麻甩爐海鮮雞煲私房菜 (銀座廣場)

营业中

休息中

冷氣唔多足夠； 枱底有熱氣湧出，很焗悶，食到好辛苦⋯仲要係打邊爐。 其實d海鮮幾新鮮， 牛肉質素都唔差，仲有生啤任飲。 可惜成個通風及冷氣系統真的很差， 可能因為安排到角落的一張座位， 又熱又焗，完全食唔落。食物同價格性價比都尚好， 但個通風系統甘既款， 真係應該無下次。

上星期突然間又凍番，即刻襯機去左打個邊爐先 😂😂 呢一間餐廳一次過滿足三個願望， 有烤魚、打邊爐同埋雞煲，佢就係「麻甩爐」啦！！睇完餐牌，今次叫既係「麻」 海鮮盛宴+ 動Ｌ時令海鮮盛宴（任食精選海鮮） + 時令刺身拼盤 + $188 叫埋安格斯牛肉盛宴圈。 特式湯底有8款，今次試左混你個醬卜卜蜆鍋，個名夠晒搞笑😂😂😂 一上煲已經超級香，食落口夠晒惹味👍🏻👍🏻 真係唔係同你講玩笑，超正！！ 之後可以自助加湯開始打邊爐啦，令人最期待既安格斯牛肉盛圈😍😍 有齊唔同嘅部位，美國頂級牛小排、美國安格斯牛頸脊、頂級封門柳、安格斯牛肉粒、薄切牛舌同埋金錢展等等… 牛肉味道濃郁，佢嘅色澤同埋牛花分布都好靚好平均，一次過滿足晒唔同嘅口感，大滿足！！仲有不得不提嘅刺身拼盤，刺身好新鮮，有北寄貝、三文魚、帶子等等，三文魚仲可以任食嘅添！！ 火鍋自助區有齊唔同嘅蔬菜類，豬皮，魷魚等等都會有，而且所有套餐均可享無限暢飲酒精類及無酒精飲品，任食雪糕雪條架！！ 📍旺角彌敦道565-567號銀座廣場LG樓

呢間位於旺角銀座廣場嘅「麻甩爐海鮮雞煲私房菜」真係無得輸！$308海鮮餐連豪華刺身＋海鮮拼盤，加多$20仲可以轉做雞煲，一坐低就爆食足5粒鐘，CP值極高！🔥 必試推介
✔ 招牌麻甩雞煲
濃香惹味，麻辣唔過火，雞肉嫩滑又入味，開波食最啱。✔ 藥膳雞煲
湯底好濃郁，香氣十足，飲落去非常舒服，滋補又暖胃。✔頭盤會有刺身拼盤 同埋 豪華海鮮拼盤，好新鮮，超級鮮甜✔ 配料
豬肉、牛肉油花靚、滑身唔鞋口，白鱔同魚腩冇腥味，蝦滑墨魚滑彈牙十足！💡 總結
呢間放題性價比極高，海鮮同刺身品質遠超預期，雞煲更係必試。食物選擇多，補得快，坐得耐，鐘意打邊爐＋海鮮＋雞煲嘅一定要bookmark！

「天氣又熱又焗，又系時候食麻辣」小編今次就帶大家黎到旺角銀座廣場，同大家介紹一間隱身於地牢既麻辣雞煲 一 麻甩爐海鮮雞煲私房菜 @mll_private_kitchen🌟招牌雞煲 +$20佢地既雞煲有五款：藥膳花雕雞、花膠雞、椰子雞、養生蟲草花、招牌麻甩雞煲而小編今次就嗌左佢地既招牌麻甩雞煲，雞件啖啖肉，辣中帶麻，麻中帶辣，真系幾惹味🤤👍🏻🌟麻海鮮盛宴 $308(位)除左雞煲以外，麻甩爐既海鮮亦系佢地既重點推介，佢地會根據時令，每日都會有吾同既刺身拼盤同豪華動L時令海鮮拼盤🤤👍🏻食完雞煲，烚完海鮮仲可以嗌埋肥牛、牛板腱、黑豚肉、豬腩片等等打埋邊爐，一定滿足🤤👍🏻📍麻甩爐海鮮雞煲私房菜地址：旺角銀座廣場LG樓#旺角 #麻甩爐海鮮雞煲私房菜 #雞煲 #火鍋 #麻甩爐 #留港消費 #支持小店 #覓食旺角 #食在旺角 #銀座廣場 #麻辣雞煲 #為食關注組 #旺角食乜好 #麻海鮮盛宴 #香港美食地圖 #招牌麻甩雞煲 #時令刺身拼盤 #九十後行到邊食到邊 #豪華動L時令海鮮拼盤#HKIG #HKIGER #HONGKONGFOODIE

突然好想打邊爐！今日同朋友殺到旺角「麻甩爐」，試佢哋嘅海鮮雞煲同高質火鍋，真係由頭驚喜到尾！湯底正、海鮮鮮、牛肉靚，仲有自助區任拎，食到捧住個肚走都仲想食！💯🍲 必試湯底：北海道3.6牛奶豆腐鍋店員好熱情介紹8款湯底，我哋揀咗北海道3.6牛奶豆腐鍋，一上枱就聞到超香牛奶味！湯底仲加咗紅棗、杞子，清甜得嚟好滋補，涮海鮮同牛肉都超夾，我飲咗兩碗都唔夠喉！🥛❤️🐟 海鮮控必點刺身拼盤有三文魚、北寄貝、油甘魚、甜蝦、八爪魚，全部新鮮到震！三文魚厚切肥美，仲可以免費encore，上枱時煙霧瀰漫，打卡一流！📸海鮮盛宴有扇貝、貴妃蚌、灰蜆、大蝦、鮑魚，擺盤超浮誇！北極貝爽脆，三文魚滑似奶油，甜蝦黏糯帶甜，點wasabi更加鮮味！🦐✨🥩 牛魔王最愛美國頂級牛小排：粉嫩多油，入口爆汁，肉質超Juicy！安格斯牛肉：厚切有咬口，牛味濃郁，食肉獸必點！封門柳：軟嫩無筋，牛味最突出，我哋encore咗兩碟！😋🍢 自助區任拎炸魚皮、響鈴、雪糕、飲品任拎，炸魚皮脆卜卜，浸落牛奶鍋超正！不過食完第一輪已經飽到上心口...🤰

放假終於可以同老公歎返餐好，行街時無意中發現呢間任食餐廳，門口已經好吸引，我們便決左在這裡吃一頓豐富既餐 。今次我哋揀咗$308嘅任食海鮮餐，前菜就有一盤新鮮刺身，包括甜蝦、油甘魚、八爪魚同三文魚，每款都鮮味十足，三文魚油脂豐富、入口即溶，甜蝦爽口彈牙，油甘魚帶點甘香，八爪魚咬落煙韌有嚼勁，三文魚仲可以任點，真係食極都唔厭！最驚喜係卜卜蜆煲，蜆肉超多又肥美，湯底辣得過癮，香氣撲鼻，每啖都食到鮮甜海味，辣味同蒜香完美融合，令人一試難忘。海鮮拼盤上枱時，海蝦，鮑魚仲郁緊，超新鮮！鮑魚爽滑彈牙，生蠔大大隻又鮮甜 ，另外海蝦，廣島蠔，鱔片都係任食，正！肉類方面，牛板腱肥瘦適中，肉味香濃，食落口感軟嫩，高質素 。仲有炸物香芋地瓜圓，單骨雞翼都係我最愛，炸到卜卜脆，外脆內軟 自肋吧仲有好多菜類，丸類，醬料，雪糕，飲品選擇，蔬菜翠綠新鮮，丸類醬料都十分齊，不得不提一下，有啤酒任飲，打邊爐加啤酒，爽 。最後食埋雪條，非常滿足 。

最近同朋友去左食呢間「麻甩爐」今次我哋揀咗海鮮盛宴餐❤️一坐低就上刺身拼盤 三文魚厚切 甜蝦爽口鮮甜 油甘魚同帶子都勁新鮮😍除咗刺身之外 仲會有個豪華海鮮拼盤‼️- 鮑魚：爽口彈牙 唔會韌 - 蝦：上枱仲郁下郁下 新鮮到癲 - 沙白&貴妃蚌：隻隻都爆肉 冇沙湯底就揀咗薯茄豬骨鍋 酸甜得黎好濃郁真係有成粒蕃茄喺入面 仲有大大嚿豬骨所以個湯底好鮮甜🤤肉類都唔輸蝕- 豬肉&牛肉：肉質幾好 唔鞋口 油脂分布均勻- 桶蠔：肥嘟嘟 一啖咬落去爆汁 - 鯇魚骨腩&白鱔片：脆皮嫩肉 無泥味- 蝦滑&墨魚滑：足料爽口彈牙 小食係即叫即炸 熱辣辣脆卜卜完全唔會有油益味😋最正係無限時任食任飲 啤酒汽水雪糕任隊岩晒同班friend吹住水慢慢食👍🏻👍🏻

呢個火鍋套餐性價比都幾高我朋友都話食呢個可以唔洗返大陸食而且用黎打卡都幾好， 成盤嘢勁有份量，一上菜就成個仙氣氛圍，不停有啲煙～烤魚係火鍋裡面，魚肉好鮮味，辣得黎幾易入口~湯底吸收哂鮮魚味，跟住滾埋啲牛肉，配菜就更提起當中嘅味道～成個圈甘多嘅牛肉都幾多選擇，有唔同部位嘅牛俾你揀！仲有成盤刺身！！！好豐富！！4個人一齊食都得！唔怪知得成晚甘多人黎食， full 哂佢仲有自助吧俾你夾啲配菜，醬料。任攞飲品同雪糕添～

朋友生日，我哋揀咗間非常打卡able嘅邊爐舖頭食🫶🏻😚北海道3.6牛奶美顏豆腐湯呢個湯呈現奶白色，就咁飲好香牛奶味～安格斯牛肉盛宴呢個盛宴雖然要加啲錢，但係佢有成個牛肉圈放喺邊爐旁邊！影相真係超級吸睛📸💛💛佢有好多唔同部位嘅牛肉，有牛舌、牛柳粒……牛肉份量都唔少，我哋兩個人都食唔晒🤤時令刺身拼盤刺身佢係按人頭去俾返相應嘅份量～有三文魚、牡丹蝦、吞拿魚同北寄貝～上碟嘅時候仲用咗啲乾冰，令到成個刺身變盤都好靚(⁎⁍̴̛ᴗ⁍̴̛⁎)海鮮盛宴呢個海鮮盛宴都有唔少種類嘅海鮮，有蝦、蜆、鮑魚、元貝……🦐除咗有好多食物選擇之外，佢仲有唔少嘅飲品可以任飲，當中最開心係有唔同嘅啤酒去飲。除咗大牌子嘅啤酒之外，佢仲有啲可以自己斟嘅啤酒o(≧v≦)o

講到喺旺角搵個地方同班 friend 圍爐吹水，又想食得夠豪氣，任飲任食唔限時嘅話，呢間「麻甩爐海鮮雞煲私房菜」真真係個唔錯嘅選擇！佢哋嘅雞煲火鍋放題本身已經好吸引，仲要包埋無限暢飲酒精類同無酒精飲品，連雪糕雪條都係任食，真係抵到爛！今次我哋一行四人，個個都想食得滋補啲，所以每位加咗廿蚊，升級咗佢哋個「特濃花膠雞煲」！嘩，個煲一上枱，就聞到陣陣濃郁嘅雞湯香氣，湯底色澤金黃，睇落就知落足料！飲落啖啖都係骨膠原嘅精華，滋潤到呢！而且佢哋真係冇誇張，四人份量真係有一整隻雞喺入面，啲雞件又大嚿又滑溜，食落夠晒滿足！雖然雞煲放題本身已經有好多肉類可以打邊爐，但係見到隔離枱個「安格斯牛肉盛宴圈」個擺盤實在太吸睛，忍唔住加多一百八十八蚊升級咗！嘩，啲牛肉一嚟到真係冇令人失望，雪花分佈靚到好似藝術品咁，色澤紅潤，輕輕喺滾燙嘅湯底涮幾下就食得，入口嗰下，牛肉嘅香濃同嫩滑簡直係完美嘅結合，質素真係冇得彈！個牛肉圈仲有手切A5豐後牛、手切美國安格斯牛肉、手切頂級封門柳、A5和牛粒同安格斯牛肉粒，仲有薄切牛舌片，款款都咁高質，真係食到停唔到口！除咗雞煲同靚牛，個套餐仲送咗個「時令刺身拼盤」同埋「動L時令海鮮盛

#🐒😋是日收工同娘親嚟撐枱腳首先食咗個花膠雞煲 可能好味嘅嘢食真係要等等咗起碼15分鐘 好彩嚟到個雞煲都有驚喜首先我諗個雞煲超過1隻 每件都大大舊花膠都有返咁上下厚度同份量仲有一大盤一次性嘅海鮮拼盤同刺身每1樣都好肥美新鮮 仲有好多火鍋配料不過個到有小小黑 老人家/小朋友就要小心啲行啦── ✦── ✦ ── ✦ ── ✦ ──ʚ #海鮮餐 $328/人 ɞ ʚ #刺身拼盤 ɞ ʚ #豪華動L時令海鮮盛宴 (一次性) ɞ ʚ #特濃花膠雞煲 +$20/人 ɞ── ✦── ✦ ── ✦ ── ✦ ──

今次去咗旺角銀座廣場地庫食烤魚🐟當初係俾佢個名吸引住，好啱同麻甩朋友一齊去🤣因為間嘢麻甩爐-刺身拼盤🍣時令刺身拼盤包含三文魚、油甘魚、八爪魚及鮮蝦～比較鍾意鮮蝦，彈牙爽口-烤魚🐟烤魚我揀咗酸菜～魚比平時嘅大條！外層微焦脆口。而湯底酸香中帶微麻，如果更加酸會更加喜愛！-自助區🍴出邊有個自助區，可以出去拎火鍋配料，飲品同雪條火鍋配料提供超過40款選擇，都幾多選擇！而飲品區欣賞佢有成支Hoegaarden Rose😍

最近試咗旺角一間主打海鮮雞煲同火鍋嘅餐廳，晚市提供三款套餐，我同朋友揀咗「烤魚盛宴」，整體體驗中上，值得一試。 🐟鮮茄濃湯口味烤魚有3款口味，我哋揀咗鮮茄濃湯，魚肉份量足，肉質嫩滑無泥味，湯底酸甜開胃，茄味濃郁但唔會過膩。🐟時令刺身拼盤包括三文魚、牡丹蝦、油甘魚同八爪魚，質素中上。驚喜係三文魚刺身可以任叫任食，追加嘅質素穩定，刺身迷會滿意。 🌟火鍋配料QR Code落單+自助區。火鍋部分選擇豐富，肉類用QR code落單，推薦：美國肥牛:油花均勻，涮幾秒就食得；黑豚肉:肉質爽嫩無雪藏味。自助區有丸類、蔬菜、醬料，雪條等，款式標準，最加分係飲品區，除汽水外，竟然有清酒、白酒、啤酒任飲，同行鍾意飲兩杯嘅朋友大讚抵食！ 🌟餐廳座位闊落，抽風系統做得唔錯，食完無成身油煙味。服務員收碟換盤快。以人均$300左右來講，烤魚+刺身+任食火鍋+酒精任飲，性價比勁高。

麻辣雞煲要每人加20$，雞煲味道還好，唯獨有少少鹹，食雞煲嘅時候已經上海鮮拼盤，到轉煲打邊爐嗰陣啲冰已經溶哂水，咁係適當？火鍋食物選擇少，同侍應講加購牛肉圈又漏單，要催2次先出到，加購牛肉圈嘅牛太薄切，場地冷氣唔夠，環境一般，食緊嘅中途一直有啲刺耳嘅聲音影響到個人好唔舒服本身見到其他人嘅食評都好期待，但食完感到好失望，唔會有下次🫠🫠🫠食海鮮餐加牛肉圈再轉冬瓜湯底，$488嘅價錢，旺角可以有更好嘅雞煲火鍋放題選擇

食咗最貴既海鮮餐, 所謂任食刺身只係得一款三文魚, 牛得肥牛/牛頸脊, 碟肥牛衰過去超級市場買個d, 炸魚皮好似擺咗幾日, 又淋又益, 諗住朋友生日雪個蛋糕, 點知拎出黎係溶的, 環境差冇乜冷氣, 唯一讚係佢地炸物同啤酒任飲, 唔會再去, 亦唔會再介紹人去, 非常差既一個經驗😡😡