麺屋こころ (軒尼詩道)

营业中

休息中

已經叫過幾次外賣，因為知道佢鋪頭細，做野慢，所以雖然12：45先去拎，但今次專登提早到11點左右叫，諗住去到可以唔洗等就拎得。結果去到同我講要等，咁都算，我明佢地唔夠人手。但取餐編號同自取時間比我後嘅都比我早取餐，我就唔明咩玩法。我實在無法理解佢地按照咩準則去出餐 。所以就去問店員其實我個餐有未？比我後落單嘅都已經拎左。但個店員淨係食講就得架啦，要啲野食要煮要等。大佬阿，我就係知要等所以先咁早叫定。到最後我13：05先拎到。其實佢地啲野食真係好食，如果唔係都唔會翻兜咁多次，但啲服務態度同速度真係不敢恭維。呢間野已經唔會再有下次。

呢間餐廳係一間主打日式撈麵嘅日本過江龍，亦都係香港第一間日式撈麵店🇯🇵🤟🏻，店內其中三幅係由日本人氣書道家万美親自到港畫，環境簡潔得黎有少少藝術氣息🎨：-1️⃣「正宗全料東京撈麵🍜(L)($109)」隻蛋黃是咪好吸引😈🥰，用黎撈麵一流！仲有半隻糖心蛋🤙🏻，配料有好嫩嘅慢煮叉燒，麵條有咬口，微辣🌶，大大碗好飽肚～Premium Tokyo mazesoba: with slow-cooked pork, yolk, soft-boiled egg, little bit spicy -2️⃣「24月熟成芝士撈麵🍜(L)($109)」炙燒芝士好香口，用黎撈拉麵真係第一次🤣，不過食得多會少少膩🤏~24M aged cheese mazesoba: with slow-cooked pork, yolk, very cheesy! -3️⃣「烏龍茶🫖($8)」4️⃣「可樂🥤($8)」-🐰💬小結：環境簡潔舒適，拉麵黎講定價合理，日本撈麵幾有特色幾少見，好奇嘅可以去try try，不過味道同沾麵有d相似

灣仔呢間日式撈麵店由開張到依家都好受歡迎 純白裝潢 光鮮簡潔 食物選擇唔多 有八款撈麵&一款拉麵 除咗拉麵之外全部麵底可以揀份量多少 滿足大細食嘅人 店員亦會細心提醒食客享用步驟☺️ 建議食用次序: 1)將碗內醬料攪勻 然後食三分之一, 2)加黑胡椒 再食多三分之一, 3)加醋 然後食埋剩低嘅麵, 4)向店員拎一匙白飯 加入碗中攪勻變拌飯🍚 正宗全料東京撈麵 (M) 💰99雖然話唔係好多款揀 但款款都好似好吸引咁🤣當然要試試呢個招牌綜合版 有紫菜 溏心蛋 叉燒 辣肉碎 蔥花 韭菜 竹筍😉比較特別嘅係叉燒有別於一般日式嘅叉燒片 而係叉燒粒 肉質軟腍入味😋粗身麵條幾香同彈牙 而且好掛汁 撈完啲配料之後沾滿蛋漿各樣 味道香濃🤤加黑胡椒之後味道會變得稍重 再加香醋之後酸酸哋食落又冇咁咸👍🏻 明太子忌廉撈麵 (L) 💰99呢個麵會比全料麵更creamy 因為除咗蛋漿之外 本身有啲忌廉 所以口感會更黏 味道濃厚😏配料方面就比全料少咗紫菜 溏心蛋 辣肉碎等 另外呢款撈麵係有專門嘅香醋配搭 所以係step3加醋嘅步驟就唔洗加枱面嗰枝醋😎 🔎Instagram: tracy_fooddiary

香港好多日本過江龍都係主打日本拉麵 可能會有一兩款沾麵但呢間餐廳就係少有主打日式撈麵🇯🇵我一向更鍾意撈麵沾麵類因為覺得面只會更彈牙同埋更加食到醬汁同配料嘅味道😋呢間餐廳總共提供8款沾麵仲有1款拉麵 迷你丼飯 小食 雪糕 同埋飲品。貼心位係每張枱都有附上撈麵嘅食法：將醬料攪拌均勻2️⃣享用三份一後，可添加黑胡椒3️⃣享用三份二後，可添加KOKORO秘製香醋4️⃣吃完撈麵後，可加入米飯(向職員索取)，並攪拌成肉燥飯🥢明太子忌廉撈麵 $89撈麵有Msize 同埋 Lsize分別係150g同埋220g麵量材料有隻生蛋黃 叉燒 辣肉碎 大蔥 蔥花 紫菜碎 生蒜 荀 同埋主角明太子叉燒切成一粒一粒好厚肉 肉質唔算特別嫩比較有咬口🐽明太子味道鹹鮮鹹鮮 配搭忌廉質地濃稠順滑麵條採用咗小麥粉製成所以好Q彈唔軟爛🍜將明太子醬撈勻會有啲西式意粉嘅感覺因為Msize唔算好多所以食完一碗都唔會好濟好膩咁👍🐔柚子鹽味撈麵 $79呢款嘅配料同上面最大分別係個明太子醬轉咗柚子鹽調味🍊而且叉燒粒粒變咗雞胸肉雞胸肉肉質彈牙唔係煮到軟稔嗰種簡單用鹽同黑胡椒調過味🧂柚子味的確好突出 屬於比較清新嘅一款🤩呢款嘅麵條係凍食所以口感同上面嗰款

麺屋こころ是2014年才在東京開業，不算什麼老牌拉麵店，但短短數年已衝出亞洲發展至全球都有分店❤️‍🔥爆紅的正是破格地採用台灣肉燥拌麵作為靈感，以fusion食法開出一片新天，令拉麵的光譜更廣闊🖐上年10月才登陸香港，已經積累了不少支持者，每天下班經過也有見到排隊人流🚶‍♂️🚶‍♀️今天午餐特意來買外賣試一試。餐廳鋪頭純白亮麗，予人潔淨的感覺，牆上有錶上仁義禮智信大字，帶點道場格調甚有型🥼主打的東京撈麵共有8款，有正宗全料、叉燒、芝士、鹽味和咖喱炸雞等，每款也能勾起我的饞意，還有後面的迷你飯和小食，相當容易有飽足感😍🍝正宗全料東京撈麵 $99 7.5/10用粗身的太麵為基底，加入日本祕製醬油和麻油，還有滷肉燥、大蔥、韭菜、滷五花腩肉、溏心蛋等配料，外賣時附上流心蛋🍳敲開攪混來吃，非常惹味，微辣適合重口味人士來一試。不過我的三大片紫菜呢🤷‍♀️🍗炸雞球 $33 7.5/10雖然只是一小份，但也配有檸檬片和沙律醬，薄皮帶點香脆，肉質還不錯香口好味道😌🥟餃子 $36 6.5/10餡料沒有特別出彩的地方，煎得火喉不錯帶點煙火味道，沾一沾醬汁也有點東京旅行感覺😝

灣仔人氣日式撈面🍜 日本主打撈面過江龍黎到灣仔🐲門口有個櫥窗睇到師兄係度製作麵底🍜店內裝修充滿住藝術感一黎到就俾幾個大字吸引住🎨餐廳白色嘅格局感覺好溫和對比番其他拉麵餐廳感覺modern有風格🌟正宗全料東京撈麵🍜（$99/ M size ) 材料好豐富入邊有叉燒 辣肉燥 🐖蛋黃 糖心蛋 🍳蔥，韭菜 荀慢煮叉燒整到一粒粒 軟淋嫩滑仲好有肉汁 💦荀香有咬口🎋麵質有咬口而且爽彈 同平時出邊食嗰啲拉麵對比較為厚實😱食咗三份一之後就加黑胡椒再食多三份一之後就可以加Kokoro秘製香醋，食到最後仲可以加個飯落去撈埋啲汁食添 🍚個飯真係好正明明已經好飽加埋個飯簡直係完美嘅結束🥰🌟明太子忌廉撈麵🍜（$89/ M size )明太子加忌廉完美既配搭🥳配料同全料差唔多食落去酸酸甜甜而且好creamy 🥛感覺有啲似西式明太子意粉🍝但係呢一個落醋感覺好似冇全料拉麵咁夾🥲大家可以試吓食淨少少先落味道 8/10環境 8/10推介程度8/10📍麺屋こころ (灣仔)灣仔軒尼詩道68號新禧大廈地下1C號舖

日本拉麵就食得多，撈麵麵真係第一次試。呢度主打日式撈麵，而下午茶時間嘅Tea Set Combo都只係$59，就可以嘆齊撈麵、小食同飲品。幾抵食.鹽味撈麵 - 粗身太麵入口煙韌，但味道比較淡，釀落埋黑椒同特製醬汁就好味好多。但係舊肉好好食，好嫰又唔咸.柚子撈麵 - 呢個比較驚喜，柚子味好香，唔改加汁麵已經好好味。再加入各款配料如肉燥、香蔥、紫菜、辣肉燥、滷肉、生蛋黃，口感非常豐富！.北海道3.7新鮮牛乳雪糕 - 呢個有啲貴，一杯釀三十幾蚊，但真心好食。有海鹽味同白咖啡，非常香滑

日本拉麵、沾麵或者烏冬大家又食唔少啦，咁日本撈麵大家又試過未呢😳呢間餐廳主打日本獨有嘅「台式撈麵」！咩叫日本獨有又係台式嘅撈麵？姐係日本師傅經過參考台式撈麵，逐漸改良岀日本獨有味道，冇任何湯底嘅撈麵😋個idea幾新穎，所以絕對要去試下先~正宗全料東京撈麵有好多食材，叉燒、溫泉蛋、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉同埋小麥麵。吉穿個温泉蛋，將所有食材撈埋一齊食，味道豐富，一時有蛋味一時有蒜味，少少辣，個辣味幾惹味，會令人食完一啖又想食多啖。叉燒有少少鹹，但係就咁食都唔太乾，加埋蛋汁更易入口。麵條煙韌有咬口☺️👍🏻食到三份一嘅時候，可以加少少黑胡椒撈嚟食，辣得來又有浸黑胡椒味，令到撈麵口感層次更多變，不過我就覺得唔加胡椒好食啲，味道配搭會更好。食到三分二嗰陣，可以加啲香醋，更加惹味，變咗醋辣味，幾開胃😍鹽味撈麵 呢個撈麵都好多材料，叉燒、溫泉蛋、蔥花、紫菜碎、水菜、竹筍、唐辛子絲、生蒜、魚粉同埋小麥麵。叉燒有少少鹹，但係就咁食都唔太乾，加埋蛋汁更易入口。撈埋所有食材一齊食之後，雖然唔係好鹹，都會隱約感覺到佢係鹽味主題嘅撈麵🤣🤣，加咗黑胡椒，味道冇咩提升，只係多咗胡椒味

經過灣仔見到呢間日式麵屋好特別，佢哋主打撈麵，平時拉麵就食得多，撈麵真係好少食！因為好奇心，入咗去試吓！🍴 正宗全料東京撈麵 M $99 L $109 (8/10)由於中size同大size只係差$10，所以叫咗L size試吓！覺得佢哋嘅嘅L size都係正常食量，同朋友一齊食都覺得L size都唔係特別大，正常麵量，肚餓嘅話可以叫L，如果真係好細食嘅女仔叫返M就可以~撈麵有生蛋黃，半熟雞蛋，肉燥，半肥瘦滷肉，香蔥，筍，紫菜，鰹魚粉~ 撈勻咗之後食落係滷肉汁加鰹魚粉再加少少辣味，整體係鹹辣嘅味道，調味係啱啱好，唔會太鹹都幾香口，麵比較粗身，好有口感！每一樣食材都好高質，生蛋黃有蛋香，半熟雞蛋係流心嘅都好有蛋味，滷肉偏肥少少但都唔會油膩，食落去似台式口味，肉質都好爽口唔會好硬，筍，紫菜就正常發揮，紫菜有少少淋左！整體來講都幾特別，似係日式嘅台灣嘢，但又加咗日式嘅元素，日式嘅粗麵，同拉麵嘅配料！店舖都推薦可以加黑椒同埋醋去食，黑椒就會增加少少辛辣同香口嘅感覺，而家加醋嘅話酸酸地會比較解膩。食完仲有汁剩嘅話，可以問佢哋拎啲白飯撈嚟食~真係好日式風味，拉麵係澱粉白飯又係澱粉，超級飽肚🤣🤣🤣🍦

👅正宗全料東京撈麵(M)$99如果第一次食我會推介呢一款，因為呢款嘅配料係最齊全同埋最正宗，有紫菜、韭菜、蔥花、紫菜碎、肉燥、生蒜🧄、魚粉、辣肉碎🌶、生雞蛋、糖心蛋🥚、荀以及叉燒🐷同我兩年前喺日本食嘅味道一模一樣🤤食法方面其實每張枱都有貼上教學，先篤爛中間嘅蛋黃去撈勻成個麵，蛋漿令醬汁加厚，而且麵條非常有嚼口😋不過佢嘅味道偏重口味，所以食到中間可以再加黑椒碎同香醋，其實落咗醋之後個感覺已經好唔同，成件事醒胃好多🤩自己有時食沾麵嘅時候都會落醋解膩所有配料當中我最驚喜係佢嘅叉燒😍口感有別於平時拉麵店所食到嘅，咬落去嫩好多，有肉汁，肉味濃！就算再加$9要多份叉燒都值得🤪食到尾聲嘅時候碗底會剩返啲肉燥，呢個時候可以加飯，將剩餘嘅肉燥食埋😌 如果女仔食中碗嘅面會比較好，會仲有胃口加飯，食埋都唔會過飽👌🏻

拉麵迷又有多一個選擇喇😋，而且今次既東京過江龍拉麵有別於傳統拉麵或沾麵，反而主打台式肉燥乾拌麵，日台合壁，唔知會唔會有驚喜呢😋？-✨餐廳提供 8款撈麵 + 1款拉麵，價錢最平$79，最貴都係$109，另外仲有 迷你丼飯同 小食。撈麵有兩個size揀，L既麵底喺220g，M就150g。麵條🍜賣點在於自家新鮮手製麵條，使用日本配方，以優質全麥麵粉製作，所以麵條帶有麥香味，較煙靭彈牙，亦幾掛汁！-☗ 正宗全料東京撈麵 M$99/L$109 👅 8.4/10必食‼️全料有12款配料，包括叉燒、溫泉蛋、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉及小麥麵～好足料呢😋 麵條較粗身、富麥香味，食落煙靭彈牙，亦好掛汁；慢燉叉燒看似平平無奇，但入口嫩滑，豬肉味重，有少少似港式叉燒；跟住佢地既食法去試，層次分明，大大滿足！如果再大胃啲，記得同店員添米飯呀🤣！☗ 24月熟成芝士撈麵 M$99/L$109 👅 8.2/10邪惡芝士撈麵個人亦私心推介😍😍，用上經24個月熟成嘅芝士，幾濃郁，熱溶過後仲有少少拉絲效果，食落好邪惡但相對較膩，加少許玫瑰露果醬 可以中和膩感！如果女士們食，建議嗌M Si

Lunch time經過KOKORO Mazesoba本身以為賣沾麵，但經向店員了解原來是售賣一種叫Mazesoba的日式撈麵。 下午茶餐性價比很高，點了經典的原味東京撈麵餐$59，麵質彈牙，配料有辣肉醬、韭菜、蔥、蒜、紫菜、生蛋黃，調味粉感覺有點像家庭式湯料果類大地魚粉和昆布左右的味道。 跟據店家提供的食法-》先把醬料攪拌均勻-〉吃了三分一之後可以加入黑椒-》再吃了三分二加入秘制香醋-〉吃光麵底之後店員會給一小碟白飯撈剩下的醬。整體來說口感好豐富，味道有層次，最喜歡是三分二時加的香醋，微酸又有點昆布味，中和了一開始的重口味，吃完感覺清新不油膩。

東京撈麵食過未呢？好特別😆KOKORO嘅東京撈麵有以下食法四部曲：1. 把醬料攪拌均勻2. 享用三分一後，添加黑胡椒3. 享用三分二後，添加KOKORO秘製香醋4. 吃完撈麵後，可免費加入白飯， 並攪拌成肉燥飯🏷柚子鹽味撈麵(冷,M)($79)充滿柚子香味，撈汁有好多，唔算咸。撈麵偏硬身，有咬口。配料有四塊雞肉、紫菜碎、蔥花、竹筍、火箭菜，同埋生蛋黃一隻。撈勻晒所有配料之後，小編感覺唔見咗隻蛋黃嘅味道🤣，不過有濃厚嘅柚子味和紫菜味，總之一開始唔撈甘勻🤣。食完三分一之後加入黑胡椒，加完之後更惹味😋，食多三分一之後已經有少少飽，喺呢個時候加入KOKORO秘製香醋，酸酸地，好開胃🤤。小編無再額外添飯，因為食完已經好飽😚。原本唸住食下午茶套餐，不過店員話week days先有下午茶套餐💁🏻‍♀️。*午餐*免加一服務費

日本🇯🇵過江龍麵店平時拉麵沾麵都聽得多日本撈麵真係比較少聽🥢加上之前睇過오빠食，好吸引😍😍我大概3點鬆去到都有人排隊但好快就入到啦，等左大概20-30分鐘撈麵分別有兩個size，大碗220g，中碗150g。加上店家已經印有4個階段既食法介紹如何一步一步享用撈麵叫左一杯烏龍茶，幾大杯正宗全料東京撈麵($109-L)味道：🌕🌕🌕🌕🌗評價：全料顧名思義咩材料都有，值得一讚係佢啲叉燒一口一粒口感豐富。唔會好硬柴柴，比較爽口。而味道上面，可以話係超級豐富，入口後帶有一點辣味。嘗試加黑椒，秘製香醋。風味更增加，但唔加麵已經好好食。可以按照自己嘅口味調整。而最後加左飯，分量剛剛好，一隻豉油碟嘅大細。一碗麵能夠試晒4個食法😋明太子忌廉撈麵($89-M)味道：🌕🌕🌕🌕🌘評價：明太子味道唔算突出，第一口比我嘅感覺有啲似食西餐明太子忌廉意粉。風味上偏向西式。另外，分量上中size，剛剛好，食晒麵可以加飯。完美句號如果唔想排隊嘅朋友，建議可以下午3:30後入座，人流比較少 。因為我食完之後就無人排隊lu

平時拉麵食得多，首嘗日式撈麵，又幾驚喜。鋪面裝修簡潔，幾闊落似日式西餐廳，職員服務都好好。今次叫左日式叉燒撈麵和雞白湯拉麵。撈麵醬汁好濃郁，每一條麵都掛滿醬汁，而且十分彈牙，口感非常好，佢有四個步驟俾你跟，食到3分之一加黑胡椒，整體上個辣味有提升，之後食到3分之二加香醋，中和左個油膩感，因為食到尾比較多醬汁，會有少少滯，到最後再加白飯，但已經好飽所以無試。至於雞白湯拉麵都唔錯，湯底幾濃郁，不過個人喜歡粗麵，佢隻拉麵是幼身，但整體味道係唔錯。