鹵家

营业中

休息中

呢間唔起眼嘅小店我係YouTube 見到唔少KOL 都有介紹過…行開元朗同家人一齊試下，叫左醉雞卷、叉燒、苦瓜、米線、鴨舌等等。問心 每樣我都好鍾意。醉雞卷：有適宜嘅酒味 淡淡肉叉燒：少少燶邊 好香 肥瘦適中苦瓜：少量苦味 所以有陣話梅嘅酸酸地 幾開胃Encore 左幾次，有時經過都會買啲返屋企加餸高度評價！不過座位唔多，要食嘅話要睇時間，有時要排。但姐姐嘅態度好好🤝🤝 家嘅感覺喂 今時今日咁嘅小店 值得支持！地理位置可能不太方便，google 下先搵到

做完野到附近搵食，經過鹵家，見好耐無食過燒味，不如就食佢啦。下午茶時段都咁爆，一定有保證，加上餐牌又唔貴，五十幾蚊個午餐好合理。點左兩個午餐同小食，午餐可以揀住家老火湯或餐茶，見隔離湯個湯好似唔錯，就要湯啦，是日係粉葛赤小豆扁豆排骨湯。個湯好夠熱，足料味濃，原始嘅老火湯味，好有家的感覺，好耐無飲過一碗靚湯了，午餐送咁高質嘅靚湯好抵，強烈建議揀湯唔揀餐茶！自己點左食神叉燒飯，叫得食神就預左有隻蛋，睇下啲叉燒係咪真係食神級先。叉燒半肥瘦入口軟腍，外邊脆口嘅，無筋無渣係得喎！調味微甜帶焦香，淨係個顏色就夠吸引啦，好味好味。唔好睇佢好似半碗咁，其實入面好多飯，啲飯吸左叉燒汁同蛋汁勁好味，簡簡單單一碗叉燒飯已經好滿足。朋友點左袐汁鹵家鴨，個賣相得喎，五十幾蚊咁大碟仲送飯？會唔會太抵食？！鴨肉鮮味，唔肥唔會咬落一口油㗎，仲係大部份肉添，得少少骨好正，鹵汁香口不死鹹，好正，直頭要攞黎撈飯。附送的白飯，超大碗又有飯香。仲加左份酒仙醉雞卷，見好多枱都叫一定係名物，梗係要試埋。雞卷啖啖肉好正，酒香不苦澀調味剛好，讚！最後仲有話梅涼瓜片，隔離枱力推呢樣又點黎試試，賣相就好靚啦。鹹鹹甜甜好有話梅味，涼瓜片好爽

「鹵家」，係一間中菜小菜館，由五星級酒店老師傅主理，主打少味精。當中既話梅涼瓜片、酒仙醉雞卷、叉燒非常之出色！😋😋😋1. 蓮藕豬骨湯完全無味精！豬骨肉都煲到冧哂，好出味，有住家老火湯既感覺！2.話梅涼瓜片😋😋😋涼瓜片好爽，有話梅既酸甜味完全蓋過涼瓜既苦味，好正！3.酒仙醉雞卷😋😋😋雞卷既酒味好突出！無骨之餘，每件醉雞都係一樣樣！高質！4.食神叉燒飯😋😋😋😋😋超好味！豬肉無羶味，肥瘦適中，調味係一種好簡單清甜既感覺，同坊間既化學調味叉燒完全唔同！5.皇牌鴛鴦飯選擇要左鹵鴨、燒鴨。燒鴨皮好香，鴨肉肉質不錯😀食完呢餐完全唔會口渴，又唔油膩，但非常好味，可以Encore！

📍「鹵家」- 元朗今次食食食之旅黎到元朗😌呢間小店係👦🏻👧🏻嘅飯堂之一，有時想食住家菜或者燒味就會過嚟食🤩🤣雖然只係小店，但係性價比好高，仲充滿人情味🥰❤️📷餐廳位於教育路，雖然店面比較細，座位逼咗少少🤏🏻，但係老闆娘同店員服務態度非常好，而且好細心，見我哋無位放袋，會專登拎張林凳仔俾我哋放，人情味十足🤗🥰🍴蜜汁叉燒皇配米粉💰HK$76✨推薦指數：10/10呢度嘅叉燒真係好好食😋外表色澤鮮嫩均勻，肉質偏瘦（👧🏻鍾意瘦叉🤣），蜜汁搽滿外皮再去燒，所以外身燒到少少焦燶，好香口🤤咬落去肉質軟腍入味，一啲都無油膩感！🤩底下仲有芽菜，吸收哂蜜汁好入味，都好好食😋😋😋佢嘅米粉唔係平時食開嘅直幼條米粉，係曲身，有啲似公仔麵😛米粉面頭加上麻油、粟米同蔥花，令到成碗米粉好香，擺碟又靚😇🍴梅子脆燒鴨配白飯💰HK$68✨推薦指數：8/10一上到嚟見到個燒鴨好大份🤩燒鴨外皮色澤均勻，食落肉質鮮嫩，而且好入味！😋不過就唔覺佢嘅外皮係脆口，梅子味都唔算好出🙈燒鴨底下都有芽菜，配上滷水汁，非常入味😋不過👧🏻覺得蜜汁叉燒嘅汁配芽菜更好食🤤👦🏻就用咗燒鴨嘅滷水汁撈飯食，結果成碗飯食哂😗🤣🍴酒仙醉雞卷💰HK$48✨推薦指數

舖頭喺教育路，小小既店鋪之前經過已經見到成日有人排隊之後有一日睇YouTube有人介紹原來係由前五星級酒店大廚打理⭐️⭐️聽到覺得好吸引🤤是日老火湯：🥣每位客人都會比一碗是日靚湯當日我地食果碗湯係～猴頭菇南北杏蜜棗紅蘿蔔粟米豬肉湯可以健脾胃，提升抵抗力真係好有住家湯嘅味道酒仙醉雞卷 $48醉雞卷係冷盤，作為飯前開胃小食上面會附上蜜棗，即刻覺得健康咗😹😹醉雞卷份量好多，係用花雕酒醃製，都吾算好重酒味，可以接受雞肉好嫩滑👍🏻蜜汁叉燒皇 $76 🐷叉燒一定要點首先佢嘅蜜汁係超好食🤩唔會太甜，撈飯食一流🍚叉燒每一舊都係半肥瘦肥瘦非常平均，口感超好🤤🤤🤤佢瘦既部分又吾會有好柴既口感一定要再encore👍🏻👍🏻秘汁鹵家鵝 $88 🦆因為想食鵝，就+$20就可以由鴨轉鵝滷水汁唔會太鹹，淡淡的香味，食到最後嗰舊，都唔會覺得厭倦係佢地特登調醬汁鵝既份量好多，舊舊都係靚位鍾意食滷水，燒味既朋友必定要黎試下等位時間都唔需要好耐，上菜都好快👍🏻👍🏻

鹵家 (元朗)元朗教育路68號兆豐樓地下10及14號舖蜜汁叉燒皇 $76叉燒皇厚切，啖啖肉，梅頭肉軟腍鬆化得嚟有口感！唔梅！ 肉同脂肪比例啱啱好，少少燶邊夠焦香，蜜汁甜又有玫瑰露香，叉燒入晒味 👍🏻酒仙醉雞卷 $48醉雞卷軟腍，有花雕酒香夠濃，但唔嗆喉！杞子經花雕酒腌製得入味，咬落有杞子清甜及酒香子薑鴨子煲 $73鹵水鴨入味，又保留到鴨本身嘅鴨肉味，但唔羶！ 配埋子薑煲自家調配的濃郁醬汁，好適合送飯食住家老火湯 (配套餐+$25，單點 $30)佛手瓜栗子南北杏甘荀豬骨湯，一飲就知果然如店家標明一樣，純無味精！連鹽調味都少，但老火湯依然好夠味！清甜！ 甜味來自佛手瓜、栗子、甘荀、粟米的天然蔬菜清甜😋👍🏻

鹵家係我元朗飲食地圖之一，今晚終於試到～聽講蜜汁叉燒王係鹵家招牌菜，燒味之中我最鐘意食叉燒，因為外面好難先食到好食嘅叉燒，呢個不得不試！叫左個蜜汁叉燒王套餐。先講是日老火湯，好有媽媽嘅味道😚，足料夠味，飲得出無味精。蜜汁叉燒帶少少燶邊，肥瘦均勻，最怕食瘦柴乾爭爭；呢個恰到好處，而且不是太甜，食到豬肉嘅質感。另外一個招牌菜，坊間好少見嘅話梅涼瓜片，同行朋友好怕食苦瓜；我遊說佢不如試下啦😆😆 果然一食愛上😍 甘苦中帶點酸甜，入口爽脆，味道好特別，係一道開胃小菜👍🏻👍🏻👍🏻天氣凍凍地，最後叫左個子薑鴨仔煲，+$25就有個老火湯。呢個煲搞到我食晒成碗飯😅，煲內有我最愛嘅子薑，酸酸甜甜好開胃呀😎~ 個煲鴨肉好多，而且仲保持嫰滑多汁。值得一讚，樓面姐姐好有禮貌😊因為第一次黎，主動介紹招牌菜。雖然八點幾先入座，中間仍然好不斷有人幫襯，呢到可能成為我將來嘅飯堂。😜

叫外賣就叫得多，今日第一次嚟食晚市堂食。未夠7pm已經坐無虛席，當然係元朗嘅人氣餐廳。晚市嘅選擇都好多，我哋叫咗子薑鴨子煲、酒仙醉雞捲、最重點係叉燒王：仲可以叫到燶邊肥叉，十分期待。首先上枱嘅係兩碗例湯：佛手瓜栗子南北杏甘筍豬骨湯——見到啲湯料都好足，飲落去都唔覺得有味精。酒仙醉雞捲——醉雞捲係呢間餐廳嘅名物，整嘅步驟比較繁複，一拎出嚟呢已經聞到好香嘅酒味最重要雞幼嫩同埋夠凍。叉燒王——果然名不虛傳，之前通常都係食滷水同埋雞，落單同阿姐講要肥叉燶邊，晚餐時間咁繁忙，居然都俾到，服務一流。叉燒好好味，切得厚薄適中，外面少少燶邊，裹面又嫩又juicy,配埋叉燒汁，送飯一流。子薑鴨子煲——酸薑加埋鴨子嘅味道原來係咁配合，又係配白飯嘅最佳之選。正值今晚街上天氣寒冷，個煲拎出嚟嘅時候仲熱辣辣起晒煙，睇嚟冬天繼續都會去鹵家呢間飯堂。

來過元朗都知道，除了街頭人山人海，食肆林立，各式各樣應有盡有。以往過來多數吃甜品，屯馬線通車後來元朗更加快捷方便，今次就同朋友來這家飯店吃晚餐精美晚市套餐選一款小菜+白飯及住家老火湯各一▶️蜜汁叉燒王 - 用上梅頭最靚部位梅頭芯，紋路分明，看似沒有半點肥膏，中間筋位食落鬆化，蜜味甘香，表面更帶有焦香，比一般坊間做得更出色▶️秘汁鹵家鵝🦢(餐牌+$20可轉鹵鵝) - 鵝皮色澤透亮，鵝肉夠嫩多汁，好的鹵水汁吃不出香料味，這個做到之餘，味道不會過鹹，好啱現今愛吃又愛美麗的人▶️話梅涼瓜片 (另加嘅小食) - 一向少吃涼瓜，原因簡單就是味苦，見到這裏的小吃用話梅做的涼瓜就叫來試吓。涼瓜口感爽脆，味道甜甜酸酸好醒胃，吃不出半點苦味，不自覺地吃清光▶️是日例湯 - 蓮藕章魚花生眉豆湯🥣豬骨的肉味，章魚的鮮甜味，再加入蓮藕、淡菜花生眉豆等豐富材料，飲落特別清甜

對鹵水，冇特別留意。鹵味聽落似乎就係一堆味精集結而成嘅味道。不過元朗國朋友大力推介呢間小店，標榜冇味精鹵味同燒臘。食過，味道唔死咸或搶喉，鍾情食鹵味嘅朋友可一試。冷盤見好多人都叫呢個 #酒仙醉雞卷，酒香冇話好濃烈，個人私心當然想重味啲。酒同調味比例尚可，至於個雞卷口感肉質結實，大大件好「均真」！有啲似食緊啫喱咁，唔油膩，加埋個杞子做點綴，入口咬到杞子滲著淡淡清香。再追加多2款主菜，一個係 #鹵水燒鵝脾，好大件鵝脾好震憾眼球！肉質比平常食到嘅鵝肉更扎實，因為唔係燒鵝脾，所以外皮冇咗香脆口感，反而係有啲煙un，脂肪唔算好多。啱我呢個要食又怕肥人士！最後係店員推介嘅入冬限定菜式 － #子薑鴨仔煲，話好補身暖胃喎！ 子薑酸店開胃，鴨肉十十弓心稔入味爽口，鴨味唔算好濃，但個汁好出色，而且一樣都係超足料！P.s. 值得一讚佢個例湯，好有阿媽煲嘅老火湯feel，清甜冇味精！

對鹵水，冇特別留意。鹵味聽落似乎就係一堆味精集結而成嘅味道。不過元朗國朋友大力推介呢間小店，標榜冇味精鹵味同燒臘。食過，味道唔死咸或搶喉，鍾情食鹵味嘅朋友可一試。冷盤見好多人都叫呢個 #酒仙醉雞卷，酒香冇話好濃烈，個人私心當然想重味啲。酒同調味比例尚可，至於個雞卷口感肉質結實，大大件好「均真」！有啲似食緊啫喱咁，唔油膩，加埋個杞子做點綴，入口咬到杞子滲著淡淡清香。再追加多2款主菜，一個係 #鹵水燒鵝脾，好大件鵝脾好震憾眼球！肉質比平常食到嘅鵝肉更扎實，因為唔係燒鵝脾，所以外皮冇咗香脆口感，反而係有啲煙un，脂肪唔算好多。啱我呢個要食又怕肥人士！最後係店員推介嘅入冬限定菜式 － #子薑鴨仔煲，話好補身暖胃喎！ 子薑酸店開胃，鴨肉十十弓心稔入味爽口，鴨味唔算好濃，但個汁好出色，而且一樣都係超足料！P.s. 值得一讚佢個例湯，好有阿媽煲嘅老火湯feel，清甜冇味精！

𓊦蜜汁叉燒王叉燒充滿焦香，肥瘦肉均勻，肉質軟腍！𓊦酒仙醉雞卷酒香入味得黎又唔會太搶喉，雞肉卷夾埋雞皮同少少肥嘅位置，口感好順滑𓊦梅子脆燒鴨燒鴨肉質好嫩，肥瘦適中，但食唔到梅子嘅味道，不過滷水味好香，墊底嘅芽菜入晒滷水味，好好送飯！𓊦特製鹽香雞鹽香雞相比之下唔算特別，肉質味道都正常發揮𓊦話梅涼瓜片涼瓜片甘中帶甜，完全無平時涼瓜有嘅草青味，好特別！餐廳平日晚市都非常繁忙，但店員服務有禮，值得一讚！

元朗不嬲出名多好嘢食🤣今日係元朗行街行行下肚餓，朋友話想食燒味，就search 咗呢間～一入去已經好多枱客人幾好生意味道應該都唔會差😆整體評分：7/10環境：6.2/10服務：6/10人均消費：$50-100地址：鹵家 (元朗)元朗教育路68號兆豐樓地下10及14號舖住家老火湯：每日唔同，今日係牛蒡粟米紅蘿蔔豬骨湯，好濃好好飲😋食神叉燒$ 56（包湯或飲品）：叫得食神叉燒相信佢對自己嘅技術一定好有信心🤣梗係要試吓～又真係幾得喎🤩蜜汁醃製得好入味，叉燒半肥瘦，厚薄一致，外焦內嫩，仲有濃邊好惹味！皇牌鴛鴦飯（豉油雞+燒鵝雙拼）$78:幾欣賞佢呢個，豉油雞好入味，又唔會好霉，而且雞唔會好肥！而燒鵝嘅皮燒得好脆，咬落有油香四溢話梅涼瓜片（$ 32）：我其實唔鍾意食苦瓜，純粹朋友想食，不過咬左啖有驚喜，味道酸酸甜甜，完全唔苦！絕對會對苦瓜改觀

入開元朗搵朋友就係附近食埋野，最近食得多日本野，所以今日就食番啲港式小菜，家常便飯。🧡蜜汁叉燒王🐷配白飯🍚$76聽店員講呢到啲叉燒好出色，所以就聽佢推介揀左。叉燒肥瘦均勻，蜜汁味搽滿係成個外皮，外面就燒到少少燶邊，燒得超靚！咬落去完全唔會乾同鞋，正！果然值得推介🧡子薑鴨子煲🦆配白飯🍚$73凍凍地食番個鴨煲就啱晒，薑片唔會太辣，個汁帶甜味而且濃郁，就咁用汁撈飯食都好正。鴨肉都有好多件，但鴨唔算大隻，厚肉會更加正🧡話梅涼瓜片🥒 $32係出面都未試過呢味餸，所以叫黎試下。味道甜甜地，仲有少少話梅酸味，食落完全唔苦，帶甘味，唔講唔會覺得佢係苦瓜，幾特別🧡住家老火湯🍲今日去就係冬瓜薏米排骨湯，夠熱，飲得出冇味精，飲完唔口渴平日黎都唔少人，算係一個幾方便同埋味道幾好嘅小菜餐廳，下次想試埋佢個醉雞卷

#元朗要去辦點事, 之後約媽媽一齊食晚飯👯‍♀️! 6:30pm 路過已經坐滿客, 好明顯好值得一試! 🐖蜜汁叉燒皇 $76 ~ 必點! 叉燒肥瘦適中, 肉質好腍好滑, 焦香多汁, 又細又嫩! 淡淡的玫瑰露酒香, 件件切得厚身, 甜甜的味道! 底下墊有芽菜, 吸收晒醬汁味道, 超讚! 🦢秘汁鹵家鴨 $68 + $20 轉鹵鵝 ~ 比較喜愛食鵝多過鴨, 既然有得選擇, 就梗係轉鵝啦! 肉質細緻嫩滑, 外皮唔肥夠爽身, 底下同樣墊有芽菜, 吸收滿滿鵝油, 另一番風味! 最特別係一邊鵝肉, 一邊係鵝片, 一次過迎合不同喜好! 🦆海蜇醉鴨舌 $68 ~ 好濃的酒香味, 但食落唔嗆喉! 鴨舌好滑、好腍、好入味, 海蜇好爽口, 份量比想像中多, 讚! 🍲必點住家老火湯! 猴頭菇南北杏椰子蜜棗紅蘿蔔粟米豬骨湯, 完完全全無味精, 超清甜足料 我唔喜愛飲街外所謂老火湯, 但呢碗, 我飲晒! 🥳連媽媽都大讚的一家食肆, 全無味精, 食完唔口渴, 服務態度好到極點!