且係厚切，所以食落係啖啖肉感未食雞煲之前， 仲有碟炸物， 脆卜卜好好味， 炸得啱啱好。之後就到戲肉，我地叫左 招牌麻甩雞煲，店員預先幫我地加熱，當我地食完 刺身，就啱啱好可以食雞煲，個雞煲既 醬料好特別，好野味，一般雞煲係麻辣多，他仲有香同甜味，而且d 雞 好嫩滑， 個雞煲可以任食， 但為咗留肚打邊爐所以冇再叫喇！但他個汁好好味，我朋友不停食他既配料，因d 汁已吸曬味好想打包d 汁回家自己用來炒菜，問店員加左咩，店員話係 秘製配方最後就打邊邊，有幾個湯底揀，我地揀左卜卜蜆煲。先食左個卜卜蜆，再加湯打邊邊，本身會另上幾款海鮮同幾碟和牛，靚肉肉，之後其他配料就係出面自己拎，配

📢calling大胃皇，唔知食咩嘅你放題就岩晒啦，刺身雞煲卜卜蜆邊爐，真係食食食到冇停手，3個鐘任食，唔怕你食，最怕你唔嚟🤪🤪🤪環境：7/10旺角港式火鍋店風格，地方勝在夠寬敞闊落，行過路過唔好錯過😋食物：8/10M7澳洲和牛海鮮雞煲套餐 $398每位1️⃣套餐會跟據人數先嚟時令刺身拼盤同凍蟹或翡翠螺頭盤，刺身竟然好新鮮👍🏿2️⃣香脆炸物拼盤🐙有唔同款色炸物如炸餃子、南瓜餅、章魚燒等味道唔錯，嚟到個時仲熱辣辣😜3️⃣招牌麻甩雞煲🐥（小辣）醬汁非常惹味，炒雞個時香氣四溢，而且雞件數量都唔少(仲可以無限encore)🤩，雞肉滑之餘仲相當入味，薯仔仲係另一焦點，軟腍之餘更吸收哂醬汁，正4️⃣灑你個醬卜卜蜆鍋🐚湯底酸酸辣辣相當醒神，有d泰感覺🌿，蜆肉嫩滑入味，食完啲蜆道可以正式打邊爐啦🤤打邊爐個時仲會有一個動L豪華時令海鮮拼盤，M7和牛、特家海鮮同自助區無限任食添加，真係食到不要不要🙈💰性價比：7.5/10 人均$400蚊左右有咁蟹咁豐富嘅食物任君選擇，成班朋友仔嚟就唔洗左就右就，鐘意食咩就去拎，當要仲有雪條飲品放題啦🤣

這次又和大胃王朋友吃飯，我們來到油麻地這家餐廳，不單可以一個價錢吃到飽，還可以一次過滿足我們所有願望（刺身+雞煲+海鮮+火鍋）❤️💝收費星期一至四：$398/位🔺限時3小時🔺星期五、六、日、公眾假期及前夕每位另加$20💝刺身、冷盤、炸物▪️時令刺身拼盤：赤蝦、三文魚、鯛魚、八爪魚和北寄貝，每一款都很新鮮～▫️冷盤：有凍蟹和冰火翡翠螺可選，我們各選了一款。凍蟹鮮甜，翡翠螺口感Q彈～▪️炸物：有南瓜餅🎃、小丸子、餃子和吉列蝦，炸得香脆～💝雞煲雞煲有以下四款選擇👇🏻：🔹招牌麻甩雞煲🔸藥膳花雕醉雞煲🔹養生蟲草花雞煲🔸特濃花膠雞煲（需每位加＄20）我們選了麻甩雞煲，雞煲叫了小辣，醬汁吃起來很香、很惹味，味道甜辣甜辣。雞肉非常嫩滑，就算是雞胸也不會很柴～💝湯底湯底有以下四款選擇👇🏻：🔹招牌麻甩魚片鍋🔸特色酸菜魚片鍋🔹混你個醬卜卜蜆鍋🔸特濃鮮茄豬骨牛尾鍋我們選了特濃鮮茄豬骨牛尾鍋，蕃茄味濃郁，湯底微酸，口感清爽～▪️動L豪華時令海鮮拼盤每位有5款海鮮，包括：蝦🦐、鮑魚、蜆、貴妃蚌和魚片。全部都很新鮮～▫️ M7澳洲和牛和頂級牛板腱牛肉也可以無限添加，我們叫了M7澳洲和牛、頂級牛板腱、牛胸爽、牛後胸片、黑毛豚肉片

週末將至，計劃約朋友出來放鬆，互訴生活中的大小事，朋友想行街購物之餘，又可以食晚餐，於是大家多番決定之下，來到地點人流很旺，交通四通八達的旺角打邊爐「麻甩爐海鮮雞煲私房菜」。店內裝修簡約，佈置優雅，乾淨整潔，我地選擇了晚市澳洲和牛海鮮雞煲$398/位，可任飲任食三小時。是令海鮮拼盤凍蟹大隻，蟹肉多，食落好鮮味。辣酒花螺花螺新鮮，辣度剛好，味道好正。刺身拼盤拼盤有三文魚、鮮蝦、帶子等，好鮮甜，美味可口。炸物拼盤入面有南瓜餅、蝦天婦羅、芝士年糕、炸蝦，最愛南瓜餅十分香脆，可以encore。藥膳花雕醉雞花雕醉雞味好香，加入藥膳湯底，湯濃郁又鮮甜，雞肉嫩滑，讓人垂涎欲滴。特濃鮮茄豬骨牛尾鍋牛尾鍋份量十足，煲內大塊骨頭，仲有三大塊牛尾煮至軟身，牛味香濃，入面茄味濃，飲落蕃茄味好甜。豪華時令海鮮拼盤拼盤提供鮑魚，蝦、大扇貝、沙白蜆，貴妃蚌，見到仲識郁，海鮮非常新鮮，彈牙又爽口。肉類M7澳洲和牛及頂級牛板腱好大塊牛肉，油脂分佈均衡，食出好濃的牛味。牛胸爽肉質嫰滑，香濃牛脂味，黑毛豚肉肉汁多，肉質有彈性。自助區外面自助區任食多種火鍋配料，丸類、菇類及蔬菜等，仲有多款飲品同雪條任你都選擇。麻甩爐海鮮雞煲

放工搵左間雞煲食,出乎我意料地正😍坐低先知原來一個價錢包唒雞煲同邊爐,仲有埋刺身、冷盤、炸物、海鮮拼盤等🤤刺身好似放題咁放得好靚!而且新鮮肥美!凍蟹好大隻,提供較剪同手套好方便食!係我超級中意食嘅蟹膏,勁多膏😍而且蟹肉都好實好鮮甜炸物有南瓜餅、炸蝦、餃子、章魚燒,份量啱啱好唔會食完飽唒😋南瓜餅好甜冰火翡翠螺好好食!螺肉大隻爽口彈牙而且好入味!食完就可以叫店員幫手炒熱個雞煲,雞煲勁多汁,我地叫左中辣好正!辣得黎甜甜地,仲有好多洋蔥同薯仔,雞件都好多肉好滑,真心唔錯!食完雞煲就可以出去拎火鍋配料同轉火鍋湯底!湯底好吸睛!食落好香辣味同香料味👍🏻入面本身都唔少魚片,魚片好滑好入味~海鮮拼盤好豐富好靚!隻蝦好新鮮仲識郁😱鮑魚好爽口,落呢個湯底唔錯👍🏻沙白都好鮮甜多汁,正!M7澳洲和牛油脂豐富,食落較滑,同牛板腱都好重牛味~.總括黎講呢個價錢可以食到咁多野仲可以食3個鐘真係抵食!見佢有生日優惠,下次約多幾個friend去先😋

人均$398就可以食盡M7澳洲和牛，海鮮，雞煲，火鍋，會唔會太豐富🤣🤣🤣難以置信既滿足感❤️勁多野食仲好高質1️⃣一開波就上個刺身拼盤，5款刺身，厚度大方，新鮮刺身打個頭陣先2️⃣再黎就凍蟹同冰火翡翠螺各簡左一份凍蟹蟹膏鮮甜，蟹肉勁飽滿，值得一讚翡翠螺調味麻香，肉質爽口3️⃣香脆炸物拼盤：不過不失，正常發揮4️⃣招牌麻甩雞煲（小辣）麻麻辣辣，辣味好香，唔係死辣，雞件更係嫩滑juicy，特別雞皮位索滿湯汁，彈牙好食，超級入味，好惹味4️⃣混你個醬卜卜蜆鍋又係一係好濃郁惹味既鍋物🤤，卜卜蜆隻隻都勁肥美飽滿😍，食哂啲蜆，再加湯就變火鍋🍲有M7澳洲和牛同頂級牛板腱（*無限添加架），仲有動L豪華時令海鮮拼盤(每位五款），真係好動L😂部份火鍋配料同甜品飲品係出面自助區自取

今日收工去左油麻地呢間雞煲x火鍋店，幾有驚喜😍😍好耐無食過任食嘅質素咁好😋😋M7澳洲和牛海鮮雞煲套餐呢個套餐人均$398，係先食雞煲後火鍋概念☺️首先店家會提供刺身冷盤，然後特色小食、雞煲，之後就可以享受火鍋🍲最後食埋雪糕🍦甜品刺身冷盤刺身有六點，全部都非常新鮮😍😍而且擺盤都幾精緻😍冰火翡翠螺都好惹味，凍凍地又辣辣地😋不過要數最出色一定係隻凍蟹，勁鮮甜又多肉🤤雞煲有四款口味，包括招牌麻甩雞煲/藥膳花雕醉雞煲/養生蟲草花雞煲/特濃花膠雞煲（需每位加＄20），我哋揀左招牌，雞肉香辣無比，愈食愈停唔到口🤤🤤去到尾聲轉火鍋，四款湯底中，我哋揀左蕃茄豬骨牛尾湯，店員隨即送上新鮮嘅海鮮拼盤、M7和牛及頂級牛板腱，再喺自助吧拎咗好多火鍋配料，食到臨尾捧住個肚走😚😚📍 麻甩爐海鮮雞煲私房菜 (旺角)旺角彌敦道565-567號銀座廣場LG樓

今晚我哋一行四人去了一家油麻地的火鍋店。這家店的特點是食完雞煲，然後打邊爐，一開始佢哋有一個套餐，潮州凍蟹，蟹非常大只且肉質豐盛，之後有四色刺身，刺身看起來非常新鮮

個套餐首先會上一個刺身冷盤，有幾款刺身，然後應該係凍蟹或者螺揀一款😂蟹肉都好多，亦都好鮮藥膳湯雞煲，我哋以為食晒啲雞攞個藥膳煲嚟打邊爐，但係原來個湯係冇味精可以飲，之後佢先會換另一個湯底打邊爐，藥膳湯好濃郁，真係唔口渴，雞件超級多，好滑炸物拼盤正常發揮，炸粉唔會好厚，南瓜薯餅好食！打邊爐湯底係鮮茄豬骨牛尾湯，清新，好足料，然後上一盤海鮮，啲蝦仲郁緊，其他嘢都彈牙新鮮四款肉，一款係豬梅片，好滑，一款係澳洲和牛，牛味濃，有咬口，一款係牛板腱，肉質比較嫩口，牛味冇咁濃，一款係牛胸爽，識落係有油同爽之間ge口感，你當係有彈性，但唔係爽，食完個口腔超級重牛味！然後我哋太飽食唔落雪條，係老虎堂！整體係好多嘢食，食物水平都真心係中上同埋佢冇限時係幾正嘅，我覺得如果一大班朋友想吹吓水，又乜都食吓就啱！

行過彌敦道見到有間食店門口寫住3小時任飲任食，價錢吸引，有雞煲有海鮮有刺身好似好吸引，於是約埋幾個朋友幫襯下。一入到去坐底一人黎一份海鮮先，有蒸凍蟹、醬煮田螺，隻蟹好新鮮，蟹肉結實，田螺惹味香口。海鮮整得好好。跟住直接上嘅係刺身拼盤，擺盤精美，刺身款式都可以媲美其他主打日式放題店。再黎就係個雞煲，雞煲醬甜甜地，非常開胃，配菜有心機處理，即係薯仔會炸好再喺煲度炆，加埋洋蔥、芫荽，食落去好惹味。雞肉新鮮有雞味， 有肉汁。卜卜蜆煱，有幾種蜆、蚌、蝦、魚片、鮑魚，海鮮全部都好新鮮，食到呢度已經大大滿足，食完海鮮然後仲有和牛俾你打邊爐，和牛入口溶化， 牛味香濃。另外， 仲有好多邊爐配料俾你揀，甚至有鵝腸，連甜品都好用心安排，有老虎堂黑糖芝士心雪條，飲品野食都好多花臣，食極都食唔完，呢個價錢真係物超所值！值得一提係店員嘅服務態度好nice，食幾多都係咁nice，最後真係食左3個鐘。

啱啱入秋最適合就係食火鍋，我今天就試左一間唔錯嘅火鍋店, 主打雞煲同火鍋放題。好意外竟然分三輪上菜，先食一份魚生刺身warm up下，然後再黎個招牌麻甩雞煲，最後係卜卜蜆鍋。魚生刺身唔錯，新鮮冰鎮好好味，仲有凍蟹同。然後就係主打惹味嘅招牌麻甩雞煲，我地叫左BB辣，雞煲醬有D驚喜，微微甜，食到停唔到口，特別係薯仔，超級入味，一定要試。食完雞煲已經有七分飽，店家再拎出一個海鮮卜卜蜆煲，啖啖肉好yummy，肉質嫩滑甘甜，關鍵係完！全！冇！沙！仲有M7澳洲和牛都係加分位，同蜆煲味道好match。其實仲有好多火鍋料係隨便拎嘅，不過食完呢和牛已經好full.飲品方面選擇都幾多, 仲有D平時其他舖頭好少見嘅飲品，好啱食火鍋同雞煲。甜品我試左台灣直送嘅老虎堂芝士流心雪條，珍奶嘅味道做雪糕又真係幾唔錯。成餐飯不知不覺就食左三個鐘，同朋友一邊吹水一邊慢慢歎，都真係幾開心。偷聽到老闆同客人傾計，感覺真係好用心經營.店家有個位都幾有心思，喺menu list 埋各類海鮮要煮幾耐，方便大家操作，唔使估估下