麺屋こころ (軒尼詩道)

营业中

休息中

呢度主打嘅係無湯底只有醬料的日式拌麵，你可以想像係一個更方便版本沾麵，個口味係比台式肉燥乾拌麵 inspire 左既日本中華風料理，作為一個肉燥同拌麵fans 即刻要去試吓先。全料東京撈麵有好多唔同既配料，有慢煮角切叉燒（其實好似豬肉粒）秘製辣肉燥同埋三種魚乾磨成的魚粉，味道濃郁，食落好豐富（辣肉燥係唔覺辣既，反而係啲青蔥就真係辣啦🥵）特別要讚吓個筍係無臭味同有咬口無渣嘅👍🏻。聽講L size 好大碗所以我都係叫左個M size，麵條好煙韌爽彈夠晒掛汁，撈埋隻生蛋黃就更加滑身。店家建議食到中間可以先加啲胡椒更加惹味，之後再加秘製醋（見到一大條昆布）就可以減低個滯既感覺，最後仲可以車埋個細細飯仔嚟整多個肉燥飯，咁就又滿足又唔會嘥左個汁啦😋（不過個樣就衰衰，所以都係唔post 出嚟以免影響大家既食慾啦）。

星期日太約12:15左右入坐，都仲有位，坐底食左一半大約12:40左右已經full哂，有人係出面排隊。MENTAIKO CREAM MAZESOBA 明太子忌廉撈麵(M)-$89(4/5) 明太子愛好者表示如果再多小小明太子就好。雖然就咁睇無乜汁，不過好在撈完個麵都夠汁同易入口既，忌廉同明太子係好朋友，麵質算彈牙，同忌廉明太子都夾。佢既粒粒日式叉燒勁入味勁好食，成個麵都好日本。佢有教特別食法，頭1/3就咁撈黎食，之後1/3落黑胡椒，最尾1/3落香醋，個人口味黎講最鐘意食落左黑胡椒，落完令到成件事更香口，乜都唔落都好食，但落醋就唔太岩我口味。CURRY KARAAGE MAZESOBA炸雞撈麵(M)-$89(4/5)佢係重口味之選，勁濃咖哩味，炸雞都炸得好脆，同明太子忌廉撈麵一樣有3款食法，頭1/3就咁食，之後1/3落黑胡椒，尾1/3佢有另外比隻日式醬汁你，其實就咁食都好好食好夠味，第二同第三食法都有拎到個麵好食左。大家都可以試試。食到尾佢可以比你免費加飯，我哋加咗一份，佢一份嘅份量其實好細，食完拉麵都仲會食得落一份，好建議大家如果叫咖喱嘅話記得加飯，個飯同咖喱好襯！個飯吸收晒咖哩既精華

已經想試吓依間餐廳～日本過江龍～特別在於係日本資深師傅主打台式伴麵～將伴麵改良日式口味～上網睇過有唔小好評～小編決定要去會一會先😝場內座位都算多～燈光光猛幾舒服😍正宗全料東京撈麵(M)真係幾好味🤤至於點解？睇落去啦🤓配料好多～包括紫菜·蔥花·韭菜·肉燥·生蒜·辣肉碎·叉燒·生蛋同糖心蛋😍跟住枱面上有進食次序🍜撈埋一齊第一啖入口不得了🤩🤩有d似魯肉麵咁既味道～但生蛋令到個醬汁再豐厚左～味道唔會好咸～醬汁有小小辣～辣度黎得快不過唔會標哂汗既😰刺激下咁🤣🤣麵質係粗身有咬口🤭小編非常鐘意個口感😋因為小編叫細Size所以食兩啖就跟住落黑椒碎～令個味道去左另一層次～因為唔係大size所以留返小小麵落秘製香醋～食啖會有種解膩感覺～唔會係好酸～最後一步可以同店員講要個白飯～小編以為好多原來好似普通飯團🍙咁～撈埋餘下醬汁肉碎更加完美🤩—————————————————☻非專業食評·純個人口味☻—————————————————📍總結:不得了～的確幾好味👍👍小編推介大家可以試吓～雖然望落一碗拉麵～食得出有日台風格～進食次序更會有唔同口味👍👍小編一定會再去試下🤤每張枱都有張介紹食法次序俾大家～不妨睇一睇la

一直都好想試下呢間日本過江龍！佢仲係全港首間日式撈麵❣️經開灣仔就約埋舊同事去～ 入面佈置都幾摩登，有好多大大隻書法字～🍭正宗全料東京撈麵($99)配料超多嘅撈麵！包括叉燒、生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉及小麥麵，加上超靚嘅擺盤真係幾吸引！而對我嚟講最吸晴當然係蛋黃😍 一次過撈埋食，口感好豐富，少少辣好惹味！食到1/3 再加黑胡椒，之後嘅1/3再加秘製香醋～ 最後仲可以問店員拎少少飯去撈埋餘下嘅醬～ 🍭明太子忌廉撈麵($89)呢個配料就有叉燒、明太子、生蛋黃、蔥花、紫菜碎、水菜、唐辛子称、生蒜、魚粉及小麥麵～ 唔辣，口感較creamy~ 呢個就另外配有醋一齊上～ 又係可以玩撈麵三重奏～ 兩個撈麵都有分大同中size! 大家可因應其食叫，唔會浪費食物，唔錯！🍭烏龍茶🍭可樂

灣仔呢間Kokoro拉麵店，我bookmark咗好耐啦😆 真係滿心期待，食完果然冇失望，仲好有驚喜添🤩 呢間鋪唔算大，但係裝修清新有特色，所以完全唔覺得侷促😊仲有一張卡紙教大家食法四步曲，建議大家真係要跟四步曲啊，味道會更豐富更有層次😋🌟正宗全料東京撈麵 （M) $99貪心嘅我一見到全料兩個字即刻唔使諗一於叫呢個😂 果然真係好足料，慢煮叉燒、辣肉燥、竹筍、紫菜等等配料🤩就連蛋都有兩款，有半隻溏心蛋同一隻生蛋黃😃 佢嘅麵偏粗身好彈牙，撈埋配料一齊食好掛汁，最正係辣肉燥令到成碗麵更加惹味👍🌟明太子忌廉撈麵 （M) $89 我覺得呢款撈麵冇全料撈麵咁濃味，啱晒唔鍾意太重口味嘅人😋 忌廉配搭明太子好夾，忌廉平衡咗明太子嘅鹹味，撈埋所有配料一齊食真係好creamy好特別😋 最後如果食淨啲汁，可以同店員攞一碗日本珍珠米，撈埋一齊食，係免費㗎😍 不過呢日我哋食完已經好飽真係食唔落飯啦，下次有機會再嚟試吓😋

不能錯過的得獎麵店@kokorohkg 喺日本開業咗一段時間已經得到日本傳媒頒發新人獎，上年正式登錄香港，bookmark咗好耐，今日終於有機會品嘗。Menu貴精不貴多，店舖用上日本書道家的畫作做裝飾，品麵之餘亦可藝術評賞。店舖亦貼心建議享用四部曲，每一品曲能帶上不同的食後感。💎 正宗全料東京撈麵 $99材料太多不能儘錄，本人比較欣賞义燒，肉質鮮嫰，入口即溶，生蛋黃蛋味香濃，辣肉碎香口非常。麵質軟硬適中，整體囗感微辣惹味。💎 明太子忌廉撈麵 $89同樣义燒及生蛋黃非常欣賞，另一驚喜明太子加生蒜配搭同樣合襯，撈麵特別配上另一雪梨醋享用，食後層次更分明。人均消費💰 ： ＄ 103總結✍ ： 食材嚴選，食物出色。

麺屋こころ 係一間由東京進註香港嘅拉麵店，以台灣拌麵嘅概念研發嘅日本撈麵，以粗身嘅太麵加上各種豐富嘅配料拌成滋味無窮嘅日式乾拌麵😚 -店家仲會為你介紹4種層次嘅食法：原味拌勻->添加黑胡椒->添加昆布醋->加入白飯-🍜正宗全料東京撈麵(M) $99太麵加上自家製醬油、香油，配以紫菜碎、蔥花、鯖魚鬆、蒜蓉、微辣炒肉燥、生蛋黃作拌料，太麵麵質煙韌彈牙，拌勻即食會食到鹹香惹味層次分明嘅太麵，醬汁濃稠掛汁唔會太濕👍🏻特別係魚鬆同肉燥味道濃郁嘅誘人🤤令人忍唔住一啖接一啖，辛香恰到好處，怕辣嘅人都食到😌而慢煮叉燒粒望落雖然瘦，但質地唔會乾柴仲好有彈性🥓-食咗1/3 之後加咗新鮮黑胡椒碎🧂食落會增添獨特嘅香辛風味，而剩餘嘅1/3混入溫和嘅昆布醋🫗落少少份量提味又能解膩，醋香又唔過酸，令背面增加不少清爽感👍🏻 -最後重中之重，你可以叫店員為你奉上一小勺珍珠米飯，然後將佢拌入醬汁之中🤤將所有精華都吃光抹淨🍜明太子忌廉撈麵 (M) $89忌廉配上明太子簡直係perfect match，撈麵一早已預拌忌廉，醬汁拌起嚟creamy但唔會有油膩感，比起市面其他明太子拌麵，多咗生蒜同鯖魚鬆

之前已經好想黎呢開由日本得獎拉麵店開過黎既台式風格拌麵！平時見到要排晒長龍,今次特別早少少黎到食個早晚餐.明太子忌廉拉麵除左主打既正宗全料東京撈麵外店內亦有好多款充滿日式風味既口味.今次就私心揀左自己最鍾意既明太子口味.明太子忌廉拉麵既配料有沙律菜,生蛋黃,紫菜碎,蒜蓉,鯖魚粉,慢煮叉燒,明太子忌廉,青蔥同番紅花.口感層次豐富而且味道又濃郁.充滿濃厚鹹鮮辛香既明太子加上忌廉後整個味道無咁鹹膩.充滿麥香既粗麵,充滿煙韌感又彈牙.加上生蛋黃後令麵條入口更香滑及更掛汁.慢煮叉燒香軟充滿肉香,叉燒香甜帶少少豚脂香亦唔會過油膩.冰涼又解渴既烏龍茶食完拉麵後清新一下口腔.

之前已經好想黎呢開由日本得獎拉麵店開過黎既台式風格拌麵！平時見到要排晒長龍,今次特別早少少黎到食個早晚餐.正宗全料東京撈麵主打既招牌拌麵式既拉麵,係粗身充滿嚼口感既爽彈麵條上加上豐富既配料！整碗撈麵帶出多重味道層次既變化.配料有慢煮叉燒,辣肉燥,蒜蓉,竹筍,香蔥,溏心蛋,生蛋黃,紫菜碎,鯖魚粉及紫菜一共11款配料.將蛋黃輕輕刺穿後,共住夕陽橙色既雞黃慢慢滲透係麵條之間,將所有配料拼匀後,粗身又掛汁既麵條充滿住濃厚既精華.中間可以按店內既建議加入黑胡椒及香醋,加上少少香醋後少少酸香中和感撈麵少少膩感,食落更清爽.整碗撈麵帶肉香既同時亦帶住一陣魚鮮香味,最後after taste會帶出蒜香.最後加上店內隱藏食法,以珍珠米拌入撈麵餘下既醬汁,將所有精華一滴不留咁吞入肚內.

唔係拉麵，又唔係沾麵，係東京撈麵！KOKORO TOKYO MAZESOBA係日本廚師石川琢磨嘝喺2013年喺東京開舖。一年之後，KOKORO就成為最佳新晉撈麵餐廳，而家開到連美國、加拿大都有分店。麵條用日本全麥麵粉，每日由師傅新鮮製成，就連用水都係嚴格過濾嘅水，希望可以同日本水睇齊。癲，好癲，但都睇得出佢哋好認真。*食撈麵都有學問，第一：撈勻先食三分之一。第二：加即磨黑胡椒食三分之一，先食到黑胡椒嘅辛辣，再食到濃郁嘅麵汁，令味道更加有層次感，大增刺激感。第三：加秘製昆布香醋，酸味refresh咗味蕾，令濃郁麵汁變得清新。最後：加免費一細碟白飯撈埋剩低嘅汁，飯粒比麵條更加索汁，更加濃味。*正宗全料東京撈麵 $99 (M)全料就係指好多配料，叉燒粒肉嫩juicy，豬肉味非常濃，溏心蛋熟度prefect，仲有紫菜可以包住麵條食，竹筍就普通~將調味醬汁撈埋一齊食，蛋黃增加順滑度，辣肉碎比想像中辣，生蒜帶微微嗆辣，仲有蔥花韭菜、紫菜碎同埋魚粉，味道非常濃郁豐富。太麵粗身，係彈牙嘅煙韌，唔係硬嘅煙韌。你以為麵條粗身就掛唔到汁，咁你就錯喇~因為本身醬汁已經濃稠，每一啖都食到好多汁，所以難免會重口味

呢間東京嘅過江龍日式撈麵 真係好受歡迎👏上一次就係試咗個原味東京撈麵💕粗麵食落口感好煙韌 配料非常之豐富有：辣肉燥、雞蛋黃、生蒜、香蔥、紫菜 撈勻晒之後味道濃郁又惹味 超級掛汁 好食😋

#kokoromazesobahk #日本撈麵 Food: 💛💛💛💛 🤍Décor: 💛💛💛💛🤍Service:💛💛💛💛🤍Price Value: 💛💛💛💛 🤍Price Range:💰 $100-$150Favourite:💖 Tokyo mazesoba------------------------------- Noodles taste fresh and chewy- Tender and juice meat with soft-boiled egg- Friendly staff------------------------------𝙿𝚕𝚎𝚊𝚜𝚞𝚛𝚎 𝚘𝚗 𝚝𝚑𝚎 𝚕𝚒𝚙𝚜, 𝚕𝚒𝚏𝚎𝚝𝚒𝚖𝚎 𝚘𝚗 𝚝𝚑𝚎 𝚑𝚒𝚙𝚜 🐰𝙻𝚒𝚙𝚜 𝚏𝚘𝚕𝚕𝚘𝚠 : @eatwithbunny_ ✨

早幾日經開灣仔見到呢間新開由日本黎嘅拉麵店所以去試下。果然冇失望，D拉麵稍固い，D汁算濃濃的好味道，加埋隻生鷄蛋令D麵更滑！我叫左最貴嗰款，乜餸都試齊，全部撈埋幾正，D叉燒反而有D硬我麻麻。份量方面女仔食M就ok，男仔應該唔夠。.

Kokoro Tokyo Mazesoba #朋友聚餐之選日本拉麵沾麵就食得多，但係撈麵就唔係間間都有啦。呢間落足料，食完麵仲可以免費添白飯，又係另外一種風味！🇯🇵細食啲嘅人可以揀middle size，咁就唔驚太多食唔晒啦😊佢仲有分四步曲~Step 1:篤爆個蛋黃，撈勻啲醬汁🍳Step 2:食咗三份一之後再加黑胡椒Step 3:食咗三份二之後再加少少醋我Step 4:各位大食怪係時候加飯啦🤭Must try✨1️⃣ 正宗全料東京拉麵 (M) $992️⃣ 明太子忌廉撈麵 (M) $89📍Shop 1C, G/F, 68 Hennessy Rd, Wanchai

My third time trying this mazesoba but this time at the restaurant instead of takeaway! Made the world of difference! Ordered the mentaiko cream mazesoba (L) size for lunch and it did not disappoint! The sauce was flavourful and not overly creamy, lots of mentaiko on top of a bed of bouncy noodles and delicious large cubes of fatty char siu. As the mentaiko one is extra creamy they give you a special vinegar on top of the normal one that is stronger to cut the richness of the mazesoba. Like any