馬祖 (海之戀商場)

营业中

休息中

今日約咗Friends 係荃灣西站交收，交收完就同老公去海之戀商場入面個馬祖台灣養生湯麵館打邊爐😋我哋揀198元套餐，湯底我哋揀咗Sukiyuki和蕃茄麻辣湯底，2款湯底都好濃味，特別係蕃茄麻辣湯底，第一次食呢個湯底，真係超級正，夠麻又夠香，仲要有香濃蕃茄味😋老公排得好靚，呢到最正係有我至愛的芝士竹輪卷，係超市都要賣25蚊5粒，呢間餐廳真係揼本😋Prime Grade牛肩胛肉放題套餐 $198最實惠之選，坊間大多放題都用次一級的Choice Grade牛肉，而Prime Grade則是品質最佳的美國牛，套餐亦包括西班牙無激素豬肉片，以及自取配料中的沙茶牛肉、雞腿肉和魚柳，選擇非常多👍🏻打邊爐放題配料當然要多，餐廳特別引入台灣特式小吃，有比乒乓球還要大的波霸貢丸、達8吋長的蟹腳棒和源自台灣的米血糕，蔬菜選擇也有約10款，有Super Food羽衣甘藍，也有爽口的鮮萵筍，麵食方面則有稻庭烏冬、台灣手工拉麵、公仔麵3款😋配料選擇超過30款，主要有台灣丸類、蔬菜、響鈴、麵食等西班牙無激素豬肉片好重豬肉味，口感好嫩滑😋飲品方面餐廳非常貼心，供應包裝和罐裝熱飲，由解膩茶類到濃郁可可都有，而凍飲則有

身為米線米，我每星期都會吊癮發作要去食米線，尋日就去咗荃灣海之戀商場地下 - 馬祖台灣到食藥膳米線。黑蒜藥膳農場雞肉米線 (9号餐，$57)麵到了，當然第一啖就係飲啖湯先啦。入口有淡淡嘅黑蒜嘅香味，不其然令我諗起出前一丁 黑蒜油嘅味道 ，哈哈，當然呢個感覺健康得多啦。而米線比較粗身，口感也比一般嘅米線彈牙。碗米線有滿滿嘅紅棗，感覺好滋補。我諗返湯底可能加咗冰糖 ，帶有少少甜味，中和了藥材嘅苦味 ，值得一讚嘅就會雞肉質鮮嫩 ，十分足料，每碗都有雞脾食。藥膳香辣蕃茄湯農場雞肉米線(17 号餐，$59)我朋友食咗第一啖，就彈咗句：幾好食喎。我呢隻為食貓咁就梗係要食一啖一試真假呀啦。食飯記得要注意個人衛生，用公筷鑊啊。如圖所示，面頭有滿滿嘅藩茄，酸酸甜甜味同藥膳嘅苦味沒有相沖之餘反而幾夾 ，意想不到。正因為我認為兩者唔夾所以冇揀到呢個嚟食 。湯底帶有少少嘅微辣，襯托住主，打嘅藥膳，沒有喧賓奪主。整體嚟講 ，馬祖環境舒服寬敞，對住個海岸邊 ，性價比都算係咁，比其他食藥膳米線略勝一籌。

今日諗住去海之戀當真當時行下 見到平時食開嘅馬祖開咗分店佢晚市係做任食打邊爐仲要有藥膳湯同台灣料同埋movenpick雪糕 真心想試不過我哋依個時候係中午 照舊食返佢午市套餐餐廳好周到 入去前一定會同你量體溫準備咗酒精搓手液 仲送埋紙袋畀你放口罩環境乾淨企理 每一張枱都覺得好遠 感覺安全我哋兩個 都叫咗香辣牛肉藥膳手工麵一樣係有六嚿超冧牛肋配三舊蘿蔔湯底亦都冇走樣 睇圖都知好濃好香 分量好多食到勁飽 面爽口彈牙 牛肉冇根煮到好冧好入味唯獨是蘿蔔 稍為唔入味喺呢度飲特飲 只需要八蚊 又大杯又好味另外我叫咗兩個小食 藥膳墨魚卷 味道好好 個湯好香 有好重杞子味 勁健康可能我顧住食麵遲咗食 墨魚卷略嫌淋咗啲瑞士雞翼五隻 勁大隻超入味又甜又juicy 好好食 性價比高

荃灣海之戀商場新開幕，有不少餐廳進駐，食家們又有新的打卡熱點！是日同男朋友行街，肚仔餓要搵食喇，發現呢間新開張的藥膳湯底台灣菜館，餐牌價錢頗為合理，決定一試。我點了「香辣藥膳牛肉湯手工麵」，可以選擇米線或白飯。份量非常大，絕對夠飽肚！手工麵非常有咬口，質感煙靭又彈牙，白蘿蔔入口即融，牛肋條燜至非常軟淋！藥膳湯底非常鮮美滋補，飲多幾啖都唔會口喝，真材實料，無人工香精。我當然成碗飲晒啦！男朋友點了「藥膳養生湯墨魚春卷拼白菜豬肉餃米線」。湯底同我果碗比較，唔辣，更加食得出濃濃嘅藥膳湯底的味道，仲有勁多健康木耳。餃子皮略厚，口感豐富， 白菜豬肉比例均匀。額外點了兩杯餐飲，一杯咖啡，一杯柑桔檸檬特飲，都只係加多 $8，價值親民。平時食得多煎炸野，想養生健康，值得一試。

自從有左「邊爐家族」事件後，作為火鍋控既我，依家對於食火鍋都特別注重清潔及衛生。今次去既火鍋店，就絕對合乎我清潔衛生既個人指標👍·早係海之戀商場未全面開業時，我已經俾佢既店名及招牌吸引住，而且佢仲係主打一人一鍋火鍋放題，唔怕筷子叉來叉去交叉感染，於是喺佢一開業就即刻去咗食啦🤤·90分鐘晚市火鍋放題，價錢由$178至$458不等。 火鍋店打正旗號為《全港首創台灣藥膳養生火鍋放題》 共有九種不同獨特湯底以供選擇，我同朋友分別揀左“藥膳椰子清雞湯”及“ 藥膳蟲草花桃膠雞湯”，齋聽個名已經感覺到有幾滋補養生，啱哂貪靚既女士們😚·美國極黑和牛肩脊肉放題套餐 HKD$308- 美國極黑和牛肩脊肉- 西班牙伊比利亞黑毛豬- Prime Grade牛小排- Prime Grade肩胛肉眼- 西班牙無激素豬肉片- 台灣沙茶牛肉(自取)- 精選雞腿肉(自取)- 深海魚柳·極黑和牛顏色粉嫩，油脂層次分明，肉質軟綿，而且刨得好薄，入口鬆軟延綿，就好似緊綿花咁，好幸福的感覺😍😍 而配料有近40款選擇，真係有啲選擇困難🤤 仲有好多地方無既台灣火鍋配料添😋 當中必揀拳頭咁大粒既波霸貢丸🤩、足八吋長蟹棒、少有既甜

搬咗入屯門懶咗出市區🤣同朋友約會都要揀西鐵沿線❣️發現原來荃灣西海之戀都好多嘢食選擇🧐最後我哋決定食養生火鍋順便補一補增強抵抗力❣️我哋揀咗$308套餐❣️包咗4款肉👍🏻美國極黑和牛肩脊肉✅西班牙伊比利亞黑毛豬✅Prime Grade肩胛肉眼✅西班牙無激素豬肉片❣️剩係聽個名都覺得性價比高👍🏻湯底方面每人一鍋❣️夠哂衛生安全👍🏻入正題❣️🔺藥膳花雕清雞湯🔺剩係聞都聞到好濃嘅花雕酒味❣️飲落去不得了好補嘅感覺喉嚨仲熱熱哋🤣🔺藥膳椰子清雞湯🔺湯底係奶白色👍🏻好清甜而且好香椰子味👍🏻🔺美國極黑和牛肩脊肉🔺好味到唔識講🤣好嫰滑❣️🔺西班牙無激素豬肉片🔺話明無激素食多多都唔驚👍🏻啲肉一啲都唔鞋❣️🔺Prime Grade肩胛肉眼🔺幾有咬口👍🏻🔺西班牙伊比利亞黑毛豬🔺有少肥但唔會膩❣️✅推薦配料✅🔺墨汁香腸🔺 入口有啲墨魚粒👍🏻🔺米血糕🔺超中意🤣好似平時食開嘅米腸❣️有糯米個種咬勁👍🏻但食完又唔癡牙👍🏻正❣️🔺台灣腸🔺 腸皮好煙韌但又唔油膩👍🏻🔺墨魚腐皮卷🔺呢個幾特別未食過❣️用腐皮包著啲墨魚滑❣️仲有唔少墨肉粒彈牙得嚟口感好豐富👍🏻🔺芝士竹輪🔺呢個啲芝士多到爆漿🤣勸各位食之前最好吹下先如果唔係就會好似我咁辣親咀唇🤣🔺雞胸肉

呢間餐廳非常講究衛生，值得一讚，入場前先幫食客探熱，用搓手液搓手，仲會提供埋信封比客人放口罩，每位侍應都戴上口罩👏🏻我哋今日叫嘅係$308可以食美國prime grade肩胛肉眼同埋美國和牛，仲有西班牙無激素豬肉片同埋黑毛豬，淨係食材既產地來源嘅質素已經好令人滿意，食物更加係非常之有驚喜，牛肉咬落有好香嘅牛味，同埋肉質非常之林！牛肉無限encore，追加都好快手，落單後一分鐘後就再有牛肉上🥰雪糕係movenpick任食！平時去酒店嘅自助餐都未必係movenpick既級數，另外仲有dryers 甜筒🍦自助吧裡有特色又好食嘅嘢食：波霸貢丸，羽衣甘藍，甜不辣，沙茶牛肉，深海魚柳，魚腐，米血糕，芝士竹崙，萵筍同埋花枝丸。飲品嘅種類非常豐富，凍/熱，汽水不同的茶，韓國飲品（橙汁，忌廉牛奶）都有。侍應們除咗有禮貌，好有笑容，比左個卡位我地坐，坐得舒服食得開心👏🏻

🥢荃灣一人一爐藥膳養生火鍋放題🥢呢排成日行荃灣donki 掃貨返屋企食，難得出到去，咁啱經過見到一間新開的主打養生一人一爐火鍋，感覺上因為無咩人食，又有大卡位，感覺有空間感，呢個時勢一人一爐感覺更衛生🥢$178 起 90分鐘成人火鍋 🥢湯底一共有9款，今次選了藥膳蟲草花桃膠雞湯，藥膳台灣麻辣湯，湯底很濃郁，兩款湯底食完覺得有啲似，日式壽喜燒湯嘅感覺所以係比較甜的湯底🥢今次選了中間價錢prime grade 牛肩胛肉，除了包括牛肩胛肉，仲有款西班牙冇激素豬肉片，兩款肉質都唔錯，肉質好柔軟🥢其他食材就一分別放在另外兩個開架櫃入面，一眼睇曬，最特別是有台灣米血糕，仲有我最鐘意的巨根蟹柳🥢有多款汽水提供，而且最正係有任食Häagen-Dazs , movenpick 雪糕，仲有幾隻味道揀架🥢入門口時店員會為你探熱，和消毒雙手，感覺衛生🥢雖然食材嘅款式唔多，最重要係冇海鮮，最意食海鮮的人士可能要注意，兩款肉類真係幾唔錯，肉食朋友可以一戰馬祖台灣養生湯麵館 地址: 荃灣大河道100號海之戀商場地下G03號舖 

一直都知道呢間養生湯麵館係港島有店舖🏠主打養生湯麵 新年假期間經過海之戀呢間新開嘅分店主打養生放題邊爐 幾吸引🙈.🐮美國極黑和牛肩脊肉放題有9款湯底選擇其中8款都好養生滋補🥣小編揀左藥膳蟲草花桃膠雞湯🐣超多大大粒嘅桃膠 小編表示好歡喜🤤🤤不過湯底偏鹹少少 就算加湯都會係加返藥材湯可以話係幾真材實料但同時唔能夠減到個鹹味🤏🏻牛肩脊肉、黑毛豬肉質素都幾高入口非常之嫩🤤同行朋友仔不斷encore 小編反而非常鍾意自助吧拎嘅雞肉🍗醃到非常入味 而且全部都係雞脾肉😍大大件而且啖啖肉😋自助吧仲有唔少台灣特色打邊爐材料🥤米血糕、甜不辣、羽衣甘藍、八吋長蟹棒等飲品方面都有唔同來自韓國同台灣嘅特色飲品而且仲有熱櫃熱住 啱晒身子弱嘅小編🥶最後最後仲有四款movenpick 嘅雪糕😋都係一個回本位🤣.呢個$308嘅套餐總結來講都不錯吃性價比高啲嘅仲有一個$198放題套餐 去開荃灣西站可以考慮下呢一間打邊爐😌

大家而家都好驚打邊爐！但係如果一人一鍋嘅打邊爐，我又覺得食得過喎！琴日同屋企人去咗呢一間餐廳打邊爐！一人一鍋就唔使驚感染！我哋揀咗$198套餐，有得任食牛、豬、雞、魚！亦都有好多唔同嘅菜同丸！飲品方面都有唔少嘅選擇亦都有一啲暖嘅茶同朱古力可以飲！打邊爐佢嘅醬料一定唔少得！佢醬料嘅配料都好多！而且佢嘅雪糕亦都有唔同味嘅movenpick揀！我自己都忍唔住食咗兩杯！佢啲牛同豬份量好多而且係任食，好抵！！個人覺得佢嘅丸同腸類都好多選擇！有台灣腸、甜不辣！亦都有成隻手臂咁長嘅蟹柳🤣🤣

荃灣西有很多新商場新開今晚就去行一行，到了荃灣西C2出口，就馬上是海之戀商場入面是食街，有很多餐廳聚集在一起.一轉角就見到”馬祖台灣養生”餐廳隔着玻璃窗見到一人一小火鍋有趣，原來是火鍋放題！.有不同價錢，主要分別是肉類，其他火鍋配料、飲品、雪糕都一樣任食。.我們選了$198 套餐，有Prime Grade 肩胛肉眼牛肉任食！牛肉新鮮，而且不會太肥，有香濃牛牛味，是靚貨！湯底有很多選擇，都是很滋潤養生的，我們都選了 藥膳蟲草花桃膠湯底。湯很足料，有大大塊桃膠，藥膳味十足但又沒有中藥的苦，很適合來打邊爐！.其他火鍋配料有很多，不少丸類都別具特色。飲品有熱有冷，應有盡有。最開心是Movenpick 雪糕任食！

終於去左荃灣激安行街，發現新開嘅海之戀商場多左好多新餐廳🤩，最後凍凍地就選擇左呢間台式藥膳火鍋，標榜養生火鍋所以湯底大部分都有藥膳做主打，重點係！一人一鍋🍲！係呢個危險時期，的確會食得安心好多🙌🏻/入座前店員先會探熱同提供消毒酒精清潔雙手，而且全店都設有空氣清新機，衛生程度做得好足💯，價錢分別有五個款式，我就選擇左$198《PrimeGrade肩胛肉眼放題套餐》，湯底就係《藥膳椰子清雞湯》同《藥膳台灣麻辣湯》，前者椰子雞湯底我戴住口罩都聞到勁香濃，配蔬菜類同西班牙無激素豬肉片相當夾🤤，後者麻辣湯辣度有得選擇小辣至大辣，小辣都相當足夠，香濃而不死辣👍🏻，加湯都係會用藥膳上湯絕對唔係加清水，所以會越食越濃味😝/另外多達30款台式火鍋配料可供選擇👀，對比其他火鍋店呢到配料的確比較出色，好似坊間比較少有，芝士竹輪、足8吋長蟹棒、甜不辣、米血糕、台式墨汁香腸，都相當唔錯，同埋放得整齊企理，飲品櫃除左一般汽水🥤，另有暖櫃熱茶提供，黑糖薑母茶、荔枝烏龍茶、牛蒡茶都較少見，回本位最後衝刺一定要食埋Movenpick雪糕😛！/總括選擇$198價錢都相當抵食，牛肉脂肪比例都好平均，一個價錢任飲同任食貴價雪

之前係中環食過呢間養生湯麵已經覺得佢既湯底好正,估唔到佢地踩過界開埋養生湯火鍋！雖然係荃灣西遠左少少但無阻到我追隨美食既決心.呢到採用一人一鍋,鍋底一共有9款選擇由清到濃甚至重口味都有,迎合各人既需要.最近天氣又凍又乾,當然要揀返d養顏少少既湯底啦.藥膳椰子清雞湯既底呈奶白色,飲落好香椰子味而且雞湯底味好濃厚,藥膳味又唔會過濃令到湯底好苦.飲品區雪櫃雖然唔算話好大,但款式絕對唔少.最特別係有埋暖櫃十分貼心.有罐台灣既73%濃可可真係不得了,可可味超濃郁,飲落質感真係帶點杰身,味道唔會過甜帶點可可甘香之餘有微微奶香.晚市90分鐘放題一共有5個套餐,除左肉類係自己點外,其他配料都係自助吧到夾.今次我就揀左$198 prime grade肩胛肉眼同西班牙無激素豬肉片.prime grad肩胛肉眼呈鮮紅色,肥肉同瘦肉分明,肥肉佔大概1/3左右,入口帶有淡淡牛香,牛脂食落唔算好肥膩.基本上鍋底本身夠味,所以唔洗額外加調味都可以.西班牙無激毒豬肉片有驚喜！帶點豚肉香,唔肥得黎咬落有時帶少少軟骨,咬落卜卜脆.除左指定既2款肉外,配料吧另外有3款肉.沙茶牛肉入口帶點花生香,牛肉質地唔會好鞋同韌.雞脾肉

愛吃火鍋的我，停不了的火鍋🔥😊😊任飲任食濃湯藥膳靚料，蟲草花對呼吸系統功效好，桃膠有美容功效，當然不能錯過😋藥膳蟲草花桃膠🐔雞湯——又甜又足料的藥膳湯，清甜清潤對身體好，滋潤養肺，飲完兩碗靚湯先開始慢慢嗼個人火鍋🍲😋藥膳番茄🍅麻辣湯——濃番番茄🍅味道，麻辣分大中小辣，可以按自己喜歡食辣的程度........美國極類和牛肩脊肉——靚料肉質嫰，鮮甜Prime Grade肩胛肉眼——牛肉味道鮮，肉質鮮嫩無比。西班牙伊比利黑毛豬—-西班牙伊比利黑毛豬係上乘靚料，好有🐷的味道，又甜又嫩。西班牙無激素豬肉片—-天然放心食，油脂分布均勻丶有咬口又有口感，鮮嫰肉滑。任食任取的材料豐富又多款式，特長蟹柳，長過對筷子🥢⋯⋯特大貢丸、嘩，成個兵乒球咁大粒，爽口彈牙。沙茶牛肉、魚柳、魚蛋、冬🍄、包心丸、各款蔬菜🥬及多款火鍋配料...........等等。材料款式多不勝數。任飲飲品款式多，服務招標呼週到。

昨天和朋友經過荃灣海之戀商場，看見一間叫馬祖台灣養生湯麵館，感覺好吸引，這裏裝修企理，座位坐得好舒服，他們的抽風系統做到很好，沒有好重火鍋的氣味。這裏是一人一鍋，總共有九個湯底可以選擇，我們選擇了藥膳花雕雞湯，和藥膳田園番茄雞湯。藥膳花雕雞湯上臺時藥材味好濃，在冬天寒冷的天氣食感覺好補身，藥膳田園番茄雞湯，番茄湯好濃，好香，喜歡番茄的朋友不要錯過。牛肉肉味香濃，豚肉片質素也很高。牛肉和豬肉都死任叫任食，而且他們有好多配料可以選擇，其中八吋長蟹柳，波霸貢丸，蟲草花，墨魚腐皮卷，墨汁香腸，米血糕等如飲品選擇亦十分多元化，更加有冷熱選擇。飲品亦有甜和不含糖的飲品選擇。至於雪糕是用獨立杯裝和甜筒的，這樣會比較衛生。總結：馬祖台灣養生湯麵館裝修不單舒服，而且食物質素也很高，亦很喜歡他有很多飲品選擇，甜品雪糕方面亦很揼本，名牌的獨立包裝雪糕。